لوپنۇر اۋدانى داشي قىستاعىنداعى پارتيا مۇشەلەرى، كادرلار، بۇقارا تاپسىرمانى ەستە بەرىك ساقتاپ، كورىكتى مەكەن قۇردى −
اۋىلداستاردىڭ تۇرمىسى كۇننەن - كۇنگە جاقساردى
【كورىنىستەردى قايتا ەلەستەتۋ】 2014 - جىلى 4 - ايدا باس شۋجي شي جينپيڭ شينجياڭدا قىزمەت تەكسەرگەندە داشي قىستاعىنىڭ ”قالتا قامپايۋى، رۋح اسقاق بولۋى كەرەك“ دەگەن قىستاق ءتالىمىن اۋىزعا الدى. وسى حابار جەتكەندە، داشي قىستاعى پارتيا ياچەيكاسى مەن بۇكىل قىستاق تۇرعىندارى ەرەكشە تەبىرەنىپ، باس شۋجي شي جينپيڭگە حات جازىپ، تاياۋ جىلدان بەرگى قىستاقتىڭ دامۋ وزگەرىسىنەن مالىمەت بەرىپ، تاماشا تۇرمىسقا دەگەن تالپىنىستارى مەن سەنىمدەرىن ءبىلدىردى.
2014 - جىلى 9 - ايدا باس شۋجي شي جينپيڭ داشي قىستاعىنا جاۋاپ حات قايتاردى. شي جينپيڭ بىلاي دەپ اتاپ كورسەتتى: داشي قىستاعىنىڭ دامۋ وزگەرىسى پارتيانىڭ ابزال ساياساتى بولعاندا، ءار ۇلت بۇقاراسىنىڭ ءبىر نيەتپەن كۇرەس جاساۋىندا، اۋىلداستاردى، ءسوز جوق، جايلى دا باقىتتى تۇرمىس كەشىرتۋگە بولاتىندىعىن ءتۇسىندىردى. شينجياڭدى گۇلدەندىرۋدىڭ، شينجياڭدى ورنىقتىرۋدىڭ ءتۇيىنى نەگىزگى ساتىدا. قىستاق پارتيا ياچەيكاسىنىڭ جاۋىنگەر قورعاندىق رولىن تولىق ساۋلەلەندىرىپ، اۋىلداستاردى ماگنيتتەي تىعىز ۇيىستىرىپ، پارتياعا ىلەسۋ بەكىمى مەن سەنىمىن نىعايتىپ، پارتيانىڭ ابزال ساياساتىن وتباسىلارعا دەيىن تياناقتاندىرىپ، ءوندىرىستى ءتىپتى دە جاقسى جۇرگىزىپ، ۇلتتار ىنتىماعىن ءتىپتى دە جاقسى كۇشەيتىپ، اۋىلداستاردىڭ تۇرمىسىن كۇننەن - كۇنگە جاقسارتۋىن ءۇمىت ەتەمىن.
【سۇحباتتاعى كوڭىل سىرى】 داشي قىستاعىنداعى پارتيا مۇشەلەرى، كادرلار، بۇقارا ۋاكىلدەرى: باس شۋجي شي جينپيڭ قاي - قاشان دا داشي قىستاعىنداعى ءار ۇلت كادرلارى مەن بۇقاراسىن ۇمىتپاي، داشي قىستاعىنىڭ دامۋ وزگەرىسىن ەسىندە ساقتاپ كەلەدى. ءبىز باس شۋجي شي جينپيڭنىڭ ءۇمىتى مەن تاپسىرماسىن ەستە بەرىك ساقتاپ، ءبىر نيەت، ءبىر تىلەكپەن پارتياعا ىلەسىپ، قالتامىزدى قامپايتىپ، رۋحىمىزدى اسقاقتاتىپ، ءبىر نيەتپەن داشي قىستاعىن ونان ارى تاماشا ەتىپ قۇرامىز.
انار بۇلت / شينجياڭ گازەتىنىڭ تىلشىلەرى ۋي يۇڭگۇي، دۋ جيانحۇي
داشي قىستاعى بايىنعولين موڭعۇل اۆتونوميالى وبلىسى لوپنۇر اۋدانى شيڭپيڭ قالاشىعىندا، تاكلاماكان ءشولىنىڭ جيەگىنە ورنالاسقان، 500دەن استام وتباسى، 2000نان استام ادام بار. جاراتىلىستىق شارت - جاعدايى ناشار بولعاندىقتان، بۇرىن داشي قىستاعىنىڭ جەرى ەرەكشە سورتاڭ بولىپ، ىشەر استىقتا ساتىپ الۋعا سۇيەنەتىن، وندىرىستە قارىز اقشا الۋعا سۇيەنەتىن، تۇرمىستا جاردەم بەرۋگە سۇيەنەتىن ”ۇشكە سۇيەنەتىن قىستاق“ بولاتىن.
پارتيانىڭ رەفورما جاساۋ، ەسىك اشۋ ساياساتىنىڭ جەتەكشىلىگىندە داشي قىستاعىنداعى ءار ۇلت كادرلارى مەن بۇقاراسى ءبىر نيەتپەن ىنتىماقتاسىپ، بايۋ جولىن اشىپ، ”قالتاسى قامپايعان، رۋحى اسقاق“ تۇرمىس كەشىرىپ، الىس - جۋىققا اتى ايگىلى دوڭگەلەك داۋلەتتى قىستاق، وركەنيەتتى قىستاق، ۇلتتار ىنتىماعىندا العاباسار قىستاق بولدى.
پارتيا 18 - قۇرىلتايىنان بەرى داشي قىستاعىندا تىڭ ومىرشەڭدىك كۇش قاۋلاپ، جاڭا تابىستارعا قول جەتىپ، تيانشان الابىنداعى سان مىڭداعان قىستاقتىڭ جاڭا داۋىردەگى جاڭا دامۋىنىڭ شاعىن كارتيناسى بولدى.
قالتا قامپايىپ، رۋح اسقاق بولدى
جازعىتۇرىم 4 - اي ءدال كوكتەمگى ءوندىرىس مەزگىلى. داشي قىستاعىنا بارساڭىز، كوشەلەرى كەڭ، ساياجايلار سالتاناتتى كورىنەدى. كاسىپ سالاسى كوشەسىندە ادامدار سابىلىسىپ، سالت - سانا كوشەسىنەن پالاۋدىڭ حوش ءيىسى اڭقيدى. ماقتا اتىزىندا دالدىكپەن ەگەتىن تۇقىم ءسىڭىرۋ ماشيناسى جۇمىس ىستەۋدە، المۇرت باعىندا تەحنيكتەر جەمىس ەگەتىن شارۋالارمەن بىرگە تىڭايتقىش بەرۋدە.
”2014 - جىلى 9 - ايدا باس شۋجي شي جينپيڭنىڭ بىزگە جاۋاپ حات قايتارعان حابارى جەتكەننەن كەيىن، اۋىلداستار مەرەكە وتكىزگەننەن ارى قۋانىشقا بولەندى“. سول جىلعى كورىنىس داشي قىستاعى پارتيا ياچەيكاسىنىڭ بۇرىنعى شۋجيى ساۋۇر ماڭلىكتىڭ ەسىندە انىق ساقتالىپتى. ول بىلاي دەدى: ”جاۋاپ حاتتى وقىعان سول كۇنى كوپشىلىك بارابان سوعىپ، ءماشىراپ بيىنە باستى“.
ساۋۇر ماڭلىك بيىل 73 جاستا، وتكەن عاسىردىڭ 70 - جىلدارىندا ول ورتا مەكتەپ بىتىرگەننەن كەيىن قىستاققا قايتىپ ەگىنشىلىكپەن شۇعىلدانىپ، كوپ وتپەي قىستاق باستىعى مىندەتىن ۇستىنە الادى. 1980 - جىلى قىستاق پارتيا ياچەيكاسىنىڭ شۋجيى بولىپ سايلانىپ، 2019 - جىلعا دەيىن ىستەيدى.
”قالتا قامپايۋ، رۋح اسقاق بولۋ كەرەك“ بۇل داشي قىستاعى ”ەكى كوميتەتى“ باسشىلىق القاسىنىڭ نەشە ون جىلدان بەرى قورىتىندىلاعان تاجىريبەسى.
وتكەن عاسىردىڭ 70 - جىلدارىندا ءوندىرىستىڭ قاجەتىنە ساي، كوپتەگەن بۇقارا داشي قىستاعىنا كوشىپ كەلدى. ساۋۇر ماڭلىك قىستاق تۇرعىندارىنا: دامۋ ءۇشىن ىنتىماقتاسۋ قاجەت، بىرگە كۇرەس جاساۋ كەرەك، - دەدى، بۇعان قىستاق تۇرعىندارى بەلسەنە ءۇن قوستى. 5 قىستاق تۇرعىندار شاعىن گرۋپپاسى 690 مۋ تىڭايعان جەردى جاڭادان قۇرىلعان قىستاق گرۋپپاسىنا بەردى، ودان تىس تاعى 8 جىلقى، 12 سيىر جانە 2 ات اربانى دا قوسا بەردى.
جان سانى كوبەيگەندىكتەن، تىڭ اشىپ، استىق ەگۋ قاجەت بولدى. سور ىعىستىرۋ ماسەلەسىن شەشۋ ءۇشىن داشي قىستاعىنداعى پارتيالى كادرلار قىستاق تۇرعىندارىن باستاپ ءبىر اي كۇرەس جاساپ، تۇڭعىش سور ىعىستىرۋ توعانىن قازدى. بۇل توعاندى كوپشىلىك ”ىنتىماق توعانى“ دەپ اتادى.
”داشي قىستاعىنداعى اۋىلداستار ۇلتقا بولىنبەدى، ەڭبەكتە جانە تۇرمىس بارىسىندا تەرەڭ سۇيىسپەنشىلىك ورناتتى، ءوزارا كومەكتەسكەن، ءوزارا قارايلاسقان، ىنتىماقتاسا كۇرەس جاساعان ىستەر ساناپ تاۋىسقىسىز“، - دەدى ساۋۇر ماڭلىك، - ”ءبىز ەكونوميكانى جانداندىرىپ قانا قويماي، كوپشىلىككە مىنا ءبىر قاعيدانى ءتۇسىندىرۋىمىز كەرەك: تەك پارتيانىڭ باسشىلىعىندا، ءار ۇلت بۇقاراسى ىنتىماقتاسسا بولعانى تاماشا تۇرمىس كەشىرۋگە بولادى. ’قالتا قامپايۋ، رۋح اسقاق بولۋ كەرەك‘ دەگەننىڭ ءمانىسى مىنە وسى“.
اۋىلداستاردى ماگنيتتەي تىعىز ۇيىستىردى
ۇزاق ۋاقىتتان بەرى داشي قىستاعى پارتيا ياچەيكاسى اۋىلداستاردى جۇدىرىقتاي جۇمىلىپ، مەكەندى كوركەيتۋگە ىنتىماقتاستىرا باستاپ، قىستاق بەت - بەينەسىندە زور وزگەرىس تۋدىردى.
وتكەن عاسىردىڭ 80 - جىلدارىنىڭ باسىندا، اۋىلداستاردىڭ ىشەر اس ماسەلەسىن شەشۋ ءۇشىن پارتيالى كادرلار قىستاق تۇرعىندارىمەن بىرگە توعان جوندەپ، تۇنبالاردى ارشىپ، سوردى جونگە سالىپ، اعاش ەگىپ، بوراننان ساقتانىپ، ەگىس اتىزدارىن قورعاپ، استىق ءوندىرىسىن مىقتاپ يگەردى. 10 جىل قۇلشىنۋ ارقىلى 9300 مۋ ەگىنجايدى ورمانمەن كومكەرىپ، مول ءتۇسىمدى قۇنارلى اتىزعا اينالدىردى.
ىشەر اس ماسەلەسىن شەشۋ العاشقى قادام، بۇكىل قىستاقتاعىلاردى بايىتۋ − ناعىز نىسانا. قىستاق پارتيا ياچەيكاسى ءىس جۇزىندىك جاعدايعا نەگىزدەلىپ، ماقتا كاسىپ سالاسىن بۇكىل قىستاقتىڭ تىرەكتى كاسىپ سالاسىنا اينالدىرۋدى ۇيعاردى، سونىمەن قاتار جەمىس ورمان شارۋاشىلىعىن جانە مال شارۋاشىلىعىن زور كۇشپەن دامىتتى.
”كەي بۇقارا ماقتا ەگۋگە شەبەر، كەي بۇقارانىڭ سيىر، قوي باعۋعا ەبى بار. كوپشىلىك ءوزارا كومەكتەسىپ، كەدەيلىكتەن ارىلۋ اياق الىسى ۇزدىكسىز جەدەلدەدى“، - دەدى ساۋۇر ماڭلىك.
داشي قىستاعى پارتيا ياچەيكاسى پارتيالى كادرلاردىڭ وتباسىلارمەن بايلانىس جاساۋ ءتۇزىمىن ورناتىپ، ىلگەرىندى - كەيىندى 49 پارتيالى كادر كەدەي قىستاق تۇرعىنىمەن جۇپ قۇراپ، كەدەيلىكتەن ارىلتۋ جاۋاپكەرشىلىك حاتىنا قول قويىسىپ، كەدەيلىكتەن ارىلتپايىنشا بايلانىستى ۇزبەدى. ماقتا مايساسىن تۇراقتاندىرىپ، ماقتا شىرپىدى، سيىر، قوي ءوسىرىپ، ءتول الدى، جەمىس اعاشتارىن بۇتاپ، سۋاردى، وسى جۇمىستاردىڭ بارىندە پارتيا مۇشەلەرىنىڭ بەينەسىن كورۋگە بولادى. كوپ جىل قۇلشىنىس جاساۋ ارقىلى وسى كومەكتەسۋ - سۇيەمەلدەۋ وبيەكتىلەرى الدەقاشان تۇگەلدەي كەدەيلىكتەن ارىلدى.
”قىستاقتا زاۆودتار، ساۋدا دۇكەندەرى، سيىر، قويلار كوبەيدى، ماقتادان جىل سايىن مول ءونىم الامىز، تاعى كىتاپحانا، ەمحانا، كورمە ءۇيى، عىلىم جالپىلاستىرۋ ءۇيى بار“، - دەدى قىستاق تۇرعىنى ابليكىم مۇسا، - ”پارتيانىڭ ساياساتى جاقسى، قىستاق پارتيا ياچەيكاسىنىڭ كوپشىلىكتى كىرىس ارتتىرىپ بايۋعا باستايتىن ءادىسى كوپ، كوپشىلىك نە ىستەسە دە تەبىندى بولدى“.
پارتيا ياچەيكاسىنىڭ باستاۋىندا داشي قىستاعىنداعى تۇرعىنداردىڭ جان باسىندىق كىرىسى جىل سايىن تىڭ ساتىعا كوتەرىلىپ، وركەنيەتتى اۋىل - قىستاق قۇرىلىسى ۇزدىكسىز تىڭ تابىستارعا قول جەتكىزدى، پارتياعا مۇشە بولۋعا ءوتىنىش بەرگەن جاستار ۇزدىكسىز كوبەيدى. 2016 - جىلى 8 - ايدا پارتيا مۇشەلەرى سانىنىڭ ارتۋىمەن داشي قىستاعى پارتيا ياچەيكاسى پارتكوم دارەجەسىنە كوتەرىلىپ، داشي قىستاعى پارتيا ۇيىمىنىڭ ۇيىستىرۋ قۋاتى جانە ۇندەۋ قۋاتى ۇزدىكسىز نىعايدى.
تاپسىرمانى ەستە بەرىك ساقتاپ، جاڭا جورىقتا تاعى دا تىڭ ناتيجەلەر جاراتامىز
2021 - جىلى داشي قىستاعىنداعى 320 ديقان وتباسى جەرمەن جارنا قوسۋ ءتاسىلى ارقىلى قىستاق كوللەكتيۆىنىڭ جارنا ەكونوميكا سەلبەستىك كووپەراتيۆىن قۇرىپ، ءبىر ميلليون 530 مىڭ يۋان كىرىس كىرگىزىپ، قىستاق كوللەكتيۆى مال - مۇلىك ۇقىعى ءتۇزىمى رەفورماسىنىڭ پايداسىنان يگىلىكتەندى.
سەلبەستىك كووپەراتيۆىنىڭ قۇرىلۋى − داشي قىستاعىنىڭ باس شۋجي شي جينپيڭنىڭ جاۋاپ حاتىنىڭ شابىتتاندىرۋىندا كاسىپ سالاسىنىڭ دارەجەسىن جوعارىلاتۋدى جەدەلدەتۋ، اۋىل - قىستاقتى گۇلدەندىرۋدى ىلگەرىلەتۋ سياقتى كوپتەگەن شارالارىنىڭ ءبىرى ەدى.
”باس شۋجي شي جينپيڭنىڭ جاۋاپ حاتى داشي قىستاعىنىڭ ۇزدىكسىز العا باسۋىنا قوزعاۋشى كۇش ۇستەدى“، - دەدى شيڭپيڭ قالاشىعى پارتكومىنىڭ ورىنباسار شۋجيى، داشي قىستاعى پارتكومىنىڭ شۋجيى گۇزالنۇر مامەت، 2014 - جىلى داشي قىستاعىندا قىستاق تۇرعىندارىنىڭ جان باسىندىق تازا كىرىسى 25 مىڭ يۋانعا، 2021 - جىلى 36 مىڭ يۋانعا جەتتى. داشي قىستاعىنداعى ەگىنشى - مالشىلاردىڭ كىرىسى ۇزدىكسىز ارتىپ، جاڭا دامۋدى جۇزەگە اسىردى.
ساندى مالىمەتتەردىڭ استارىندا داشي قىستاعىنداعى پارتيا مۇشەلەرىنىڭ، بۇقارانىڭ باس شۋجي شي جينپيڭنىڭ تاپسىرماسىن ەستە بەرىك ساقتاپ، جاڭا جورىقتا تاعى دا تىڭ ناتيجەلەر جاراتقان ەڭبەك جەمىسى جاتىر.
”باس شۋجي ’اۋىلداستاردىڭ تۇرمىسىن كۇننەن - كۇنگە جاقسارتۋ كەرەك‘ دەپ تالاپ ەتتى. وسى بىرنەشە جىلدا ءبىز كورىكتى اۋىل - قىستاق قۇرىلىسىمەن بىرلەستىرىپ، ءبىر جاعىنان، اۋلا شارۋاشىلىعىن يگەرىپ، ەندى ءبىر جاعىنان، اۋىل - قىستاق ساياحاتىن يگەرىپ، بايۋ جولىن ۇزدىكسىز كەڭەيتتىك“، - دەدى گۇزالنۇر مامەت، - داشي قىستاعى ءبىر سالت - سانا كوشەسىن، ءبىر نان كاسىبى كوشەسىن، ءبىر كەشكى بازار قۇردى، قىستاق تۇرعىندارى ىلگەرىندى - كەيىندى 36 شارۋالار سالت - سانا باقشاسىن، 9 حالىقتىق تۇسەلحانا اشىپ، 2000 مۋ المۇرت باعىمەن بىرلەستىرىپ، داشي قىستاعى اۋىل - قىستاق ساياحاتىنىڭ جاڭا ارناسىن اشتى. بۇگىنگى كۇنى داشي قىستاعى مەملەكەتتىك 3A دارەجەلى ساياحات كورىنىس اۋماعىنا اينالىپ، ءبىر توپ قىستاق تۇرعىندارىن جۇمىستانۋعا، شارۋاشىلىق قۇرۋعا باۋراپ، كىرىستى ارتتىرىپ بايۋدى ىلگەرىلەتۋدىڭ جاڭا ارتۋ تۇيىنىنە اينالدى.
2015 - جىلى لوپنۇر اۋدانى مەملەكەت دارەجەلى ەلەكتروندى ساۋدا ىستەرىن اۋىل - قىستاققا جەتكىزۋدەن جالپىلىق ۇلگى كورسەتۋ اۋدانى بولدى، داشي قىستاعى وسى اۋداننىڭ ەلەكتروندى ساۋدا ىستەرىن اۋىل - قىستاققا جەتكىزۋدەن ۇلگى كورسەتۋ قىستاعى رەتىندە لوپنۇر اۋدانى ەلەكتروندى ساۋدا قوعامىن قۇرىپ، 10 ميلليون يۋان قارجى قوسىپ، داشي ەلەكتروندى ساۋدا ىستەرى بويىنشا شارۋاشىلىق قۇرۋ بازاسىن قۇردى، سول جىلى ىرگە تەپكەن ەلەكتروندى ساۋدا كاسىپورىندارى 100دەن اسىپ، داشي قىستاعىنىڭ جانە ماڭايىنداعى اۋىل - قىستاقتاردىڭ لوپنۇر كەندىرى، لوپنۇر قويى، كەپتىرىلگەن جەمىس - جيدەك سياقتى ەرەكشە ونىمدەرى ينتەرنەت جەلىسىندە ءوتىمدى بولدى. بۇگىنگى كۇنى تىكە تاراتىلىمدى ەلەكتروندى ساۋدا كاسىپ سالاسىنىڭ قاۋىرت دامۋىنا ىلەسىپ، لوپنۇر اۋدانى داشي قىستاعى باستاماشى بولعان، بۇكىل اۋداننىڭ ەلەكتروندى ساۋدا كاسىپ سالاسىنىڭ تاعى ءبىر تىڭ قارىشتاپ دامۋىن قارسى الدى.
داشي قىستاعىنىڭ تاجىريبەسى ادامعا شابىت بەرەدى، داشي قىستاعىنىڭ بۇگىنى حيكىمەتكە تولى، داشي قىستاعىنىڭ بولاشاعى ۇمىتكە تولى. گۇزالنۇر مامەت بىلاي دەدى: ”داشي قىستاعى تۇرعىندارىنىڭ جايلى دا باقىتتى تۇرمىس كەشىرە الۋى پارتيانىڭ ابزال ساياساتىنىڭ ارقاسى، پارتيا ۇيىمىنىڭ پارمەندى باسشىلىعىنىڭ ارقاسى، ءار ۇلت بۇقاراسىنىڭ ءبىر نيەتپەن كۇرەس جاساۋىنىڭ ارقاسى. قازىر داشيلىقتاردا پارتيانىڭ سوزىنە قۇلاق اسۋ، پارتياعا العىس ايتۋ، پارتياعا ىلەسۋ، داشي قىستاعىن اناعۇرلىم تاماشا ەتىپ قۇرۋ سىندى ءبىر عانا ورتاق تانىم بار“.
