شي جينپيڭ حايناندا قىزمەت تەكسەرگەندە بىلاي دەپ باسا دارىپتەدى
يدەيانى ازات ەتىپ، ءورىس اشا جاڭالىق اشىپ، ىنتىماقتاسا كۇرەس جۇرگىزىپ، قامال الىپ، قيىندىقتاردى جەڭىپ، دۇنيە جۇزىلىك ىقپال كۇشكە يە جۇڭگوشا ەركىن ساۋدا پورتىن جەدەل قۇرۋ كەرەك
4 - ايدىڭ 10 - كۇنىنەن 13 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حايناندا قىزمەت تەكسەردى. سۋرەتتە: 4 - ايدىڭ 11 - كۇنى تۇستەن كەيىن شي جينپيڭ ۋجىشان قالاسى شۇيمان اۋىلى ماۋنا قىستاعىندا جەرگىلىكتى ورىنداعى كادرلارمەن، بۇقارامەن ىستىق ىقىلاسپەن اڭگىمەلەسۋدە.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
4 - ايدىڭ 10 - كۇنىنەن 13 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حايناندا قىزمەت تەكسەردى. سۋرەتتە: 4 - ايدىڭ 12 - كۇنى تۇستەن بۇرىن شي جينپيڭ ياڭپۋ حالىقارالىق جۇك قورابى كەمەجايى شياۋچانتان پورت اۋماعىندا جۇمىس باسىنداعى قىزمەتكەرلەردىڭ، مىندەتكە ءىلىپ شىنىقتىرۋعا جىبەرىلگەن كادرلاردىڭ ۋاكىلدەرى قاتارلىلارمەن ىقىلاسپەن پىكىر الماستىرۋدا.
□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
شينحۋا اگەنتتىگىنىڭ 4 - ايدىڭ 13 - كۇنى حايكوۋدان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا حايناندا قىزمەت تەكسەرگەندە بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، رەفورما جاساۋدى، ەسىك اشۋدى جاپپاي تەرەڭدەتىپ، دامۋعا جاڭالىق اشۋ ارقىلى دەم بەرۋگە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، يدەيانى ازات ەتىپ، ءورىس اشا جاڭالىق اشىپ، ىنتىماقتاسا كۇرەس جۇرگىزىپ، قامال الىپ، قيىندىقتاردى جەڭىپ، دۇنيە جۇزىلىك ىقپال كۇشكە يە جۇڭگوشا ەركىن ساۋدا پورتىن جەدەل قۇرىپ، حايناندى جاڭا داۋىردەگى جۇڭگونىڭ رەفورما جاساۋىنىڭ، ەسىك اشۋىنىڭ ۇلگىسىنە اينالدىرىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
4 - ايدىڭ 10 - كۇنىنەن 13 - كۇنىنە دەيىن، شي جينپيڭ حاينان ولكەلىك پارتكومنىڭ شۋجيى شىن شياۋميڭنىڭ، ولكە باستىعى فىڭ فيدىڭ سەرىك بولۋىندا، ىلگەرىندى - كەيىندى سانيا، ۋجىشان، دانجوۋ سياقتى جەرلەرگە بارىپ، عىلمي زەرتتەۋ ورىندارى، مەملەكەت باقشاسى، ليزۋ قورجاسى، پورت، كەمەجاي سياقتىلاردى ارالاپ تەكسەرۋ - زەرتتەۋ جۇرگىزدى.
4 - ايدىڭ 10 - كۇنى تۇستەن كەيىن شي جينپيڭ الدىمەن سانيا قالاسى ياجوۋۋان عىلىم - تەحنيكا ورتالىعىنا ورنالاسقان ياجوۋۋان تۇقىم تاجىريبەحاناسىنا بارىپ قىزمەت تەكسەردى، تەكسەرۋ - زەرتتەۋ جۇرگىزدى. شي جينپيڭ عىلىم - تەحنيكا ورتالىعىنىڭ جوبا قۇرىلىسى جانە تاجىريبەحانانىڭ جالپى تۇلعالىق جاعدايى جونىندەگى تانىستىرۋدى تىڭدادى، تاجىريبەحانانىڭ تۇعىر ورناتىپ، تۇقىم شارۋاشىلىعىنىڭ جاڭالىق اشۋىن قولداۋ تابىستارى كورمەسىن كوردى، حاينان ولكەسىنىڭ اۋىل شارۋاشىلىق عىلىم - تەحنيكاسىندا جاڭالىق اشۋ ۇلگىسى جونىندە ىزدەنىس جاساۋ، مەملەكەتتىڭ استىق حاۋىپسىزدىگىنە تىرەك بولۋ، قامتاماسىز ەتۋ ءادىسىن تۇراقتاندىردى. شي جينپيڭ ىلگەرىندى - كەيىندى ءىرى تۇرپاتتى اسپاپتار الەۋمەتتىك قىزمەت وتەۋ ورتالىعىنا، دالمە - ءدال مولەكۋلالىق جوبالاۋ ارقىلى تۇقىم جەتىلدىرۋ ورتالىعىنا بارىپ، عىلمي زەرتتەۋ قىزمەتكەرلەرىمەن ىشكەرىلەي پىكىر اۋىستىردى. شي جينپيڭ بىلاي دەپ اتاپ كورسەتتى: جۇڭگولىقتار اس كەسەسىن ءوز قولىندا مىقتاپ ۇستاپ تۇرۋ ءۇشىن، ءسوز جوق، تۇقىمدى ءوز قولدارىندا مىقتاپ ۇستاۋى كەرەك. استىق حاۋىپسىزدىگىن جانە ماڭىزدى اۋىل شارۋاشىلىق ونىمدەرىمەن قامداۋدى قامتاماسىز ەتۋدى ارقاۋ ەتىپ شوعىرلى قامال الىپ، تۇقىم شارۋاشىلىعى عىلىم - تەحنيكاسىندا ءوز كۇشىنە سۇيەنۋدى، ءوزىن الۋەتتەندىرۋدى، تۇقىم قاينارىن دەربەس مەڭگەرۋدى جۇزەگە اسىرىپ، جۇڭگونىڭ تۇقىمىمەن جۇڭگونىڭ استىق حاۋىپسىزدىگىن قامتاماسىز ەتۋ كەرەك. اعا بۋىن اۋىل شارۋاشىلىق عىلمي زەرتتەۋ قىزمەتكەرلەرىنىڭ وتاندى كوكەيدە ساقتاعان، حالىققا قىزمەت وتەگەن تاڭداۋلى قاسيەتىنە مۇراگەرلىك ەتىپ جانە ونى اسقاقتاتىپ، ۇزاق بارىستا شىڭدالۋداي تەبىنمەن اۋىل شارۋاشىلىعى عىلىم - تەحنيكاسىنىڭ شىڭىنا باتىلدىقپەن شىعۋ كەرەك.
وسىدان كەيىن شي جينپيڭ جۇڭگو تەڭىز - مۇحيت داشۋەسى سانيا تەڭىز - مۇحيت زەرتتەۋ ورنىنا كەلىپ، تەڭىز - مۇحيتتى باقىلاۋ - ولشەۋ جابدىقتارى مەن ينفورماتسيالىق قىزمەت وتەۋ جۇيەسىن زەرتتەۋ - اشۋ، قولدانۋ جاعدايىن ۇعىسىپ، ”شىنحاي 1 - ءنومىرلى“ جۇمىس تۇعىرىمەن جەلىدە بايلانىس جاسادى. الدىڭعى شەپتەگى قىزمەتكەرلەر باس شۋجيگە ءبىرىنشى شەپتىڭ قىزمەت جاعدايىنان مالىمەت بەردى. شي جينپيڭ ولارمەن ىقىلاسپەن امانداسىپ، ولارعا حاۋىپسىزدىككە ءمان بەرۋدى، دەنساۋلىقتارىن كۇتۋدى تاپسىردى. شي جينپيڭ بىلاي دەپ باسا دارىپتەدى: تەڭىز - مۇحيتتا قۋاتتى ەل قۇرۋ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى كەلەلى ستراتەگيالىق مىندەت. تەڭىز - مۇحيت عىلىم - تەحنيكاسىندا جوعارى دەڭگەيدە ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋدى ىلگەرىلەتىپ، ءتول جاسامپازدىق سيپاتتى، جەتەكشىلىك سيپاتتى عىلىم - تەحنيكادا قامال الۋدى كۇشەيتىپ، جابدىق جاساۋدى ءوز قولىمىزدا مىقتاپ يگەرىپ، ءوز جابدىقتارىمىزدان پايدالانىپ مۇناي - گاز بايلىعىن اشۋعا قۇلشىنىپ، ەنەرگيادا ءوزىن قامداۋ مولشەرىن جوعارىلاتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋ كەرەك.
قىزمەت تەكسەرۋ بارىسىندا شي جينپيڭ اۆتوكولىكتەن ءتۇسىپ تەڭىز جاعالاۋىنىڭ ەكولوگيالىق ورتاسىن قورعاۋ قىزمەتىن تەكسەردى ءارى ءوزىنىڭ 12 جىلدىڭ الدىندا ەككەن ءبىر ءتۇپ بۇلاۋسۇڭعا تىڭايتقىش بەرىپ، سۋاردى. شي جينپيڭ جەرگىلىكتى ورىنداعى جاۋاپتى جولداستارعا قۇرلىق پەن تەڭىزدى ءبىر تۇتاس جوسپارلاۋدى كۇشەيتىپ، ەكولوگيانى قورعاۋ قىزمەتىن ماڭىزدى مىندەت ەتىپ مىقتى يگەرۋدى، ويداعىداي يگەرۋدى قاداعالاي تاپسىردى.
حاينان ولكەسى 2011 - جىلى 4 - ايدىڭ 20 - كۇنى ارالدان شىعاتىنداردىڭ باجىسىز زات ساتىپ الۋ ساياساتىن تۇيىندە سىناق ەتۋدى اتقاردى. 4 - ايدىڭ 11 - كۇنى تۇستەن بۇرىن شي جينپيڭ سانيا حالىقارالىق باجىسىز بازارىنا بارىپ، ارالدان شىعاتىنداردىڭ باجىسىز زات ساتىپ الۋ ساياساتىنىڭ تياناقتانۋى، اتقارىلۋى سياقتى جاعدايلاردى سول جەردىڭ وزىندە ۇعىستى. شي جينپيڭ بىلاي دەپ اتاپ كورسەتتى: تۇتىنۋدىڭ ەكونوميكانىڭ دامۋىنا بولعان نەگىزدىك سيپاتتى رولىن اناعۇرلىم ويداعىداي ساۋلەلەندىرىپ، ەل ءىشىنىڭ ەرەكشە زور كولەمدى بازار ابزالدىلىعىنا سۇيەنىپ، تاماشا بازار ورتاسى مەن زاڭمەن باسقارۋ ورتاسىن قالىپتاستىرىپ، سەنىمدى تيجارات جۇرگىزۋ، ساپالى قىزمەت وتەۋ ارقىلى تۇتىنۋشىلاردى باۋراپ، جۇڭگوشا ەركىن ساۋدا پورتىن قۇرۋعا اناعۇرلىم زور ۇلەس قوسۋ كەرەك.
4 - ايدىڭ 11 - كۇنى تۇستەن كەيىن شي جينپيڭ حاينان ارالىنىڭ ورتا وڭتۇستىك بولىگىندەگى ۋجىشان قالاسىنا بارىپ قىزمەت تەكسەردى، تەكسەرۋ - زەرتتەۋ جۇرگىزدى. حاينان ىستىق بەلدەۋلى جاڭبىرلى ورمان مەملەكەت باقشاسى ەلىمىزدەگى تۇڭعىش توپتاعى 5 مەملەكەت باقشاسىنىڭ ءبىرى. شي جينپيڭ ۋجىشان اۋماعىن ارالاپ، اعاش شارباق جولدى بويلاي جاياۋ ءجۇرىپ، باقشانىڭ ەكولوگيالىق ورتاسىن تەكسەرىپ كوردى، ءالسىن - ءالى دامىلداپ، اعاشتاردىڭ ءوسۋى، سۋ قاينارىن ساقتاۋ، حايۋانات، وسىمدىك بايلىعىن قورعاۋ سياقتى جاعدايلاردى تاپتەشتەي سۇرادى. ول بىلاي دەپ اتاپ كورسەتتى: حاينان ەكولوگيالىق ولكە قۇرۋعا تاباندى بولۋدان اۋىتقىماي، ەكولوگيالىق وركەنيەت قۇرىلىسىن ەڭ ماڭىزدى ورىنعا قويىپ، ىستىق بەلدەۋلى جاڭبىرلى ورماندى قاتاڭ قورعاپ، ەكولوگيانى قورعاۋدىڭ، جاسىل دامۋدىڭ، حالىق تۇرمىسىن جاقسارتۋدىڭ بىرلىگىن جۇزەگە اسىرىپ، دۇنيە جۇزىنە جۇڭگونىڭ مەملەكەت باقشاسى قۇرىلىسى جانە ورگانيزمدەردىڭ الۋان تۇرلىلىگىن قورعاۋداعى سۇبەلى تابىستى ايگىلەۋ كەرەك.
شۇيمان اۋىلى ماۋنا قىستاعى ۋجىشان قالاسىنداعى ليزۋ قورجاسى تاياۋ جىلداردان بەرى كورىكتى اۋىل - قىستاق قۇرىلىسىن بەلسەنە ىلگەرىلەتىپ، اۋىل - قىستاق ساياحاتى كاسىبىن بار كۇشپەن دامىتتى. باس شۋجي شي جينپيڭ قىستاققا كەلىپ تەكسەرۋ - زەرتتەۋ جۇرگىزىپ، قىستاق جولىن بويلاي كوزدەن كەشىردى. ليزۋ قىستاق تۇرعىنى ۋاڭ بوحى وتباسىنداعىلار باس شۋجيدى ىستىق ىقىلاسپەن قارسى الىپ ۇيلەرىنە باستادى. شي جينپيڭ اۋلا، قوناق بولمە، جاتىن ءۇي سياقتىلاردى كورىپ، قولمەن شاي جاساۋ شەبەرحاناسىندا شاي جاپىراعىن قۋىردى ءارى ەكى قالتا شاي جاپىراعىن ساتىپ الدى. شي جينپيڭ ولاردى شاي جاپىراعى تيجاراتىن ويداعىداي جۇرگىزۋگە، تۇرمىستارىن اناعۇرلىم جاقسارتۋعا ىنتالاندىردى.
قورجاداعى سايالىقتا شي جينپيڭ قىستاقتا تۇراتىن ءبىرىنشى شۋجي، اۋىل - قالاشىقتىڭ اۋىل - قىستاقتى گۇلدەندىرۋ قىزمەت اترەتىنىڭ باستىعى، قىستاق ياچەيكا شۋجيى، ساقا پارتيا مۇشەسى، بايۋ باستاماشىلارىنىڭ ۋاكىلدەرى قاتارلىلارمەن ىقىلاسپەن اڭگىمەلەسىپ، جەرگىلىكتى ورىننىڭ ەرەكشە كاسىپ سالاسىن جەرگىلىكتى جاعدايعا قاراي دامىتىپ، ۇلتتىق ءداستۇرلى مادەنيەتتى قورعاۋدى، جالعاستىرۋدى كۇشەيتۋ سياقتى جاعدايلاردى ۇعىستى. شي جينپيڭ بىلاي دەپ باسا دارىپتەدى: اۋىل - قىستاقتى جاپپاي گۇلدەندىرۋدى ىلگەرىلەتۋدىڭ تەتىگى ادامعا سۇيەنۋدە. ساياسيدا ىسىلعان، قابىلەتى مىعىم، ستيلى قاتاڭ اۋىل - قىستاقتى گۇلدەندىرۋ كادرلارى قوسىنىن قۇرىپ، بايۋ باستاماشىلارى، اۋىلعا ورالىپ شارۋاشىلىق قۇرعان داشۋە بىتىرگەن وقۋشىلار، قوسىننان بوساعان اسكەريلەر قاتارلىلاردى قامتىعان ءتۇرلى دارىندىلاردى اۋىل - قىستاقتى گۇلدەندىرۋ بارىسىندا ەڭبەك ءسىڭىرىپ، ەسە قوسۋعا باۋراۋ كەرەك. اۋىل - قىستاق نەگىزگى ساتى پارتيا ۇيىمى قۇرىلىسىن كۇشەيتىپ، نەگىزگى ساتى پارتيا ۇيىمىنىڭ جاۋىنگەر قورعاندىق رولىن تولىق ساۋلەلەندىرۋ كەرەك.
شي جينپيڭ ۇزىن ءدالىزدى بويلاي ليزۋدىڭ ەرەكشە اۋىل شارۋاشىلىق ونىمدەرى جانە ليزۋ كەستەسى، ورمە شارباق سياقتى بەيزاتتىق مادەنيەت مۇرالارى كورمەسىن كوردى. الاڭدا تامىلجىعان ءان شىرقالىپ، مۋزيكا اۋەلەپ، قىستاق تۇرعىندارى بامبۋك سىرىق ءبيىن بيلەپ، الىستان كەلگەن قوناقتى قارسى الدى. شي جينپيڭ ىقىلاستى تۇردە كوپشىلىككە بىلاي دەدى: ليزۋ اۋىلداستارىنا امانداسا كەلگەنىمە قاباعات قۋانىپ وتىرمىن، سىزدەردىڭ باقىتتى تۇرمىس كەشىرگەندەرىڭىزدى كورىپ قاتتى ءسۇيىندىم. ءبىز جاپپاي دوڭگەلەك داۋلەتتى قوعام ورناتقاننان كەيىن، تاعى جالپى حالىقتىڭ بىرگە بايۋىنا ۇزدىكسىز ۇمتىلىپ، سوتسياليستىك وسىزاماندانعان مەملەكەت قۇرۋىمىز كەرەك. اۋىل - قىستاقتى گۇلدەندىرۋدە كاسىپ سالاسىن ەكولوگيالاندىرۋ مەن ەكولوگيانى كاسىپ سالالاندىرۋ جاعىنا كۇش سالىپ، ورگانيكالى اۋىل شارۋاشىلىق ونىمدەرىن ءوندىرۋ، اۋىل - قىستاق ساياحاتى، سەيىل - سەرۋەن اۋىل شارۋاشىلىعى سياقتى كاسىپ سالالارىن ۇزدىكسىز كۇشەيتىپ، زورايتىپ، بەيزاتتىق مادەنيەت مۇرالارىن جالعاستىرۋدى ويداعىداي ىستەپ، كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى ىلگەرىلەتۋدى اۋىل - قىستاقتى جاپپاي گۇلدەندىرۋمەن ءونىمدى ۇشتاستىرۋ كەرەك. ءار دارەجەلى باسشى كادرلار پارتيانىڭ بۇقارالىق لۋشيانىن دايەكتىلەندىرىپ، پارتيانىڭ ءتۇبىرلى باس ماقساتىن ەستە بەرىك ساقتاپ، بۇقارانىڭ ويلاعانىن ويلاپ، بۇقارانىڭ اسىققانىنا اسىعىپ، بارلىق زەيىن - زەردەسىن بۇقارانى تاماشا تۇرمىسقا كەنەلتۋ جاعىنا جۇمساۋ كەرەك.
4 - ايدىڭ 12 - كۇنى تۇستەن بۇرىن شي جينپيڭ حاينان ارالىنىڭ باتىس سولتۇستىگىنە ورنالاسقان دانجوۋ قالاسىنا كەلىپ قىزمەت تەكسەردى، تەكسەرۋ - زەرتتەۋ جۇرگىزدى. كورمە سارايىندا شي جينپيڭ ياڭپۋ ەكونوميكالىق اشۋ رايونىن قۇرۋ، دامىتۋ جالپى تۇلعالىق جاعدايى جونىندەگى تانىستىرۋدى تىڭدادى ءارى اشۋ رايونىنىڭ دامۋ بارىسى، قۇرىلىس تابىسى، بولاشاق جوباسى، سونداي - اق ىرگە تەپكەن كاسىپورىنداردىڭ تابىسى سياقتى كورمەنى دەن قويا كوردى. شي جينپيڭ بىلاي دەپ اتاپ كورسەتتى: ياڭپۋ ەكونوميكالىق اشۋ رايونى حاينان ەركىن ساۋدا پورتىنىڭ الدىمەن اتقارۋ رايونى، ۇلگى كورسەتۋ رايونى رەتىندە، حايناننىڭ ەكونوميكالىق ەرەكشە رايوندى باسقارۋ تاجىريبەسىن ويداعىداي قورىتىندىلاپ، ”جۇڭگو ياڭپۋ پورتى“ كەمە قاراستىلىعى پورتىنىڭ ساياسات ابزالدىلىعىنان ويداعىداي پايدالانىپ، باتىلدىقپەن جاڭالىق اشۋ، الدىمەن اتقارىپ، الدىمەن سىناق ەتۋ كەرەك.
وسىدان كەيىن شي جينپيڭ ياڭپۋ حالىقارالىق جۇك قورابى كەمەجايى شياۋچانتان پورت اۋماعىنا بارىپ، پورتتىڭ قۇرىلىس، دامۋ جاعدايىن ۇعىسىپ، جۇمىس باسىنداعى قىزمەتكەرلەردىڭ، مىندەتكە ءىلىپ شىنىقتىرۋعا جىبەرىلگەن كادرلاردىڭ ۋاكىلدەرى قاتارلىلارمەن ىقىلاسپەن پىكىر الماستىردى. شي جينپيڭ بىلاي دەپ باسا دارىپتەدى: پورتتى گۇلدەندىرۋدە، تاسىمال كاسىبىن دامىتۋدا ورىندى ويداعىداي يگەرىپ، ۇيلەسىمدىلىگىن كۇشەيتىپ، جاسىل دامۋعا، ەكولوگيانى الدىڭعى ورىنعا قويۋعا تاباندى بولىپ، پورتتىڭ دامۋى مەن ياڭپۋ ەكونوميكالىق اشۋ رايونى، ەركىن ساۋدا پورتى قۇرىلىسىنىڭ ءبىر - بىرىنە سايكەس كەلۋىن ىلگەرىلەتىپ، بىرگە العا باسۋىن ءوزارا جەبەپ، باتىس بولىك قۇرلىق، تەڭىز جاڭا ارناسى قۇرىلىسىنا، ”ءبىر بەلدەۋ، ءبىر جولدى“ بىرگە قۇرۋعا اناعۇرلىم ويداعىداي قىزمەت وتەۋ كەرەك. ول بىلاي دەپ اتاپ كورسەتتى: پارتيا ورتالىق كوميتەتىنىڭ ەركىن ساۋدا پورتىنا مىندەتكە ءىلىپ شىنىقتىرۋعا كادر تاڭداپ جىبەرۋى پارتيا ورتالىق كوميتەتىنىڭ ەركىن ساۋدا پورتى قۇرىلىسىنا كوڭىل بولەتىندىگىن جانە ونى قولدايتىندىعىن ايگىلەگەندىك ءارى كادرلاردى باۋلىپ، شىنىقتىرعاندىق. مىندەتكە ءىلىپ شىنىقتىرۋعا جىبەرىلگەن كادرلاردىڭ بەلسەندى رولىن ساۋلەلەندىرىپ، ولاردىڭ نەگىزگى ساتى ءبىرىنشى شەبىندە قابىلەتتەرىن ارتتىرۋىنا مۇمكىندىك جاساۋ كەرەك.
4 - ايدىڭ 13 - كۇنى تۇستەن بۇرىن شي جينپيڭ حاينان رەفورما جاساۋدى، ەسىك اشۋدى جاپپاي تەرەڭدەتۋ جانە جۇڭگوشا ەركىن ساۋدا پورتى قۇرىلىسىنىڭ تابىستارى كورمەسىن ارالاعاننان كەيىن، حاينان ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، حايناننىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىرىپ، حايناننىڭ ”ەڭبەك ماعان جازىلماسا دا بولادى“ دەيتىن رۋحاني دەڭگەيمەن جانە ”ەڭبەك سىڭىرۋدە مەن بولماسام بولمايدى“ دەيتىن تاريحي جاۋاپكەرشىلىك ارقالاۋمەن حاينان ەركىن ساۋدا پورتىن جۇڭگونىڭ كەلبەتىن كورسەتەتىن جارقىن تانىسقى ەتىپ تۇلعالاپ شىعۋىن ءۇمىت ەتتى.
شي جينپيڭ بىلاي دەپ اتاپ كورسەتتى: ەركىن ساۋدا پورتى قۇرىلىسىن ىلگەرىلەتۋ كۇردەلى جۇيەلى ينجەنەريا، ۇزاق ۋاقىت كۇرەس جۇرگىزۋدىڭ يدەيالىق دايىندىعى مەن قىزمەت دايىندىعىن جاقسى ىستەۋ كەرەك. حاينان ەركىن ساۋدا پورتى قۇرىلىسىنىڭ جالپى تۇلعالىق جوباسىن جانە حاينان ەركىن ساۋدا پورتى زاڭىن دايەكتىلەندىرۋدى، تياناقتاندىرۋدى ۇزدىكسىز ويداعىداي يگەرىپ، تۇزىمدە شوعىرلى جاڭالىق اشۋدى كورنەكتى ورىنعا قويىپ، ”ورتالىق ءبىر تۇتاس جوسپارلاۋ، تاراۋلار قولداۋ، ولكە تياناقتاندىرۋدى يگەرۋ“ سىندى قىزمەتتى ىلگەرىلەتۋ مەحانيزمىن كۇشەيتىپ، حاينان ەركىن ساۋدا پورتىنىڭ ءساتتى تۇردە ۋاعىندا جابىق جۇمىس ىستەۋىنە شىنايى كەپىلدىك ەتۋ كەرەك. پارتيانىڭ باسشىلىعىنا مىزعىماستان تاباندى بولىپ، سانالى تۇردە پارتيا مەن مەملەكەتتىڭ كەلەلى جاعدايىندا تۇرىپ ماسەلەنى ويلاپ، ءىس ىستەپ، قاي - قاشان دا دۇرىس ساياسي بەتالىسقا تاباندى بولۋ كەرەك. جۇڭگوشا سوتسياليزم تۇزىمىنە مىزعىماستان تاباندى بولىپ، جۇڭگوشا سوتسياليزم سىندى وسى تۇراقتى سيپاتىن مىقتاپ يگەرۋ كەرەك. مەملەكەت حاۋىپسىزدىگىن قورعاۋعا مىزعىماستان تاباندى بولىپ، ەلەۋلى حاۋىپ - قاتەرلەردى پارىقتاۋدى جانە ولاردان ساقتانۋدى كۇشەيتىپ، رەفورمانى، دامۋدى، ورنىقتىلىقتى ءبىر تۇتاس جوسپارلاپ، الدىمەن قۇرىپ، ودان كەيىن كۇشىنەن قالدىرۋعا، قۇرماي تۇرىپ كۇشىنەن قالدىرماۋعا تاباندى بولۋ كەرەك.
شي جينپيڭ بىلاي دەپ باسا دارىپتەدى: حايناندى اناعۇرلىم جاقسى دامىتۋدا جاڭا دامۋ ۇستانىمىن دايەكتىلەندىرۋ، جوعارى ساپالى دامىتۋدى ىلگەرىلەتۋ ءتۇبىرلى شىعار جول. نازاردى ساياحات كاسىبىن، وسى زامانعى قىزمەت وتەۋ كاسىبىن، جوعارى، جاڭا تەحنيكا كاسىپ سالاسىن، ىستىق بەلدەۋلى وزگەشە جوعارى ءونىمدى اۋىل شارۋاشىلىعىن دامىتۋعا شوعىرلاندىرىپ، وسى زامانعى كاسىپ سالاسى جۇيەسىن جەدەل قۇرۋ كەرەك. عىلىم - تەحنيكا ءتۇزىلىس - مەحانيزم رەفورماسىن جەدەل ىلگەرىلەتىپ، عىلىم - تەحنيكادا جاڭالىق اشۋ جانە جەتىستىكتەردى كادەگە جاراتۋ تەبىنىن ارتتىرۋ كەرەك. قۇرلىق پەن تەڭىزدى ءبىر تۇتاس جوسپارلاۋدى، تاۋ مەن تەڭىزدە قوسىلا ارەكەت ەتۋدى، بايلىقتاردى ۇلاستىرۋدى كورنەكتىلەندىرىپ، قالا مەن اۋىلدىڭ وڭىرلىك سايكەسە دامۋىن ىلگەرىلەتۋ كەرەك. ءار جاقتاعى ءتۇزىلىس - مەحانيزم جەتەرسىزدىكتەرىن كۇش سالا جويىپ، اناعۇرلىم كەڭ كولەمدى، اناعۇرلىم كەڭ سالالى، اناعۇرلىم تەرەڭ ساتىلى سىرتقا ەسىك اشۋ ارناسىن قالىپتاستىرۋ كەرەك.
شي جينپيڭ بىلاي دەپ اتاپ كورسەتتى: اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىشكەرىلەي ىلگەرىلەتىپ، اۋىل شارۋاشىلىعىنىڭ تۇتاس كاسىپ تىزبەگى قۇرىلىسىن كۇشەيتىپ، ەكولوگيانى قورعاۋدىڭ قىزىل سىزىعى، ماڭگىلىك نەگىزگى ەگىنجاي، قالا - قالاشىقتى اشۋ شەكاراسى سىندى 3 تىزگىندەۋ سىزىعىن قاتاڭ ساقتاۋ كەرەك. قالا مەن اۋىلدىڭ، سونداي - اق تىڭ اشىلعان وڭىرلەردىڭ ءبىر تۇلعادا سايكەستى دامۋىن ىلگەرىلەتىپ، مەملەكەتتىك نانفان عىلمي زەرتتەۋ، تۇقىم جەتىلدىرۋ بازاسى قۇرىلىسىن جەدەل ىلگەرىلەتىپ، تابيعي كاۋچۇك كاسىپ سالاسىن قولداۋ ساياساتىن كەمەلدەندىرۋ كەرەك. لاستانۋدان ساقتانۋدان جانە ونى جونگە سالۋدان قامال الۋ شايقاسىن ىشكەرىلەي، ويداعىداي جۇرگىزىپ، تەڭىزدى قورشاپ تولتىرۋدى باسقارۋ - تىزگىندەۋدىڭ جانە جاعالاۋ جەلىسىن اشۋدى باسقارۋ - تىزگىندەۋدىڭ ەڭ قاتاڭ شارالارىن تياناقتاندىرۋ كەرەك. مەملەكەتتىك ەكولوگيالىق وركەنيەت سىناق رايونى قۇرىلىسىن تىڭعىلىقتى ىلگەرىلەتۋ كەرەك. ىستىق بەلدەۋلى جاڭبىرلى ورمان مەملەكەت باقشاسى مەملەكەتتىڭ اسىل قازىناسى، سۋ قويماسى، استىق قامباسى، اقشا قويماسى، ونان دا ماڭىزدىسى، كومىر قىشقىل گازى قامباسى، ونىڭ مەملەكەت جونىنەن ستراتەگيالىق ءمانىن جىعا تانىپ، مول جەمىس بەرۋىنە قۇلشىنۋ كەرەك.
شي جينپيڭ بىلاي دەپ باسا دارىپتەدى: رەفورما تەرەڭدەپ، ەسىك اشۋ كەڭەيگەن سايىن، رۋحاني وركەنيەت قۇرىلىسىن سولعۇرلىم كۇشەيتۋ كەرەك. مۇرات - سەنىم تاربيەسىن قاجىماي - تالماي ويداعىداي يگەرىپ، سوتسياليستىك وزەكتى قۇن كوزقاراسىن جەتىلدىرىپ جانە اسقاقتاتىپ، بۇقارالىق رۋحاني وركەنيەتتى ورىن قۇرۋ قيمىلدارىن كەڭىنەن ورىستەتىپ، حالىقتىڭ وركەنيەت ساپاسى مەن قوعامنىڭ وركەنيەت دەڭگەيىن ۇزدىكسىز جوعارىلاتۋ كەرەك. سەنىم قۇرىلىسىن كۇشەيتىپ، تارتىپكە، زاڭعا بويسۇناتىن، ادالدىقپەن سەنىمدى بولاتىن قوعامدىق سالتتى دارىپتەۋ كەرەك.
شي جينپيڭ بىلاي دەپ اتاپ كورسەتتى: مەيىرگە يە اناعۇرلىم كوپ شارالاردى اتقارىپ، جۇرت جۇرەگىن مەيىرگە بولەيتىن اناعۇرلىم كوپ ارەكەتتەردى تياناقتاندىرىپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن دەن قويا، سۇيىسپەنشىلىكپەن، كۇش سالا ويداعىداي شەشىپ، بىرگە بايۋدى جۇزەگە اسىرۋدىڭ جولىن بەلسەندىلىكپەن قاراستىرۋ كەرەك. اۋىرتپالىقتى جەڭىلدەتۋ، جۇمىس ورىندارىن ورنىقتىرۋ، جۇمىستاندىرۋدى كەڭەيتۋ ساياساتتارىن ۇزدىكسىز اتقارىپ، ماڭىزدى حالىق تۇرمىسى تاۋارلارىمەن قامداۋدى قامتاماسىز ەتۋ، باعاسىن ورنىقتىرۋ مەحانيزمىن اقاۋسىزداندىرۋ كەرەك. پارتيانىڭ وقۋ - اعارتۋ باعىتىن جالپى بەتتىك دايەكتىلەندىرىپ، مىندەتتى وقۋ - اعارتۋدى بىركەلكى دامىتۋدى جانە قالا مەن اۋىلدى ءبىر تۇلعالاندىرۋدى ءبىر تۇتاس جوسپارلاپ ىلگەرىلەتۋ كەرەك. قوعامدى باسقارۋ قىزمەتىن جان - جاقتى جاقسى ىستەپ، ءوندىرىس حاۋىپسىزدىگى قىزمەتىن تىڭعىلىقتى جاقسى ىستەپ، قارا كۇشتەردى الاستاۋ، سۇرقيا كۇشتەردى جويۋ كۇرەسىن ۇدايىلاندىرىپ ورىستەتىپ، تەڭىزگە ساياتىن ءتۇرلى زاڭعا قايشى قىلمىستى ارەكەتتەرگە قاتاڭ سوققى بەرۋ كەرەك.
شي جينپيڭ بىلاي دەپ باسا دارىپتەدى: قاتاڭ بولۋ نەگىزگى اۋەنىنە تاباندى بولىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، پارتيانىڭ ءار جاقتاعى قۇرىلىستارىن پارتيانىڭ ساياسي قۇرىلىسىن ءبىر تۇتاس باسشىلىققا الا وتىرىپ ىلگەرىلەتۋ كەرەك. پارتيا تاريحىن ۇيرەنۋ تاربيەسىنىڭ جەتىستىكتەرىن بەكەمدەپ، كەڭەيتىپ، پارتيا قۇرۋ ۇلى رۋحىن اسقاقتاتىپ، حاينان چيۇڭيا قوسىنى ەسكەرتكىش الاڭ - ورنى، قىزىل ايەلدەر ارمياسى ەسكەرتكىش باقشاسى سياقتى قىزىل بايلىقتاردان ويداعىداي پايدالانىپ، قالىڭ پارتيا مۇشەلەرىن، كادرلاردى مۇرات - سەنىمدى بەكەمدەۋگە، قىزىل گەندى جالعاستىرۋعا، قىزىل قان تامىردى جالعاستىرۋعا جەتەكتەۋ كەرەك. كادرلاردى تاربيەلەۋدى، باۋلۋدى كۇشەيتىپ، قالىڭ پارتيا مۇشەلەرىن، كادرلاردى پارتيانىڭ جاسامپاز نازارياسىمەن وي - سانانى قارۋلاندىرىپ، اۋەلگى ماقساتتى، بورىشتى سانالى تۇردە امالياتتا ايگىلەپ، ”قابىلەت داعدارىسى“، قابىلەت جەتىسپەۋ ماسەلەلەرىن كۇش سالا شەشىپ، فورماشىلدىقتى، تورەشىلدىكتى كۇش سالا جويۋعا جەتەكتەۋ كەرەك. نەگىزگى ساتىنىڭ نەگىزىن بەكەمدەپ، پارتيا ۇيىمدارىمەن ءونىمدى قامتۋدى ۇزدىكسىز كەڭەيتىپ، ءار سالاداعى نەگىزگى ساتى پارتيا ۇيىمدارىن قۋاتتى جاۋىنگەرلىك قورعان ەتىپ قۇرۋ كەرەك. شىرىكتەسۋگە قارسى تۇرۋدىڭ وكتەم كۇيىن ساقتاپ، شىرىكتەسۋگە قارسى تۇرۋ كۇرەسىنىڭ جاڭا كەزەڭدىك ەرەكشەلىگىن دۇرىس يگەرىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعادا ىلگەرىلەتىپ، جەردى جالعا الۋدى بەكىتۋ، قوراجاي اشۋ، ساۋداگەر شاقىرىپ قارجى ەنگىزۋ، نىسان قۇرىلىسى سياقتى جاقتاردا ءتۇزىمدى اقاۋسىزداندىرىپ، ساڭلاۋلاردى بىتەپ، تاماشا ساياسي ەكولوگيا قالىپتاستىرۋ كەرەك.
شي جينپيڭ بىلاي دەپ اتاپ كورسەتتى: قازىر الەمدە جاڭا تيپتى ايدارشا ۆيرۋس وكپە قابىنۋ ىندەتى ءالى دە توتەنشە اۋىر، وتە - موتە، ساقتانۋ - تىزگىندەۋ قىزمەتىن بوساڭسىتۋعا بولمايدى. تاباندىلىق − جەڭىس. حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا تاباندى بولىپ، عىلمي، دالمە - ءدال، يكەمدى نولگە تۇسىرۋگە تاباندى بولىپ، ىندەتتەن ساقتانۋ - تىزگىندەۋ شارالارىن ەگجەي - تەگجەيلى يگەرۋ، ناقتى يگەرۋ كەرەك. سالعىرتسۋ يدەياسىن، شايقاستان قاجۋ كوڭىل كۇيىن، باق سىناۋ پسيحولوگياسىن، بوساڭسۋ پيعىلىن جويىپ، ۆيرۋستىڭ ءتۇر وزگەرتۋدەي جاڭا ەرەكشەلىگىنە قاراتا عىلمي، دالمە - ءدال ساقتانۋ - تىزگىندەۋ قابىلەتىن جوعارىلاتىپ، شۇعىل جاعدايعا توتەپ بەرۋ جوبالارىن كەمەلدەندىرىپ، ساقتانۋ - تىزگىندەۋ شارالارىن ۇدايىلاندىرۋدى قاتاڭ تياناقتاندىرىپ، ىندەتتىڭ ەكونوميكالىق، قوعامدىق دامۋعا جاسايتىن ىقپالىن ەڭ جوعارى شەكتە ازايتۋ كەرەك.
ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
