شينحۋا اگەنتتىگىنىڭ 4 - ايدىڭ 14 - كۇنى بەيجيڭنەن بەرگەن حابارى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتىلەندىرۋ، تياناقتاندىرۋ ءۇشىن، 4 - ايدىڭ 15 - كۇنىنەن باستاپ، پارتيا 20 - قۇرىلتايىنىڭ قاتىستى قىزمەتتەرى جونىندە توراپتا پىكىر الۋ رەسمي باستالدى.
پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 20 - قۇرىلتايىن 2022 - جىلدىڭ سوڭعى جارتى جىلىندا بەيجيڭدە اشۋدى ۇيعاردى. پارتيا 20 - قۇرىلتايىنىڭ قاتىستى قىزمەتتەرى جونىندە توراپتا پىكىر الۋدى ورىستەتۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ دەموكراتيانى ساۋلەلەندىرۋ، كوپتىڭ اقىلىن شوعىرلاندىرۋداي تاماشا ستيلىن تولىق ايگىلەدى، بۇل پارتيامىزدىڭ حالىقتى وزەك ەتۋگە تاباندى بولعاندىعىنىڭ، حالىقتىڭ تۇلعالىق ورنىنا قۇرمەت ەتكەندىگىنىڭ، بۇقارالىق لۋشيانمەن جاقسى جۇرگەندىگىنىڭ ماڭىزدى بەينەسى، جۇڭگوشا سوتسياليستىك ءتۇزىم ابزالدىلىعىن ساۋلەلەندىرۋدىڭ، تۇتاس بارىستىق حالىق دەموكراتياسىن ىلگەرىلەتۋدىڭ جاندى امالياتى، ينتەرنەت ءداۋىرىنىڭ تىڭ تالابىنا ۇيلەسۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ جونىندەگى يگى ىزدەنىس.
ۇعىسۋعا قاراعاندا، وسى رەتكى توراپتا پىكىر الۋدىڭ ۋاقىتى 4 - ايدىڭ 15 - كۇنىنەن 5 - ايدىڭ 16 - كۇنىنە دەيىن ەكەن. وسى ارالىقتا قالىڭ حالىق بۇقاراسى حالىق گازەتى مەكەمەسىنە، شينحۋا اگەنتتىگىنە، ورتالىق راديو - تەلەۆيزيا باس ستانسياسىنا قاراستى ۇكىمەت سايتتارىندا، اقپارات كليەنتتەرىندە، سونداي - اق ”ۇيرەنۋدە قۋاتتى ەل“ ۇيرەنۋ تۇعىرىندا اشىلعان ارناۋلى ايدارلار ارقىلى پىكىر، ۇسىنىس بەرۋلەرىنە بولادى.
وسى رەتكى توراپتا پىكىر الۋدىڭ مازمۇنى، باستىسى، مىناداي 8 جاقتى قامتيدى: پارتيانىڭ جاپپاي باسشىلىعىنا تاباندى بولىپ جانە كۇشەيتىپ، پارتيانى جاپپاي قاتاڭ باسقارۋدى ىلگەرىلەتۋ جونىندە؛ جاڭا دامۋ كەزەڭىن يگەرىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋ جونىندە؛ رەفورما جاساۋدى، ەسىك اشۋدى جاپپاي تەرەڭدەتۋ جونىندە؛ تۇتاس بارىستىق حالىق دەموكراتياسىن بەلسەنە دامىتۋ جونىندە؛ مەملەكەتتى جاپپاي زاڭمەن باسقارۋدى ىلگەرىلەتۋ جونىندە؛ سوتسياليستىك مادەنيەتتە قۋاتتى ەل قۇرۋ جونىندە؛ حالىق تۇرمىسىن قامتاماسىزداندىرۋ جانە جاقسارتۋ جونىندە؛ ەكولوگيالىق وركەنيەت قۇرىلىسىن كۇشەيتۋ جونىندە.
ورنالاستىرۋعا ساي، جينالعان پىكىرلەر مەن ۇسىنىستاردى قاتىستى تاراۋلار جيناقتاپ، رەتتەپ جانە تالداۋ جاساپ، زەرتتەپ، پارتيا 20 - قۇرىلتايىنىڭ قاتىستى قىزمەتتەرىنە پايدالانۋعا بەرەدى.
