تۇڭعىش نىساندا 10 مىڭ مۋ جەرگە بانلانگىن ەگۋ بازاسى سالىنادى
انار بۇلت / شينجياڭ گازەتىنىڭ ءتىلشىسى ليۋ ي 4 - ايدىڭ 12 - كۇنى التايدان حابارلايدى. 4 - ايدىڭ 11 - كۇنى ”گۋاڭدۇڭ ساۋدا ساپارى“ كاسىپ سالاسىن ۇشتاستىرۋ تۇعىرىنىڭ سايكەستىرۋىندە، جەبەۋىندە، گۋاڭجوۋ ءدارى - دارمەك توبى شەكتى سەرىكتەستىگى التاي ايماعىمەن جالپى بەتتىك ستراتەگيالىق سەلبەستىك كەلىسىمىنە قول قويىستى. تۇڭعىش تياناقتانعان نىسان − قابا اۋدانىندا 10 مىڭ مۋلىق بانلانگىن ەگۋ بازاسىن سالۋ، سالىنىپ بولعاننان كەيىن جىلىنا 2500 توننا بانلانگىن ءدارى ماتەريالدارى وندىرىلەتىندىگى، سونىمەن بىرگە قاتىستى كاسىپ سالالارىنىڭ دامۋىن جەبەيتىندىگى مەجەلەنىپ وتىر.
تانىستىرۋعا قاراعاندا، كەلىسىمگە قول قويىلعاننان كەيىن، ەكى جاق جۇڭگوشا ءدارى - دارمەك ماتەريالدارىن ەگۋ بازاسىن قۇرۋ، التايدىڭ ەرەكشە، ءىرى دەنساۋلىق ساقتاۋ ونىمدەرىن اشۋ، اقاۋسىز ساياحات جانە دەنساۋلىقتى كۇتىمدەۋ كاسىبىن دامىتۋ، ءدارى - دارمەك ساۋداسى مەن بولشەك ساتۋ كاسىبىن كەڭەيتۋ، ۇلتتىق شيپاگەرلىگى ەرەكشە ەمدەۋ - دياگنوز قويۋدى جالپىلاستىرۋ سياقتى جاقتاردا كاسىپ سالاسى سەلبەستىگىن ورىستەتىپ، التايدىڭ بيولوگيالىق ءدارى - دارمەك، دەنساۋلىق ساقتاۋ كاسىبى سالاسى مەن ەمدەۋ ىستەرىنىڭ جوعارى ساپالى دامۋىن ىلگەرىلەتەدى ەكەن.
گۋاڭجوۋ ءدارى - دارمەك توبى پارتكومىنىڭ شۋجيى، القا باستىعى لي چۋيۋان مىنانى ءبىلدىردى: وسى رەت التاي ايماعىمەن جالپى بەتتىك ستراتەگيالىق سەلبەستىك كەلىسىمىنە قول قويۋدا قارجىلاي جانە تەحنيكالىق قولداۋ كورسەتۋمەن بىرگە، گۋاڭجوۋ ءدارى - دارمەك توبى تاعى ءوزىنىڭ ايگىلى ماركا، ارنا، تەحنيكا، تيجارات باسقارۋ سياقتى باسىمدىقتارىن بەلسەندىلىكپەن ساۋلەلەندىرىپ، زور مولشەردە جۇمىستانۋعا باۋراپ، گۋاڭدۇڭ − شياڭگاڭ − اۋمىن ۇلكەن شىعاناق رايونىنىڭ وزىق ۇستانىمىن جەرگىلىكتى ورىنداعى بۇقاراعا جەتكىزىپ، التاي ايماعىنىڭ ەمدەۋ جانە ءدارى - دارمەك، دەنساۋلىق ساقتاۋ كاسىپ سالاسى تىزبەگىن اناعۇرلىم كەمەلدەندىرىپ، شارۋالاردىڭ كىرىسىن ارتتىرىپ، بايۋىن جەبەيدى.
ۇعىسۋعا قاراعاندا وسى رەتكى التاي ايماعى مەن گۋاڭجوۋ ءدارى - دارمەك توبىنىڭ تابىستى تۇردە كەلىسىمگە قول قويۋى جۋىقتا ورىستەتىلىپ جاتقان حۋاحاۋ مادەنيەت، عىلىم - تەحنيكا (گۋاڭجوۋ) شەكتى سەرىكتەستىگى باس بولىپ ۇيىمداستىرعان ”جىبەك جولى گۋاڭدۇڭ ساۋدا ساپارى − شينجياڭ سىندى جاقسى جەرگە كەلۋ“ بويىنشا گۋاڭدۇڭ ولكەسىندەگى ءىشىنارا ءتۇيىندى كاسىپورىندار تەكسەرۋ ۇيىرمەسىنىڭ شينجياڭعا كەلىپ قىزمەت تەكسەرۋىندەگى ماڭىزدى جەتىستىكتەرىنىڭ ءبىرى ەكەن. الداعى ءبىر اپتادا گۋاڭدۇڭ ولكەسىنەن كەلگەن 15 ايگىلى كاسىپكەر قاتىستى ۇجىمداردى باستاپ، ءۇرىمجى قالاسى، قاشقار ايماعى، التاي ايماعى سياقتى جەرلەردە ىشكەرىلەي تەكسەرۋ - زەرتتەۋ جۇرگىزىپ، شينجياڭنىڭ كاسىپ سالاسى باسىمدىعى مەن بايلىق باسىمدىعىنا مەڭزەس، جەر - جەردەگى ۇكىمەت تاراۋلارىمەن جانە ءتۇيىندى كاسىپورىندارمەن سەلبەستىك جاساۋ جونىندە تالقى ورىستەتىپ، دامۋدىڭ تىڭ ورايلارىن بىرگە قاراستىرىپ، شينجياڭ ەكونوميكاسىنىڭ جوعارى ساپالى دامۋىن جەبەۋگە كۇش قوسادى.
