تيانشان تورى   ›   جاڭالىقتار   ›   ماڭىزدى حابارلار

”سىزگە جولىعۋ مەنىڭ ومىرىمدەگى ەڭ قۋانىشتى ءىس“

”سىزگە جولىعۋ مەنىڭ ومىرىمدەگى ەڭ قۋانىشتى ءىس“

  باس شۋجي حالىقپەن ەتەنە

  رەداكتور ەسكەرتپەسى

  شينحۋا اگەنتتىگى 4 - ايدىڭ 10 - كۇنى «شي جينپيڭنىڭ حالىقشىلدىق سۇيىسپەنشىلىگى» اتتى ادەبي حابار تاراتىپ، باس شۋجي شي جينپيڭنىڭ حالىققا تامىر تارتقان، حالىققا سۇيەنەتىن، حالىقتى باقىتقا كەنەلتەتىن تەرەڭ سۇيىسپەنشىلىگىن جان - جاقتى بەينەلەدى. بۇگىننەن باستاپ شينحۋا اگەنتتىگى ”باس شۋجي حالىقپەن ەتەنە“ ايدارىن اشىپ، ىركەس - تىركەس جەلىلەس حابارلار شىعارىپ، باس شۋجيمەن بارىس - كەلىستە بولعان كادر - بۇقارامەن قايىرا سۇحباتتاسىپ، ۇمىتىلماس كورىنىستەردى قايتا ەسكە ءتۇسىرىپ، تۇرمىستاعى وزگەرىستەردى ايگىلەپ، باس شۋجيدىڭ حالىققا دەگەن شىنايى سۇيىسپەنشىلىگى مەن حالىقتىڭ باس شۋجيگە دەگەن تەرەڭ سۇيىسپەنشىلىككە تولى قادىر - قۇرمەتىن كورسەتەدى.

□ شينحۋا اگەنتتىگىنىڭ تىلشىلەرى شي مين، جاڭ يۇيجيە، جاڭ گى

  باس شۋجي شي جينپيڭ 2013 - جىلى 11 - ايدىڭ 3 - كۇنى حۋنان ولكەسىنىڭ شياڭشي تۋجيا - مياۋزۋ اۆتونوميالى وبلىسى حۋايۋان اۋدانى شىبادۇڭ قىستاعىندا قىزمەت تەكسەرگەن كەزدە، قىستاقتاعى مياۋزۋ ۇلتىنىڭ كەدەي تۇرعىنى شى باساننىڭ ۇيىنە كەلگەن ەدى. جۋىقتا، شينحۋا اگەنتتىگىنىڭ ءتىلشىسى شى باسانمەن قايتالاي سۇحباتتاستى.

  【سول كەزگە قايىرىلا قاراۋ】

  باس شۋجي شي جينپيڭ تاۋدىڭ تار جولىن بويلاپ شىبادۇڭ قىستاعىنا كەلىپ، ءبىرىنشى كەزەكتە شى باساننىڭ ۇيىنە باس سۇقتى. ءالىپتى تاياق دەپ بىلمەيتىن، تەلەۆيزور كورمەگەن شى باسان باس شۋجيدى تانىمايدى ەكەن. ول مياۋزۋ تىلىندە: ”ءسىز كىم بولاسىز؟“، - دەپ سۇرادى. باس شۋجي شي جينپيڭ ونىڭ قولىن ۇستاپ تۇرىپ: ”مەن حالىقتىڭ قىزمەتشىسىمىن“، -دەپ جاۋاپ قاتتى.

  شى باساننىڭ 64 جاسقا كەلگەنىن ەستىپ: ”ءسىز اپەكە بولادى ەكەنسىز“، - دەدى باس شۋجي.

  قاپ - قاراڭعى اعاش ۇيدە باس شۋجي شي جينپيڭ شى باسانمەن جانە ونىڭ شالى شى چي - ۋىنمەن جەر وشاقتىڭ جانىندا وتىرىپ كىرىس - شىعىس ەسەبىن جاساپ، ولاردان قانداي قيىنشىلىقتارى، قانداي ويلارى بار ەكەنىن سۇراپ، استىق قامباسىن، توسەك - ورىندارىن، اس ءۇيىن، شوشقا قوراسىن قاراپ شىعىپ، ءبىر ءۇيلى جاندى سەنىمدى كۇشەيتىپ، پارتيا مەن ۇكىمەتتىڭ قامقورلىعىندا ەڭبەك سۇيگىشتىكپەن جانە اقىل - پاراساتپەن تاماشا تۇرمىسقا قول جەتكىزۋگە ىنتالاندىردى.

  سول كۇنى شىبادۇڭ قىستاعىنىڭ ليزى قورجاسىنداعى قىستاق تۇرعىنى اۋلاسىنىڭ الدىنداعى تەكشەدە ءوزىن قاۋمالاي وتىرعان اۋىلداعى ۇلكەن - كىشى، كارى - جاستىڭ الدىندا، باس شۋجي شي جينپيڭ العاش رەت ”كەدەيلەردى دالمە - ءدال سۇيەمەلدەۋدى“ ورتاعا قويدى.

  ”مەن بۇل جولى شياڭشيگە، باستىسى، اۋىلداستارعا امانداسقالى، كوپشىلىكپەن بىرگە كەدەيلىكتەن ارىلۋدىڭ، بايۋدىڭ، دوڭگەلەك داۋلەتتىلىككە جەتۋدىڭ شاراسىن اقىلداسقالى كەلدىم“. باس شۋجي شي جينپيڭ بىلاي دەدى: ”دامۋ − كەدەيلىك قالپاعىن لاقتىرىپ تاستاۋدىڭ جالپىلىق ءادىسى، كەدەي وڭىرلەر ءىس جۇزىندىكتى نەگىزگە الىپ، جەرگىلىكتى جاعدايعا قاراي ىستەپ، نەنى ەگۋ، نەنى باعۋ، قاي جاقتان كىرىس ارتتىرۋ كەرەكتىگىن جەتە ءتۇسىنىپ، اۋىلداستاردىڭ كەدەيلىكتەن ارىلۋدىڭ، بايۋدىڭ جاقسى جولىن تابۋىنا كومەكتەسۋى كەرەك“.

  【شى باساننىڭ جۇرەك ءۇنى】

  8 جىلدان اسا ۋاقىت ءوتتى، باس شۋجيدىڭ سونداعى ”اپەكە“ دەپ شاقىرعانى مەنىڭ جۇرەگىمدى ەلجىرەتتى، ەسىمە تۇسكەن سايىن ايرىقشا ءبىر جىلى شۋاق سەزىنەمىن.

  باس شۋجيگە جولىعۋدان بۇرىن، مەن شياڭشي تاۋىنان سىرتقا شىعىپ كورمەگەن، كورگەن - بىلگەنى شاناقتى ادام ەدىم، ۇيىمدە تەلەۆيزور دا جوق بولاتىن، باس شۋجيدىڭ قانداي ۇلكەن باسشى ەكەنىن بىلمەيتىنمىن، باس شۋجي ايتقان ”حالىقتىڭ قىزمەتشىسىمىن“ دەگەن ءسوزدىڭ دە ءمانىسىن ۇققان جوقپىن.

  قازىر مەن باس شۋجيدىڭ ءبىزدىڭ بۇقاراعا ارنايى كوڭىل بولەتىن ادام ەكەندىگىن ءبىلدىم.

  باس شۋجي ءبىزدىڭ قىستاقتا ”كەدەيلەردى دالمە - ءدال سۇيەمەلدەۋدى“ ورتاعا قويعان سوڭ، كەدەيلەردى سۇيەمەلدەۋ بويىنشا قىستاقتا تۇراتىن قىزمەت اترەتى كوپشىلىكتى باستاپ جول جاساپ، ءۇي سالىپ، تۇكتى شاپتول ەگىپ، ساياحاتپەن شۇعىلداندى، قىستاعىمىزدا جىل سايىن جاڭا وزگەرىستەر جارىققا شىقتى. سىرتقا شىعىپ جۇمىس ىستەگەن ادامدار قايتا ورالدى، بىرەۋلەر شارۋالار شاتتىعى ساياجايىن اشسا، بىرەۋلەر بال اراسىن باعىپ، تاعى بىرەۋلەر تۇكتى شاپتول ەكتى. جاستاردىڭ دا قاتارى بارعان سايىن مولايىپ، جەتكىنشەك بۋىن ەلەكتروندىق ساۋدامەن شۇعىلدانۋدا. قىستاعىمىزدىڭ ەرەكشە ءونىمى دە ايرىقشا كۇسەت ساتىلىپ جاتىر.

  ءبىزدىڭ ۇيدە دە ءبىرتالاي وزگەرىس بار: ءۇيىمىز جاڭالاندى، وتكەندەگىدەي قاپ - قاراڭعى ەمەس، بولمەلەردىڭ ەدەنىنە سەمەنت جاتقىزىپ، تازا دارەتحانا سالىپ الدىق، قۇبىر سۋىن كىرگىزدىك، ءۇيدى ەلەكتروندىق اسپاپتارمەن جابدىقتادىق. مەن، اۋەلى، قىستاقتاعى نىسانعا جارنا قوسىپ، قازىرگە دەيىن پايدادان نەشە مىڭ يۋان ۇلەس الىپ ۇلگەردىم. قازىر كۇنكورىسىمىزدە ايتار جوق، جەگىمىز كەلسە ەت تە دايىن.

  ۇيىمىزگە ۇلكەن ءتۇستى تەلەۆيزور ساتىپ الدىق، مەنىڭ ەڭ ۇناتىپ كورەتىنىم مەملەكەتتىك، حالىقارالىق حابارلار. ەكراندا باس شۋجي شىعا كەلسە، مەن قولىمداعى جۇمىسىمدى تاستاي سالىپ، ول كىسىگە زەر سالىپ قاراپ، نە ايتىپ جاتقانىنا قۇلاق تۇرەمىن.

  بۇرىن مەن تاۋدان سىرتقا شىعىپ كورمەگەن ەدىم، وسى جىلداردا مەن ۇشاققا بىرنەشە مارتە وتىرىپ، اۋەلى، بەيجيڭگە دەيىن ۇشىپ بارىپ، تيان - انمىندى كورىپ قايتتىم. باس شۋجي، سىزگە جولىعۋ مەنىڭ ومىرىمدەگى ەڭ قۋانىشتى ءىس بولعانىن ايتقىم كەلەدى.

(شينحۋا اگەنتتىگىنىڭ 4 - ايدىڭ 11 - كۇنى چاڭشادان بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.