شي جينپيڭ ۋىنچاڭ عارىش ايلاعىن كوزدەن كەشىرگەندە بىلاي دەپ باسا دارىپتەدى
بورىش - جاۋاپكەرشىلىك ارقالاۋدى كۇشەيتىپ، جاڭالىق اشۋعا، سەرپىلىس جاساۋعا باتىل بولىپ، دۇنيە جۇزىندە ماڭداي الدى عارىش ايلاعىن قۇرۋعا قۇلشىنۋ كەرەك
4 - ايدىڭ 12 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ۋىنچاڭ عارىش ايلاعىن كوزدەن كەشىرىپ، پارتيا ورتالىق كوميتەتى جانە ورتالىق اسكەري ىستەر كوميتەتى اتىنان عارىش ايلاعىنداعى بارلىق جولداستارعا ىقىلاستى سالەم جولدادى. سۋرەتتە: شي جينپيڭ ماڭىزدى ءسوز سويلەۋدە.
□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
4 - ايدىڭ 12 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ۋىنچاڭ عارىش ايلاعىن كوزدەن كەشىرىپ، پارتيا ورتالىق كوميتەتى جانە ورتالىق اسكەري ىستەر كوميتەتى اتىنان عارىش ايلاعىنداعى بارلىق جولداستارعا ىقىلاستى سالەم جولدادى. سۋرەتتە: شي جينپيڭ قاتىستى احۋالداردان بەرىلگەن مالىمەتتى تىڭداپ، ۇشىرۋ مۇناراسى سياقتى قۇرىلعى - جابدىقتاردى قاداعالاي كورۋدە.
□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
4 - ايدىڭ 12 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ۋىنچاڭ عارىش ايلاعىن كوزدەن كەشىرىپ، پارتيا ورتالىق كوميتەتى جانە ورتالىق اسكەري ىستەر كوميتەتى اتىنان عارىش ايلاعىنداعى بارلىق جولداستارعا ىقىلاستى سالەم جولدادى. سۋرەتتە: شي جينپيڭ تەحنيكالىق سىناق زاۆود ۇيىنە بارىپ، مىندەتكە دايىندالۋعا قاتىستى جاعدايلاردى جان - جاقتى ۇعىسۋدا.
□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگىنىڭ 4 - ايدىڭ 14 - كۇنى حايناننىڭ ۋىنچاڭىنان بەرگەن حابارى (ءتىلشى مەي چاڭۋي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4 - ايدىڭ 12 - كۇنى ۋىنچاڭ عارىش ايلاعىن كوزدەن كەشىرىپ، پارتيا ورتالىق كوميتەتى جانە ورتالىق اسكەري ىستەر كوميتەتى اتىنان عارىش ايلاعىنداعى بارلىق جولداستارعا ىقىلاستى سالەم جولدادى.
4 - ايداعى حايناندا بار الاپ جاسىل جەلەك جامىلىپ، جاندى تىرشىلىك تىنىسى ەسەدى. تۇستەن كەيىن ساعات 3تەن 30 مينۋت وتكەندە شي جينپيڭ ۋىنچاڭ عارىش ايلاعىنا كەلدى. كوكوس ورمانىمەن كومكەرىلگەن وسىزاماندانعان ۇشىرۋ مۇناراسى ءزاۋلىم كوككە بوي سوزىپ تۇر. شي جينپيڭ كورمە تاقتاسىمەن ۇشتاستىرىپ، عارىش ايلاعىنىڭ نەگىزگى احۋالى، مىندەت اتقارۋ احۋالى جانە كەيىنگى دامۋ جوباسى جونىندەگى مالىمەتتى تىڭداپ، ۇشىرۋ مۇناراسى سياقتى قۇرىلعى - جابدىقتاردى قاداعالاي كوردى. عارىش ايلاعى قۇرىلعاننان بەرى چاڭجىڭ 5 - ءنومىرلى، چاڭجىڭ 7 - ءنومىرلى راكەتالاردى تۇڭعىش ۇشىرۋ سياقتى ءبىر قىدىرۋ كەلەلى عارىشقا ۇشىرۋ مىندەتتەرىن ناتيجەلى ورىنداپ، كەڭىستىك بەكەتى تيانحىنىڭ وزەكتى بولمەسىن، چاڭى 5 - ءنومىرلى اي شارىن بارلاۋ اسپابىن، تيانۋىن 1 - ءنومىرلى مارستى بارلاۋ اسپابىن الەم كەڭىستىگىنە ءساتتى جەتكىزىپ، ەلىمىزدىڭ ءبىر راكەتامەن 22 جاساندى سەرىكتى ۇشىرۋ جاڭا رەكوردىن جاراتقاندىعىن ەستىگەندە، شي جينپيڭ ولاردىڭ قول جەتكىزگەن ناتيجەلەرىن تۇراقتاندىردى.
سوڭىنان شي جينپيڭ ىلگەرىندى - كەيىندى عارىش اسپاپتارىن قۇراستىرۋ، سىناۋ زاۆود ۇيىنە جانە راكەتانى گوريزونتال سىناۋ، پەرپەنديكۋليارلىق قۇراستىرۋ - سىناۋ زاۆود ۇيىنە بارىپ، مىندەتكە دايىندالۋعا قاتىستى جاعدايلاردى جان - جاقتى ۇعىستى.
قىزۋ قول شاپالاق ءۇنى ىشىندە شي جينپيڭ عارىش ايلاعىنداعى كوماندير - جاۋىنگەرلەردىڭ ۋاكىلدەرىمەن ىقىلاسپەن كەزدەسىپ، كوپشىلىكپەن بىرگە ەستەلىك سۋرەتكە ءتۇستى. شي جينپيڭ بىلاي دەپ باسا دارىپتەدى: ۋىنچاڭ عارىش ايلاعى ەلىمىزدىڭ جاڭا بۋىن ۇلكەن قوزعاۋشى كۇش تاسىمال راكەتاسىن ۇشىرۋ الاڭى، ەلىمىزدىڭ تەرەڭ كەڭىستىكتى بارلاۋداعى ماڭىزدى قامالى، ەلىمىزدىڭ عارىش جۇيەسىندە ەرەكشە ماڭىزدى ورىنعا جانە رولعا يە. ”ەكى بومبى، ءبىر جاساندى سەرىك“ رۋحىن، عارىشقا ادام الىپ ۇشۋ رۋحىن زور كۇشپەن اسقاقتاتىپ، دۇنيە ءجۇزى عارىش ىستەرىنىڭ دامۋ الدىڭعى شەبىن بەتكە الۋعا، مەملەكەتتىڭ عارىش كەلەلى ستراتەگياسى قاجەتىن بەتكە الۋعا تاباندى بولىپ، بورىش - جاۋاپكەرشىلىك ارقالاۋدى كۇشەيتىپ، جاڭالىق اشۋعا، سەرپىلىس جاساۋعا باتىل بولىپ، وسىزاماندانعان عارىشقا ۇشىرۋ قۋاتىن جاپپاي جوعارىلاتىپ، دۇنيە جۇزىندە ماڭداي الدى عارىش ايلاعىن قۇرۋعا قۇلشىنۋ كەرەك.
شي جينپيڭ بىلاي دەپ باسا دارىپتەدى: بەلگىلەنگەن ورنالاستىرۋلارعا ساي، بيىل ەلىمىز كەڭىستىك بەكەتىن قۇرۋ مىندەتىن ورىنداپ، تيانجوۋ 4 - ءنومىرلى، 5 - ءنومىرلى جۇك تاسىمالى الەم كەمەسى جانە ۋىنتيان، مىڭتيان تاجىريبە بولمەسى ۋىنچاڭ عارىش ايلاعىنان كەڭىستىككە كوتەرىلەدى. دەن قويا دايىندالىپ، دەن قويا ۇيىمداستىرىپ، دەن قويا اتقارىپ، ۇشىرۋ مىندەتىنىڭ تابىستى ورىندالۋىنا شىنايى كەپىلدىك ەتىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
جاڭ يوۋشيا قاتارلىلار قيمىلعا قاتىناستى.
