بايىنعولين وبلىسى:
تالاي جىلدىق قوقىر - قوقسىق تازالاندى، قورشاعان ورتا ۇقىق - مۇددەسى قامتاماسىز ەتىلدى
انار بۇلت / شينجياڭ گازەتىنىڭ ءتىلشىسى ۋاڭ يايۇن، ەرىكتى ءتىلشى لياۋ جۇن 4 - ايدىڭ 13 - كۇنى ۇرىمجىدەن حابارلايدى. ”قازىر سىرتقا شىققاندا وراعىتىپ وتپەيتىن بولدىق، جەل سوقسا شىعاتىن شاڭ - توزاڭدار جوق بولدى، شىنىندا، وتە جاقسى بولدى“. 4 - ايدىڭ 10 - كۇنى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى كورلا زات تاسىمال ورتالىعىنىڭ ماڭىندا تۇراتىن حى حۇڭمەي كوڭىلدەنە وسىلاي دەدى.
جۋىقتا بۇقارانىڭ ورتالىق ەكولوگيالىق ورتانى قورعاۋدى قۋزاۋ - تەكسەرۋ 5 - گرۋپپاسىنا بايىنعولين موڭعۇل اۆتونوميالى وبلىسىنا ورنالاسقان كورلا زات تاسىمال ورتالىعى زات الاڭىنىڭ وڭتۇستىك قاقپاسىنىڭ شىعىس جاعىنداعى داۋالدىڭ ىشىنە جانە باتىس قاقپانىڭ وڭتۇستىك جاعىنا قۇرىلىس قوقىر - قوقسىقتارى مەن تۇرمىستىق قوقىر - قوقسىقتاردى توگۋ سىندى ماسەلەلەردىڭ سول ماڭداعى تۇرعىنداردىڭ قالىپتى تۇرمىسىنا ىقپال جاساعاندىعى اڭىس ەتىلگەن ەدى.
ارىز - ارمان ىستەرىن بىتىرۋگە وتكىزۋدى قابىلداعاننان كەيىن، بايىنعولين وبلىسى مەن كورلا قالاسى دەرەۋ قاتىستى تاراۋلار مەن ورىنداردىڭ جاۋاپتىلارىن ناق مايدانعا بارىپ تەكسەرۋ جۇرگىزۋگە ۇيىمداستىردى. تەكسەرۋ ارقىلى كورلا زات تاسىمال ورتالىعى زات الاڭىنىڭ وڭتۇستىك قاقپاسىنىڭ شىعىس جاعىنداعى داۋال ىشىندەگى قوقىر - قوقسىقتاردىڭ 2010 - جىلدان 2012 - جىلعا دەيىن زات الاڭىن سالعان كەزدە قالعاندىعىن انىقتايدى.
”3 - ايدىڭ 30 - كۇنى تاڭ سارىدە قورشاعان ورتانى قورعاۋ تاراۋلارىنىڭ سايكەسۋىندە ءبىز 3 قازۋ ماشيناسى جانە كوپتەگەن تازالاۋ كولىكتەرىن ىسكە قوسىپ، ءۇرتىس 36 ساعات جالعاستىرا شايقاس جاساپ، قوقىر - قوقسىقتى تولىق تازالاپ اكەتتىك“. كورلا زات تاسىمال ورتالىعىنىڭ باس ديرەكتورى گاۋ لەي بىلاي دەدى: زات الاڭىنىڭ باتىس قاقپاسىنىڭ وڭتۇستىك جاعىنداعى تۇرمىستىق قوقىر - قوقسىقتاردا قاتىستى تالاپ بويىنشا تازالاندى.
”ءبىز ماسەلەنى باعدار ەتۋگە تاباندى بولىپ، بىرەۋى ارقىلى وزگەسىن تۇسپالداپ، ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋدەگى رەتتەۋ - تۇزەتۋ قىزمەت تالابى بويىنشا، ارىز - ارمان ارقىلى اشكەرەلەنگەن ماسەلەلەردى رەتتەۋ - تۇزەتۋدى ويداعىداي ىستەيمىز. سونىمەن بىرگە، قاراستى اۋماقتاعى قاتىستى ەكولوگيالىق ورتا ماسەلەلەرىن انىقتاۋ سەرپىنىن ارتتىرىپ، ماسەلەلەردى ەرتە بايقاۋدى، ەرتە شەشۋدى ورىنداپ، بۇقارانىڭ باقىت كورسەتكىشىن شىن مانىندە جوعارىلاتامىز“، - دەدى بايىنعولين وبلىسى ەكولوگيالىق ورتا مەكەمەسى كورلا قالالىق بولىمشە مەكەمەسى پارتيا باسشىلىق گرۋپپاسىنىڭ شۋجيى جاڭ زۋفىڭ.
ۇعىسۋىمىزشا، بايىنعولين وبلىسى تاعى بۇقارا ارىز - ارمان ارقىلى اشكەرەلەگەن ماسەلەلەردى رەتتەۋ - تۇزەتۋ جاعدايىنا ”قايتا قاداعالاۋ“ ورىستەتىپ، باسقارۋدىڭ ونىمدىلىگىن تەرەڭدەتىپ، ەكولوگيالىق ورتا ماسەلەسىنىڭ قايتا بەلەڭ بەرۋىن بار كۇشپەن تەجەپ، ەڭ بەرىك بەكىممەن، ەڭ ىجداعاتتى قىزمەتپەن، ەڭ قاتاڭ شارامەن قالانى ەگجەي - تەگجەيلى باسقارۋدى تەرەڭدەتىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن شىن مانىندە كۇشەيتىپ، ءار ۇلت بۇقاراسىنىڭ قورشاعان ورتا ۇقىق - مۇددەسىن قورعاعان.
