مىناداي كەشىرمە باسىڭىزدان وتكەن بە ەدى؟ اۆتوكولىككە وتىرعاندا زەرىككەندەي سەزىنىپ، قول تەلەفونعا تەلمىرۋ ارقىلى ۋاقىت وتكىزگىڭىز كەلگەندە، بىرنەشە مينۋت كورمەي جاتىپ باسىڭىز اينالىپ، جۇرەك اينىعانىن سەزەسىز.
![](http://kazakh.ts.cn/pic/003/526/215/00352621567_bb7f46d7.png)
ٴىس جۇزىندە مۇنداي سەزىم سىزدە عانا بار ەمەس
ٴىس جۇزىندە باس اينالعانى اۆتوكولىكتەن ەمەس، قوزعالىستان بولعان!
1. ساپار زەڭىتپەسىنە بىرگە نازار سالايىق
ساپار زەڭىتپەسى دەگەنىمىز نە؟
اۆتوكولىكتە باس اينالۋدىڭ سەبەبى كولىكتەن ەمەس، قايتا قوزعالىستان بولادى، مەديتسينادا اۆتوكولىكتە باس اينالۋ ساپار زەڭىتپەسى دەپ تە اتالادى.
تەكسەرۋگە قاراعاندا، دۇنيەدە شامامەن 3 / 1 ادام قاتىناس قۇرالدارىنا وتىرعاندا كىتاپ وقىسا نەمەسە قول تەلەفون ويناسا جۇرەگى اينۋ تۋىلادى ەكەن.
![](http://kazakh.ts.cn/pic/003/526/215/00352621572_3a9d4f33.gif)
كوز پەن قۇلاق ادام دەنەسىنىڭ قوزعالىس كۇيىن سەزەتىن نەگىزگى مۇشەسى.
كوز كورۋ نەرۆى جانە ورتانىڭ وزگەرىسى ارقىلى ٴبىزدىڭ قوزعالعان - قوزعالماعانىمىزدى تىكەلەي سەزە الادى.
ال قۇلاقتا ٴبىر ٴتۇرلى نازىك تەپە - تەڭدىكتى سەزىنۋ جۇيەسى − قۇلاقتىڭ ساعاسى بولادى، ول ٴبىزدىڭ شىنىمەن قوزعالعان - قوزعالماعانىمىزدى، ورگە شىققانىمىزدى، الدە ەڭىسكە تۇسكەنىمىزدى، قارقىندى تەزدەتكەنىمىزدى، الدە قارقىندى باياۋلاتقانىمىزدى، گوريزونتال قوزعالعانىمىز، الدە تىك قوزعالعانىمىزدى سەزە الادى.
اۆتوكولىكتە قول تەلەفونعا تەلمىرگەندە، ادامنىڭ نازارى قول تەلەفونعا اۋادى، ياعني ”كوز“ سىرتقى دۇنيەنىڭ وزگەرىسىن كورمەي، سىزگە ”قوزعالماعاندىعىن“ ايتادى؛ ٴبىراق ”قۇلاق“ وزگەرىستى سەزىپ، سىزگە ”قوزعالعانىن“ ايتادى. وسى كەزدە بۇيرىق بىردەي بولماسا، ۇلكەن مي قايسىسىنا سەنەرىن بىلمەي، تەپە - تەڭدىك فۋنكتسياسىن رەتكە تۇسىرە الماي، باس اينالۋ ت . ب تۋدىرادى.
![](http://kazakh.ts.cn/pic/003/526/215/00352621587_bc87ea59.png)
كەرىسىنشە، كينو كورگەن كەزىڭىزدە، ٴوزىڭىز جانە قۇلاعىڭىز ءوزىنىڭ تىنىش كۇيدە ەكەنىن بىلەدى، ٴبىراق كوز كينوداعى بۇكىل كورىنىستى تەز ارادا شولىپ شىعىپ، ءسىزدى قوزعالۋدا دەپ قارايدى، سونىمەن باس اينالۋ سەزىمى تاعى دا تۋىلادى!
2. قول تەلەفونعا قاراۋدان سىرت، مىنا جاعدايلاردا دا اۆتوكولىكتە باس وڭاي اينالادى
اۆتوكولىكتە ويىن ويناۋ، كىتاپ وقۋ، بۇلاردىڭ بارلىعى كوز الماسىنىڭ نازىك ارەكەتىن قاجەت ەتەدى، باسى اينالۋدى وڭاي تۋدىرادى.
اۆتوكولىككە وتىرعان كۇنى ۇيقىنىڭ جەتكىلىكسىز بولۋى نەمەسە شارشاۋ سياقتى دەنساۋلىق جاعدايى جاقسى بولماعان كۇيدە تۇرۋ.
جولعا شىققان كەزدە اش قۇرساق بولۋ، تويا تاماقتانۋ نەمەسە كەيبىر وڭاي قورىتىلمايتىن تاعامداردى تۇتىنۋ.
اۆتوكولىككە وتىرعاندا، كەرى باعىتتا وتىرۋ.
جاعاسىن، بەلبەۋىن نەمەسە تۇيمەسىن مىقتاپ بەكىتۋدەن قان اينالىسىنا ىقپال بولۋ.
ٴاتىر، تەر تيعىش، شاش جەلىمىن سەبۋ نەمەسە اۆتوكولىكتە اۋا تازارتقىش سياقتى تىتىركەندىرگىش ٴيىستى سۇيىقتىق نەمەسە گاز بولۋ.
![](http://kazakh.ts.cn/pic/003/526/215/00352621586_32805c0d.png)
3. اۆتوكولىكتە باس اينالۋدان ساقتانۋدا مىنا ۇياشىق شۇعىل قۇتقارادى
ساۋساقپەن نەيگۋان ۇياشىعىن باسۋ: باس اينالعان كەزدە، باس بارماقپەن نەيگۋان ۇياشىعىن (نەيگۋان ۇياشىعى بىلەزىك بۋىنىنىڭ الاقان جاعىندا، بىلەكتىڭ كولدەنەڭ جولاعىنىڭ ۇستىنە شامامەن ەكى ەلى، ەكى ٴسىڭىر ارالىعىندا بولادى) باسساق بولادى.
اۆتوكولىكتە باس اينالاتىن بولسا، ەڭ جاقسىسى قول تەلەفونعا تەلمىرۋدەن ساقتانىپ، الدىڭعى قاتارداعى ورىندى الدىمەن تاڭداپ، تەرەزە سىرتىنا كوبىرەك قاراۋ نەمەسە اۆتوكولىككە شىققان سوڭ ۇيىقتاۋ كەرەك.
«انار بۇلتتان» اۋدارىلدى
اۋدارعان: قادىر ماقان