تيانشان تورى   ›   جاڭالىقتار   ›   ماڭىزدى حابارلار

3 - كەزەكتى جۇڭگو − ورتا ازيا ساياسي پارتيالار تالقى مىنبەرى وتكىزىلدى

  شينحۋا اگەنتتىگىنىڭ 4 - ايدىڭ 14 - كۇنى بەيجيڭنەن بەرگەن حابارى (ءتىلشى دۇڭ شۋە). جۇڭگو كوممۋنيستىك پارتياسى ورتالىق كوميتەتىنىڭ شەتەلدەرمەن بايلانىس جاساۋ ءبولىمى 4 - ايدىڭ 14 - كۇنى بەينە ەكران فورماسىندا 3 - كەزەكتى جۇڭگو − ورتا ازيا ساياسي پارتيالار تالقى مىنبەرىن وتكىزدى. قازاقستان ”امانات“ پارتياسىنىڭ شۋجيى كەرتايەۆ، قىرعىزستان ”اتا مەكەن“ پارتياسىنىڭ ءتوراعاسى ماتكەرىموۆ، تاجىكستان حالىق دەموكراتيالىق پارتياسىنىڭ ءبىرىنشى ورىنباسار ءتوراعاسى ازيز، تۇركمەنستان دەموكراتيالىق پارتياسىنىڭ ءتوراعاسى سەرداروۆ، وزبەكستان پارلامەنتى تومەنگى پالاتاسىنىڭ ءبىرىنشى ورىنباسار باستىعى سايدوۆ قاتارلى ورتا ازياداعى 5 ەلدىڭ 20 ساياسي پارتياسىنىڭ باسشىلارى ماجىلىسكە قاتىناسىپ ءسوز سويلەدى.

  جۇڭگو كوممۋنيستىك پارتياسى ورتالىق كوميتەتى شەتەلدەرمەن بايلانىس جاساۋ ءبولىمىنىڭ باستىعى سۇڭ تاۋ مىنالاردى ءبىلدىردى: جۇڭگو كوممۋنيستىك پارتياسى ورتا ازياداعى 5 ەلدىڭ ساياسي پارتيالارىمەن بىرگە باس شۋجي شي جينپيڭنىڭ 5 ەلدىڭ مەملەكەت باسشىلارىمەن كەلىسكەن ماڭىزدى ورتاق تانىمدى ويداعىداي تياناقتاندىرىپ، ستراتەگيالىق ءوزارا سەنىمدىلىك پەن سەلبەستىكتى تەرەڭدەتىپ، جۇڭگو − ورتا ازيا تاعدىرلاس ورتاق تۇلعاسىن قۇرۋعا ساياسي پارتيانىڭ اقىل - پاراساتى مەن كۇش - قۋاتىن ارنايدى. شينجياڭ ۇيعۇر اۆتونوميالى رايوندىق پارتكومنىڭ شۋجيى ما شيڭرۇي مىنالاردى ءبىلدىردى: شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، شينجياڭ ەكونوميكالىق، قوعامدىق دامۋدا بۇرىن بولماعان ناتيجەلەرگە قول جەتكىزدى، جۇڭگونىڭ ورتا ازياداعى 5 ەلدىڭ ساياسي پارتيالارىمەن اۋىس - كۇيىسىن جانە مەملەكەتتەر قارىم - قاتىناسىنىڭ دامۋىن جەبەۋگە تىڭ ۇلەس قوسادى.

  ماجىلىسكە قاتىناسقان ساياسي پارتيانىڭ باسشىلارى مىنالاردى ءبىلدىردى: ورتا ازياداعى 5 ەلدىڭ ساياسي پارتيالارى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جۇڭگو جونىندەگى جەتەكشىلىك ءمانى مەن دۇنيە ءجۇزى جونىندەگى ماڭىزدى ۇلگى الۋ ءمانىن وسكەلەڭ دارەجەدە مويىندايدى، جۇڭگو كوممۋنيستىك پارتياسىمەن بىرگە ەكى جاقتى قارىم - قاتىناستى جەبەپ، تىڭ دامۋدى جۇزەگە اسىرۋدى قالايدى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.