قۇربان اتايدىڭ ۇرپاقتارى تاپسىرمانى ەستە بەرىك ساقتاپ −
اۋىلداستارمەن بىرگە اناعۇرلىم تاماشا تۇرمىسقا تالپىنۋدا
【كورىنىستەردى قايتا ەلەستەتۋ】 2016 - جىلدىڭ سوڭىندا 100دىڭ ۇستىندە جان بار ۇلكەن شاڭىراقتاعىلاردىڭ تىنىش ءومىر، شات - شادىمان تىرشىلىك كەشىرىپ، ىشەر اس، كيەر كيىمنەن قام جەمەي ءوتىپ جاتقاندىعىنان اسەر العان قۇربان تۇلىمنىڭ ۇلكەن قىزى توحتىحان قۇربان نەمەرە قىزى رۋقيام ماتسايدىگە حات جازدىرىپ، باس شۋجي شي جينپيڭگە اۋىلىندا تۋىلعان وراسان زور وزگەرىستەردى مالىمدەپ، كەرياداعى ءار ۇلت بۇقاراسىنىڭ پارتياعا دەگەن العىستى سەزىمىن ءبىلدىردى.
2017 - جىلى 1 - ايدىڭ 11 - كۇنى باس شۋجي شي جينپيڭ قۇربان تۇلىمنىڭ ۇرپاقتارىنا جاۋاپ حات جازدى. حاتتا بىلاي دەلىنگەن: وتباسىلارىڭىزداعىلاردىڭ قۇربان اتاي سياقتى اۋىلداستارمەن بىرگە قۇلشىنىپ، پارتيانى، وتاندى، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولۋىن، ءار ۇلت جۇرتشىلىعىنىڭ اناردىڭ دانىندەي تىعىز ىنتىماعىن جەبەپ، پارتيانىڭ باسشىلىعىندا شينجياڭنىڭ اناعۇرلىم كوركەم بولاشاعىن بىرگە جاراتۋىن ءۇمىت ەتەمىن.
【سۇحباتتاعى كوڭىل سىرى】 قۇربان تۇلىمنىڭ جيەنشارى رۋقيام ءماتسايدى: ءبىز قاشاندا باس شۋجي شي جينپيڭنىڭ تاپسىرماسىن ەستە بەرىك ساقتاپ، ءىس جۇزىندىك ارەكەتىمىزبەن تاڭداۋلى وتباسى سالتىن ويداعىداي جالعاستىرىپ، ويداعىداي ساۋلەلەندىرىپ، پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولىپ، ۇزدىكسىز اۋىلداستارمەن بىرگە اتا مەكەندى اناعۇرلىم كورىكتى ەتىپ قۇرىپ شىعامىز.
□ انار بۇلت / شينجياڭ گازەتىنىڭ ءتىلشىسى ءپاريزات ابدۇل
4 - ايدىڭ 1 - كۇنى تاكلاماكان ءشولىنىڭ وڭتۇستىك جيەگىندەگى كەريا اۋدانىندا كۇن شۇلەن نۇرىن توگىپ تۇر. سەنبىبازار قالاشىعى لياڭجۇڭچاڭ قىستاعىنىڭ ءبىر تۇسىنداعى تۇرعىن ۇيدە قوناق ءۇيدىڭ كورنەكتى ورنىنا ىلىنگەن 2 ”اسىل مۇراعا“ قاراپ رۋقيام ءماتسايدىنىڭ ويىنا 2017 - جىلدىڭ 1 - ايىنىڭ 11 - كۇنى ەرىكسىز ورالدى.
”باس شۋجيدىڭ جاۋاپ حاتىن تاپسىرىپ العاندا، اجەم قولىمنان تارتقىلاپ، ءبىر ءارىپ، ءبىر سويلەمنەن وقىتىپ تىڭدادى. سول ساتتە ول قۇددى بالا سياقتى حاتتى بىرەسە كەۋدەسىنە باسىپ، بىرەسە الاقانىنا ايالاي ۇستاپ، ’قىزمەتى قانشا قاربالاس بولسا دا باس شۋجي بىزگە حات جازىپتى‘ دەپ ايتا بەردى“. رۋقيام ءماتسايدى بىلاي دەدى: باس شۋجي جاۋاپ حاتىندا ءبىزدى پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولۋعا شابىتتاندىردى.
باس شۋجي شي جينپيڭنىڭ تەرەڭ سۇيىسپەنشىلىككە تولى ءۇمىتى، ىقىلاستى تاپسىرماسى قۇربان تۇلىمنىڭ ۇرپاقتارى مەن اۋىلداستارىنىڭ جۇرەگىن جىلىتىپ، كوپشىلىكتى ءبىر نيەتپەن سەلبەسىپ كورىكتى مەكەندى بىرگە قۇرۋعا جىگەرلەندىرىپ كەلەدى.
قازىرگى باقىتتى تۇرمىسىمىز بالدان دا ءتاتتى
كوكتەم كەزىندەگى كەريا اۋدانى تۋراقاز اۋىلى تۋراقاز قىستاعىندا نەگىزگى كوشەنىڭ قوس قاپتالىنداعى ۇيلەر مەن اعاش راشەتكالار شىت جاڭا جوندەلگەن؛ ۇلتتار ىنتىماعى ۇلگى كوشەسىنىڭ ەكى جاعىندا اعاشتار مەن گۇلدەر ءبىر - بىرىنە كورىك قوسىپ تۇر؛ اسفالت جولدا ءتۇرلى جەڭىل اۆتوكولىكتەر دامىلسىز ءوتىپ جاتىر.
”مەن اشقان ەرەن بازاردى كوردىڭ بە، بىلتىرعىدان كەڭەيتتىم، تاۋاردىڭ ءتۇرى دە كوبەيدى...“، - دەدى ابدىرەشيت ءماتتۇرسۇن.
21 جاستاعى ابدىرەشيت تۋراقاز قىستاعىنىڭ تۇرعىنى، 100دەن استام ءۇي قۇسىن باعىپ وتىر، قىستاقتىڭ كىرە بەرىسىنەن اشقان ەرەن بازارى بار، بايۋعا باستاماشى بولىپ جۇرگەن جاس.
”بالا كەزىمدە ۇيدەگى قارتتاردان قۇربان تۇلىم اتايدىڭ حيكاياسىن ۇنەمى ەستيتىنمىن، اۋىلداس ءارى ۇرپاعى رەتىندە، ەرەكشە داڭق سەزىنەمىن“، - دەدى ابدىرەشيت. بىلتىر ابدىرەشيت اشقان ەرەن بازار اۋىل - قىستاق ەلەكتروندى ساۋدا قىزمەت وتەۋ پۋنكتىنە اينالدى، قاربالاستىقتان ونىڭ مۇرنىنا سۋ جەتپەيدى.
”جاڭا داۋىردە وڭاي - وسپاق قولعا كەلمەگەن باقىتتى تۇرمىس ءۇشىن العىس ايتامىن، پارتياعا دەگەن العىستى سەزىمىمدى اتا مەكەندى اناعۇرلىم جاقسى قۇرىپ شىعاتىن ءىس جۇزىندىك ارەكەتكە اينالدىرامىن“. ابدىرەشيت كەرياداعى ءار ۇلت بۇقاراسىنىڭ جۇرەك ءۇنىن جەتكىزدى.
”تام ۇيلەر بەيقۇت ۇيلەرگە، شاعىن عيماراتتارعا اينالدى، ءۇي - ءۇيدىڭ ءبارى قۇبىر سۋىنان پايدالاناتىن بولدى، اسفالت جول ەسىكتىڭ الدىنا دەيىن جەتىپ، اۋىلداستاردىڭ قالتاسى قامپايدى، وقۋعا تۇسۋدەن، ەمدەلۋدەن قام جەمەيمىز، جوعارى جىلدامدىقتى تاس جول، ۇشاقتار ءبىزدى استانامىز بەيجيڭگە جاقىنداتا ءتۇستى... قازىرگى باقىتتى تۇرمىسىمىز بالدان دا ءتاتتى“. اتا مەكەننىڭ وزگەرىسىن تىلگە العاندا، رۋقيام ءماتسايدىنىڭ اۋزى - اۋزىنا تيمەي سويلەدى.
اناردىڭ دانىندەي تىعىز ۇيىسامىز
قۇربان تۇلىم كەدەي شارۋا وتباسىندا تۋىلىپ، جەر يەسىنىڭ قاناۋى مەن جابىرىنە قاتتى ۇشىراعان، 60 نەشە جاسىندا تۇڭعىش رەت وزىنە تيەسىلى جەرگە ەگىن ەگىپ، ءوز تاعدىرىنىڭ تىزگىنىن ۇستادى. ازاپتان ارىلىپ، جاقسىلىققا كەنەلگەن ول ەرىنبەي ەڭبەكتەنۋ ارقىلى پارتيانىڭ مەيىر - شاپاعاتىن اقتادى، قاشاندا جۇمىستىڭ الدىندا ءجۇرىپ ىستەدى، 75 جاسىندا مەملەكەتتىك ەڭبەك وزاتى بولىپ، جۇڭنانحايعا بارىپ، ءتوراعا ماۋ زىدۇڭمەن كەزىكتى.
”باس شۋجي ءبىزدى ۇلتتاردىڭ اناردىڭ دانىندەي تىعىز ۇيىسۋىن جەبەۋگە جىگەرلەندىردى. ۇلتتار ىنتىماعى ءبىزدىڭ قانىمىزدا جوڭكىلىپ جاتقان گەن. ءبىز قۇددى ناعاشى اتامىزداي ۇلتتار ىنتىماعىن كوز قاراشىعىمىزدى ايالاعانداي ايالاۋىمىز كەرەك“. قۇربان تۇلىمنىڭ جيەنى ءماتسايدى ايسا ءىس جۇزىندىك ارەكەتىمەن ۇلتتار ىنتىماعىن قورعاپ، وڭ ەنەرگيا تاراتتى.
2017 - جىلى 3 - ايدىڭ ءبىر كۇنى ءماتسايدى ءبىر رەتكى وتباسى جينالىسىندا وتباسىلىق الەۋمەتتىك يگىلىك قورىن قۇرىپ، قيىنشىلىعى بار بۇقاراعا كومەكتەسۋدى، ۇلتتار ىنتىماعىندا ۇلەس قوسقان جانداردان حال سۇراۋدى ورتاعا قويادى.
”ايتىپ اۋىز جيعانشا، شەشەم بۇرىلىپ ىشكى ۇيگە كىرىپ، ءوزى جيناعان 3000 يۋانىن الىپ شىعىپ ماعان بەردى“. ءماتسايدى ەسىنە الىپ سول كۇنى وتباسىنداعىلاردان جالپى 67 مىڭ يۋان اقشا جينالعانىن ايتتى.
2017 - جىلى 3 - ايدىڭ 26 - كۇنى ”قۇربان تۇلىم وتانعا العىس ايتۋ وتباسىلىق الەۋمەتتىك يگىلىك قورى“ قۇربان تۇلىم ەسكەرتكىش سارايىندا ىسكە قوسىلدى، سول كۇنى جينالعان جىلۋ اقشانىڭ جالپى سانى 340 مىڭ يۋانعا جەتتى. سول جىلى 6 - ايدا قور جۇڭحۋا بالالار قايىرىمدىلىق قورىمەن بىرگە ”جۇڭحۋا بالالار قايىرىمدىلىق قورى قۇربان تۇلىم ۇلتتار ىنتىماعى ءوزارا كومەك ارناۋلى قورىن“ قۇرىپ، كەدەي وتباسىنداعى بالالارعا ماقتالى كيىم، كىتاپ اتادى، قاھارمان قۇرباندار وتباسىلارىنان حال سۇرادى، مەملەكەتتە ءبىر تۇتاس قولدانىلاتىن ءتىل ساباقحاناسىن قۇردى... قازىرگە دەيىن ءار ۇلت بۇقاراسىنان جانە جاس ءوسپىرىم بالالاردان جالپى 5700دەن استام ادامعا كومەكتەستى.
بيىل 1 - ايدا اۋىل شارۋاشىلىعى قوسىمشا ونىمدەرىن ساتۋ، كاسىپورىندارمەن بىرلەسىپ وڭتۇستىك شينجياڭداعى قىستاق تۇرعىندارىنىڭ قيمىل ورىندارىن، سونداي - اق مەكتەپ جولدارىن جارىقتاندىرۋ، جاڭالاپ وزگەرتۋ سياقتى الەۋمەتتىك يگىلىك نىساندارىن ىلگەرىلەتۋ ماقساتىندا، ءماتسايدى باستاما كوتەرىپ شينجياڭ حۇڭشى قايىرىمدىلىق قورى قۇربان اتاي اۋىل - قىستاقتى گۇلدەندىرۋ ارناۋلى قورىن قۇردى.
”ناعاشى اتام سياقتى ءىس جۇزىندىك ارەكەتىممەن ۇلتتار ىنتىماعىنىڭ ۇلگىسى بولىپ، مەيىر - سۇيىسپەنشىلىك ارقىلى كومەككە ءزارۋ اناعۇرلىم كوپ ادامعا كومەكتەسەمىن“، - دەدى ءماتسايدى.
تاپسىرمانى ەستە بەرىك ساقتاپ، ۇزدىكسىز وتاندى ءسۇيىپ كۇرەس جاسايمىز
”2 جىلدىڭ الدىندا ءۇي ىشىمىزبەن گان - ىن شاعىن اۋماعىنا كوشىپ كەلدىك، ۇيدە سافا، كيىم ىشكابى، تەلەۆيزور، مۇزداتقىش، سۋ ىسىتقىش ءبارى بار، قازىرگى تۇرمىسىمىز قالاداعىمەن بىردەي“. تۋراقاز اۋىلى تۋراقاز قىستاعىنىڭ تۇرعىنى ءماتتۇردى ءسايدى ماقتانا وسىلاي دەدى.
پارتيانىڭ جاقسى ساياساتى بار، وعان قۇلشىنىس قوسىلعاندا، ءماتتۇردىنىڭ تۇرمىسى شىت جاڭاردى. قازىر ول قۇربان تۇلىم ەسكەرتكىش سارايىنىڭ الدىنان ءۇي ەلەكتر جابدىقتارىن ساتاتىن دۇكەن اشىپ العان، جەڭىل اۆتوكولىك ساتىپ الدى، تۇرمىسى بارعان سايىن جاقسارىپ، سەنىم - جىگەرى ونان ارى نىعايا ءتۇستى.
”قۇربان تۇلىم رۋحى قىستاعىمىزدىڭ ’اسىل مۇراسى‘، سونداي - اق ءبىزدى ۇزدىكسىز العا باستايتىن قوزعاۋشى كۇش“. تۋراقاز قىستاعى پارتيا ياچەيكاسىنىڭ شۋجيى توحتىسۇلايمان بايتوللا بىلاي دەدى: ”2021 - جىلى تۋراقاز قىستاعىنىڭ جان باسىندىق ورتاشا تازا كىرىسى 11 مىڭ يۋانعا جەتتى. ءۇي - ءۇيدىڭ بارىندە كىرىس ارتتىراتىن ارنا بار − كوپ ءتولدى قوي ءوسىرۋ، بارقىت ءشوپ ەگۋ، سونداي - اق شارۋاشىلىق قۇرىپ جۇمىستاندىرۋ سياقتىلار، جۇرتتىڭ ءبارى اناعۇرلىم تاماشا جاڭا تۇرمىسقا تالپىنۋدا“.
باس شۋجيدىڭ جاۋاپ حاتى لياڭجۇڭچاڭ قىستاعىنىڭ تۇرعىنى ءماڭلاشحان ءماتسايدىنى دە العا باستىراتىن قوزعاۋشى كۇش.
ءماڭلاشحان كەريا اۋدانى ايەلدەر كەستەشىلىك قوعامىنىڭ باستىعى، جەرگىلىكتى ورىندا تانىمال كەستەشى ايەل، ونىڭ نەگىزگى ساتى ۇگىتشىسى دەگەن تاعى ءبىر سالاۋاتى بار، ول كەريا اۋدانىنىڭ ءبىرتالاي اۋىل - قىستاقتارىن ارالاپ اتا مەكەننىڭ وزگەرىسىن تىلگە تيەك ەتىپ، كەدەيلىكتەن ارىلۋدىڭ، بايۋدىڭ حيكاياسىن باياندادى.
”بالا كەزىمدە قۇربان تۇلىم اتايدى كورگەنمىن. باس شۋجي جاۋاپ حات قايتارعاننان كەيىن، مەن ۇنەمى قۇربان تۇلىم اتايدىڭ ۇرپاقتارىمەن بىرگە ۇيرەنۋگە، ۇگىت لەكسياعا قاتىناسامىن. مەن اۋىلداستارىمدى بىرگە بايۋعا، اناعۇرلىم تاماشا تۇرمىستى بىرگە جاراتۋعا باستايمىن“، - دەدى ءماڭلاشحان.
