تيانشان تورى   ›   ۇيرەنۋ   ›   شولۋ

بەيجيڭ قىسقى وليمپيادا سپورت جارىسى مۇراسىن ويداعىداي باسقارايىق، ويداعىداي پايدالانايىق

− باس شۋجي شي جينپيڭنىڭ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  7 جىلدىق شىڭدالۋ ارقىلى قايراتتانا تاعى ساپارعا اتتاندىق. بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسىندا باس شۋجي شي جينپيڭ بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ وراسان زور ناتيجەسىن تولىق تۇراقتاندىرىپ، ”قىسقى وليمپيادا سپورت جارىسى مۇرالار جەتىستىكتەرى مول بولدى، وليمپيادا سپورت جارىسىن ءساتتى وتكىزۋ مەن وڭىرلىك دامۋدا بىردەي تابىسقا جەتۋ جۇزەگە استى“ دەپ اتاپ كورسەتىپ، ”ءبىز بەلسەنە جوسپارلاپ، ۇزدىكسىز كۇرەس جاساپ، بەيجيڭ قىسقى وليمپيادا سپورت جارىسى مۇراسىن ويداعىداي باسقارۋىمىز، ويداعىداي پايدالانۋىمىز كەرەك“ دەپ باسا دارىپتەدى.

  وتكىزۋگە ءوتىنىش ەتۋدەن، وتكىزۋگە دايىندىق كورۋدەن وتكىزۋگە دەيىن «وليمپيادا 2020 كەڭەستىك ءتارتىبىن» بۇكىل بارىستا ورىنداعان ءبىرىنشى كەزەكتى وليمپيادا سپورت جارىسى رەتىندە بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى دۇنيە جۇزىنە تۇڭعىش رەتكى ۇنەمشىل، حاۋىپسىز، تارتىمدى وليمپيادا سپورت جارىسىنىڭ سالتاناتىن ۇسىنىپ قانا قويماي، كوپ سالاعا قىرۋار مۇرا جەتىستىكتەرىن قالدىردى. وتكىزۋگە دايىندالۋ، وتكىزۋ بارىسىندا، ءبىز قىسقى وليمپيادا سپورت جارىسىنىڭ جەتىستىكتەرىنەن حالىقپەن ورتاق يگىلىكتەنۋگە تاباندى بولىپ، قار - مۇز سپورتىن تانىستىرۋ، جالپىلاستىرۋ ارقىلى جالپى حالىقتىڭ دەنە شىنىقتىرۋىن تەرەڭدەتۋگە جەتەكشىلىك ەتتىك، كاسىپ سالاسىن دامىتۋ ارقىلى كەدەيلىكتەن ارىلتۋدان قامال الۋعا دەم بەردىك، الەۋمەتتىك قىزمەت وتەۋ دەڭگەيىن جوعارىلاتۋ ارقىلى حالىقتىڭ تۇرمىس ساپاسىن جاقسارتىپ، حالىقتىڭ دەنساۋلىعىنىڭ، پسيحيكالىق اقاۋسىزدىعىنىڭ اناعۇرلىم سالاماتتى بولۋىنا، جۇمىستانۋىنىڭ اناعۇرلىم جەتكىلىكتى بولۋىنا، تۇرمىسىنىڭ اناعۇرلىم تاماشا بولۋىنا مۇمكىندىك جاساپ، بىرگە ات سالىسۋدى، بىرگە كۇش سالۋدى، بىرگە يگىلىكتەنۋدى جۇزەگە اسىردىق. 7 جىلدان بەرى قىسقى وليمپيادا سپورت جارىسىن وتكىزۋگە دايىندىق كورۋ، وتكىزۋ ەلىمىزدىڭ قار - مۇز سپورتىنىڭ قارىشتاپ دامۋىن ىلگەرىلەتىپ، ”300 ميلليون ادامنىڭ قار - مۇز سپورتىنا قاتىناسۋى“ رەالدىققا اينالىپ، مۇزدى القاپ، قارلى دالا بۇقارانىڭ بايۋىنداعى، اۋىل - قىستاقتى گۇلدەندىرۋدەگى ”باعالى بايلىققا اينالدى“. قىسقى وليمپيادا سپورت جارىسىن وتكىزۋگە دايىندىق كورۋ، وتكىزۋ قوعامدىق ىستەردىڭ دامۋىن جاپپاي جەبەپ، مۇگەدەكتەردىڭ ادامدىق ۇقىعىن اناعۇرلىم جاقسى قامتاماسىز ەتىپ، قالىڭ بۇقارانىڭ تۇرمىسىن اناعۇرلىم باي مازمۇندى ەتتى. قىسقى وليمپيادا سپورت جارىسىن وتكىزۋگە دايىندىق كورۋ، وتكىزۋ مەملەكەتتىڭ دامۋى، اسىرەسە، بەيجيڭ − تيانجين − حىبەيدىڭ سايكەستى دامۋى جونىنەن كۇشتى جەتەكتەۋ رولىنا يە بولىپ، وڭىرلىك قاتىناسىمىزدى ونان ارى قولايلى ەتىپ، ەكولوگيالىق ورتانى كورنەكتى جاقسارتىپ، كاسىپ سالاسىنىڭ بىرلەسىپ ارەكەتتەنۋىن اناعۇرلىم تىعىز، الەۋمەتتىك قىزمەت وتەۋدى اناعۇرلىم تەپە - تەڭ ەتتى. ”مۇز جىبەك باۋ“، ”قاردا سامعاۋ“، ”قار ايداعار“، ”قار قۇتى“ سياقتى قىسقى وليمپيادا سپورت جارىسىنىڭ الاڭ - سارايلارى تارتىمدىلىقپەن كوزگە ءتۇسىپ، حالىققا يگىلىك جەتكىزۋدىڭ ساپالى مال - مۇلكىنە اينالدى. اماليات مىنانى تولىق دالەلدەدى: بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ ءساتتى بولۋى جارىستىڭ ءساتتى بولۋىندا عانا ەمەس، ونان دا ماڭىزدىسى، قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋگە دايىندىق كورۋ، وتكىزۋ ارقىلى ءار جاقتىڭ قۇرىلىسىنا جەتەكشىلىك ەتىپ، ەكونوميكالىق، قوعامدىق دامۋعا تەرەڭ دە بەلسەندى ىقپال جاساۋىندا.

  باس شۋجي شي جينپيڭ بىلاي دەپ باسا دارىپتەدى: ”بەيجيڭ قىسقى وليمپيادا سپورت جارىسىندا، مۇگەدەكتەر قىسقى وليمپيادا سپورت جارىسىندا الاڭ - ساراي قۇرىلعىلارى سياقتى زاتتىق مۇرا دا بار، مادەنيەت جانە دارىندىلار مۇراسى دا بار، وسىلاردىڭ بارلىعى قىمباتتى بايلىق، تولىق ويداعىداي پايدالانىپ، ونى دامۋدى ىلگەرىلەتۋدىڭ جاڭا قوزعاۋشى قۋاتىنا اينالدىرىپ، قىسقى وليمپيادا سپورت جارىسىنىڭ مۇرالارىنان پايدالانۋ ونىمدىلىگىن ەڭ جوعارى دەڭگەيگە جەتكىزۋدى جۇزەگە اسىرۋ كەرەك“. مىنانى، ءسوز جوق، جەتە تانۋ كەرەك: بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋ ءبىر رەتكى ساۋدا ەمەس، وتكىزىلىپ بولعاننان كەيىن ”قۇلازىعان ورىنعا“ اينالىپ قالۋىنا بولمايدى. بەيجيڭ قىسقى وليمپيادا سپورت جارىسى مۇراسىن ويداعىداي باسقارۋ، ويداعىداي پايدالانۋ جارىس وتكىزۋ مەن حالىققا قىزمەت وتەۋدى، دامۋدى جەبەۋدى ءوزارا ۇشتاستىرۋعا تاباندى بولۋدىڭ قاجەتتى تالابى، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرۋدىڭ، جاڭا دامۋ ارناسىن جەدەل قالىپتاستىرۋدىڭ، جوعارى ساپالى دامۋدى ىلگەرىلەتۋدىڭ قاجەتتى تالابى. قار - مۇز سپورتىن جالپىلاستىرۋدى، دامىتۋدى ۇزدىكسىز ىلگەرىلەتىپ، ستراتەگيالىق جوبالاردىڭ ورنالاسۋىن كۇشەيتىپ، قار - مۇز الاڭ قۇرىلعىلارىن ويداعىداي قۇرىپ، ويداعىداي پايدالانىپ، قار - مۇز كاسىپ سالاسىن دامىتىپ، بۇقارانىڭ قار - مۇز جارىس قيمىلدارىنىڭ مازمۇنىن بايىتىپ، بۇقارانىڭ قار - مۇز سپورتى ىنتاسىن سۋىتپاۋ كەرەك. بەيجيڭ قىسقى وليمپيادا سپورت جارىسى مادەنيەت بايلىعىن تولىق كادەگە جاراتىپ، پايدالانىپ، مادەنيەت سەنىمىن بەكەمدەپ، اناعۇرلىم سەنىمدى، بايىپتى تۇردە جۇڭگو ءۇنىن جەتكىزۋ، جۇڭگو حيكاياسىن ويداعىداي بايانداۋ كەرەك.

  7 جىلدان بەرگى وزگەشە وتكىزۋگە دايىندالۋ، وتكىزۋ بارىسىنا قايىرىلا قاراساق، ءبىز كۇرەس بارىسىندا تابىسقا جەتۋدىڭ قۋانىشىنا بولەنىپ قانا قويماي، كۇرەس بارىسىندا مول رۋحاني بايلىققا دا يە بولدىق. بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ءساتتى وتكىزۋ ”اناعۇرلىم تەز، اناعۇرلىم ورەلى، اناعۇرلىم قۋاتتى − اناعۇرلىم ىنتىماقتى بولۋ“ سىندى وليمپيادا ناقىلىن ورىنداپ، ”باتىلدىق، بەكىم، ىنتالىلىق، تەڭدىك“ سىندى مۇگەدەكتەر وليمپيادا سپورت جارىسىنىڭ قۇن كوزقاراسىن اسقاقتاتىپ، دۇنيە جۇزىنە ”بولاشاققا بىرگە اتتانۋ“ سىندى ءداۋىردىڭ كۇشتى ءۇنىن جاريالادى. ادامگەرشىلىك رۋحتى اساقتاتىپ، ادامدىق ۇقىققا قۇرمەت ەتىپ جانە ونى قامتاماسىزداندىرىپ، مۇگەدەكتەردىڭ قوعامدىق قامتاماسىزداندىرۋ ءتۇزىمىن جانە قامقورلىق جاساۋ، قىزمەت وتەۋ جۇيەسىن كەمەلدەندىرىپ، مۇگەدەكتەر ءىسىنىڭ جان - جاقتى دامۋىن جەبەپ، مۇگەدەكتەردىڭ تالىقپاي تالپىنۋىنا قولداۋ كورسەتۋ جانە ولاردى شابىتتاندىرۋ كەرەك. تۇتاس قوعامدا ۇلەس قوسۋ، سۇيىسپەنشىلىك، ءوزارا كومەكتەسۋ، العا باسۋ سىندى ەرىكتىلەر رۋحىن كەڭ كولەمدە اسقاقتاتىپ، ەرىكتى قىزمەت وتەۋدىڭ بەلسەندى رولىن اناعۇرلىم ويداعىداي ساۋلەلەندىرىپ، قوعامدىق وركەنيەتتىڭ العا باسۋىن جەبەۋ كەرەك. وليمپيادا رۋحىن اسقاقتاتىپ، وليمپيادانىڭ ادامزاتتىڭ بەيبىت دامۋىن جەبەۋدەگى ماڭىزدى رولىن ساۋلەلەندىرىپ، ادامزات وركەنيەتىنىڭ العا باسۋى ءۇشىن اناعۇرلىم كوپ جۇڭگو اقىل - پاراساتىن جانە جۇڭگو كۇش - قۋاتىن ارناۋ كەرەك.

  باس شۋجي شي جينپيڭ بىلاي دەپ اتاپ كورسەتتى: ”بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ءساتتى وتكىزۋ 100 ميلليونداعان حالىقتىڭ دەنە تاربيە ىنتاسىن بارىنشا قاۋلاتىپ، ەلىمىزدىڭ دەنە تاربيە ىستەرىنىڭ دامۋىن بارىنشا ىلگەرىلەتتى“. دەنە تاربيەدە قۋاتتى ەل، سالاماتتى جۇڭگو قۇرۋداعى ەڭ ءتۇبىرلى نەگىز − حالىقتىڭ دەنە ساپاسىن كۇشەيتىپ، حالىقتىڭ سالاماتتىعىن قامتاماسىز ەتۋ. بۇل جاپپاي سوتسياليستىك وسىزاماندانعان مەملەكەت قۇرۋداعى ماڭىزدى ءبىر جاق. جاڭا جورىقتا ءبىز حالىقتىڭ دەنە ساپاسىن كۇشەيتۋگە، جالپى ۇلتتىڭ دەنە ساپاسىن جانە تۇرمىس ساپاسىن جوعارىلاتۋعا تاباندى بولۋدى نىسانا ەتىپ، دەنە تاربيەنىڭ ادامنىڭ جاپپاي دامۋىن جەبەۋدەگى ماڭىزدى رولىنا ايرىقشا ءمان بەرىپ ءارى ونى تولىق ساۋلەلەندىرىپ، دەنە تاربيە رەفورماسىندا جاڭالىق اشۋدى ۇزدىكسىز ىلگەرىلەتىپ، دەنە تاربيە عىلىم - تەحنيكاسىن زەرتتەپ اشۋدى كۇشەيتىپ، جالپى حالىقتىڭ دەنە شىنىقتىرۋ جۇيەسىن كەمەلدەندىرىپ، قالىڭ حالىق بۇقاراسىنىڭ، اسىرەسە، جاستار مەن ورەندەردىڭ دەنە تاربيە، دەنە شىنىقتىرۋ تانىمىن كۇشەيتىپ، ەلىمىزدىڭ باسەكەلىك دەنە تاربيەسىنىڭ جالپىلىق ناقتى قۋاتى مەن حالىقارالىق باسەكەلىك قۋاتىن ارتتىرىپ، دەنە تاربيەدە قۋاتتى ەل قۇرۋ اياق الىسىن جەدەلدەتۋىمىز كەرەك. بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋ قالىپتاستىرعان قىزۋ ورلەۋدەن تولىق پايدالانىپ، باسەكەلىك دەنە تاربيە مەن بۇقارالىق دەنە تاربيەنى ءبىر تۇلعالاندىرا ىلگەرىلەتۋگە تاباندى بولىپ، جۇڭحۋا دەنە تاربيە رۋحىن اسقاقتاتىپ، دەنە تاربيە ءمورالىن، سالتىن اسقاقتاتىپ، جاڭا ءداۋىر دەنە تاربيە ىستەرىنىڭ جوعارى ساپالى دامۋىن ىلگەرىلەتۋىمىز كەرەك.

  بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى − بۇكىل پارتيا، بۇكىل ەلدەگى ءار ۇلت حالقى ەكىنشى 100 جىلدىق كۇرەس نىساناسىنا قاراي ارشىندى قادام تاستاعان شەشۋشى كەزەڭدە وتكىزىلگەن كەلەلى نىشاندىق قيمىل، ول ەل ءىشى - سىرتىنداعى جۇڭحۋا پەرزەنتتەرىنىڭ ۇلت سەنىمىن جانە ماقتانىش سەزىمىن ونان ارى كۇشەيتىپ، جۇڭحۋا ۇلتىنىڭ ۇيىسۋ قۋاتى مەن سەنترگە شوعىرلانۋ كۇشىن اناعۇرلىم كۇشەيتىپ، 100 ميلليونداعان حالىقتىڭ جاڭا جورىققا ەكپىندەي ىلگەرىلەۋ، جاڭا داۋىرگە ۇلەس قوسۋ اسقاق ىنتاسىن ونان ارى تاسقىنداتتى. بولاشاقتى بەتكە الىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ رۋحىمەن بىرلىككە كەلتىرىپ، بەيجيڭ قىسقى وليمپيادا سپورت جارىسىنىڭ رۋحىن بارىنشا اسقاقتاتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قۋاتتى كۇشىن ۇيىستىرىپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسساق، ءبىز، ءسوز جوق، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا داۋىرگە ءتان تىڭ شۇعىلالى ناتيجە جاراتىپ، جاڭا تاريحي ۇلى ىستەردى تىندىرا الامىز!

(شينحۋا اگەنتتىگىنىڭ 4 - ايدىڭ 11 - كۇنى بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.