ەركىن تۇنياز قارامايلى قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
جاڭالىق اشۋدى جوعارى ساپالى دامۋعا جەتەكشىلىك ەتەتىن ءبىرىنشى قوزعاۋشى كۇش ەتۋ كەرەك
انار بۇلت / شينجياڭ گازەتىنىڭ ءتىلشىسى لي ياڭ 4 - ايدىڭ 13 - كۇنى قارامايلىدان حابارلايدى. 4 - ايدىڭ 11 - كۇنىنەن 12 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قارامايلى قالاسىنا بارىپ، ىندەتتەن ساقتانۋ، تىزگىندەۋ، زەردەلى قالا قۇرىلىسى، كاسىپ سالاسىنىڭ تيبىن وزگەرتىپ، دارەجەسىن جوعارىلاتۋ، جوعارى وقۋ - اعارتۋ، ساياحات كاسىبىن دامىتۋ سياقتىلار جونىندە تەكسەرۋ - زەرتتەۋ جۇرگىزدى. ەركىن تۇنياز بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جاڭالىق اشۋ ارقىلى دامۋعا دەم بەرۋ ستراتەگياسىنا تاباندى بولىپ، ”ءبىر نەگىزدى، كوپ تۇلعالى“ كاسىپ سالاسى قۇرىلىمىن ساپالىلاندىرۋدى، دارەجەسىن جوعارىلاتۋدى ىلگەرىلەتىپ، جوعارى ساپالى دامۋدا قۇلشىنا جاڭا جاعداي اشۋ كەرەك.
ەركىن تۇنياز ىلگەرىندى - كەيىندى قارامايلى قالالىق قالا جوباسى سارايىنا، قارامايلى بۇلتتىق ەسەپتەۋ كاسىپ سالاسى باقشا رايونىنا، مايتاۋ - كۇشار تاس جولى مۇراجايىنا بارىپ، قالانىڭ دامۋ جوباسى، ءتۇيىندى باقشا رايوندارى جانە كەلەلى نىسان قۇرىلىسى، سيفرلى شارۋاشىلىقتىڭ دامۋ جاعدايى سياقتىلاردى ەگجەي - تەگجەيلى ۇعىستى. ول بىلاي دەپ باسا دارىپتەدى: قارامايلى نازاردى مۇناي، مۇناي حيميا وزەكتى كاسىپتەرىنە شوعىرلاندىرىپ، ەنەرگيا، حيميا ونەركاسىپ كاسىپ سالاسى جۇيەسى تىزبەگىن ۇزارتۋ، تىزبەگىن تولىقتاۋ، تىزبەگىن كەڭەيتۋ، تىزبەگىن كۇشەيتۋ كەرەك. سونىمەن بىرگە سيفرلى شارۋاشىلىق، مادەنيەت، ساياحات، فينانس، ساۋدا سياقتى كاسىپ سالالارىنىڭ دامۋىن جەدەلدەتىپ، ەكونوميكانىڭ دامۋىنا كۇش قوسۋى ءتيىس. ەركىن تۇنياز قارامايلى قالاسى قارامايلى رايونى يىنبين ءمالىسى بيشۇي حۋايۋان الەۋمەتتىك اۋماعىنا بارىپ، الەۋمەتتىك اۋماق كادرلارىمەن بەتپە - بەت وتىرىپ كەڭەستى، ىندەتتەن ساقتانۋ - تىزگىندەۋ، بۇقارانىڭ جۇمىستانۋى، الەۋمەتتىك اۋماقتى جونگە سالۋ سياقتى قىزمەتتەردىڭ ورىستەتىلۋ جاعدايىن ەگجەي - تەگجەيلى ۇعىستى. ول بىلاي دەپ باسا دارىپتەدى: سالعىرتسۋ، بەيعامدىققا سالىنۋ يدەياسىن باتىل جەڭىپ، ىندەتتەن ساقتانۋ - تىزگىندەۋ قىزمەتىن زاڭ بويىنشا عىلمي، دالمە - ءدال جاقسى ىستەپ، ءار ۇلت بۇقاراسىنىڭ ءومىرىن، سالاماتتىعىن، حاۋىپسىزدىگىن ويداعىداي قورعاۋ كەرەك. نەگىزگى ساتى پارتيا قۇرىلىسىنىڭ ساياسي يقۋاتى مەن قىزمەت وتەۋ رولىن ورگانيكالى ۇشتاستىرىپ، بۇقارالىق قىزمەتتى دەن قويا، ىنتا - پەيىلىمەن، كۇش سالا جاقسى ىستەپ، تۇرعىنداردى، بۇقارانى پارتيانىڭ سوزىنە قۇلاق اسۋعا، پارتياعا العىس ايتۋعا، پارتياعا ىلەسۋگە تاربيەلەۋ، جەتەكتەۋ كەرەك.
ەركىن تۇنياز جۇڭگو مۇناي شينجياڭ مۇناي الابى بولىمشە سەرىكتەستىگىنىڭ بارلاۋ، اشۋ زەرتتەۋ ورنىنا، جۇڭگو مۇناي مايتاۋ مۇناي حيميا سەرىكتەستىگىنە، جۇڭگو مۇناي داشۋەسىنىڭ (بەيجيڭ) قارامايلى مەكتەپ رايونىنا بارعاندا مىنالاردى باسا دارىپتەدى: جوعارى مەكتەپتەردىڭ اقىل - پاراسات جانە دارىندىلار جاعىنداعى تىرەكتىلىك رولىن جەتە ساۋلەلەندىرىپ، مۇناي - تابيعي گاز بايلىعىن بارلاۋ، اشۋ تەبىنىن تاعى دا ارتتىرىپ، عىلىم - تەحنيكالىق زەرتتەۋ - اشۋ، جاڭالىق اشۋ دەڭگەيىن تاعى دا جوعارىلاتۋ، ەنەرگيا، حيميا ونەركاسىپ كاسىپ سالاسى تىزبەگىن ۇزارتۋدان قايتالاي قامال الىپ، رايونىمىز وسى زامانعى ونەركاسىبىنىڭ جوعارى ساپالى دامۋىن ىلگەرىلەتۋ كەرەك.
تەكسەرۋ - زەرتتەۋ بارىسىندا ەركىن تۇنياز بىلاي دەپ باسا دارىپتەدى: جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، تىڭ دامۋ جاعدايىن قالىپتاستىرىپ، جاڭالىق اشۋدى جوعارى ساپالى دامۋعا جەتەكشىلىك ەتۋدەگى ءبىرىنشى قوزعاۋشى كۇش ەتىپ، عىلىم - تەحنيكا مينيسترلىگى، شينجياڭ ۇيعۇر اۆتونوميالى رايونى، جۇڭگو عىلىم اكادەمياسى جانە شىنجىن قالاسى سىندى ”ءتورت جاق سەلبەستىگى“ مەحانيزمىنەن ويداعىداي پايدالانىپ، عىلىم - تەحنيكادا جاڭالىق اشۋ جەتىستىكتەرىن كادەگە جاراتۋدى جەدەلدەتۋ كەرەك. ەكولوگيانى ماڭداي الدى ورىنعا قويۋ، جاسىل دامۋ بەتالىسىن مىقتاپ ورناتىپ، جاسىل ءتۇستى دامۋدىڭ ەڭ كوركەم نەگىزگى تۇسىنە اينالدىرۋ كەرەك. وزىندىك ەرەكشەلىككە يە بايلىقتى تەرەڭدەي اشىپ، قىزىل ساياحات، مۇناي، ونەركاسىپ ساياحاتى، عىلىم جالپىلاستىرۋ بويىنشا زەرتتەۋ - وقىتۋ ساياحاتىنان ۇلگى كورسەتۋ بازاسىن قۇرىپ، مادەنيەت پەن ساياحاتتىڭ توعىسا دامۋىن جەبەۋ كەرەك. بازارلانعان، زاڭمەن باسقارىلعان، حالىقارالانعان شارۋاشىلىق - ساۋدا ورتاسىن ۇزدىكسىز قالىپتاستىرىپ، اناعۇرلىم كوپ كومەسكى كۇشتى، قوزعاۋشى كۇشتى قاۋلاتۋ جانە شىعارۋ كەرەك.
اۆتونوميالى رايون باسشىلارىنان ءيۇسۇپجان مامەت تەكسەرۋ - زەرتتەۋدە بىرگە بولدى.
