انار بۇلت / شينجياڭ گازەتىنىڭ ءتىلشىسى رىن حۋا 4 - ايدىڭ 13 - كۇنى ۇرىمجىدەن حابارلايدى. بيىل 1 - ايدان 3 - ايعا دەيىن بۇكىل شينجياڭدا تىڭنان تىزىمگە الىنعان ءتۇرلى بازار تۇلعالارى 110 مىڭعا جەتتى. 3 - ايدىڭ 31 - كۇنىنە دەيىن بۇكىل شينجياڭدا بازار تۇلعالارىنىڭ تىركەلۋ جالپى سانى 2 ميلليون 180 مىڭعا (بيڭتۋاننان 216 مىڭىن قامتيدى) جەتىپ، بىلتىرعى سايكەس مەزگىلدەگىدەن ％5.9 ارتقان. مۇنىڭ ىشىندە بۇكىل شينجياڭدا تىركەلگەن كاسىپورىنداردىڭ جالپى سانى 460 مىڭعا جەتىپ، سايكەس مەزگىلدەگىدەن ％7.11 ارتقان.
”بىلتىردان بەرى اۆتونوميالى رايوندىق بازار باقىلاۋ - باسقارۋ مەكەمەسى ساۋدا ىستەرى ءتۇزىمى رەفورماسىنىڭ شارالارىن بۇكىل ەلمەن تەڭ قادامدا تياناقتاندىرىپ، شارۋاشىلىق - ساۋدا ورتاسىن ۇزدىكسىز ساپالىلاندىردى، بازار تۇلعالارى ءۇرتىس ورنىقتى ارتۋ كۇيىن ساقتادى“. اۆتونوميالى رايوندىق بازار باقىلاۋ - باسقارۋ مەكەمەسى تىزىمگە الۋ، تىركەۋگە الۋ باسقارماسىنىڭ باستىعى زو شينمين بىلاي دەدى: رايونىمىز ”تيجارات كۋالىگى مەن تيجارات رۇقسات كۋالىگىن ءبولۋ“ رەفورماسىن جاپپاي تياناقتاندىرىپ، كاسىپورىن تۇلعالارىنىڭ بازارعا كىرۋ رۇقساتىن ونان ارى كەڭەيتىپ، كاسىپورىن اشۋعا قىزمەت وتەۋ دەڭگەيىن ۇزدىكسىز جوعارىلاتىپ، كاسىپورىنداردى تىزىمگە الۋ، تىركەۋگە الۋ ۋاقىتىن ءبىر قىزمەت كۇنى ىشىنە قىسقارتتى. سونىمەن بىرگە ساۋدا ىستەرى تۇلعالارىن تىزىمگە الۋ، ءبىتىرۋ ءتارتىبىن ۇزدىكسىز ساپالىلاندىرىپ، بازار تۇلعالارىنىڭ بارلىق تىزىمدەلۋ ىستەرىن جەلىدە ءبىتىرۋدى جۇزەگە اسىرىپ، بۇقارانىڭ ”ەڭ كوپ بولعاندا ءبىر رەت بارۋىنا“ مۇمكىندىك جاسادى.
3 - ايدا، باستىسى، ماي قۇيۋ، گاز قوسۋ جابدىقتارىن زەرتتەپ اشۋمەن جانە ساتۋمەن شۇعىلداناتىن سىچۋان كايدىيۋان عىلىم - تەحنيكا شەكتى سەرىكتەستىگى ءۇرىمجى قالاسىندا ەل ىشىندەگى تۇڭعىش بولىمشە سەرىكتەستىگىن تىركەۋگە الدىردى. بولىمشە سەرىكتەستىكتىڭ جاۋاپتىسى لي جيڭ بىلاي دەدى: وسى 2 جىلدا سەرىكتەستىك شينجياڭدا كوپ رەت تەكسەرۋ جۇرگىزىپ، شينجياڭنىڭ ەنەرگياسى مول، بازارى كەڭ دەپ قارادى، سوندىقتان شينجياڭدا قارجى قوسۋدى، دامۋدى ۇيعاردى. اسىرەسە، بيىل جىل باسىنان بەرى شينجياڭ شارۋاشىلىق - ساۋدا ورتاسىن ساپالىلاندىرۋدىڭ كوپتەگەن شارالارىن العا قويدى، بولىمشە سەرىكتەستىكتىڭ شينجياڭداعى دامۋىنا تولىق سەنىمدەمىز.
”بيىل جىل باسىنان بەرى، اسىرەسە، 3 - ايدا بازار تۇلعالارى سانىنىڭ قاۋىرت ارتۋى شينجياڭنىڭ قارجى قوسۋ ورتاسىنىڭ جاقسارعاندىعىنىڭ، كاسىپورىنداردىڭ قارجى قوسۋ سەنىمىنىڭ بىرتىندەپ قالپىنا كەلگەندىگىنىڭ ەڭ جاقسى دالەلى“. شينجياڭ داشۋەسى ەكونوميكا جانە باسقارۋ شۋەيۋانىنىڭ پروفەسسورى لي جينيە تالداۋ جاساپ بىلاي دەپ قارادى: شينجياڭنىڭ ورنىقتىلىعىنىڭ پايداسى ۇزدىكسىز جارىققا شىعۋدا. اسىرەسە، بيىل جىل باسىنان بەرى اۆتونوميالى رايون باسىمدىققا يە كاسىپ سالالارىنىڭ تىزبەگىن ۇزارتۋ، تولىقتاۋ، كەڭەيتۋ، كۇشەيتۋ جۇمىستارىن ءبىر تۇتاس جوسپارلاپ ىلگەرىلەتىپ، كاسىپ سالاسى نەگىزىن قايتا تۇلعالاۋ ينجەنەرياسىن اتقارىپ، كاسىپ سالاسىنىڭ شوعىرلانۋىن، شوعىرلى دامۋىن جەدەل ىلگەرىلەتۋ سياقتى ءبىر قىدىرۋ شارالاردى اتقارىپ، ەكونوميكانىڭ قاۋىرت دامۋىن پارمەندى ىلگەرىلەتتى. جەر - جەر دە شارۋاشىلىق - ساۋدا ورتاسىن جاقسارتۋ شارالارىن جابال العا قويدى، ءىرى كاسىپورىندار، ءىرى توپتار ىركەس - تىركەس كەلىپ تەكسەرۋ جۇرگىزىپ، قارجى قوسىپ، بازار تۇلعالارىنىڭ سەنىمىن پارمەندى تاسقىنداتتى، شينجياڭنىڭ بولاشاعى نۇرلى.
