تيانشان تورى
تيانشان تورى   ›   جاڭالىقتار   ›   شينجياڭ حابارلارى

جابايى حايۋاناتتاردى، وسىمدىكتەردى قورعاۋعا كوپتىڭ كۇشىن توپتاۋ كەرەك

□ جاڭ بەي

  تاياۋدا اۆتونوميالى رايون جابايى حايۋاناتتاردى، وسىمدىكتەردى زاڭسىز ساۋدالاۋعا سوققى بەرۋ تاراۋلارىنىڭ بىرلەسكەن قىزمەت ءماجىلىسىن اشىپ، جابايى حايۋاناتتاردى، وسىمدىكتەردى زاڭسىز ساۋدالاۋعا بىرلەسىپ سوققى بەرۋ ارەكەتىن اقىلداسىپ ورنالاستىردى. وسى رەتكى كوپ تاراۋ بىرلەسكەن ارەكەت كوپ جاقتىڭ كۇشىن توپتاپ، جابايى حايۋاناتتارعا، وسىمدىكتەرگە قاتىستى زاڭعا قايشى قىلمىستىق ارەكەتتەرگە مەڭزەس، ”كەشەندى شارانى“ العا قوياتىنى داۋسىز.

  جابايى حايۋاناتتار، وسىمدىكتەر بايلىعىن قورعاۋدا تەك زاڭسىز قازۋعا، زاڭسىز اۋلاۋعا سوققى بەرۋدەن باستاپ كىرىسۋدىڭ ءونىمى كوڭىلدەگىدەي بولمايدى. زاڭسىز اۋلاۋ، زاڭسىز قازۋ سياقتى زاڭعا قايشى قىلمىستىق ارەكەتتەردىڭ استارىندا جايشىلىقتا تۇگەلدەي ”اۋلاۋ / قازۋ − ساتىپ الۋ − ساۋدالاۋ“ سياقتى قىلمىستىق پايدا تىزبەگى ءومىر سۇرەدى. پايدانىڭ ەلىكتىرۋىندە قىلمىستىق ەلەمەنتتەر ەكولوگيالىق ورتانى ءبۇلدىرۋ مۇمكىنشىلىگى بولۋداي اۋىر زارداپقا قاراماستان، زاڭدارداعى، زاڭ ەرەجەلەردەگى اشىق بۇيرىقتاردى، تيىمداردى كاپەرىنە الماي، سۇرقيا سۋىق قولدارىن باعالى جابايى حايۋاناتتار، وسىمدىكتەر بايلىعىنا سوزدى. رايونىمىزدا مەملەكەتتىك 1 - دارەجەلى قورعالاتىن حايۋانات بارىس، باعالى، قۇرىپ جوعالۋعا بەت العان تيانشان قارعالداعى سياقتىلار كەزىندە تۇگەلدەي قىلمىستىق ەلەمەنتتەردىڭ شەڭگەلىنە تۇسكەن بولاتىن. ناۋقاستىڭ ءتۇبىن ءۇزۋ كەرەك، جابايى حايۋاناتتارعا، وسىمدىكتەرگە ساياتىن زاڭعا قايشى قىلمىستىق ارەكەتتەرگە سوققى بەرۋدە، ءسوز جوق، ءار جاقتىڭ كۇشىن توپتاپ، ءارقايسى بۋىندارعا اياۋسىز سوققى بەرىپ، قىلمىس تىزبەگىن تالقانداعاندا عانا وسى تۇردەگى زاڭعا قايشى قىلمىستىق ارەكەتتەردى تامىرىمەن قۇرتۋعا بولادى.

  حابارعا نەگىزدەلگەندە، وسى رەتكى ارەكەت جابايى حايۋاناتتاردى، وسىمدىكتەردى اۋلاۋ، قازۋ، ساتۋ، ساتىپ الۋ، شارۋاشىلىق جۇرگىزىپ پايدالانۋ، يمپورت - ەكسپورت ەتۋ سياقتى بۋىنداردى ارقاۋ ەتكەن ءارى اۆتونوميالى رايون 10 تاراۋ بىرلەسكەن قىزمەت ءتۇزىمىن ورناتقان. ءارقايسى بۋىنداردا كوپ تاراۋ تىزە قوسا سەلبەسسە مىعىم بىرىككەن كۇش قالىپتاستىرىپ، جابايى حايۋاناتتار، وسىمدىكتەر بايلىعىن ءبۇلدىرۋ قىلمىسىن تۇتاس تىزبەك بويىنشا جازالاۋعا بولادى.

  كوكتەمدە اعاشتار بىرتىندەپ ماۋەلەپ، جان - جانۋار جانداندى. ءبىز كوكتەمنىڭ كوز تارتارلىق كەرەمەت كوركىن تاماشالاۋمەن بىرگە، بارلىق جان - جانۋارلارعا ورتاق ۇلى تابيعاتتى ءتىپتى دە قاستەرلەپ جانە قورعاپ، جابايى حايۋاناتتاردى، وسىمدىكتەردى زاڭسىز اۋلاۋ - قازۋ، تاسۋ جانە ساتۋ سياقتى كەز كەلگەن ارەكەتكە تويتارىس بەرىپ، ادام مەن تابيعاتتىڭ تىرشىلىك ورتاق تۇلعاسىن قۇرۋعا ءار جاقتىڭ كۇشىن ارناۋىمىز كەرەك.

  (”لەپتى لەبىزگە“ ماقالا جولداۋ حات ساندىعى xjrbplb@126.com)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.