□ شينحۋا اگەنتتىگىنىڭ تىلشىلەرى لياڭ جيانچياڭ، لي حىڭ
بۇكىل الەمدىك جاڭا تيپتى ايدارشا ۆيرۋس وكپە قابىنۋ ىندەتى ءالى دە كەڭ تارالۋدا. 3 - ايدان بەرى بۇكىل ەلدە جالپى مالىمدەلگەن جەرگىلىكتى جۇعىمدالۋشىلار 270 مىڭنان اسىپ، ساقتانۋ - تىزگىندەۋ مىندەتى جاپالى دا كۇردەلى بولدى. ىندەتتەن ساقتانۋ - تىزگىندەۋ قىزمەتىن بۇلجىماستان ناقتى، مىقتى يگەرۋمەن بىرگە، ءبىز قاشاندا ”حالىقتى بارىنەن جوعارى قويۋ، ءومىردى بارىنەن جوعارى قويۋدىڭ“ تەك ۇران عانا ەمەس، حالىقتىڭ ءومىرىنىڭ حاۋىپسىزدىگى مەن دەنساۋلىعى قاشاندا ىندەتتەن ساقتانۋ - تىزگىندەۋدەگى ماڭداي الدى ماڭىزدى مىندەت ەكەندىگىن ايقىنداپ الۋىمىز كەرەك.
ۋحاندى قورعاۋ شايقاسىنداعى توتەنشە جاعدايعا توتەپ بەرۋ كەزەڭىنەن ىندەتتەن ساقتانۋ - تىزگىندەۋدى ۇدايىلاندىرۋعا دەيىن، ودان دەلتاعا، وميكرونعا قارسى شايقاسقان جالپى تىزبەكتىك دالمە - ءدال ساقتانۋ - تىزگىندەۋگە دەيىن ... ”حالىقتى بارىنەن جوعارى قويۋ، ءومىردى بارىنەن جوعارى قويۋ“ قاشاندا ەلىمىزدىڭ وزگەرمەس بويسۇنۋ ولشەمى بولدى. سول ءۇشىن دە، ەلىمىز ءىشىنارا وڭىردەگى شوعىرلى ىندەتتى جىلدام، ءونىمدى ءبىر جاقتى ەتىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ەڭ جوعارى شەكتە قورعادى، ىندەتتەن ساقتانۋ - تىزگىندەۋ مەن ەكونوميكالىق دامۋدا بۇكىل الەمدەگى الدىڭعى ورىندى ساقتادى.
2 جىلدان استام ۋاقىتتان بەرگى ىندەتكە قارسى اتتانۋ بارىسىنا قايىرىلا قاراساق، ”حالىقتى وزەك ەتكەن“ دامۋ ۇستانىمى، جىلدام جانە ءدال ”يكەمدى نولگە ءتۇسىرۋ“ ەلىمىزدىڭ ىندەتتى تىزگىندەۋدەگى ”اسىلىنا“ اينالدى. بۇل ەلىمىزدىڭ ىندەتكە قارسى اتتانۋ امالياتىنا نەگىزدەلىپ قورىتىندىلانعان عىلمي جول، سونداي - اق ءبىر ميلليارد 400 ميلليوننان استام جالپى حالىق سانى نەگىزگى سانى، وراسان زور قارت ادامدار شوعىرى بار ءىس جۇزىندىك مەملەكەت جاعدايىنا نەگىزدەلىپ جاسالعان دۇرىس تاڭداۋ، ونان دا ماڭىزدىسى، ەلىمىزدەگى جۇعىمدالۋشىلار سانى، اۋىرعاندار سانى، سالماقتى اۋىرعاندار سانى جانە ولگەندەر سانىنىڭ ءبىرشاما تومەن دەڭگەيدە ساقتالۋىنىڭ تەتىگى بولىپ تابىلادى.
قازىرگى ۋاقىتتا، ەل ءىشى - سىرتىنداعى ىندەتتەن ساقتانۋ - تىزگىندەۋدە كۇردەلىلىك، جاپالىلىق، قايتالامالىلىق سىندى ەرەكشەلىك بار، ونان ارى يدەيانى بىرلىككە كەلتىرىپ، سەنىمدى بەكەمدەپ، ىندەتتەن ساقتانۋ قىزمەتتەرىن ەگجەي - تەگجەيلى، ناقتى يگەرۋ ايرىقشا ماڭىزدى بولىپ وتىر. جەر - جەر، تاراۋلار، تاراپتار ”حالىقتى بارىنەن جوعارى قويۋ، ءومىردى بارىنەن جوعارى قويۋ“ ۇستانىمىنا تاباندى بولىپ، مۇنى ىندەتتەن ساقتانۋ - تىزگىندەۋ قىزمەتىنىڭ جالپى بارىسىندا تياناقتاندىرۋ؛ ”يكەمدى تۇردە نولگە تۇسىرۋگە“ اۋىتقىماستان تاباندى بولىپ، جۇعىمدالۋدى، سالماقتى اۋرۋدى جانە ءولىم - ءجىتىمدى ەڭ جوعارى شەكتە ازايتۋ؛ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ەڭ از بوداۋ بەرۋ ارقىلى ەڭ زور ساقتانۋ - تىزگىندەۋ ونىمدىلىگىنە قول جەتكىزۋگە قۇلشىنۋ كەرەك.
جۋىقتا ۋحاننىڭ ”اشىلعاندىعىنا“ 2 جىل تولدى. ۋحان كوكتەمنىڭ جايماشۋاق ساۋلەسىنە شومدى، شوپتەر جايقالىپ، قۇستار سايرادى، ەكونوميكالىق، قوعامدىق دامۋىندا جاپپاي قالپىنا كەلۋ، ورنىقتىلىق بارىسىندا ىلگەرىلەۋ، ىلگەرىلەۋ بارىسىندا ساپاسى ءوسۋ، ۇزدىكسىز جاقسارۋداي دامۋ اۋقىمى جارىققا شىقتى. ءبىز ەل بىرلىگىنەن بەرىك قامال تۇرعىزساق بولعانى، قيىن وتكەلدەن بىرگە وتە الاتىندىعىمىزعا؛ قاشاندا ”حالىقتى بارىنەن جوعارى قويۋعا، ءومىردى بارىنەن جوعارى قويۋعا“ تاباندى بولساق بولعانى، ءسوز جوق، اناعۇرلىم كوركەم بولاشاقپەن قاۋىشاتىندىعىمىزعا سەنەمىز.
(شينحۋا اگەنتتىگىنىڭ 4 - ايدىڭ 11 - كۇنى بەيجيڭنەن بەرگەن حابارى)
