4 - ايدىڭ 17 - كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قاتارلىلار ءۇرىمجى اۋدانىنداعى ءۇرىمجى − بانفاڭگوۋ، ءۇرىمجى − شۇيشيگوۋ تاس جولدارىنىڭ ەكى جاعالاۋىنداعى ەكولوگيالىق ىقتاسىن ورمان قۇرىلىسى ينجەنەرياسىنىڭ جۇمىس باسىنا كەلىپ، مىندەتتى اعاش ەگۋ قيمىلىنا قاتىناستى.
□ سۋرەتتى انار بۇلت /شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 4 - ايدىڭ 17 - كۇنى ۇرىمجىدەن حابارلايدى. مامىراجاي كوكتەم تۋىپ، بارشا الاپ تۇرلەندى، كوك قىلتيىپ، اعاش بۇرلەدى. 4 - ايدىڭ 17 - كۇنى تۇستەن بۇرىن اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قاتارلىلار ءۇرىمجى اۋدانىنداعى ءۇرىمجى - بانفاڭگوۋ، ءۇرىمجى - شۇيشيگوۋ تاس جولدارىنىڭ ەكى جاعالاۋىنداعى ەكولوگيالىق ىقتاسىن ورمان قۇرىلىسى ينجەنەرياسىنىڭ جۇمىس باسىنا كەلىپ، مىندەتتى اعاش ەگۋ قيمىلىنا قاتىناستى.
اعاش ەگۋ ءتۇيىنى قاربالاس دۋمانعا شومدى. ما شيڭرۇي، ەركىن تۇنياز، شاۋكەت يمىن، نۇرلان ءابىلماجىن، لي يفي قاتارلىلار جۇمىس باسىنا كەلىپ، ءۇرىمجى قالاسىنىڭ اعاش ەگىپ جاتقان كادر - بۇقاراسىمەن، پيونەرلەرىمەن بىرگە كۇرەك ۇستاپ توپىراق كۇرەدى، توپىراق قومداپ بوگەن جاسادى، شەلەك كوتەرىپ، اعاش سۋاردى. ما شيڭرۇي، ەركىن تۇنياز قاتارلىلار ەڭبەك ىستەي ءجۇرىپ، بالالارعا جۇڭگولىق بولۋدىڭ ەرىك - جىگەرىن، قاجىر - قايراتىن، سەنىمىن ۇزدىكسىز نىعايتىپ، ءوز كۇشىنە سۇيەنىپ، وزىنە سەنىپ، قۇلشىنا ۇيرەنىپ العا باسىپ، اسقاق مۇرات ورناتۋدى، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى دامىپ، كىشكەنتاي قالامشالارداي اقاۋسىز ءوسىپ، ەسەيگەننەن سوڭ وتاندى كوركەيتۋدىڭ تىرەگى بولۋدى تاپسىردى.
اعاش ەگۋ كەزىندە ما شيڭرۇي، ەركىن تۇنياز بىلاي دەپ باسا دارىپتەدى: شينجياڭنىڭ ەكولوگيالىق ورتاسى ءالسىز، تاۋ - وزەندەردىڭ كوركەم كورىنىسى دەن قويا قورعاۋدى ءتىپتى دە قاجەت ەتەدى، ەكولوگيالىق جۇيەنى قورعاۋ جانە قالپىنا كەلتىرۋ، ەكولوگيالىق ورتانى تۇبىرىنەن جاقسارتۋ ءۇشىن ۇزاق ۋاقىت جاپالى قۇلشىنىس جاساۋعا تۋرا كەلەدى، ءسوز جوق، قاجىماي - تالماي، تالىقپاي ۇدەرە العا باسۋ كەرەك. شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، ەكولوگيانى الدىمەن ويلاستىرۋعا، جاسىل دامۋعا تاباندى بولىپ، ورماننىڭ سۋ قويماسى، اقشا قامباسى، استىق قامباسى، كومىرتەگى قامباسى ەكەندىگىن تەرەڭ تانىپ، جاڭا دامۋ ۇستانىمىن بۇلجىماي دايەكتىلەندىرىپ، شينجياڭنىڭ ەكولوگيالىق جۇيەسىنىڭ تۇتاس تۇلعاسىن نەگىزگە الىپ، كوكيار رۋحىن ساۋلەلەندىرىپ، اعاش ەگىپ ورمان ءوسىرۋ مەن مەملەكەت جەرىن جاسىلداندىرۋدى ۇزدىكسىز ورىستەتىپ، ورمان - توعاي، جايلىم بايلىعىنىڭ جالپى مولشەرى مەن ساپاسىن ۇزدىكسىز جوعارىلاتىپ، ەكولوگيالىق جۇيەنىڭ كومىرتەگىن ءسىمىرۋ قابىلەتىن بەكەمدەپ جانە كۇشەيتىپ، ورمان ءوسىرۋ مەن ونى باسقارۋعا، قورعاۋعا تەڭ ءمان بەرۋگە تاباندى بولىپ، ورمان باستىعى ءتۇزىمىن قاتاڭ تياناقتاندىرىپ، ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋىندە بايقالعان ماسەلەلەردى جاپپاي رەتتەپ، تۇزەتىپ، تاماشا ەكولوگيالىق ورتانىڭ ءار ۇلت بۇقاراسىن اناعۇرلىم ويداعىداي باقىتقا كەنەلتۋىنە مۇمكىندىك جاساپ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋ كەرەك. پارتيالى كادرلاردىڭ ۇلگىلىك، باستاماشىلدىق رولىن تولىق ساۋلەلەندىرىپ، جالپى حالىقتى مىندەتتى اعاش ەگۋگە ات سالىسۋعا، بۇكىل قوعامدى مەملەكەت جەرىن جاسىلداندىرۋعا كوڭىل بولۋگە، قولداۋ كورسەتۋگە جەتەكتەپ، جۇمىلدىرىپ، تاباندىلىقپەن، ۇزاق ۋاقىت ەڭبەك ەتىپ، شينجياڭنىڭ بايتاق دالاسىنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق، ەكولوگيالىق ورتاسىنىڭ اناعۇرلىم كوركەم بولۋىنا مۇمكىندىك جاساۋ كەرەك.
اۆتونوميالى رايوندىق پارتكومنىڭ، حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانىنىڭ باسشىلىق القالارىنىڭ مۇشەلەرى، قارۋلى ساقشى شينجياڭ باس اترەتىندەگى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، اۆتونوميالى رايون مەن ءۇرىمجى قالاسىنداعى ءبىر ءبولىم كادر - قىزمەتكەرلەر مىندەتتى اعاش ەگۋ قيمىلىنا قاتىناستى. سول كۇنى الما اعاشى، قىزىل جاپىراقتى تاس الما، كامفارا قاراعايى سياقتى كوپتەگەن اعاش تۇرلەرىنەن جالپى 5000 تۇپتەي اعاش ەگىلدى.
2021 - جىلى شينجياڭداعى ورمان - توعاي اۋماعى 124 ميلليون مۋعا جەتىپ، 2 ميلليون 650 مىڭ مۋ جەردە ورمان - توعاي ءوسىرۋ جانە ەكولوگيانى قالپىنا كەلتىرۋ جۇمىسى، ءبىر ميلليون 550 مىڭ مۋ جەردە ورمان - توعاي باپتاۋ جۇمىسى ورىندالىپ، 8 ميلليون 300 مىڭ ادام - رەت ءتۇرلى فورماداعى مىندەتتى اعاش ەگۋگە قاتىناسىپ، 92 ميلليون تۇپتەن استام اعاش ەگىلدى.
