تيانشان تورى
تيانشان تورى   ›   جاڭالىقتار   ›   سۋرەتتى حابار

فۋنكتسيالىق رولدى اناعۇرلىم ويداعىداي ساۋلەلەندىرىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىن جەبەۋ كەرەك

ما شيڭرۇي، ەركىن تۇنياز ورتالىقتىڭ شينجياڭدا تۇراتىن ءىشىنارا مەكەمە - ورىندارىن ارالاپ تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

فۋنكتسيالىق رولدى اناعۇرلىم ويداعىداي ساۋلەلەندىرىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىن جەبەۋ كەرەك

  انار بۇلت / شينجياڭ گازەتىنىڭ ءتىلشىسى ياۋ تۇڭ، ۋاڭ شيڭرۇي 4 - ايدىڭ 11 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز قاتارلىلار ىلگەرىندى - كەيىندى مەملەكەتتىك سالىق ىستەرى باس مەكەمەسى شينجياڭ سالىق ىستەرى مەكەمەسىن، قازىنا مينيسترلىگى شينجياڭ باقىلاۋ - باسقارۋ مەكەمەسىن، مەملەكەتتىك ساناق مەكەمەسى شينجياڭ تەكسەرۋ باس اترەتىن، مەملەكەتتىك ورمان شارۋاشىلىعى جانە جايلىم مەكەمەسىنىڭ ۇرىمجىدەگى ورمان بايلىعىن باقىلاۋ ارناۋلى قىزمەتكەرلەرى ءىس باسقارماسىن، مەملەكەتتىك كەن حاۋىپسىزدىگى باقىلاۋ - تەكسەرۋ مەكەمەسىنىڭ شينجياڭ مەكەمەسىن، مەملەكەتتىك ەنەرگيا مەكەمەسى شينجياڭ باقىلاۋ - باسقارۋ كەڭسەسىن ارالاپ تەكسەرۋ - زەرتتەۋ جۇرگىزىپ، اۆتونوميالى رايوندىق پارتكوم مەن ۇكىمەت اتىنان ورتالىقتىڭ شينجياڭدا تۇراتىن ءارقايسى مەكەمە - ورىندارىنىڭ ۇزاقتان بەرى شينجياڭ ەكونوميكاسىنىڭ، قوعامىنىڭ دامۋىنا زور كۇشپەن قولداۋ كورسەتكەندىگىنە العىس ايتتى.

  ما شيڭرۇي، ەركىن تۇنياز قاتارلىلار ءارقايسى مەكەمە - ورىندارعا بارىپ، ولاردىڭ قىزمەت تانىستىرۋىن مۇقيات تىڭدادى، قاتىستى باسقارمالارعا، كەڭسەلەرگە كىرىپ، قۇرىلىمدىق ورنالاستىرۋى، تاراۋلاردىڭ جۇمىس جۇرگىزۋى، قىزمەت ورىستەتۋى سياقتى جاعدايلاردى ۇعىستى، كادر، جۇمىسشى - قىزمەتشىلەرمەن ىشكەرىلەي پىكىر اۋىستىرىپ، ورتالىقتىڭ شينجياڭدا تۇراتىن مەكەمە - ورىندارىنىڭ فۋنكتسيالىق رولىن اناعۇرلىم ويداعىداي ساۋلەلەندىرۋ، شينجياڭنىڭ جوعارى ساپالى دامۋىنا دەم بەرۋ جونىندەگى ۇسىنىس - پىكىرلەرىن تىڭدادى.

  ما شيڭرۇي، ەركىن تۇنياز ورتالىقتىڭ شينجياڭدا تۇراتىن مەكەمە - ورىندارىنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، ”ەكى كەلەلى جاعدايدى“ كوكەيدە ساقتاپ، فۋنكتسيالىق رولدارىن تولىق ساۋلەلەندىرىپ، نەگىزگى جاۋاپكەرشىلىكتى، نەگىزگى كاسىپتى تياناق ەتىپ، قىزمەت ونىمدىلىگىن جوعارىلاتىپ، رايونىمىزدىڭ سالىق ىستەرى، قازىنا، ساناق، ورمان - جايلىم، كەن، ەنەرگيا سياقتى ءارقايسى ىستەرىنىڭ جوعارى ساپالى دامۋىن بەلسەنە جەبەپ، شينجياڭنىڭ رەفورما، دامۋ، ورنىقتىلىق قىزمەتتەرى ءۇشىن جوبا جاساپ، قولداۋ كورسەتۋىن، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ناقتاپ تياناقتاندىرۋدى ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋىن ءۇمىت ەتتى. ما شيڭرۇي، ەركىن تۇنياز مىنالاردى ءبىلدىردى: اۆتونوميالى رايوندىق پارتكوم مەن ۇكىمەت ورتالىقتىڭ شينجياڭدا تۇراتىن مەكەمە - ورىندارىنىڭ قىزمەت جاۋاپكەرشىلىگىن اتقارۋىنا بۇرىنعىداي قولداۋ كورسەتىپ، قولداۋدى، قىزمەت وتەۋدى، قامتاماسىزداندىرۋدى اناعۇرلىم كۇشەيتىپ، تاماشا شارت - جاعداي جاراتىپ، ورتالىقتىڭ شينجياڭدا تۇراتىن مەكەمە - ورىندارىنىڭ اناعۇرلىم ويداعىداي قىزمەت ورىستەتۋىنە دەم بەرەدى.

  اۆتونوميالى رايون باسشىلارىنان چىن ۋيجۇن، ءيۇسۇپجان مامەت، قادەن كابەن قاتارلىلار ارالاپ تەكسەرۋ - زەرتتەۋگە قاتىناستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.