شينحۋا اگەنتتىگىنىڭ تىلشىلەرى چىن فاڭ، دۇڭ رۇيفىڭ، پىڭ يۇنجيا، گۋ تيانچىڭ
3 - ايدان بەرى بۇكىل ەل بويىنشا جالپى 320 مىڭنان استام جەرگىلىكتى جۇعىمدالۋشى مالىمدەلىپ، 30 ولكەنى شارپىدى... ىندەتتەن ساقتانۋ - تىزگىندەۋدىڭ جاعدايى قاتاڭ دا كۇردەلى بولدى.
ۆيرۋسپەن بەلدەسكەن شەشۋشى ساتتە، باس شۋجي شي جينپيڭ بىلاي دەپ اتاپ كورسەتتى: ”باستان - اياق حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، عىلمي، دالمە - ءدال بولۋعا، يكەمدى نولگە تۇسىرۋگە تاباندى بولۋ، ىندەتتىڭ تارالۋ، ءورشۋ بەتالىسىن تەز ارادا تىزگىندەۋ كەرەك“.
اماليات ”يكەمدى نولگە ءتۇسىرۋدىڭ“ عىلىمعا قۇرمەت ەتكەن، زاڭدىلىقتى ايگىلەگەن، بۇكىلدەي قاجەتتى، ونىڭ ۇستىنە ونىمدىلىگى كورنەكتى، قۇندى تاجىريبە ەكەندىگىن دالەلدەدى. ءبىز ”يكەمدى نولگە ءتۇسىرۋ“ باس باعىتىنا اۋىتقىماي تاباندى بولىپ، اناعۇرلىم قاتاڭ پوزيتسيا، اناعۇرلىم تۇبەگەيلى شارا، اناعۇرلىم جەدەل ارەكەت ارقىلى باس شۋجي شي جينپيڭنىڭ ماڭىزدى نۇسقاۋىن ناقتاپ تياناقتاندىرىپ، ءبىر نيەتپەن كۇش قوسىپ وسى قاتاڭ شايقاستىڭ جەڭىسىنە تەز ارادا قول جەتكىزۋىمىز كەرەك.
”يكەمدى نولگە ءتۇسىرۋ“ عىلىمعا قۇرمەت ەتكەندىك، زاڭدىلىقتى ايگىلەگەندىك، بۇكىلدەي قاجەتتى
باستان - اياق حالىقتىڭ ءومىرىنىڭ حاۋىپسىزدىگى مەن دەنساۋلىعىن ماڭداي الدى ورىنعا قويىپ، ”يكەمدى نولگە تۇسىرۋگە“ تاباندى بولۋ − جۇڭگونىڭ ىندەتكە قارسى اتتانۋ ونىمدىلىگىن تۇجىرىمداۋداعى ماڭداي الدى ولشەم.
جۇڭگوداعى ءبىر ميلليارد 400 ميلليوننان استام جالپى حالىق سانىن جيناقتىق سان ەتىپ، كولەمدى قارتتار شوعىرى سىندى ناقتى مەملەكەت جاعدايىن ەسكەرىپ، دەر كەزىندە قاتاڭ ساقتانۋ - تىزگىندەۋ جۇرگىزبەگەندە، وڭاي جۇعىمدالاتىنداردىڭ جۇعىمدالۋ حاۋپى ارتىپ، اقىر - اياعىندا كولەمدى قايتا بەلەڭ بەرۋ جارىققا شىعىپ، جۇڭگونىڭ ەمدەۋ جۇيەسى وپىرىلۋ حاۋپىنە ءدوپ كەلەدى.
مەملەكەتتىك دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى ما شياۋۋي مىنالاردى ءبىلدىردى: ”يكەمدى نولگە ءتۇسىرۋدىڭ“ جاۋھارى، بىرىنشىدەن، تەز، ەكىنشىدەن، دالمە - ءدال بولۋىندا. ”يكەمدى“ دەگەنىمىز مۇلدەم جۇعىمدالماۋعا ۇمتىلۋ ەمەس؛ ال ”نولگە ءتۇسىرۋ“ دەگەنىمىز بىرەۋى بايقالعان زامان بىرەۋىن جويىپ وتىرۋ، ىندەتتىڭ كولەمدى تۇردە قايتا بەلەڭ بەرۋ جاعدايىن بولعىزباۋدىڭ تومەنگى شەگىن ساقتاۋ دەگەندىك. تەز جانە دالمە - ءدال بولعان ”يكەمدى نولگە ءتۇسىرۋ“ جۇڭگونىڭ ىندەتتى تىزگىندەۋىندەگى ”اسىل“.
وميكرون ”كولەمدى جۇقپالى تۇماۋ“ ەمەس، تارالۋ قارقىنى تەز، جۇعىمدالاتىن ادام سانى كوپ. اۋەلى، جاڭا تيپتى ايدارشا ۆيرۋسى الدا قالاي وزگەرسە دە، ءالى اسا جوعارى تۇراقسىزدىقتى ساقتاپ كەلەدى. دۇنيە ءجۇزى دەنساۋلىق ساقتاۋ ۇيىمى ۋىتى كۇشتى ۆيرۋستىڭ وزگەرگەن شتاممىنان ءتىپتى دە اۋىر جاعدايدىڭ تۋىلۋى مۇمكىن ەكەندىگىن اتاپ كورسەتتى.
جۇڭگو اۋرۋدان ساقتانۋ جانە تىزگىندەۋ ورتالىعىنىڭ ەپيدەميولوگيا باس مامانى ۋ زۇنيوۋ بىلاي دەپ قارادى: ءىشىنارا مەملەكەتتەر كوپ ءتۇرلى سىناقتاردى وتكەرگەن سوڭ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدىڭ ۇتىمدى شاراسىن تابا المادى، لاجىسىزدىقتان باسقا تۇسكەنىن كورۋگە تاۋەكەل ەتتى، بۇل، شىنىن قۋعاندا، شاراسىزدىقتان تۋعان تالعام ەدى. ەگەر دە ناۋقاس پەن ءولىم - ءجىتىم سانى زور مولشەردە جوعارىلاسا، وسى مەملەكەتتەر تاعى دەرەۋ ساقتانۋ - تىزگىندەۋ شاراسىن قاتايتاتىنى داۋسىز.
ۋحان ”شايقاسىنىڭ“ سىناعىن باستان وتكەرىپ، دەلتا ىندەتىنىڭ سىنىنان وتكەن سوڭ، جۇڭگو ءبىرى بايقالعاندا ءبىرىن جويۋدى جۇزەگە اسىردى. ”يكەمدى نولگە ءتۇسىرۋ“ − تارالۋى كۇشتى وزگەرگەن شتاممەن تالاي رەت قيان - كەسكى كۇرەس جاساعاننان كەيىنگى ءونىمدى توتەپ بەرۋ شاراسى. ەلىمىزدىڭ 2 جىلدان ارتىق ساقتانۋ - تىزگىندەۋ امالياتى مىنانى دالەلدەدى: ”يكەمدى نولگە ءتۇسىرۋ“ ەلىمىزدىڭ ءىس جۇزىندىك جاعدايىنا سايكەسەدى، سونداي - اق ەلىمىزدىڭ وسى كەزەڭدە جاڭا تيپتى ايدارشا ۆيرۋس وكپە قابىنۋ ىندەتىن دەر كەزىندە تىزگىندەۋدىڭ ەڭ تاماشا تالعامى. بۇل ناعىز ادامدى نەگىز ەتكەندىك.
”حالىقتىڭ ءومىرى بارىنەن ماڭىزدى“. جۇڭگو ينجەنەريا اكادەمياسىنىڭ ورىنباسار باستىعى، جۇڭگو مەديتسينا عىلىم اكادەمياسى بەيجيڭ شيەحى مەديتسينا شۋەيۋانىنىڭ باستىعى ۋاڭ چىن بىلاي دەدى: ”ادىلەتتىلىك“ پەن ”مۇددە“ دە جۇڭگو كوممۋنيستىك پارتياسى باستان - اياق حالىقتىڭ ءومىرىن ماڭداي الدى ورىنعا قويدى.
اماليات ”يكەمدى نولگە ءتۇسىرۋدىڭ“ بۇكىلدەي ءونىمدى ەكەنىن دالەلدەدى
4 - ايدىڭ 12 - كۇنى تۇستەن كەيىن جيلين قالاسى 5 - فاڭساڭ شيپاحاناسىنداعى ناۋقاستار تۇگەلدەي ساۋىعىپ شيپاحانادان شىقتى. جەرگىلىكتى ورىنداعى وسى ەڭ ۇلكەن فاڭساڭ شيپاحاناسى ەڭ قاۋىرت كەزدە 5000نان ارتىق ناۋقاستى قابىلداعان بولاتىن، جۇمىس اتقارعان 30 كۇندە قوعامدىق ايادا نولگە تۇسىرۋگە پارمەندى تىرەك ازىرلەدى.
ۋحان وتكەلىن بىتەۋ سىندى بۇرىن بولماعان ساقتانۋ - تىزگىندەۋ شاراسىن العا قويۋدان كوپ جەردىڭ قاتاڭ، شۇعىل باسقارۋ - تىزگىندەۋ، قۇرساۋلاۋ - تىزگىندەۋ سىندى ىندەتتەن ساقتانۋ شاراسىن اتقارۋىنا دەيىن، ودان ەكونوميكانى دامىتۋعا تاماشا شارت - جاعداي ازىرلەگەنگە دەيىن... جۇڭگو ءونىمدى امالياتى ارقىلى ىندەت تاجالىنا قايتا - قايتا سوققى بەرىپ، ”ىندەت“ شايقاسىنىڭ جەڭىسىنە قول جەتكىزۋدىڭ ىرىقتىلىق ۇقىعىنا تىنباي قول جەتكىزىپ وتىردى.
بۇرىننان بەرى جۇڭگو ەڭ از بوداۋ بەرۋ ارقىلى ەڭ زور ساقتانۋ - تىزگىندەۋ ونىمدىلىگىنە قول جەتكىزۋگە قۇلشىنىپ، ىندەتتىڭ ەكونوميكالىق، قوعامدىق دامۋعا ىقپالىن ەڭ جوعارى شەكتە ازايتىپ كەلدى.
2020 - جىلى ىندەت بۇكىل الەم ەكونوميكاسىنا سوققى جاساعان كەزدە جۇڭگو ”ىندەتتى الدىمەن تىزگىندەدى“، ”جۇمىستى، ءوندىرىستى الدىمەن قالپىنا كەلتىردى“، ”ەكونوميكانىڭ كەرى ارتۋدان وڭ ارتۋعا بەت الۋىن الدىمەن جۇزەگە اسىردى“.
2021 - جىلى ىشكى ءوندىرىس جالپى ءونىم قۇنى الدىڭعى جىلداعىدان ％8.1 ارتتى، 2 جىلدا ورتا ەسەپپەن ％5.1 ارتتى، ەكونوميكانىڭ ارتۋ قارقىنى الەمدەگى نەگىزگى ەكونوميكالىق تۇلعالاردىڭ الدىنا شىقتى.
بۇل ”يكەمدى نولگە تۇسىرۋگە“ تاباندى بولىپ، شىنداپ ساقتانعاندا عانا ىندەتتىڭ سوققىسىن ەڭ جوعارى شەكتە تومەندەتىپ، اناعۇرلىم ويداعىداي دامۋدى مۇمكىندىكتىڭ بارىنشا جۇزەگە اسىرۋعا بولاتىندىعىن ىشكەرىلەي دالەلدەدى.
وميكرون وزگەرگەن شتاممىنىڭ تارالۋ جىلدامدىعى تەز، جۇعىمدالعان ادامدار كوپ، ىندەتتىڭ ساقتانۋ - تىزگىندەۋ جاعدايى قاتاڭ دا كۇردەلى بولىپ، ”يكەمدى نولگە ءتۇسىرۋدى“ جۇزەگە اسىرۋدىڭ قيىندىعى ونان ارى جوعارىلادى.
جىلدام اڭىس قايتارىپ، ءونىمدى تياناقتاندىرعاندا، ”جىلدام قيمىلداپ، جەدەل اۋىزدىقتاۋدى“ جۇزەگە اسىرۋعا بولادى −
ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ سىندى ”ءتورت ەرتە بولۋ پرينسيبىن“ تياناقتاندىرىپ، قاراستى جەر، تاراۋ، ورىن، جەكە سىندى ”ءتورت جاقتىڭ جاۋاپكەرشىلىگىن“ ناقتىلاندىرۋ كەرەك...
تيانجين 1 - ايدىڭ 8 - كۇنى ىندەتتىڭ تۇتقيىل سوققىسىنا ۇشىرادى، 1 - ايدىڭ 21 - كۇنى قوعامدىق ايادا نولگە تۇسىرىلگەندىگى جاريالاندى، ەل ىشىندە العاش رەت وميكرونمەن زور كولەمدە شايقاسۋ كەزەڭدىك شايقاس ناتيجەسىنە قول جەتكىزدى. شىنجىن ”اقىرىن ءجۇرۋ تۇيمەشىگىن“ باسقاننان قوعامدىق ءوندىرىس، تۇرمىس ءتارتىبىن جۇيەلى قالپىنا كەلتىرە باستاعانعا دەيىن 10 كۇنگە جەتپەيتىن ۋاقىت جۇمسادى.
سوتسياليزم ءتۇزىمىنىڭ ارتىقشىلىعى ىندەتكە قارسى اتتانىپ، قامال الۋدىڭ بەرىك قورعانىن بەكەمدەدى −
ىندەت تۋىلعاننان كەيىن، مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ جالپىلىق گرۋپپاسى جيلين، شاڭحاي سياقتى جەرلەرگە قىزمەت گرۋپپاسىن جىبەرىپ، قاتىستى جەرلەردىڭ ىندەتتەن ساقتانۋ - تىزگىندەۋ قىزمەتىن ءتارتىپتى، پارمەندى ىلگەرىلەتۋىنە جەتەكشىلىك ەتتى.
بۇكىل ەلدەگى 16 ولكەدەن 40 مىڭنان استام ەمدەۋ قىزمەتكەرى شاڭحايعا كومەككە جىبەرىلدى؛ 11 ولكە بىرلەسىپ قامتاماسىز ەتىپ، بىرلەسىپ قامداپ، شاڭحايدى 18 مىڭ توننا كوكونىسپەن قامدادى؛ پارتيا مۇشەلەرى شاعىن اۋماقتىڭ قۇرساۋلاۋ كەزىندەگى زاتتىق ماتەريالدارمەن قامتاماسىز ەتۋ قىزمەتىنە الدىمەن ات سالىستى... سارقىلماس جۇڭگو كۇشى ۋاقىتشا ”اقىرىن ءجۇرۋ تۇيمەشىگىن“ باسقان قالالارعا تىرەك بولدى.
ءبىر ميلليارد 400 ميلليوننان استام حالىقتىڭ ءتۇسىنۋى مەن قولداۋى ”يكەمدى نولگە ءتۇسىرۋدىڭ“ بۇقارالىق نەگىزى بولدى −
بەلسەنە ۆاكسينا ەكتىردى، ەپيدەميولوگيالىق تەكسەرۋ ارقىلى تەگىن انىقتاۋ مەن باسقارۋ - تىزگىندەۋ ورنالاستىرۋىنا سايكەستى، حىسۋان تەكسەرۋگە ات سالىستى، جەكەلىك قورعانۋدى ويداعىداي ىستەدى... جۇڭگو حالقى جۇدىرىقتاي جۇمىلىپ، ءبىر - بىرىنە قارايلاسىپ، ۆيرۋستىڭ قايتا تاپ بەرۋىن سان مارتە تويتاردى. ەڭ جاڭا ساندى مالىمەتتەردە كورسەتىلۋىنشە، بۇكىل ەلدە جاڭا تيپتى ايدارشا ۆيرۋس ۆاكسيناسىن ەگۋ دوزا - رەت سانى 3 ميلليارد 300 ميلليوننان اسقان.
”يكەمدى نولگە ءتۇسىرۋ“ جالپى باعىتىنا، ءسوز جوق، تاباندى بولۋ كەرەك
باس شۋجي شي جينپيڭ بىلاي دەپ باسا دارىپتەدى: جەر - جەر، تاراۋلار، تاراپتار كەزەكتەگى ەل ءىشى - سىرتىنداعى ىندەتتەن ساقتانۋ - تىزگىندەۋدىڭ كۇردەلىلىگىن، جاپالىلىعىن، قايتالامالىلىعىن جەتە تانىپ، ونان ارى اتتانىسقا كەلىپ، يدەيانى بىرلىككە كەلتىرىپ، سەنىمدى بەكەمدەپ، قاجىماي - تالماي تاباندىلىق كورسەتىپ، ىندەتتەن ساقتانۋ قىزمەتتەرىن ەگجەي - تەگجەيلى، ناقتى يگەرۋ كەرەك.
تاباندىلىقتىڭ ءوزى جەڭىس، تاباندى بولعاندا عانا، جەڭىسكە جەتۋگە بولادى.
ىندەتتەن ساقتانۋ - تىزگىندەۋدىڭ قاتاڭ جاعدايى الدىندا، ءبىز، ءسوز جوق، ”يكەمدى نولگە ءتۇسىرۋ“ باس باعىتىنا تاباندى بولۋىمىز كەرەك.
ءىشىنارا وڭىرلەردى باسقارۋ - تىزگىندەۋ ۋاقىتتىق قولايسىزدىق اكەلەدى، بۇل كوپشىلىكتىڭ حاۋىپسىزدىگى ءۇشىن. ءبىر جەردى تاپجىلماي قورعاۋ اناعۇرلىم كوپ جەردىڭ اماندىعى ءۇشىن.
ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ شايقاسىن ويداعىداي جۇرگىزۋ ءۇشىن، جۇڭگو اناعۇرلىم عىلمي، دالمەل - ءدال ساقتانۋ - تىزگىندەۋ شارالارىن قولدانىپ، بار كۇشتى سالىپ ءوندىرىستى ورنىقتىرىپ، قامداۋعا كەپىلدىك ەتتى. ىندەتتەن ساقتانۋ - تىزگىندەۋدى تىڭعىلىقتى ىستەۋگە شىنايى كەپىلدىك ەتۋ العى شارتىندا، جۇمىستى، ءوندىرىستى قالپىنا كەلتىرىپ، ءوندىرىس، تۇرمىس ءتارتىبىن قالپىنا كەلتىرۋدى ىلگەرىلەتتى.
ىندەتتەن ساقتانۋعا تاباندى بولىپ، قامتاماسىزداندىرۋ مەن قامداۋعا بىردەي ءمان بەرىپ، بۇقارانىڭ ”كەزەك كۇتتىرمەيتىن ماسەلەسىن“ ويداعىداي شەشۋ ءدال ”يكەمدى نولگە ءتۇسىرۋدىڭ“ بولۋعا ءتيىس ءمانى بولىپ تابىلادى. حالىق تۇرمىسىنداعى كىشكەنە ىستەردى ويداعىداي شەشۋ ”يكەمدى نولگە ءتۇسىرۋدىڭ“ كەلەلى جاعدايىنا سايادى. ىندەتتەن ساقتانۋ - تىزگىندەۋ مەن حالىق تۇرمىسىن قامتاماسىزداندىرۋدىڭ قاتىناسىن ويداعىداي ءبىر جايلى ەتۋ − وسىزاماندانعان جونگە سالۋ قابىلەتىن جوعارىلاتۋداعى، ءسوزسىز، جاۋاپ قايتارۋعا ءتيىس ماسەلە.
ىندەتكە قارسى اتتانۋ جۇڭگو حالقىنىڭ ورتاق قۇلشىنىسىن قاجەت ەتەدى. دامىلسىز قايتالانعان ىندەت الدىندا بەرىك تە باتىل وتكىرلىك پەن بۇلجىماس بەكىم ارقىلى ۋاقىتتىق قيىندىقتى بىرگە جەڭۋدىڭ قۋاتتى بىرىككەن كۇشىن ۇيىستىرساق، وسى زور شايقاستىڭ، قاتاڭ شايقاستىڭ جەڭىسىنە ءبىز، ءسوز جوق، قول جەتكىزە الامىز.
(شينحۋا اگەنتتىگىنىڭ 4 - ايدىڭ 12 - كۇنى بەيجيڭنەن بەرگەن حابارى)
