2022 - جىلى 4 - ايدىڭ 11 - كۇنى، شينجياڭ ءوندىرىس - قۇرىلىس بيڭتۋانى 2 - شىسى تيەمىنگۋان قالاسى 29 - تۋانى 19 - ليانىندە، ءىرى تۇرپاتتى تۇقىم سەبۋ ماشيناسى ماقتا تۇقىمىن سىڭىرۋدە.
تيانشان تورىنىڭ حابارى (حابارىن جازىپ، سۋرەتىن تۇسىرگەن ەرىكتى ءتىلشى چۋە . حۋرە). 4 - ايدىڭ باس شەنىندە، شينجياڭدا ماقتا تۇقىمىن ءسىڭىرۋ جۇمىسى وڭتۇستىكتەن سولتۇستىككە قاراي ىركەس - تىركەس ورىستەتىلىپ، ماقتا ەگۋدىڭ قاۋىرت مەزگىلىنە قادام قويدى. شينجياڭنىڭ وڭتۇستىگى مەن سولتۇستىگىندە، GPS ارقىلى ورىن بەلگىلەپ، جول سىلتەۋ جۇيەسى ورناتىلعان شوفەرسىز تۇقىم سەبۋ ماشيناسى ماقتا اتىزىندا ارلى - بەرلى ءجۇرىپ، جەر جىرتۋدا. بار الاپتا كوكتەمگى ەگىس، كوكتەمگى تۇقىم ءسىڭىرۋدىڭ قاربالاس كورىنىسى قالىپتاستى. ءار جىلعى 3 - ايدىڭ سوڭى مەن 4 - ايدىڭ باس شەنىندە شينجياڭ ماقتا تۇقىمىن ءسىڭىرۋ مەزگىلىنە وتەدى، 9 - ايدىڭ سوڭىنان 10 - ايدىڭ باسىنا دەيىن جيىن - تەرىن مەزگىلى باستالادى.
كەزەكتە، شينجياڭداعى ءبىرقانشا ماقتا ءوندىرىس رايونىندا جەر تەگىستەۋ، تۇقىم ءسىڭىرۋ، ۇشقىش اپپاراتپەن ءدارى بۇركۋدەن باستاپ، جوعارى ءونىمدى سۋ ۇنەمدەپ تامشىلاتىپ سۋارۋ، ماقتانى جيىپ - تەرۋگە دەيىنگى بارلىق باسقىشتا ماشينالانۋ، زەردەلىلەنۋدى ىسكە اسىرعان.