انار بۇلت / شينجياڭ گازەتىنىڭ ءتىلشىسى حي حۇڭۋي 4 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، ءبىرىنشى ماۋسىمدا بۇكىل رايوننىڭ تياناقتاندىرىپ اتقارعان ساۋداگەر شاقىرىپ قارجى ەنگىزۋ نىسانى 1812گە جەتىپ، بىلتىرعى سايكەس مەزگىلدەگىدەن 301ى كوبەيگەن؛ سىرتتان ەنگىزىپ، تياناقتانعان قارجى 57 ميلليارد 970 ميلليون يۋان بولىپ، بىلتىرعى سايكەس مەزگىلدەگىدەن ％51.05 ارتىپ، ساۋداگەر شاقىرىپ قارجى ەنگىزۋ قىزمەتىندە تاماشا باستاما جارىققا شىققان.
ساندى مالىمەتتەردە كورسەتىلۋىنشە، ءۇرىمجى قالاسى، سانجى حۇيزۋ اۆتونوميالى وبلىسى، اقسۋ ايماعى، ىلە قازاق اۆتونوميالى وبلىسى، قۇمىل قالاسى، قاشقار ايماعى سىندى 6 ايماقتىڭ (وبلىس، قالا) ءبىرىنشى ماۋسىمدا سىرتتان ەنگىزىپ تياناقتاندىرعان قارجىسى تۇگەلدەي 4 ميلليارد يۋاننان اسقان. تياناقتانعان قارجىنىڭ ارتۋ ۇلەسىنەن قاراعاندا، قارامايلى قالاسى، ىلە وبلىسى، اقسۋ ايماعى، سانجى وبلىسى، قۇمىل قالاسى بۇكىل رايوندا تياناقتانعان قارجى ارتۋىنىڭ ۇلەس مولشەرى ％10تەن جوعارى بولعان.
ساندى مالىمەتتەن قاراعاندا، 2 - كاسىپتەن تياناقتانعان قارجىنىڭ سالىستىرماسى اناعۇرلىم كەڭەيىپ، تياناقتانىپ اتقارىلعان نىسان 1005كە جەتىپ، تياناقتانعان قارجى 34 ميلليارد 531 ميلليون يۋان بولىپ، سايكەس مەزگىلدەگىدەن ％74.7 ارتقان؛ جاڭادان سالىنعان نىسانداردىڭ سانى، تياناقتانعان قارجىسى جوعارى جىلدامدىقتى ارتۋدى ساقتاعان، جاڭادان اتقارىلعان نىسان 738 بولىپ، بىلتىرعى سايكەس مەزگىلدەگىدەن 221ى مولايىپ، تياناقتانعان قارجى 24 ميلليارد 371 ميلليون يۋان بولىپ، سايكەس مەزگىلدەگىدەن ％60.96 ارتقان؛ باسىمدىققا يە كاسىپ سالاسىنىڭ ارتۋى كورنەكتى بولىپ، رايونىمىزدىڭ ءداستۇرلى حيميا ونەركاسىپ، ەلەكتر قۋاتى، كەن ونىمدەرى تۇرىندەگى بايلىعى كادەگە جارايتىن كاسىپتەردە تياناقتانعان قارجىنىڭ ارتۋى كورنەكتى بولعان.
ستراتەگيالىق جاڭادان گۇلدەنگەن كاسىپ سالاسىنىڭ ناتيجەسى كورنەكتى بولدى. ءبىرىنشى ماۋسىمدا رايونىمىزدىڭ بيولوگيالىق ءدارى - دارمەك جانە جاڭا ماتەريالدار، وزىق جابدىقتاردى جاساۋ سياقتى ستراتەگيالىق جاڭادان گۇلدەنگەن كاسىپ سالاسى قارىشتاپ دامىپ، تياناقتانعان قارجى 11 ميلليارد 519 ميلليون يۋانعا جەتىپ، سايكەس مەزگىلدەگىدەن ％61.22 ارتتى. وسى زامانعى قىزمەت وتەۋ كاسىبى نىسانى العاشقى ادىمدا جاندانىپ، ءبىرىنشى ماۋسىمدا 6 ميلليارد يۋان قارجى تياناقتانىپ، سايكەس مەزگىلدەگىدەن ％20.92 ارتتى.
حالىقتىق قارجى قوسۋ ۇزدىكسىز جاندانىپ، ءىرى نىسانداردىڭ سالىستىرمالى سالماعى جوعارى بولدى. ءبىرىنشى ماۋسىمدا رايونىمىزدا حالىقتىق قارجى قوسۋ نىسانى 1670كە، تياناقتاندىرىلعان قارجى 46 ميلليارد 420 ميلليون يۋانعا جەتىپ، بۇكىل رايونداعى ساۋداگەر شاقىرىپ قارجى ەنگىزۋ نىساندارىنا تياناقتانعان قارجىنىڭ ％80.08ىن يەلەپ، ％41.6 ارتتى؛ تياناقتانعان قارجىسى 100 ميلليون يۋاننان اسقان نىسان 133 بولىپ، تياناقتانعان قارجى 31 ميلليارد 376 ميلليون يۋانعا جەتىپ، جالپى مولشەردىڭ ％54.12ىن يەلەدى.
شينجياڭعا كومەكتەسەتىن ولكەلەر مەن قالالار ۇزدىكسىز كۇش سالدى. ءبىرىنشى ماۋسىمدا بۇكىل رايون ەنگىزگەن، شينجياڭعا كومەكتەسەتىن 19 ولكە، قالانىڭ تياناقتاندىرعان قارجىسى 36 ميلليارد 854 ميلليون يۋانعا جەتىپ، سايكەس مەزگىلدەگىدەن ％33.51 ارتتى. مۇنىڭ ىشىندە شينجياڭعا كومەكتەسەتىن 7 ولكە، قالانىڭ تياناقتاندىرعان قارجىسى 2 ميلليارد يۋاننان استى، ولار جەكە - جەكە مىنالار: جىجياڭ، جياڭسۋ، حىنان، بەيجيڭ، گۋاڭدۇڭ، شاندۇڭ، شاڭحاي.
ءبىرىنشى ماۋسىمدا بۇكىل رايونداعى ءار دارەجەلى ساۋدا ىستەرى جانە ساۋداگەر شاقىرۋ تاراۋلارى ”التىنى ورنىقتىرۋ“، ”التىنى قامتاماسىز ەتۋ“ قىزمەتىن ۇزدىكسىز ويداعىداي ىستەپ، ەكونوميكانى باياندى، اقاۋسىز دامىتۋدى ىلگەرىلەتۋدى نەگىزگى نىسانا ەتىپ، تۇيىندە تۇرىپ ساۋداگەر شاقىرۋ، شاعىن بولىمشە اترەتتەردىڭ ساۋداگەر شاقىرۋى، بۇلتتىق ساۋداگەر شاقىرۋ سياقتى قيمىلداردى بەلسەنە ورىستەتىپ، ساۋداگەر شاقىرىپ قارجى ەنگىزۋ قىزمەتىنىڭ تەبىنىن كۇشەيتىپ، ونىمدىلىگىن كورنەكتىلەندىردى.
