اۆتونوميالى رايون مەن بيڭتۋان ورتالىق ەكولوگيالىق ورتانى قورعاۋدى قۋزاۋ - تەكسەرۋدە حابارلاندىرعان تيپتىك دەلو مىسالدارىن رەتتەۋ - تۇزەتۋ قىزمەتىن بىتىرۋگە باسى - قاسىندا قۋزاۋشىلىق ەتتى
ما شيڭرۇي، ەركىن تۇنياز، لي يفي رەتتەۋ - تۇزەتۋ قىزمەتىن ءبىتىرۋدى بىرگە قۋزادى
4 - ايدىڭ 16 - كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قاتارلىلار ءۇرىمجى مۇناي حيميا سەرىكتەستىگىندە كاسىپورىننىڭ اۋىر لاستانعان اۋا رايىنا شۇعىل توتەپ بەرۋ جوباسى جانە رەتتەۋ - تۇزەتۋ سياقتى جاعدايلاردى ەگجەي - تەگجەيلى ۇعىسۋدا.
□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ ءتىلشىسى ياۋ تۇڭ 4 - ايدىڭ 16 - كۇنى ۇرىمجىدەن حابارلايدى. شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرۋ، ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋدە حابارلاندىرعان تيپتىك دەلو مىسالدارىن رەتتەۋ - تۇزەتۋ قىزمەتىن جوعارى ولشەمدە ىلگەرىلەتۋ، لاستانۋدان ساقتانۋ - جونگە سالۋدان قامال الۋ شايقاسىن ىشكەرىلەي، ويداعىداي جۇرگىزۋ، اۆتونوميالى رايون مەن بيڭتۋاننىڭ ”پارتيا مەن ۇكىمەت تەڭ جاۋاپتى بولۋىن، ءبىر قىزمەت ورنىندا قوس جاۋاپكەرشىلىك ارقالاۋىن“ تياناقتاندىرۋ ءۇشىن، 4 - ايدىڭ 16 - كۇنى ما شيڭرۇي، ەركىن تۇنياز، لي يفي قاتارلىلار دامۋ جانە رەفورما، ونەركاسىپ جانە ينفورماتسيالاندىرۋ، ەكولوگيالىق ورتا سياقتى سالالارداعى جاۋاپتى جولداستارمەن بىرگە ءۇرىمجى قالاسىن، سانجى حۇيزۋ اۆتونوميالى وبلىسىن، شىحىزى قالاسىن، ۋجياچۇي قالاسىن ىشكەرىلەي ارالاپ، ”ءۇرىمجى − سانجى − شىحىزى“ وڭىرىندەگى اتموسفەرانىڭ لاستانۋىنان ساقتانۋ - جونگە سالۋدى ىلگەرىلەتۋدىڭ پارمەندى بولماۋى، اۋىر لاستانعان اۋا رايىنىڭ كوپتەپ تۋىلۋى ماسەلەسىن رەتتەۋ - تۇزەتۋ قىزمەتىن بىتىرۋگە باسى - قاسىندا قۋزاۋشىلىق ەتتى.
1 - تامىز بولات - تەمىر، ءۇرىمجى مۇناي حيميا، شين - يە ەنەرگيا قاينارى سياقتى كاسىپورىنداردىڭ اۋىر لاستانعان اۋا رايىنا شۇعىل توتەپ بەرۋ جوباسىن قاتاڭ تياناقتاندىرماۋى، ءبىر ءبولىم قۇرىلعىلاردىڭ ىعىستىرۋدى ۇيىمداستىرماۋ، جاراقسىز گازدى جاسىرىن ىعىستىرۋ سياقتى لاستانۋ ماسەلەسىن سول جەردىڭ وزىندە تەكسەرىپ انىقتاپ، ونى بىتىرۋگە قۋزاعاننان كەيىن، ما شيڭرۇي، ەركىن تۇنياز مىنالاردى باسا دارىپتەدى: كاسىپورىنداردىڭ نەگىزگى تۇلعالىق جاۋاپكەرشىلىگىن شىن مانىندە اتقارىپ، قۋزاۋ - تەكسەرۋدە بايقالعان ماسەلەلەردى دەرەۋ اڭىس ەتىپ، ەڭ قاتاڭ پوزيتسيا، ەڭ جىلدام ارەكەت، ەڭ عىلمي ءادىس، ەڭ دالمە - ءدال شارا، ەڭ پارمەندى تياناقتاندىرۋ ارقىلى ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋدە حابارلاندىرۋ شىعارعان تيپتىك دەلو مىسالدارىن رەتتەۋ - تۇزەتۋ قىزمەتىن جوعارى ولشەمدە، جوعارى ساپامەن ورىنداۋ كەرەك.
بىرگە ساقتانىپ، بىرگە جونگە سالۋ تالابىن تياناقتاندىرۋ ويداعىداي بولماۋ ماسەلەسىن قۋزاپ، ءبىتىرۋ كەزىندە ما شيڭرۇي، ەركىن تۇنياز بىلاي دەپ باسا دارىپتەدى: بيڭتۋان مەن جەرگىلىكتى ورىن ”ءبىر تۇتاس جۇيە“ يدەياسىن بەرىك ورناتىپ، اتموسفەرانىڭ لاستانۋىنان ساقتانۋ - جونگە سالۋعا ءبىر تۇتاس باسشىلىق ەتۋگە، ءبىر تۇتاس جوبالاۋعا، ءبىر تۇتاس ساياسات شىعارۋعا، ءبىر تۇتاس ولشەمگە، ءبىر تۇتاس ىلگەرىلەتۋگە تاباندى بولىپ، وڭىرلىك بىرگە ساقتانىپ، بىرگە جونگە سالۋدى كۇشەيتىپ، كوك اسپاندى قورعاۋ شايقاسىنىڭ جەڭىسىنە باتىل قول جەتكىزىپ، كوك اسپان، اقشا بۇلتتى ۇنەمىلىك كۇيگە اينالدىرۋ كەرەك.
ما شيڭرۇي، ەركىن تۇنياز قاتارلىلار تاعى سانجى قالاسى ديانبا قالاشىعى تۋلياڭ قىستاعىنا كەلىپ، سول جەردىڭ وزىندە اۋىل - قىستاقتارداعى بىتىراندى كومىردى باسقارۋ، تازالىق، جىلىنۋ سىناق ءتۇيىنى قىزمەتىن ىلگەرىلەتۋ جاعدايىن ۇعىسىپ، بىلاي دەپ باسا دارىپتەدى: جاسىل، تومەن كومىر قىشقىل گازدى تەحنيكالاردى زەرتتەپ - اشۋ جانە جالپىلاستىرىپ پايدالانۋدى ىلگەرىلەتىپ، اۋىل - قىستاقتىڭ ءىس جۇزىندىگىمەن بىرلەستىرىپ، ءبىر قىستاققا ءبىر شارا قولدانىپ، كومىردى تازا، جوعارى ءونىمدى پايدالانىپ، رەتىمەن مولشەرىن ازايتىپ، ورنىن باستىرۋدى ىلگەرىلەتۋ كەرەك.
باسى - قاسىندا ىستەۋگە قۋزاۋشىلىق ەتۋ بارىسىندا ما شيڭرۇي، ەركىن تۇنياز بىلاي دەپ باسا دارىپتەدى: ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋى ءبىزدىڭ شي جينپيڭنىڭ ەكولوگيالىق وركەنيەت يدەياسى مەن باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرۋىمىزگە، تياناقتاندىرۋىمىزعا قاراتقان ساياسي تەكسەرۋ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋىمىزگە، ەكولوگيالىق ورتا ساپاسىن ۇزدىكسىز جاقسارتۋدى ىلگەرىلەتۋىمىزگە قاراتىلعان دالمە - ءدال، پارمەندى جەتەكشىلىك. ”ەكىنى تۇراقتاندىرۋدى“ قورعاۋدىڭ،” ەكىنى قورعاۋدى“ ورىنداۋدىڭ بيىگىنەن يدەيا مەن ارەكەتتى پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، ەكولوگيالىق قىزىل سىزىقتى قاتاڭ ساقتاپ، ”قوس كومىر قىشقىل گازى“ نىساناسىن جۇزەگە اسىرۋدى ارقاۋ ەتىپ، لاستانۋدى دالمە - ءدال جونگە سالىپ، لاستانۋدى عىلمي جونگە سالىپ، لاستانۋدى زاڭ بويىنشا جونگە سالىپ، بۇقارانىڭ اڭىسى كۇشتى بولعان كورنەكتى ەكولوگيالىق ورتا ماسەلەلەرىن تىڭعىلىقتى شەشىپ، اسپانى اشىق، جەرى جاسىل، سۋى تۇنىق كوركەم شينجياڭدى قۇلشىنا قۇرۋ كەرەك. لاستانۋدان ساقتانۋ - جونگە سالۋدان قامال الۋ شايقاسىن ىشكەرىلەي، ويداعىداي جۇرگىزىپ، نازاردى ەكولوگيالىق ورتانى قورعاۋداعى كورنەكتى ماسەلەلەرگە، قۋزاۋ - تەكسەرۋ گرۋپپاسى ءتۇيىندى بىتىرۋگە وتكىزگەن ماسەلەلەرگە جانە بۇقارا مالىمدەگەن ارىز - ارمان ءىسى ماسەلەلەرىنە شوعىرلاندىرىپ، دەلونى اينا ەتىپ، بىرەۋى ارقىلى وزگەسىن تۇسپالداپ، شىنايى ارەكەتتەنىپ، قيىنىمەن ايقاسىپ، تۇبەگەيلى رەتتەپ - تۇزەتىپ، كوك اسپاندى، ءمولدىر سۋدى، تازا توپىراقتى قورعاۋ شايقاسىن ويداعىداي جۇرگىزىپ، حالىقتىڭ كۇن سايىن ارتىپ وتىرعان كورىكتى ەكولوگيالىق ورتاعا قاجەتىن ۇزدىكسىز قاناعاتتاندىرۋ كەرەك. ەكولوگيالىق ورتانى قورعاۋ ماسەلەسىن ارناۋلى رەتتەۋ - تۇزەتۋدى ورىستەتىپ، ۇستىنەن وڭاۋ مەن تۇبىرىنەن وڭاۋعا تەڭ ءمان بەرۋگە، تۇبىرىنەن وڭاۋدى ماڭىزدى ورىنعا قويۋعا تاباندى بولىپ، ەكولوگيالىق وركەنيەت قۇرىلىسىنىڭ ءارقايسى سالاسىندا ساقتالىپ وتىرعان ولقىلىقتار مەن جەتەرسىزدىكتەردى جاپپاي تەكسەرىپ تاۋىپ، ماسەلەنىڭ قاينارىنا ىشكەرىلەي تالداۋ جۇرگىزىپ، باعىتتامالى تۇردە ۇزاق ۋاقىتتىق، تۇبەگەيلى باسقاراتىن باياندى قىزمەت مەحانيزمىن ورناتۋ كەرەك. ءار دارەجەلى جاۋاپكەرشىلىكتى كۇشەيتىپ، قاتايتىپ، ”پارتيا مەن ۇكىمەت تەڭ جاۋاپتى بولۋ، ءبىر قىزمەت ورنىندا قوس جاۋاپكەرشىلىك ارقالاۋدى“ تياناقتاندىرىپ، حالىق قۇرىلتايىنىڭ باقىلاۋ قىزمەت مىندەتىن زاڭ بويىنشا اتقارىپ، قاراستى جەردىڭ جاۋاپكەرشىلىگىن قاتاڭ تياناقتاندىرىپ، جاپپاي جونگە سالۋدى، جۇيەلى جونگە سالۋدى، قاينارىنان جونگە سالۋدى ءبىر تۇتاس جوسپارلاپ ىلگەرىلەتىپ، ماسەلەنى كوزدەي وتىرىپ تياناقتاندىرۋدى مىقتى يگەرىپ، شىنايى يگەرىپ، ناقتى ىستەۋدى ارەكەتتە كورسەتىپ، ناقتى ناتيجە ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك.
چىن ۋيجۇن، ياڭ فاسىن، قادەن كابەن، جاروللا يسامدين قاتارلىلار جوعارىداعى قيمىلدارعا قاتىناستى.
