تيانشان تورى
تيانشان تورى   ›   بىلگەنگە مارجان   ›   وتباسى جانە تۇرمىس

باسىپ قويعان ازىق - تۇلىك ماتەريالدارى كوكتەسە، ٴسوز جوق، تاستاۋ كەرەك پە؟

  كوپتەگەن ادامدار كەزدەيسوق جايتتەردەن ساقتانۋ ٴۇشىن ازىق - تۇلىكتى ساقتاپ قويۋعا داعدىلانعان، ٴبىراق كەيبىر ازىق - تۇلىكتەر ۋاقىت ۇزارعاننان كەيىن وڭاي كوكتەيدى، كوكتەگەن سوڭ تاستاۋ كەرەك پە؟

پارىقتى مامىلە جاساۋىمىز كەرەك

تومەندەگىلەر كوكتەگەننەن كەيىن قورەكتىگى ەسەلەپ ارتادى

  1. سارى بۇرشاق

  سارى بۇرشاق كوكتەگەننەن كەيىن سارى بۇرشاق وسكىنىنە اينالادى. سارى بۇرشاقپەن سالىستىرعاندا، سارى بۇرشاق وسكىنىنىڭ قۇرامىنداعى ماي مەن توتىقسىزدانعان قانتتىڭ مولشەرى تومەندەگەنىمەن، ۆيتامين A، ۆيتامين C، ريبوفلاۆين، نياتسين جانە يزوفلاۆون قۇرامى جوعارىلايدى.

  2. اس بۇرشاق

  اس بۇرشاق كوكتەگەننەن كەيىن اس بۇرشاق وسكىنىنە اينالادى. اس بۇرشاق وسكىنىنىڭ قۇرامىنداعى كاروتيننىڭ مولشەرى ادەتتە تۇتىناتىن جەمىس – جيدەك، كوكونىستەردەن 27 ەسە كوپ بولادى.

  3. شالا اقتالعان كۇرىش

  شالا اقتالعان كۇرىش كوكتەگەننەن كەيىن شالا اقتالعان كۇرىش وسكىنىنە اينالادى. شالا اقتالعان كۇرىش وسكىنىنىڭ ٴدامى جاعىمدى، وڭاي قورىتىلادى، ونىڭ ۇستىنە اكتيۆتەنگەن شالا اقتالعان كۇرىشتەن γ - امينو بۋتيل قىشقىلى سياقتى قورەكتىك قۇرامدار تۋىندايدى.

  ەسكەرتۋ: وسكىن كوكونىسىن ٴوزىمىز جاساعان كەزدە، ٴسوز جوق، بۇزىلۋدان ساقتانىپ، ازىقتىق ماتەريالدارىنىڭ حاۋىپسىزدىگىنە كەپىلدىك ەتۋىمىز كەرەك.

تومەندەگىلەر كوكتەگەننەن كەيىن توتەنشە ۋلى زات تۋىندايدى

  1. كارتوپ

  كارتوپ كوكتەگەننەن كەيىن، ۋلى سولانين نەگىزىنىڭ مولشەرى قالىپتى كارتوپتىڭ 50 ەسەسىندەي بولادى، تۇتىنعاننان كەيىن جۇرەك اينۋ، ٴتىل، اۋىز ۇيۋ، ٴىش ٴوتۋ سياقتى جايسىزدانۋ بەلگىلەرى تۋىلادى. كوكتەگەن نەمەسە سىرتى كوگەرگەن كارتوپتى تاستاي سالۋىمىز كەرەك.

  2. جەر جاڭعاعىن احۋالعا ٴبولىپ قاراۋ

  ۇيدەگى وزدىگىنەن كوكتەگەن جەر جاڭعاعىن تاستاي سالۋدى ۇسىنىس ەتەمىز.

  ويتكەنى جەر جاڭعاعى وزدىگىنەن كوكتەگەندە ادەتتە كوگەرە باستايدى. ەگەر جەر جاڭعاعىنىڭ قابىعى سارى نەمەسە قوڭىر تۇسكە وزگەرسە، ونىڭ ۇستىنە جەگەندە بوگدە ٴدام بولسا، وندا استە جەۋگە بولمايدى.

  ال ارناۋلى جاساندى جولمەن جەتىلدىرىلگەن جەر جاڭعاعى وسكىنىنىڭ ۆيتامين C قۇرامى بارىنشا جوعارىلايدى، ونىڭ ۇستىنە اق ۆەراترول، فلاۆون قاتارلى توتىعۋعا قارسى رولعا يە قورەكتىك زاتتار ارتادى.

  3. كۇلگىن كارتوپ

  كۇلگىن كارتوپ كوكتەۋ بارىسىندا تۇينەك ساباعى جۇمسارىپ، وڭاي كوگەرىپ، ٴشىريدى، تۇتىنعاننان كەيىن ٴىش اۋىرۋ، ٴىش ٴوتۋ سياقتى جايسىزدانۋ بەلگىلەرى بايقالۋى مۇمكىن.

تومەندەگىلەر كوكتەگەننەن كەيىن ەلەۋلى اسەرى بولمايدى

  1. ۋسارىمساق

  كوكتەگەننەن كەيىنگى ۋسارىمساقتىڭ باسى كوگەرىپ شىرىمەسە بولعانى جەۋگە كەلەدى، ٴبىراق قورەكتىگى تومەندەيدى.

  2. جەمجەمىل

  جەمجەمىل كوكتەۋ بارىسىندا زياندى زات تۋدىرمايدى، ٴبىراق قورەكتىگى ىشكى جاقتان جويىلادى. ەگەر ءشىرۋ، باكتەريا ٴوسۋ قۇبىلىسى بايقالسا، جەۋگە استە بولمايدى.

  كوپشىلىكتىڭ جاڭا ازىق - تۇلىكتەردى تۇتىنۋىن ۇسىنىس ەتەمىز

  اقاۋسىز ازىقتانىپ، ىسىراپشىلىقتان تيىلايىق

«انار بۇلتتان» اۋدارىلدى

اۋدارعان: قادىر ماقان

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.