ما شيڭرۇي ىلە قازاق اۆتونوميالى وبلىسىندا، اقسۋ ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
اۋىل شارۋاشىلىعىنىڭ جالپىلىق ءوندىرىس قۋاتىن بار كۇشپەن جوعارىلاتىپ، شينجياڭنىڭ اۋىل شارۋاشىلىعىنىڭ، اۋىل - قىستاعىنىڭ وسىزاماندانۋىن جەدەل ىلگەرىلەتۋ كەرەك
تاياۋدا اۆتونوميالى رايوندىق پارتكومنىڭ شۋجيى ما شيڭرۇي ىلە قازاق اۆتونوميالى وبلىسىنا جانە اقسۋ ايماعىنا بارىپ تەكسەرۋ - زەرتتەۋ جۇرگىزدى. سۋرەتتە: ما شيڭرۇي اۋات اۋدانى سانحى قالاشىعى شۇڭقىراعىن قىستاعىنىڭ ماقتا اتىزىنا بارىپ، مايسانىڭ كوكتەۋىن، توپىراقتىڭ ىلعالدىعىن جۇمىس باسىندا تەكسەرىپ، كوكتەمگى ەگىستىڭ اياق الىسى، اۋىل شارۋاشىلىعىندا سۋ ۇنەمدەۋ سياقتى جاعدايلاردى ۇعىسۋدا.
□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ ءتىلشىسى ۋاڭ شيڭرۇي 4 - ايدىڭ 13 - كۇنى اقسۋدان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي تاياۋدا ىلە قازاق اۆتونوميالى وبلىسىنا جانە اقسۋ ايماعىنا بارىپ، ەگىن، مال شارۋاشىلىعىن وسىزامانداندىرۋ، كوكتەمگى ەگىس جۇمىسى، ەگىنجاي سۋ يگىلىگى سياقتى قىزمەتتەر جونىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تىعىز ارقاۋ ەتىپ، شينجياڭنىڭ اۋىل شارۋاشىلىعىن، اۋىل - قىستاعىن دامىتۋ قىزمەتتەرىن جۇيەلى جوسپارلاپ، تىڭعىلىقتى ىلگەرىلەتىپ، كوكتەمگى ەگىس ءوندىرىسىن مىقتاپ، ناقتى يگەرىپ، اۋىل شارۋاشىلىعىنىڭ جالپىلىق ءوندىرىس قۋاتىن جوعارىلاتىپ، ەگىن، مال شارۋاشىلىعى دامۋىنىڭ جالپى تۇلعالىق دەڭگەيىن جوعارىلاتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەل ىلگەرىلەتۋ كەرەك.
ما شيڭرۇي موڭعۇلكۇرە جىلقى فەرماسىنىڭ ءناسىلدى جىلقى ءوسىرۋ بازاسى، ىلە ءناسىلدى جىلقى فەرماسى ىلە جىلقىسىن تەكسەرۋ، ۇيرەتۋ - باپتاۋ ورتالىعى، كەلپىن اۋدانى تۇيە باعىمشىلىعى بازاسى جانە حۋاشىڭيۋان بيو عىلىم - تەحنيكاسى، جياڭمۋ جايلىم ەكولوگياسى اۋىل شارۋاشىلىق عىلىم - تەحنيكا دامىتۋ شەكتى سەرىكتەستىگى جانە مياندۋ ءمۇسالاسى سياقتى كاسىپورىندارعا بارىپ، ەرەكشە كاسىپ سالاسىن جەتىلدىرۋ، اۋىل شارۋاشىلىق ونىمدەرىن جىنتىكتەي مانەرلەۋ، ەگىنشى - مالشىلاردىڭ كىرىسىن ارتتىرۋعا دەم بەرۋ سياقتى جاعدايلاردى ۇعىستى. ول بىلاي دەپ باسا دارىپتەدى: شينجياڭنىڭ ەگىن، مال شارۋاشىلىعى بايلىعى باسىمدىعىن تولىق ساۋلەلەندىرىپ، ەرەكشە ەگىن، مال شارۋاشىلىعىن كولەمدەندىرىپ، كاسىپ سالالاندىرىپ، بازارلاندىرىپ دامىتۋدى جەدەل ىلگەرىلەتىپ، ءار ۇلت ەگىنشى - مالشىلارىن كاسىپ سالاسىنىڭ ارتقان قۇن پايداسىنان اناعۇرلىم كوپ يگىلىكتەنۋگە باستاۋ كەرەك.
اۋات اۋدانى سانحى قالاشىعى شۇڭقىراعىن قىستاعىندا ما شيڭرۇي ماقتا اتىزىنا بارىپ، مايسانىڭ كوكتەۋىن، توپىراقتىڭ ىلعالدىعىن جۇمىس باسىندا تەكسەرىپ، كوكتەمگى ەگىستىڭ دامۋ جاعدايى، اۋىل شارۋاشىلىعىندا سۋ ۇنەمدەۋ سياقتى جاعدايلاردى ۇعىستى. ول بىلاي دەپ باسا دارىپتەدى: ەگىس ۋاقىتىن قولدان جىبەرمەي، كوكتەمگى اۋىل شارۋاشىلىعى ءوندىرىسى قىزمەتىن تىڭعىلىقتى ويداعىداي يگەرىپ، اۋىل شارۋاشىلىعى ماتەريالدارىمەن قامداۋدى جانە باعا ورنىقتىلىعىنا كەپىلدىك ەتىپ، اۋىل شارۋاشىلىعى تەحنيكاسى جونىنەن جەتەكشىلىك ەتۋدى، قىزمەت وتەۋدى جانە اتىز باسقارۋدى كۇشەيتىپ، ءوندىرىستى ورنىقتىرۋ، ءونىمدى ارتتىرۋ شارالارىن تياناقتاندىرىپ، اۋىل شارۋاشىلىعىنان مول ءونىم الۋ نەگىزىن ۇزدىكسىز بەكەمدەۋ كەرەك.
ما شيڭرۇي تەكەس وزەنى، ىلە وزەنى، قىزىل سۋ قويماسى جانە تارىم وزەنىنىڭ قاينار كوزى سىندى ءۇش وزەننىڭ توعىسقان جەرىنە بارىپ، وزەن ارناسىنىڭ سۋ جاعدايىن كوزدەن كەشىردى، سۋ بايلىعىن قورعاۋ، پايدالانۋ، كوكتەمگى سۋارۋدى قامتاماسىزداندىرۋ سياقتى جاعدايلاردى ۇعىسىپ، بىلاي دەپ باسا دارىپتەدى: سۋ بايلىعىن عىلمي، ۇيلەسىمدى ورنالاستىرۋدى كۇشەيتىپ، كوكتەمگى سۋارۋعا پايدالانىلاتىن سۋدى كۇش سالا قامتاماسىز ەتىپ، اۋىل شارۋاشىلىعىنا پايدالانىلاتىن سۋمەن تولىق قامداۋدى جانە سۋ بايلىعىن جوعارى ونىمدىلىكپەن ۇنەمدەپ پايدالانۋدى ءبىر تۇتاس جوسپارلاپ، اۋىل شارۋاشىلىعىن دامىتۋداعى سۋ يگىلىگى تىرەگىن ۇزدىكسىز كۇشەيتۋ كەرەك.
ما شيڭرۇي تارىم مۇناي الابى كىلا 2 - گاز الابى مەن باي كاسىپ باقشاسى رايونىنا كەلىپ، تابيعي گازدى اشۋ، قامداۋ، كومىر بايلىعىن مانەرلەۋ، پايدالانۋ سياقتى جاعدايلاردى ۇعىسىپ، بىلاي دەپ باسا دارىپتەدى: مۇناي - گاز بايلىعىن اشۋدى ۇزدىكسىز كۇشەيتىپ، ەنەرگيامەن قامداۋداعى ساپانى جانە ودان پايدالانۋ ونىمدىلىگىن جوعارىلاتىپ، كومىردەن تازا، جوعارى ءونىمدى پايدالانۋدى ىلگەرىلەتىپ، كومىر حيميا ونەركاسىبى اينالمالى ەكونوميكا كاسىپ تىزبەگىن قۇرىپ، ەكونوميكانىڭ جوعارى ساپالى دامۋىنا دەم بەرۋ كەرەك. G577 جەلىسى تەكەستەن موڭعۇلكۇرەگە دەيىنگى تاس جولدى وزگەرتىپ سالۋ نىسانىنىڭ جۇمىس باسىندا ما شيڭرۇي ينجەنەريانىڭ اياق الىسى جاعدايىن ۇعىسىپ، بىلاي دەپ باسا دارىپتەدى: قۇرىلىستىڭ ءتيىمدى ءساتىن مىقتاپ يگەرىپ، ينجەنەريا قۇرىلىسىن جوعارى ولشەممەن، جوعارى ساپامەن ىلگەرىلەتىپ، ەكونوميكالىق، قوعامدىق دامۋداعى نەگىزدىك قۇرىلعىلاردى قامتاماسىز ەتۋدى ۇزدىكسىز كۇشەيتۋ كەرەك.
ما شيڭرۇي تاعى باي اۋدانىنداعى قىزىل مىڭ ءۇي جانە تەكەس اۋدانى يجيڭ مادەنيەت باقشاسى، تايجي تەكشەسى سياقتى جەرلەرگە بارىپ، تاريحي مادەني مۇرالاردى قورعاۋ، مادەنيەت پەن ساياحاتتى توعىسپالى دامىتۋ سياقتى جاعدايلاردى ۇعىسىپ، بىلاي دەپ باسا دارىپتەدى: تاريحي مادەني مۇرالاردى قورعاۋدى ماڭداي الدى ورىنعا قويىپ، شينجياڭدى مادەنيەتپەن نارلەندىرۋ ينجەنەرياسىن اتقارۋمەن ۇشتاستىرىپ، ۇلتتاردىڭ ارالاسۋىنىڭ، ىشتەسۋىنىڭ، توعىسۋىنىڭ تاريحي ءمانىن ىشكەرىلەي اشىپ، جۇڭحۋا ۇلتى ورتاق تۇلعا تانىمىن بەرىك ورناتىپ، مادەنيەت پەن ساياحاتتىڭ توعىسپالى دامۋىن جەبەۋ كەرەك.
ما شيڭرۇي تەكسەرۋ - زەرتتەۋ بارىسىندا بىلاي دەپ باسا دارىپتەدى: باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، باسىمدىقتى ءدال تاۋىپ، ۇزدىكسىز كۇش سالىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، قالا مەن اۋىلدىڭ توعىسپالى دامۋىن ىلگەرىلەتىپ، ەگىن، مال شارۋاشىلىعىنىڭ جوعارى ساپالى، جوعارى ءونىمدى بولۋىن، اۋىل - قىستاقتىڭ قونىستانۋعا، كاسىپكە جايلى بولۋىن، ەگىنشى - مالشىلاردىڭ باي - باقىتتى بولۋىن جەبەۋ كەرەك. باسىمدىققا يە ەگىن، مال شارۋاشىلىعىن دامىتىپ، ءوندىرىس قۋاتىن جوعارىلاتىپ، استىق القاپتارىن قورعاۋ، ەگىستىك جەر بايلىعىنان عىلمي، ۇيلەسىمدى پايدالانۋ ستراتەگياسىن تياناقتاندىرىپ، استىق ەگىلەتىن جەر اۋدانىن ورنىقتىرىپ، ماقتا، ەرەكشە جەمىس ورمانى سياقتىلاردىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتىپ، جەم - ءشوپ ءوندىرىسىن كۇشەيتىپ، ەگىنشىلىك رايوندارىنداعى مال شارۋاشىلىعىن گۇلدەندىرىپ، اۋىل شارۋاشىلىعىنداعى جەتەكشى كاسىپورىندار، شارۋالار سەلبەستىك كووپەراتيۆتەرى، وتباسى ەگىس الاڭدارى قاتارلىلاردى جەتىلدىرىپ جانە دامىتىپ، اۋىل شارۋاشىلىعىنىڭ تۇتاس كاسىپ تىزبەگىن دامىتىپ، وسى زامانعى اۋىل شارۋاشىلىق كاسىپ سالاسى جۇيەسىن، ءوندىرىس جۇيەسىن، تيجارات جۇيەسىن جەدەل ورناتۋ كەرەك. اۋىل شارۋاشىلىعى سۋ يگىلىگى مەن جوعارى ولشەمدى ەگىنجاي قۇرىلىسىن كۇشەيتىپ، اۋىل شارۋاشىلىعىندا وزىندىك قۇندى ۇنەمدەۋدى، ساپانى جوعارىلاتۋدى، ءونىمدى ارتتىرۋدى، ونىمدىلىكتى ارتتىرۋدى جانە 1 -، 2 -، 3 - كاسىپتەردى توعىستىرا دامىتۋدى تياناق ەتىپ، اۋىل شارۋاشىلىعىنىڭ جوعارى ءونىمدى سۋ ۇنەمدەۋ ينجەنەرياسىن جوعارى ولشەمدى ەگىنجاي قۇرىلىسى سياقتىلارمەن تىعىز ۇشتاستىرىپ، سۋدان عىلمي پايدالانۋدى، سەپتەۋدى كۇشەيتىپ، ەگىنجاي سۋ يگىلىگى قۇرىلعىلار قۇرىلىسىن جەدەلدەتىپ، سۋ ۇنەمدەۋ، ءونىمدى ارتتىرۋ تەحنيكاسىن جالپىلاستىرۋدى، قولدانۋدى كۇشەيتىپ، جوعارى ءونىمدى سۋ ۇنەمدەۋدىڭ زەردەلىلەنۋ، اقىل - پاراساتتانۋ دەڭگەيىن جوعارىلاتۋ كەرەك. وسى زامانعى اۋىل شارۋاشىلىعى ءوندىرىس بازاسىن جەدەل قۇرىپ، وسى زامانعى اۋىل شارۋاشىلىعى كاسىپ باقشاسى قۇرىلىسىن ويداعىداي يگەرىپ، مەملەكەتتىڭ ساپالى ماقتا، ماقتا ءجىپ بازاسىن جەدەل قۇرىپ، ەرەكشە جەمىس ورمانىن ولشەمدەندىرۋ وندىرىسىنەن ۇلگى كورسەتۋ بازاسى قۇرىلىسىن ىلگەرىلەتىپ، جەرگىلىكتى جاعدايعا قاراي ءبىر توپ ەرەكشە اۋىل شارۋاشىلىق ونىمدەرىن ءوندىرۋ بازاسىن قۇرۋ كەرەك. ەگىنشى - مالشىلاردىڭ كىرىسىن ۇزدىكسىز ارتتىرىپ، بايۋىنا جەتەكشىلىك ەتىپ، كاسىپ سالاسىن جەتىلدىرۋدى، كاسىپورىننىڭ دامۋىن بۇقارانىڭ جۇمىستانۋىمەن، اۋىل - قىستاقتى گۇلدەندىرۋمەن، ۇلتتار ىنتىماعىمەن اناعۇرلىم ويداعىداي ءبىر تۇتاس جوسپارلاۋعا باسا ءمان بەرىپ، ءار ۇلت ەگىنشى - مالشىلارىنىڭ پايدا تابۋىنا، كوپ پايدا تابۋىنا مۇمكىندىك جاساپ، شارۋالاردىڭ، اۋىل - قىستاقتاردىڭ بىرگە بايۋىن جەبەۋ كەرەك.
اۆتونوميالى رايوننىڭ باسشىلارىنان قادەن كابەن، دوۋ ۋانگۇي، چيۋ شۋحۋا قاتارلىلار تەكسەرۋ - زەرتتەۋگە قاتىناستى.
