□ شينحۋا اگەنتتىگىنىڭ تىلشىلەرى ياۋ زىيۇن، گو جيەۋىن
باس شۋجي شي جينپيڭ 2016 - جىلى 2 - ايدىڭ 2 - كۇنى جياڭشي ولكەسى جيڭگاڭشان قالاسى شىنشان قىستاعىندا قىزمەت تەكسەرگەندە زو شيۋفانىڭ ۇيىنە بارعان - دى. جۋىقتا شينحۋا اگەنتتىگىنىڭ ءتىلشىسى زو شيۋفامەن قايتالاي سۇحباتتاستى.
【سول كەزگە قايىرىلا قاراۋ】
سول كۇنى ءدال وڭتۇستىكتىڭ كىشى جاڭا جىل مەرەكەسى ەدى، ءۇرتىس بىرنەشە كۇن قار ارالاس جاڭبىر جاۋىپ تۇردى، جيڭگاڭشاننىڭ تەرەڭ قويناۋىنا ورنالاسقان شىنشان قىستاعىندا كۇن قاتتى سۋىتىپ، قىستاققا كىرەتىن جول تايعاناقتاۋ بولاتىن. قىستاق تۇرعىنى زو شيۋفا تاڭ بوزىنان قوناق ءۇيدىڭ پەشىنىڭ وتىن مازداتىپ جاعىپ، اعاش مەسكەيمەن جابىسقاق كۇرىش بىقتىرىپ، سىبا تورتىن جاساۋعا دايىندالىپ جاتتى.
تۇستەن بۇرىنعى شاق، قىستاققا كىرە بەرىس دۋمانعا بولەندى. باس شۋجي شي جينپيڭنىڭ كەلەتىندىگىن ەستىگەن زو شيۋفا سەنە قويمادى، ”تاۋ ەتەگىنەن شىنشان قىستاعىنا دەيىنگى تاۋ جولى 100 شاقىرىمعا تايايدى، وسىنشاما ۇلكەن باسشى ’كەدەي تاۋ اڭعارىنا‘ قالاي كەلسىن“. كادرلاردىڭ اۋىزىنان سەنىمدى جاۋاپ العاننان كەيىن زو شيۋفا ”شىنشان قىستاعىنىڭ باعى بار ەكەن، مەن ءومىر بويى وسى تاۋ قويناۋىنان شىعىپ كورمەگەن ەدىم، باس شۋجي ءبىزدى ءوزى ىزدەپ كەلدى“ دەگەندى ايتا بەردى.
زو شيۋفانىڭ ەسىك الدىنداعى الاڭقىدا باس شۋجي شي جينپيڭ قىستاق تۇرعىندارىنىڭ سىبا جاساپ جاتقاندىعىن كورىپ، ءوزى دە قىزىعا كىرىسىپ كەتتى.
سىبانى جاساپ بولعاننان كەيىن باس شۋجي شي جينپيڭ زو شيۋفانىڭ ۇيىنە كەلىپ، ونىڭ ءۇيىنىڭ بامبۋك شەلەك ورنەكتەرىن تاماشالاپ، ءبىر ءۇيلى جاننىڭ جەرگىلىكتى بايلىقتى تياناق ەتىپ، بامبۋك اعاشىن وڭدەۋگە سۇيەنىپ كىرىستەرىن ارتتىرىپ، كەدەيلىكتەن ارىلعان ءادىسىن تۇراقتاندىردى ءارى ولاردىڭ وندىرگەن بامبۋك شەلەگى ساۋداسىنىڭ كۇسەت بولۋىنا تىلەكتەستىك ءبىلدىردى.
باس شۋجي شي جينپيڭ قىستاققا كەلدى دەگەن حابار تەز تارالىپ، قىستاق تۇرعىندارى قىستاققا كىرە بەرىسكە جينالىپ، تەگىس داۋىستاپ باس شۋجيگە امانداستى. باس شۋجي شي جينپيڭ اۋىلداستارمەن قول الىسىپ، اۋىلداستارعا شاعان قۇتتى بولسىن ايتتى. ول اۋىلداستارعا: ءبىزدىڭ پارتيامىز بۇكىل ىنتا - پەيىلىمەن حالىق ءۇشىن قىزمەت ىستەيتىن پارتيا، پارتيامىز بايىرعى رايوننىڭ دامۋىن ۇزدىكسىز تۇردە بار كۇشپەن قولداپ، اۋىلداستاردىڭ تۇرمىسىن بارعان سايىن جاقسارتادى، - دەدى.
【زو شيۋفانىڭ جۇرەك ءۇنى】
مەن بيىل 71 جاستامىن، كوزدى اشىپ - جۇمعانشا 6 جىل وتە شىقتى، الايدا سول كەزدەگى كورىنىستەر ءالى كوز الدىمدا.
باس شۋجي شي جينپيڭنىڭ كەلۋى بىزگە وراسان زور سەنىمدىلىك سيلادى. ۇكىمەتتىڭ كومەگىمەن ءبىزدىڭ شىنشان قىستاعىنداعىلار دا قايىسپاس كۇش - قايراتقا يە بولىپ، سارى شابدالى بازاسىن، شاي بازاسىن، ساياحاتشىلارعا قىزمەت وتەۋ ورتالىعىن، اۆتوتۇراق، ساياحات الەۋمەتتىك دارەتحاناسىن سالدى... تاۋ قويناۋىنا كىرەتىن بۇرىنعى تار جول 5 مەترگە دەيىن كەڭەيتىلدى. بىرنەشە جىلدىڭ الدىندا بۇل ارادا تۇكتى بامبۋك تاسيتىن جۇك اۆتوكولىگىنەن تىس، جان بالاسى كەلگىسى كەلمەيتىن. كوزدى اشىپ - جۇمعانشا بۇل اراعا ءار كۇنى كەلەتىن ساياحاتشىلار قىستاق تۇرعىندارىنان دا كوبەيدى.
باس شۋجي كەلگەننەن كەيىنگى كەلەسى جىلىندا قىستاق عانا ەمەس، بۇكىل جيڭگاڭشان كەدەيلىكتەن ارىلدى، تەلەۆيزوردا ءبىزدىڭ بۇكىل مەملەكەت بويىنشا كەدەيلىك قالپاعىن الىپ تاستاعان العاشقى اۋدان ەكەندىگىمىز ايتىلدى. جەڭىل اۆتوكولىگى بار تۇرعىندار بارعان سايىن كوبەيە ءتۇستى. وتباسىلاردىڭ وزگەرىسى دە وراسان زور بولدى. ۇيلەر جاڭالاندى، بۇرىندارى كىر - قوجالاق بولىپ تۇراتىن ۇيلەر قازىر ايناداي جارقىرادى، ءۇي سايىن سۋمەن شايىلاتىن دارەتحانالار بار بولدى. سۋ شۇمەگىن بۇراپ قالساڭىز بولدى قۇبىر سۋى شارىلداپ اعاتىن بولدى.
قىستاقتاعىلاردىڭ ابىرويى بارعان سايىن اسپانداي ءتۇستى، مەن سىرتقا شىعىپ جۇمىس ىستەۋگە كەتكەن ۇلىما تەلەفون شالىپ، قىستاققا قايتىپ ءوزىن دامىتۋىن ايتتىم. بۇگىنگى تاڭدا وتباسىنداعى سىبا تورتى ساۋداسىمەن، بامبۋك اعاشىنان قولونەر بۇيىمدارىن جاساۋمەن شۇعىلدانۋعا سۇيەنگەن ونىڭ جىلدىق تابىسى 100 مىڭ يۋاننان اسىپ، سىرتقا شىعىپ جۇمىس ىستەۋمەن سالىستىرعاندا كوش الدا كەتتى.
مەن وسى بىرنەشە جىلداعى وزگەرىستەردى باس شۋجيگە بايانداپ بەرگىم كەلەدى، قازىر سىبا تورتىنىڭ ءدامى ءتىل ءۇيىرىپ، تۇرمىسىمىز بارعان سايىن جاقساردى. بۇرىندارى اۋليەنىڭ ءوزى وزگەرتۋگە شاراسىز قالعان كەدەي تاۋ اڭعارى بۇل كۇندەرى اۋليەنىڭ تۇرمىسىن كەشىرۋدە.
(شينحۋا اگەنتتىگىنىڭ 4 - ايدىڭ 17 - كۇنى نانچاڭنان بەرگەن حابارى)
