2022 - جىلعى اۆتونوميالى رايوننىڭ اتكەزشىلىككە سوققى بەرۋ ، جالپىلىق جونگە سالۋ قىزمەتى ءماجىلىسى اشىلدى
اتكەزشىلىككە سوققى بەرۋ، جالپىلىق جونگە سالۋ جۇيەسى مەن قابىلەت قۇرىلىسىن كۇشەيتۋ كەرەك
انار بۇلت / شينجياڭ گازەتىنىڭ ءتىلشىسى ليۋ شياڭ 4 - ايدىڭ 13 - كۇنى ۇرىمجىدەن حابارلايدى. 4 - ايدىڭ 13 - كۇنى 2022 - جىلعى اۆتونوميالى رايوننىڭ اتكەزشىلىككە سوققى بەرۋ ، جالپىلىق جونگە سالۋ قىزمەتى ءماجىلىسى ۇرىمجىدە اشىلىپ، رايونىمىزدىڭ اتكەزشىلىككە سوققى بەرۋ، جالپىلىق جونگە سالۋ جۇيەسى مەن قابىلەت قۇرىلىسىن اناعۇرلىم كۇشەيتتى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: ساياسي دەڭگەيدى جوعارىلاتىپ، ”ەكىنى تۇراقتاندىرۋدى“ قورعاۋدى، ”ەكىنى قورعاۋدى“ ورىنداۋدى پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ءىس جۇزىندىك ارەكەتىندە ايگىلەپ، اتكەزشىلىككە سوققى بەرۋ، جالپىلىق جونگە سالۋ − مەملەكەت قاقپاسىنىڭ حاۋىپسىزدىگى مەن قوعام ورنىقتىلىعىن قورعاۋدىڭ ساياسي جاۋاپكەرشىلىگى، شينجياڭدى جاپپاي زاڭمەن جونگە سالۋدىڭ، زاڭمەن باسقارىلاتىن شينجياڭ قۇرۋدىڭ ماڭىزدى مازمۇنى، شارۋاشىلىق - ساۋدا ورتاسىن ساپالىلاندىرىپ، سىرتقا باعىتتالعان ەسىك اشۋدى جەبەۋدىڭ رەال قاجەتى ەكەندىگىن جەتە تانۋ كەرەك.
ءماجىلىس مىنالاردى باسا دارىپتەدى: جالپى تۇلعالىق مەملەكەت حاۋىپسىزدىگى كوزقاراسىنا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، بيىلعى اتكەزشىلىككە سوققى بەرۋ قىزمەتىن جوعارى ساپامەن ويداعىداي ورىنداۋ كەرەك. ءتۇيىندى سالانى كورنەكتىلەندىرىپ، دالمە - ءدال كۇش سالىپ، ”مەملەكەت قاقپاسىنداعى وتكىر قانجار 2022“ بىرلەسكەن ارەكەتىن ىشكەرىلەي ورىستەتۋ كەرەك. زاڭ بويىنشا، ەرەجە بويىنشا بىرگە يگەرىپ، بىرگە باسقارۋعا تاباندى بولىپ، جاپپاي سوققى بەرۋدى، تۇتاس سالادا ساقتانۋ - تىزگىندەۋدى، جابال اتتانىسقا كەلتىرۋدى كۇشەيتىپ، جالپىلىق رەتتەۋ - جونگە سالۋدىڭ ساپا ونىمدىلىگىن جوعارىلاتۋ كەرەك. جالپىلىق جونگە سالۋدىڭ ءتۇزىلىس، مەحانيزم ابزالدىلىعىن ساۋلەلەندىرىپ، اتكەزشىلىك ارەكەتى ساياتىن كوپ ارنا، كوپ بۋىندارعا قاراتا، جاعدايدى يگەرىپ، باعىتتامالى ءادىس - امال قولدانىپ، جابىق باقىلاۋدىڭ بەرىك تىزبەگىن ورناتۋ كەرەك.
ءماجىلىس مىنالاردى تالاپ ەتتى: جەر - جەر، تاراۋلار ۇيىمداستىرۋدى، باسشىلىق ەتۋدى كۇشەيتىپ، قىزمەت مەحانيزمىن اقاۋسىزداندىرىپ، اتكەزشىلىككە قارسى تۇرۋ، جالپىلىق جونگە سالۋدىڭ كوپ جاق بىرلەسىپ ارەكەتتەنەتىن جۇيەسىن ۇزدىكسىز كەمەلدەندىرىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.
