تيانشان تورى
تيانشان تورى   ›   جاڭالىقتار   ›   وقۋ-اعارتۋ

جاستىق كوكتەمنىڭ بايشەشەگىن وتان ەڭ قاجەت ەتىپ وتىرعان جەرلەردە جايناتتى

حىبەي باۋديڭ شۋەيۋانىنان باتىس بولىكتىڭ وقۋ - اعارتۋىنا كومەككە بارعان مەكتەپ بىتىرگەن وقۋشىلار تاپسىرمانى ەستە بەرىك ساقتاپ، شەكارا وڭىرگە تامىر تارتتى −

جاستىق كوكتەمنىڭ بايشەشەگىن وتان ەڭ قاجەت ەتىپ وتىرعان جەرلەردە جايناتتى

  【كورىنىستەردى قايتا ەلەستەتۋ】 2014 - جىلى 4 - ايدىڭ 8 - كۇنى بايىنعولين موڭعۇل اۆتونوميالى وبلىسى چەرشەن اۋداندىق ورتا مەكتەپتە قىزمەت ىستەيتىن حىبەي باۋديڭ شۋەيۋانىنان باتىس بولىكتىڭ وقۋ - اعارتۋىنا كومەككە بارعان، 2000 - جىلى مەكتەپ بىتىرگەن وقۋشىلار شوعىرى ۋاكىلدەرى توتەنشە ىززەت - قۇرمەتپەن باس شۋجي شي جينپيڭگە حات جازىپ، وزدەرىنىڭ شينجياڭدا 14 جىل تامىر تارتىپ، قۇمدى ءشول جيەگىندە ءبىلىم بەرىپ، ادام تاربيەلەگەن قىزمەت جانە تۇرمىس جاعدايلارىنان مالىمەت بەردى.

  2014 - جىلى ”4 - مامىر“ جاستار مەرەكەسى قارساڭىندا، باس شۋجي شي جينپيڭ جاۋاپ حات قايتاردى. حاتىندا بىلاي دەدى: سىزدەر مەملەكەتتىڭ ۇندەۋىنە ءۇن قوسىپ، قاجىماس مۇراتپەن شارت - جاعدايى جاپالى باتىس بولىككە جانە شەكارا وڭىرگە بارىپ، نەگىزگى ساتىعا تامىر تارتىپ، ءبىلىم بەرىپ، ادام تاربيەلەپ، ون نەشە جىلدى ءبىر كۇندەي وتكىزىپ، اسقاق سەزىم مەن كۇرەسكە تولى ءومىر كەشىرمەسىن جازدىڭىزدار. سىزدەردىڭ تاباندىلىقتارىڭىز، سىزدەردىڭ ىزگى ىستەرىڭىز ادامدى اسەرلەندىرەدى.

  شي جينپيڭ بىلاي دەپ باسا دارىپتەدى: حالىقپەن بىرگە كۇرەس جاساپ، وتانمەن بىرگە العا ىلگەرىلەپ، حالىققا قىزمەت وتەۋ، وتانعا ءوزىن ارناۋ زامانىمىزداعى جۇڭگو جاستارىنىڭ دۇرىس بەتالىسى. جاقسى پەرزەنتتەر جالىندى بولادى، جالىندى پەرزەنتتەر ءوز كۇرەسىنە وكىنبەيدى. ءتىپتى دە كوپ جاستاردىڭ سىزدەردى ۇلگى ەتىپ، نەگىزگى ساتىعا جانە حالىق اراسىنا بارىپ ەڭبەك كورسەتىپ، ۇلەس قوسىپ، جاستىق كوكتەمنىڭ بايشەشەگىن وتان ەڭ قاجەت ەتىپ وتىرعان جەرلەردە جايناتىپ، جۇڭگو ارمانىن جۇزەگە اسىرۋ ۇلى امالياتى بارىسىندا تاماشا ءومىر ورنەكتەرىن سالۋىن ءۇمىت ەتەمىن.

  【سۇحباتتاعى كوڭىل سىرى】 حىبەي باۋديڭ شۋەيۋانىنان باتىس بولىكتىڭ وقۋ - اعارتۋىنا كومەككە بارعان، 2000 - جىلى مەكتەپ بىتىرگەن وقۋشىلار شوعىرى: باس شۋجي شي جينپيڭنىڭ ىقىلاستى ءتالىمى قاشاندا ءبىزدى شابىتتاندىرۋدا، ءبىزدى ىنتالاندىرۋدا. ءبىز، ءسوز جوق، باس شۋجي ءۇمىت ەتكەنىندەي، جاستىق ارماندى ەستەن شىعارماي، وتان ەڭ قاجەت ەتىپ وتىرعان جەرلەرگە تامىر تارتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ءوز ۇلەسىمىزدى قوسامىز.

□ انار بۇلت / شينجياڭ گازەتىنىڭ تىلشىلەرى ۋي يۇڭگۇي، دۋ جيانحۇي

  كەڭ كوسىلگەن جاسىل القاپتاعى مەملەكەتتىك باۋ - باقشالى قالا − حىبەي ولكەسىنىڭ باۋديڭ قالاسىنان اتتانعان حىبەي باۋديڭ شۋەيۋانىنىڭ مەكتەپ بىتىرگەن 15 وقۋشىسى قۇمدى بوراندى چەرشەن اۋدانىنا كەلىپ، وسى ارادا 22 جىل تۇردى. ولار ساباق مىنبەرىندە ءۇن - ءتۇنسىز وزدەرىن ارناپ، قاراپايىم تۇرمىسقا پەيىل بولىپ، ەش وكىنبەي، اقىل - پاراساتتارى، ماڭداي تەرلەرى جانە جىگەر - قايراتتارى ارقىلى شەكارا وڭىردەگى وسى شاعىن قالاشىققا توپ - توپ تاڭداۋلى وقۋشىلاردى باۋلىپ، زامانىمىزداعى جاستاردىڭ ۇزدىك ۋاكىلدەرىنە اينالدى.

  ولاردىڭ تاباندىلىعى مەن كۇرەسى تالايلاعان جالىندى جاستارعا اسەر ەتتى جانە ولاردى جەتەكتەدى. حىبەي، شاندۇڭ، سىچۋان، حىنان، گانسۋ سياقتى بۇكىل ەلدىڭ جەر - جەرىندەگى داشۋەلەردەن مەكتەپ بىتىرگەن وقۋشىلار ىركەس - تىركەس چەرشەنگە، شينجياڭعا كەلىپ، جاڭا ءداۋىردىڭ جاڭا ساپارىندا تامىر تارتىپ وزدەرىن ارناپ، جاستىق كوكتەمنىڭ بايشەشەگىن وتان ەڭ قاجەت ەتىپ وتىرعان جەرلەردە جايناتتى.

قۋ مەديان قۇمدى ءشول بولسا بولادى، ال قۇلازىعان ءومىر بولماق ەمەس

  4 - ايدىڭ 2 - كۇنى چەرشەن اۋداندىق 1 - ورتا مەكتەپتىڭ مەكتەپ اۋلاسىندا ورىنباسار مەكتەپ باستىعى ۋاڭ ۋيجياڭ كوپشىلىكتى باستاپ جاسىلداندىرۋ اۋماعىندا اعاشتاردى كوشىرىپ ەگۋدە. بۇل مەكتەپ جاتاقتى ورتا مەكتەپ، 1100 وقۋشى بار. وقىتۋ عيماراتى، جاتاق عيماراتى، كىتاپحانا، دەنە تاربيە سارايى سياقتىلار تۇگەل تولىق.

  ”8 جىلدىڭ الدىندا باس شۋجي شي جينپيڭنىڭ جاۋاپ حاتىن تاپسىرىپ العانداعى اسەرلى كوڭىل كۇيىمىزدى سوزبەن جەتكىزىپ بەرە المايمىز“، ۋاڭ ۋيجياڭ 2000 - جىلى باۋديڭ شۋەيۋانىنان چەرشەن اۋدانىنىڭ وقۋ - اعارتۋىنا كومەككە كەلگەن مەكتەپ بىتىرگەن 15 وقۋشىنىڭ ءبىرى. ول بىلاي دەدى: ”باس شۋجي شي جينپيڭ سونشاما قاربالاس بولسا دا بىزگە جاۋاپ جات جازۋدى ۇمىتپاپتى، بۇل بىزگە اسا زور شابىت بولدى، حاتتاعى ءاربىر ءسوز - سويلەم ءبىزدىڭ كوكەيىمىزدە كۇنى بۇگىنگە دەيىن ساقتاۋلى. مەكتەپ وقىتۋشى - وقۋشىلار جينالىسىن اشىپ جاۋاپ حاتتى وقىعاندا، ءبارىمىز كوزىمىزگە جاس الدىق“.

  8 جىلدان بەرى چەرشەن اۋدانىنداعى ورتا، باستاۋىش مەكتەپتەردىڭ بەت - بەينەسىندە زور وزگەرىس تۋىلدى. چەرشەن اۋداندىق 1 - ورتا مەكتەپكە اۋدان 100 ميلليون يۋاننان استام قۇرىلىس قارجىسىن شىعاردى، قاتتى بولشەك قۇرىلعىلارى بۇكىل اۋداندا ەڭ الدا تۇرادى.

  قازىرگى مەن وتكەندى سالىستىرعاندا، ۋاڭ ۋيجياڭ قاتتى تەبىرەندى. ول ەسكە الىپ بىلاي دەدى: ”2000 - جىلى ەندى عانا كەلگەن كەزىمىزدە كلاس جاتاعان ءۇي، جاتاق تا جاتاعان ءۇي ەدى. تەرەزەلەردىڭ كوبىنەن جەل اڭىراپ تۇراتىن، كوپشىلىك قاعاز جاپسىرىپ قوياتىن، جەل شىقسا ساتىرلايتىن“.

  ”چەرشەن اۋدانىنىڭ قۇمدى بورانى كۇشتى، ءبىر رەتكى قۇمدى بوراندا بىرنەشە وقىتۋشى كەتىپ قالاتىن“. سول كەزدە اۋداندىق وقۋ - اعارتۋ مەكەمەسىنىڭ باستىعى مىندەتىن وتەيتىن ليان چۇنشي بىلاي دەدى: شارت - جاعداي جاپالى بولعاندىقتان، سول كەزدە ءبىر قىدىرۋ مەكتەپتەردە وقىتۋشى تاپشى ەدى. جاڭا وقۋ جىلى باستالايىن دەدى، چەرشەن اۋداندىق ورتا مەكتەپتىڭ ورتالاۋ 1 - جىلدىعىنداعى 7 كلاستىڭ 6 كلاسىندا كلاس جەتەكشىسى ورنى بوس قالدى.

  ەندى توسىپ تۇرۋعا بولمايدى. چەرشەن اۋدانىنىڭ باسشىلارى حىبەيگە بارىپ وقىتۋشى قابىلداۋدى ۇيعاردى.

  ”سول كەزدە باتىس بولىكتى قاۋىرت اشۋ ستراتەگياسى باستالعان بولاتىن، ادامدار تاڭعاجايىپ تا كورىكتى شينجياڭعا بارۋدى كوكسەدى“. سول كەزدە چەرشەن اۋداندىق كادرلار، ەڭبەك مەكەمەسىنىڭ باستىعى، شتات كوميتەتى كەڭسەسىنىڭ مەڭگەرۋشىسى بولعان چىن حۇي بىلاي دەدى: باۋديڭ مۇعالىمدار تەحنيكۋمىندا (باۋديڭ شۋەيۋانىنىڭ توركىنى) قىزمەتكەر قابىلداۋ گرۋپپاسى سول جىلى مەكتەپ بىتىرەتىن وقۋشىلارعا شينجياڭدىقتاردىڭ اق پەيىلى مەن مارتتىگىن باياندادى، چەرشەندىكتەردىڭ قۇمدى بوراننان سەسكەنبەي، مەكەندى گۇلدەندىرۋ رۋحىن اڭگىمەلەدى. ”200 نەشە وقۋشى تىزىمدەلدى، ءبىز ءمورال مەن وقۋ جاعىندا مەكتەپ بىتىرگەن 15 ۇزدىك وقۋشىنى تاڭدادىق“.

  ”15 ادامنىڭ ىشىندە حىبەي ولكەسىنەن قىزمەت تاۋىپ العاندار از ەمەس ەدى، كەيبىرى تەحنيكۋمنان تولىق كۋرسقا قابىلدانعان حابارلاندىرۋىن العان بولاتىن“، اۋداندىق 1 - ورتا مەكتەپتىڭ تاريح وقىتۋشىسى حوۋ چاۋرۋ مەن دە مەكتەپ بىتىرگەن 15 وقۋشىنىڭ ءبىرى ەدىم، - دەدى. حوۋ چاۋرۋ چەرشەنگە العاش كەلگەن كەزدەگى جاعدايدى قازىرگە دەيىن ۇمىتار ەمەس: ”پويەزعا شىعىپ، اۆتوكولىككە وتىرىپ، باتىسقا تارتتىق. ورتا تارىم قۇمدى ءشول تاس جولىنىڭ كىرەر اۋزىندا: قۋ مەديان قۇمدى ءشول بولسا بولادى، ال قۇلازىعان ءومىر بولماق ەمەس دەگەن ەكى قاتار ۇلكەن ءارىپ كوزىمە شالدىقتى. ءبىز ون بەسىمىز وسى ەكى قاتار ارىپكە ۇزاق قادالا قارادىق“.

  مەكتەپكە جەتتىك، سوقپا تام، قارا كەرپىشتەن قالانعان ءۇي، توزىعى جەتكەن قاقپا، الايدا ەدەن مەن كلاس ءىشى تاپ - تازا ەكەن. قاقپادان كىرگەنىمىزدە مەكتەپتەگى بارلىق وقىتۋشى - وقۋشىلار ەكى جاقتا تۇرىپ قارسى الدى. مەكتەپ باستىعى جاڭا وقىتۋشىلاردى قارسى الۋ ءۇشىن، وقىتۋشى - وقۋشىلاردىڭ تاڭ بوزىنان قاتارعا تۇرىپ، وزەننەن شەلەكتەپ سۋ اكەلىپ، مەكتەپ اۋلاسىن تۇگەل تازالاپ شىققاندىعىن ايتتى.

  ”سول كەزدە مەنىڭ كوڭىلىم جاي تاپتى. مەن ءومىر بويى وسى ارادا بولامىن دەپ ويلادىم“، - دەدى حوۋ چاۋرۋ.

”ءبىز قاتتى شابىت الدىق، اناعۇرلىم كوپ ۇزدىك بالالاردى باۋلىپ شىعۋىمىز كەرەك“

  چەرشەن اۋدانىندا وقىتۋشى وتە تاپشى. ءبىر اپتاعا جەتپەي جاتىپ ولار ساباق مىنبەرىنە شىقتى. ولاردىڭ اراسىندا 6 ادام كلاس جەتەكشىسى بولدى.

  اۋا وتە قۇرعاق، شاڭ - توپىراق بۇرقاپ تۇر. ەرىن جارىلۋ، تاماق ءىسۋ، مۇرىننان قان اعۋ... بۇل سىرتتان كەلگەندەردە ۇنەمى ۇشىرايتىن اۋرۋ، ولاردىڭ بارلىعى دا بۇدان قاعىس قالمادى.

  قۇمدى بوران دا سوقتى. سول كۇنى ساباق ءوتىلىپ جاتقان بولاتىن، كۇن اياق استىنان بۇزىلىپ تۇنەك باستى. ەسىكتى اشقاندا ادامدى بۋلىقتىراتىن توپىراق ءيىسى كەڭسىرىكتى قاپتى. مەكتەپ حاۋىپسىزدىك ءۇشىن وقىتۋشىلاردىڭ وقۋشىلاردى ۇيلەرىنە جەتكىزىپ قويۋ كەرەكتىگىن حابارلاندىردى.

  مۇندايدى العاش رەت كورگەن ”حىبەيلىك مۇعالىمدار“ ساسىپ قالدى. 15 ادام ەكى، ۇشتەن ءبولىنىپ، وقۋشىلاردى ۇيلەرىنە جەتكىزدى. قايتىپ كەلگەننەن كەيىن ولار: ”قۇمدى بوران سوقتى بولدى ساباق توقتاسا، بالالاردىڭ وتىلمەي قالعان ساباعىن قايتەمىز“، - دەپ باس قاتىردى.

  2002 - جىلى 15 ادامنىڭ اراسىندا بىرەۋى اكە - شەشەسىنىڭ ناۋقاسى سالماقتى بولعاندىقتان چەرشەننەن كەتۋدى ۇيعاردى. كوكتەم باسى، اۆتوكولىك بەكەتىندە بالالار ىزعىرىق سۋىقتا سانالى تۇردە قاتارعا تۇرىپ، وقىتۋشىلارىن شىعارىپ سالدى. اۆتوكولىك بەكەتىنەن قايتىپ كەلگەندە بالالار ءتىس جارمادى. ەرتەسى ساباق كەزىندە، ءبىر بالا قورعانشاقتاي حوۋ چاۋرۋدان: ”مۇعالىم، سىزدەر كەتپەيتىن شىعارسىزدار“، - دەپ سۇرادى. بالانىڭ ىنتىراز بولعان جانە قايتەرىن بىلمەي داعدارعان جانارىنا قاراعان حوۋ چاۋرۋدىڭ وزەگى ورتەندى، سونىمەن بىرگە ءبىر ءتۇرلى كۇش كەرنەدى: ”ءبىز كەتپەيمىز، سەندەرمەن بىرگە بولامىز“.

  كۇش - قۋات بولسا، كەرەمەتتەردى جاراتۋعا بولادى. 2003 - جىلى ولار ورتالاۋ 1 - جىلدىقتان ورتالاۋ 3 - جىلدىققا دەيىن ساباق بەرگەن العاشقى توپتاعى ورتالاۋ مەكتەپ وقۋشىلارى وقۋ تاۋىسىپ، ورتا مەكتەپكە تاپسىرعان ەمتيحان ناتيجەسى بايىنعولين موڭعۇل اۆتونوميالى وبلىسى بويىنشا اعالاپ العا شىقتى.

  قۇمدى بوران نازىك جانداردى شىدامدى ەتىپ شىڭدادى. 22 جىل، 8000 نەشە تاۋلىك، ولار تالايلاعان ۇزدىك وقۋشىلاردى تاربيەلەدى: ىلمينۇر ءومارجان 2019 - جىلى ورتالىق راديو - تەلەۆيزيا باس ستانسياسىنىڭ جۇرگىزۋشىلەر جارىسىندا ونەرىمەن اعالاپ وزدى؛ نۇرمانگۇل يمىن ورتالىق ۇلتتار داشۋەسىنە قابىلداندى، مەكتەپ بىتىرگەننەن كەيىن كۇڭزى شۋەيۋانىنىڭ ساباق مىنبەرىنە شىقتى؛ وقۋىن تامامداپ قايتىپ كەلگەن جاڭ چۇنجيە ۇزدىك وقىتۋشى بولدى...

  ”باس شۋجي حاتىندا ءبىزدى ماداقتادى، ءبىز ەرەكشە شابىت الدىق، الايدا ىستەگەنىمىزدىڭ جەتكىلىكتى ەمەس ەكەندىگىن ابدەن بىلەمىز، ءبىز تاعى دا قۇلشىنا ءتۇسىپ، اناعۇرلىم كوپ ۇزدىك بالالاردى باۋلىپ شىعۋىمىز كەرەك“، - دەدى حوۋ چاۋرۋ.

باس شۋجيدىڭ جاۋاپ حاتى اناعۇرلىم كوپ جاستاردى باتىسقا بارۋدى ۇلى ماقسات ەتۋگە شابىتتاندىردى

  باس شۋجي شي جينپيڭنىڭ باۋديڭ شۋەيۋانىنان باتىس بولىكتىڭ وقۋ - اعارتۋىنا كومەككە بارعان مەكتەپ بىتىرگەن وقۋشىلار شوعىرى ۋاكىلدەرىنە جازعان جاۋاپ حاتى باۋديڭ شۋەيۋانىنان چەرشەن اۋدانىنا كومەككە بارعان وقىتۋشىلار شوعىرىنىڭ ىزگى ىستەرىن ادامداردىڭ قانىق بىلۋىنە مۇمكىندىك جاساپ، كوپتەگەن ادامداردى اسەرلەندىرىپ، اسەر ەتىپ، تالايلاعان جوعارى مەكتەپ وقۋشىلارىن باتىسقا بارۋدى ۇلى ماقسات ەتۋگە شابىتتاندىرۋدا.

  2014 - جىلدان بەرى بۇكىل ەلدىڭ جەر - جەرىنەن قىرۋار وقۋشى شينجياڭ سىندى وسى كەرەمەت قۇتتى مەكەنگە اياق باستى. چەرشەن اۋدانىنا 2014 - جىلدان بەرى باسقا ولكە، رايون، قالادان 900دەن استام جوعارى مەكتەپ وقۋشىسى تامىر تارتىپ، وقۋ - اعارتۋدىڭ ءبىرىنشى شەبىندە ءۇن - ءتۇنسىز ەڭبەكتەندى؛ باۋديڭ شۋەيۋانىنان كەلگەن وقىتۋشىلار 26عا جەتىپ، باستاۋىش، ورتالاۋ، ورتا مەكتەپ سىندى ءارقايسى مەكتەپتەرگە تارالدى.

  شۇن ينا باۋديڭ شۋەيۋانىنىڭ 2003 - جىلدىق اعىلشىن ءتىلى فاكۋلتەتىنەن وقۋ تاۋىسقان وقۋشى. ونى وقىتۋشى اعا - اپەكەلەرىنىڭ ءشول جازيراعا ءوزىن ارناعان ىزگى ىستەرى تەرەڭ اسەرلەندىرەدى. مەكتەپ بىتىرگەن كەزدە ول اكە - شەشەسىنە تەلەفون شالىپ: ”مەن شينجياڭنىڭ چەرشەنىنە بارۋعا بەكىدىم“، - دەيدى.

  چەرشەنگە كەلگەننەن كەيىن ول جالعىز ءوزى 3 كلاسقا ساباق وتەدى، ءبىر كۇن ساباق وتكەندە تاماعى ءورت شالعانداي قۇرعاپ كەتەتىن. 3 اي وتكەننەن كەيىنگى ءبىر كۇنى ول بالالارعا ساباق ءماتىنىن وقىتىپ جاتىپ، كەنەتتەن ءۇنى شىقپاي قالادى. شيپاگەر دىبىس جەلبەزەگى جابىلماي قالعان، بۇل جۇتقىنشاعىنا اسىرە كۇش ءتۇسۋ سەبەبىنەن بولعان دەگەن دياگنوز قويادى.

  كەيىن ءۇنى شىقپاي قالۋ جايتى ءۇرتىس كورىلگەنىمەن، الايدا شۇن ينا قاجىماي قايسارلىق كورسەتىپ، وسى قيىن كۇندەردى وتكەردى. ءبىر رەتكى ساباق ۇستىندە شۇن ينا تاماعىن قىرناپ، ەرىن قيمىلىن كەلتىرىپ، وقۋشىلارعا جەكە ارىپتەردىڭ دىبىستالۋىنان ۇلگى كورسەتەدى. ”سول كەزدە ساباقحانا ەرەكشە تىم - تىرىس بولدى، بالالار توتەنشە مۇقيات ۇيرەندى“، ولاردىڭ ىنتىققان جانارى ساعان قيىندىقتى جەڭەتىن كوپ كۇش بەرەدى، - دەدى شۇن ينا.

  حوۋ چاۋرۋ بىلاي دەدى: ”2021 - جىلى جاڭا ساباق ولشەمى جولعا قويىلدى، ءبىز جاس وقىتۋشىلارمەن بىرگە ىشكەرىلەي ىزدەنىپ، تاجىريبە اۋىستىق. ءبىز جاس بولماساق تا، الايدا ءبىز جاستىق ارمانىمىزدى ۇمىتپادىق. باس شۋجي شي جينپيڭنىڭ ءۇمىت ەتكەندەي جۇڭگو ارمانىن جۇزەگە اسىرۋ ۇلى امالياتى بارىسىندا تاماشا ءومىر ورنەكتەرىن سالامىز“.

  قازىرگى تاڭداعى چەرشەن اۋدانىندا بيىك عيماراتتار ەڭسە كوتەردى، كوشە كەڭ، قالا، اۋىل تاس جولى شار تاراپقا تۇتاسقان، چەرشەندى باسىپ وتەتىن حوتان - چارقىلىق تەمىر جولىندا جاقىن ارادا پويەز قاتىنايدى. قالا سىرتىنداعى قۇمدى تىزگىندەۋ بازاسىندا قاتار - قاتار وتىرعىزىلعان جىڭعىلدار شەكسىز جاسىل الەم قالىپتاستىرعان.

  ”جان - جاقتان كەلگەن وقىتۋشىلار وسى اراداعى ءار ۇلت بۇقاراسىمەن تىلەكتەس بولدى. ولار ءشول جازيراعا تامىر تارتقان جىڭعىل“، - دەدى چەرشەن اۋداندىق 1 - ورتا مەكتەپتىڭ باستىعى ۋاڭ شياۋجۇن.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.