باس شۋجيدىڭ تاپسىرماسىن ەستە بەرىك ساقتاپ، ساقا جاۋىنگەرلەر رۋحىن جالعاستىرعان قۇمدى القاپتاعى جاڭا اسكەرلەر جاستىق كوكتەمدەرىمەن داڭقتى جالعاستىرا جازدى −
شينجياڭعا تامىر تارتىپ، شينجياڭدى قىزۋ سۇيەتىن جاڭا داۋىردەگى شەكارا قورعاۋشىلاردان بولامىز
رەداكتور ەسكەرتپەسى
پارتيا 18 - قۇرىلتايىنان بەرى باس شۋجي شي جينپيڭ باستان - اياق شينجياڭ سىندى وسىناۋ جەردى كوكەيىندە ساقتاپ، شينجياڭداعى ءار ۇلت بۇقاراسىنىڭ قامىن جەدى. باس شۋجي تالاي رەت شينجياڭ قىزمەتىنە ماڭىزدى نۇسقاۋ بەردى، بەكىتۋ جاسادى ءارى 2014 - جىلى 4 - ايدا شينجياڭدا قىزمەت تەكسەرىپ، تەكسەرۋ - زەرتتەۋ جۇرگىزدى، 12 - كەزەكتى مەملەكەتتىك حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناستى... باس شۋجيدىڭ تاپسىرماسىن ەستە بەرىك ساقتاعان شينجياڭداعى ءار ۇلت كادر - بۇقاراسى العىس ايتۋ سەزىمىن ىستىق ىقىلاسقا جانە قايراتقا اينالدىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرۋدىڭ، تياناقتاندىرۋدىڭ جاندى امالياتىنا اينالدىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋ جورىعىندا اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسادى. بۇگىننەن باستاپ گازەتىمىز ”ىزدەر“ ايدارىن اشىپ، باس شۋجيدىڭ ىزدەرىن بويلاي بىرگە ءجۇرىپ، قامقورلىققا، تەرەڭ سۇيىسپەنشىلىككە العىس ايتىپ، دامۋ وزگەرىسىنە كۋا بولىپ، ەكپىندەي ىلگەرىلەۋ كۇشىن ۇيىستىرادى.
【كورىنىستەردى قايتا ەلەستەتۋ】 2014 - جىلى 4 - ايدىڭ 29 - كۇنى شينجياڭدا قىزمەت تەكسەرىپ جۇرگەن باس شۋجي شي جينپيڭ بيڭتۋان رەفورماسىن تەرەڭدەتۋ، دامۋدى جەدەلدەتۋ سياقتى ماسەلەلەردى ارقاۋ ەتە وتىرىپ بيڭتۋانداعى كادرلارمەن، جۇمىسشى - قىزمەتكەرلەرمەن اڭگىمە وتكىزىپ، پىكىر اۋىستىردى ءارى ماڭىزدى ءسوز سويلەدى.
باس شۋجي شي جينپيڭ بىلاي دەدى: ”بىلتىر 12 - ايدا 14 - شى 47 - تۋانىنىڭ 9 ساقا جاۋىنگەرى ماعان حات جازىپ، وزدەرىنىڭ شينجياڭ جانە بيڭتۋان جونىندەگى ارماندارىن ايتىپ، شينجياڭعا تامىر تارتقان، شينجياڭدى قىزۋ سۇيگەن، تىڭ يگەرىپ، شەكارانى قورعاعان ساقا اسكەرلەر رۋحىن ايگىلەپ، مەنى قاتتى اسەرلەندىردى... پارتيا ورتالىق كوميتەتى بيڭتۋاننىڭ دامىپ، نىعايۋىنا بۇرىنعىداي باسا ءمان بەرەدى جانە قولداپ - قۋاتتايدى، بيڭتۋاننىڭ ەرەكشە رولىن ويداعىداي ساۋلەلەندىرۋىن قولداپ - قۋاتتايدى!“
【سۇحباتتاعى كوڭىل سىرى】 قۇمدى القاپتاعى جاڭا اسكەرلەر: ءبىز باس شۋجيدىڭ تاپسىرماسىن باستان - اياق ەستە بەرىك ساقتاپ، ساقا جاۋىنگەرلەر رۋحىن ويداعىداي جالعاستىرىپ، پارتيانى ءسۇيىپ، وتاندى ءسۇيىپ، جاۋاپكەرشىلىك ارقالاپ، ۇلەس قوسىپ، شينجياڭعا تامىر تارتىپ، شينجياڭدى قىزۋ سۇيەتىن جاڭا داۋىردەگى شەكارا قورعاۋشىلاردان بولۋعا قۇلشىنامىز.
□ انار بۇلت / شينجياڭ گازەتىنىڭ تىلشىلەرى ميھىرگۇل عوپۇر، لي ياڭ
ۇشى - قيىرسىز تاكلاماكان ءشولىنىڭ وڭتۇستىك جيەگىندە شەكاراعا تامىر تارتىپ، ەش وكىنىشسىز شەكارا قورعاعان ءبىر توپ ساقا جاۋىنگەر بار. ولار ”قۇمدى القاپتاعى ساقا اسكەرلەر“ دەپ اتالعان شينجياڭ ءوندىرىس - قۇرىلىس بيڭتۋانى 14 - شى 47 - تۋانىنىڭ شەكارا قورعاۋشى ساقا جاۋىنگەرلەرى. 73 جىلدىڭ الدىندا ”قۇمدى القاپتاعى ساقا اسكەرلەر“ باسىن ءباي تىگىپ، جاياۋ - جالپى ”اجال تەڭىزى“ اتانعان تاكلاماكان ءشولىن ەندەي ءوتىپ، حوتانعا كەلىپ ورنالاستى. كەيىن ولار سەمسەردى سوقاعا ايىرباستاپ، ءشول - جازيراعا تامىر تارتىپ، تىڭ جەر اشىپ اتىز جاساپ، تىڭ يگەرىپ شەكارانى قورعاپ، ادالدىق، تاباندىلىق ارقىلى ساقا اسكەرلەر رۋحىن سومدادى.
ساقا اسكەرلەر قارتايمايدى، رۋحى ماڭگى ساقتالادى. باس شۋجيدى اسەرلەندىرگەن مۇنداي ساقا اسكەرلەر رۋحى سانسىزداعان بيڭتۋان پەرزەنتتەرى مەن وتاننىڭ تۇكپىر - تۇكپىرىنەن كەلگەن اسقاق ارماندى ازاماتتارعا دەم بەردى، ەسىل شاقتاردى زايا جىبەرمەي، ءشول - جازيرادا ارمان قۋدى. ءتىپتى دە كوپ ”قۇمدى القاپتاعى جاڭا اسكەرلەر“ ءىس - ارەكەتتەرى ارقىلى ساقا اسكەرلەر رۋحىن جالعاستىرىپ، اسقاق جىگەرمەن قايراتتانا ۇمتىلۋ كۇيىمەن، مويىماس تاباندىلىقپەن باس شۋجيدىڭ ىقىلاستى تاپسىرماسىن ورىنداپ، كورىكتى شينجياڭ قۇرىپ، وتان ارمانىن بىرگە جۇزەگە اسىردى.
شىن جۇرەكتەن باس شۋجيگە العىس ايتتى
4 - ايدىڭ 3 - كۇنى بيڭتۋان 14 - شى 47 - تۋان 5 - ليانىنىڭ ءبار جەرى جاسىل تۇسكە جانە ۇمىتكە تولدى. ءدال كوكتەمگى ەگىس دايىندىعىنىڭ شەشۋشى مەزگىلىندە ليان - دۇيدىڭ پارتيا ياچەيكا شۋجيى، ليان باسقارۋ كوميتەتىنىڭ جەتەكشىسى ۋاڭ شياۋدۇڭ جۇمىسشى - قىزمەتكەرلەر بۇقاراسىن باستاپ ءىرى تۇرپاتتى اۋىل شارۋاشىلىق ماشينالارى مەن ءوندىرىس قۇرال - جابدىقتارىنا جالپى بەتتىك تەكسەرۋ، جوندەۋ جۇرگىزدى.
”بۇرىن اعا بۋىندارىمىز تىڭ جەر اشىپ، ەگىن سالعاندا يىقتارى مەن قولدارىنا سۇيەنگەن ەكەن، كەتپەن، ءيىناعاش جانە تالدان توقىعان شارباقتار ەڭ قاراپايىم ءوندىرىس قۇرال - جابدىقتارى بولعان، قازىر بارلىعى دا جوعارى ات كۇشىندىك تراكتورلارمەن جەر جىرتىپ، ءىرى تۇرپاتتى ماقتا تەرۋ ماشينالارى ارقىلى ماقتا تەرىپ، GPSپەن ورىن بەلگىلەيتىن تۇقىم ءسىڭىرۋ ماشيناسى، ۇشقىش اپپارات سياقتىلار جاڭالىق بولۋدان قالدى، بۇگىنگى كۇندەگى وزگەرىستەردى، شىنىندا، ويلاپ جەتە المايسىڭ!“، - دەيدى ۋاڭ شياۋدۇڭ تەبىرەنىپ.
ۋاڭ شياۋدۇڭنىڭ ارعى اتاسى ۋاڭ شۋەشيۋ ”قۇمدى القاپتاعى ساقا اسكەر“ بولاتىن. ول وسىندا ءومىر بويى قالدى. ساقا اسكەرلەر شينجياڭعا تامىر تارتىپ، ءبىر ءومىر ءۇن - ءتۇنسىز ۇلەس قوستى.
”سەندەردىڭ دە كوڭىلدەرىڭدى ورنىقتىرىپ، وسى ارانى قورعاۋلارىڭدى ءۇمىت ەتەمىن“، - دەپ تاپسىرعان ەدى ۋاڭ شۋەشيۋ وزىنەن كەيىنگى بۋىندارعا.
تامىر تارتىپ عانا قالماستان، تاعى كوڭىلدى ورنىقتىرىپ، ءبىر كاسىپتىڭ باسىن قايىرۋ كەرەك. 2018 - جىلى 2 - ايدا ۋاڭ شياۋدۇڭ 5 - لياننىڭ پارتيا ياچەيكا شۋجيىنە، ليان باسقارۋ كوميتەتىنىڭ جەتەكشىسىنە سايلانادى. ول ”ەكى كوميتەت“ مۇشەلەرىمەن بىرگە سول جەردىڭ ءىس جۇزىندىگىنە نەگىزدەلىپ، ليان - دۇي ”ەكى كوميتەتى“ + ەگىنشى وتباسى + ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى ۇشتاسقان كومەكتەسۋ - سۇيەمەلدەۋ ۇلگىسىن قولدانىپ، باعىمشىلىق كاسىپتىك سەلبەستىك كووپەراتيۆىن قۇرىپ، ليان - دۇيدەگى جۇمىسشى - قىزمەتشى بۇقارانى تۇگەلدەي جارناگەر ەتەدى. 2020 - جىلدىڭ اياعىندا ءبىرىنشى توپتاعى تايىنشا - تورپاقتاردى بورداقىلاپ ساتىپ، سەلبەستىك كووپەراتيۆىنىڭ كوللەكتيۆ كىرىسى 180 مىڭ يۋانعا جەتەدى.
2021 - جىلى سەلبەستىك كووپەراتيۆىنىڭ كوللەكتيۆ كىرىسى 800 مىڭ يۋانعا جەتىپ، ليان - دۇيدىڭ ادام باسىنا تۋرا كەلەتىن تازا كىرىسى 12 مىڭ يۋانعا جەتتى. 2021 - جىلى 2 - ايدا ۋاڭ شياۋدۇڭ داڭقپەن ”مەملەكەتتىك كەدەيلىكتەن ارىلتۋدان قامال الۋداعى وزات جەكە“ اتاعىنا يە بولدى.
بۇگىنگى كۇندەگى 47 - تۋاندا ءزاۋلىم عيماراتتار قاتارلاسا بوي سوزىپ، جولدارى كەڭ دە ىركىلىسسىز بولىپ، قاداۋ - قاداۋ جاسىل الاپتار تۇتاسىپ، شۇراتقا اينالدى. ونەركاسىپ باقشا رايونىنىڭ بارلىق جەرىندە دۋماندى قۇرىلىس جۇرگىزگەن كورىنىستەر كوزگە تۇسەدى، كىلەم زاۆودى، قاعاز جاشىك زاۆودى، ەكولوگيالىق تاقتاي زاۆودى، بيولوگيالىق تاس كومىر ءوندىرۋ زاۆودى، ماي قۇيۋ، گاز قۇيۋ پۋنكتى، ساقا اسكەرلەر اسەرى قوناقجايى سياقتى نىساندار قاۋىرت قۇرىلىس جۇرگىزۋدە.
47 - تۋاننىڭ وزگەرىسى ءدال بيڭتۋاننىڭ رەفورما جاساۋ، دامۋ كارتيناسىنداعى جاندى كورىنىس. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جوسپارلاۋىندا، بيڭتۋاننىڭ رەفورما جاساپ، دامۋى تەز ءارى ورنىقتى بولىپ، زور توپتاعى كاسىپ سالالارى قۇدىرەتتەنىپ، شوعىرلانىپ، تۇزىمدەر ۇزدىكسىز جاڭالانىپ، دامۋ ومىرشەڭدىك كۇشى مەن قوزعاۋشى كۇشى ءتىپتى دە كۇشەيىپ، جۇمىسشى - قىزمەتشى بۇقارانىڭ باقىت كورسەتكىشى بارعان سايىن جوعارىلادى...
”بارلىعىمىز باس شۋجيگە شىن جۇرەكتەن العىس ايتامىز، باس شۋجيدىڭ شينجياڭعا، بيڭتۋانعا تاعى كەلۋىن ارماندايمىز، باس شۋجي ءبىزدىڭ قازىرگى باقىتتى تۇرمىسىمىزدى كورسە دەيمىز!“، - دەيدى ۋاڭ شياۋدۇڭ.
تاپسىرمانى ەستە بەرىك ساقتاپ، شەكاراعا تامىر تارتامىز
”تەك قىزمەتتى ىجداعاتپەن، تىڭعىلىقتى ىستەپ، شىن ىقىلاسىمىزبەن بۇقاراعا ناقتى ءىس، جاقسى ءىس ىستەپ بەرگەندە عانا، كوپشىلىكتىڭ كۇتكەن ۇمىتىنەن شىعا الامىز“، - دەدى 4 - ايدىڭ 6 - كۇنى 47 - تۋان پارتكومىنىڭ تۇراقتى مۇشەسى، ساياسي - زاڭ كوميتەتىنىڭ شۋجيى داڭ فاڭ.
2009 - جىلى داشۋە بىتىرگەننەن كەيىن، داڭ فاڭ جوعارى مەكتەپ وقۋشىلارىنىڭ باتىس بولىككە ەرىكتى قىزمەت وتەۋ جوسپارىنا تىزىمدەلىپ قاتىناسىپ، گانسۋدان شينجياڭعا كەلىپ، بيڭتۋان 14 - شىسىنىڭ باتىس بولىك جوسپارىنىڭ ەرىكتىسى بولدى.
قىزمەت سەبەبىنەن داڭ فاڭ تالاي رەت 47 - تۋانعا كەلدى. بۇل ارا قۇمدى ءشولدىڭ جيەگىنە ورنالاسقاندىقتان، كليماتى قۇرعاق، ءار جىلى قۇمدى بوراندى، شاڭىتتى اۋا رايى 200 نەشە كۇننەن اساتىن بولىپ، داڭ فاڭنىڭ مۇرنىنان ۇنەمى قان اعاتىن.
”گۇلدەنگەن ءىرى قالالارمەن سالىستىرعاندا، بۇل ارا، شىنىندا، جاپالى، ءبىراق وسىلاي بولعاندىقتان، بۇل ارا كەزىندە ساقا اسكەرلەردىڭ قۇرىلىسقا ات سالىسۋىنا ءزارۋ بولعانىنداي مەنى دە قاجەت ەتەدى. ساقا اسكەرلەر وسىندا تامىر تارتا العان ەكەن، ءبىز نەگە تامىر تارتپاسقا!“. ساقا اسكەرلەردىڭ حيكاياسىن ءار رەت ەستىگەن سايىن داڭ فاڭ ىشتەي بەكىنە تۇسەتىن.
2011 - جىلى 7 - ايدا ەرىكتى قىزمەت وتەۋ مەرزىمى اياقتاعان داڭ فاڭ 47 - تۋاندا قالۋدى تاڭدادى. داڭ فاڭ بۇرىن 2 - لياندە 3 جىل بويى پارتيا ياچەيكا شۋجيى بولعان، قىزمەت بارىسىندا ول باستان - اياق ءار ۇلت بۇقاراسىنىڭ حال - جاعدايىن ويىنان شىعارمادى.
جۇمىسشى جاۋ چۋانليدىڭ وتباسى كەدەي بولعاندىقتان، بالاسىنىڭ وقۋ قاراجاتىن تاپسىرۋعا امالسىز قالعان كەزىندە داڭ فاڭ جۇبايى ەكەۋىنىڭ ۇزاق ۋاقىت تىرناشتاپ جيعان، جاڭا ءۇي ساتىپ الۋعا دايىنداعان 40 مىڭ يۋان اقشاسىن ونىڭ قولىنا ۇستاتادى؛ جۇمىسشى مامەت ماحسۇتتىڭ ۇلى جاقسى وقىماي، ورتالاۋ مەكتەپتى بىتىرگەن سوڭ وقۋدان قول ۇزگەندە، ول تالاي رەت ونىڭ ۇيىنە بارىپ بالاعا يدەيالىق قىزمەت ىستەپ، ەڭ اقىرىندا بالانى مەكتەپكە قايتىپ وقۋعا كوندىرەدى؛ ول جۇمىسشى - قىزمەتشى بۇقارانى باستاپ ەرەكشە ەگىمشىلىك كاسىبىن دامىتادى...
بۇگىنگى كۇندە ليان - دۇيدىڭ قورشاعان ورتاسى بارعان سايىن كورىكتەنىپ، ەگىنشىلەردىڭ اۋلاسىندا گۇلدەر جايناپ، اعاشتار ماۋەلەپ، ۇيلەرىنىڭ الدى - ارتىنان جەمىس - جيدەكتىڭ ءيىسى اڭقيدى، مادەنيەت الاڭى بولەكشە دۋمانعا شومىپ، جۇمىسشى - قىزمەتشى بۇقارا بار كۇشىن سالا بايۋ جولىنا اتتانۋدا.
”شەكارا وڭىرگە تامىر تارتقان 10 نەشە جىلدا مەن ەشقاشان وكىنگەن ەمەسپىن“، - دەيدى داڭ فاڭ.
قۇددى داڭ فاڭ سەكىلدى ساقا اسكەرلەر رۋحىنىڭ اسەرىندە مەملەكەتتىڭ جەر - جەرىنەن 100دەن استام باتىس بولىك جوسپارىنىڭ ەرىكتىسى ىلگەرىندى - كەيىندى 47 - تۋانعا كەلدى، قازىر باتىس بولىك جوسپارىنىڭ 37 ەرىكتىسى وسى ارادا قىزمەت وتەۋدە.
ىندەتتەن ساقتانۋ - تىزگىندەۋ مەزگىلىندە ولار ءبىرىنشى شەپتە ەكپىندى شايقاس جۇرگىزدى؛ اتىز اراسىندا، ەگىس باسىندا ولار ءار ۇلت جۇمىسشى - قىزمەتشى بۇقاراسىمەن بىرگە ءوندىرىس قاربالاستىعىندا بولدى؛ ولار الەۋمەتتىك اۋماقتاعى جاس ەرىكتىلەرمەن، ورگان كادرلارىمەن بىرگە ”قۇمدى القاپتاعى ساقا اسكەرلەر“ ەرىكتى قىزمەت وتەۋ اترەتىن قۇرىپ، كومەككە ءزارۋ توپتارعا مەيىر جەتكىزىپ، ءار ۇلت بۇقاراسىنا ساقا اسكەرلەردىڭ حيكاياسىن اڭگىمەلەدى...
”ءبىز باس شۋجيدىڭ تاپسىرماسىن باستان - اياق ەستە بەرىك ساقتاپ، ساقا اسكەرلەر رۋحىن ويداعىداي جالعاستىرىپ، پارتيانى ءسۇيىپ، وتاندى ءسۇيىپ، جاۋاپكەرشىلىك ارقالاپ، ۇلەس قوسىپ، شينجياڭعا تامىر تارتىپ، شينجياڭدى قىزۋ سۇيەتىن جاڭا داۋىردەگى شەكارا قورعاۋشىلاردان بولۋعا قۇلشىنامىز“، - دەيدى داڭ فاڭ.
شىت جاڭا كۇرەس ارقىلى ساقا اسكەرلەر رۋحىن جالعاستىرامىز
”مەن 47 - تۋاننىڭ ادامىمىن“. باس شۋجيگە حات جازعان 9 ساقا جاۋىنگەردىڭ ءبىرى، بيىل 95 جاسقا كەلگەن ياڭ شىفۋ ءوزىن وسىلاي تانىستىرۋعا ادەتتەنىپ كەتكەن. سوناۋ اسقاق سەزىم الاۋلاعان جىلداردى ول قانشا رەت تۇسىندە كوردى ەكەن دەسەڭىزشى!
حوتان قالاسىنان جولعا شىعىپ، قاراقاش اۋدانىنىڭ اۋىل - قىستاقتارىن ەندەي ءوتىپ، ءبىر بولەك قۇمدى شولدەگى تاس جولدى باسىپ وتكەندە عانا 47 - تۋانعا جەتۋگە بولادى. سول جىلدارى ياڭ شىفۋ مەن جاۋىنگەر سەرىكتەرى قۇمدى شولدەن ءجۇرىپ وتكەن جەرلەر بۇگىنگى كۇندە قىزىل كورىنىس ءتۇيىنى ”ساقا جاۋىنگەرلەردىڭ ايالداماسى“ بولىپ قۇرىلىپ، ادامداردىڭ ساقا اسكەرلەردىڭ جولىن قايتا ءجۇرىپ كورۋىنە ارنالدى.
4 - ايدىڭ 1 - كۇنى شينجياڭ ءوندىرىس - قۇرىلىس بيڭتۋانى اسكەري ىستەر ءبولىمى ءمالىم ءبولىمىنىڭ وفيتسەر - اسكەرلەرى ءدال وسى ارادا ”قۇمدى القاپتاعى ساقا اسكەرلەردىڭ جولىن قايتا ءجۇرىپ ءوتۋ“ قيمىلىن ورىستەتتى. ”اعا بۋىنداردىڭ باستان كەشكەن جاپا - ماشاقاتىن ءبىز قازىر ويلاپ تا جەتە المايمىز. ەڭ جاقسى ەسكە الۋ جاڭادان كۇرەس جۇرگىزۋ ارقىلى تىڭ شۇعىلا تۇلعالاۋ بولىپ تابىلادى“، - دەيدى جەتەكشى ۋاڭ شياۋۋي تەبىرەنە.
ساقا اسكەرلەر قىستاعى، ساقا اسكەرلەر داڭعىلى، ساقا اسكەرلەردىڭ كونە تۇراعى... 47 - تۋان ەسكەرتكىش ساراي، ساقا اسكەرلەردىڭ كونە تۇراعى، ساقا اسكەرلەر ايالداماسى سياقتىلاردى وزەك ەتكەن قىزىل ساياحات كورىنىس وڭىرلەرىن قۇرىپ، ءتىپتى دە كوپ ادامدى كەلىپ تاريحتى ەسكە تۇسىرۋگە باۋرادى؛ اسكەري تۇراقتارداعى قاتار - قاتار ورناتىلعان، ساقا اسكەرلەردىڭ باس سۋرەتى سالىنعان شامدى قوراپتارداعى ”ساقا اسكەرلەر رۋحى ماڭگى جاسايدى“ دەگەن ءىرى جازۋلار كوز تارتادى؛ 47 - تۋان تاعى ءبىر ايگىلى اتقا، ياعني ساقا اسكەرلەر قالاشىعى دەگەن اتقا يە بولدى. بيڭتۋان 14 - شىسىنىڭ ۇگىت تاراۋلارى تاعى قۇمدى القاپتاعى ساقا اسكەرلەردىڭ حيكاياسىن جيناپ، كوپتەگەن كىتاپتاردى باسپادان شىعارىپ، تەلە فيلم جانە كينو ءتۇسىردى.
بۇگىنگى كۇندە ”بيڭتۋان. قۇمدى القاپتاعى ساقا اسكەرلەر مەرەكەسى“ جەرگىلىكتى ورىننىڭ مادەنيەت - ساياحات ايگىلى ماركاسىنا اينالدى. ساقا اسكەرلەر قىستاعىنداعى حالىقتىق تۇسەلحانا، ساقا اسكەرلەر كەشكى بازارى، شارۋالار شاتتىعى ساياجايى سياقتىلار قالىڭ ساياحاتشىلاردىڭ قارسى الۋىنا بولەندى. ساقا اسكەرلەر رۋحى رۋحاني ۇلگى بولىپ قالماستان ءارى جارقىراعان تانىسقى.
