تيانشان تورى
تيانشان تورى   ›   جاڭالىقتار   ›   شينجياڭ حابارلارى

ءبىرىنشى ماۋسىمدا بۇكىل رايونداعى قارجى قوسىلعان نىساندار ورنىقتى قاداممەن جۇمىس باستادى

  انار بۇلت / شينجياڭ گازەتىنىڭ ءتىلشىسى شى شين 4 - ايدىڭ 18 - كۇنى ۇرىمجىدەن حابارلايدى. ءبىرىنشى ماۋسىمدا بۇكىل رايونداعى قارجى قوسىلعان نىساندار جەدەل قۇرىلىس جۇرگىزىپ، ورنىقتى قاداممەن جۇمىس باستادى.

  بيىل جىل باسىنان بەرى اۆتونوميالى رايوندىق پارتكوم مەن ۇكىمەتتىڭ قىزمەت ورنالاستىرۋى بويىنشا، بۇكىل رايون جوعارىدان تومەنگە دەيىن ”10 ۇلكەن مەحانيزمدى“ نەگىزگى ارقاۋ، ”التى ماڭىزدى“ تىزىمدىكتى تۇتقا ەتىپ، نازاردى نىساندى يگەرۋگە، قارجى قوسۋدى جەبەۋگە، ارتتىرۋدى ورنىقتىرۋعا شوعىرلاندىرىپ، ”ەرتە“ جانە ”تەز“ بولۋدى كورنەكتىلەندىرىپ، ءتۇيىندى نىسان قۇرىلىستارىن مىقتاپ يگەرىپ، ءونىمدى قارجى قوسۋدىڭ شەشۋشى رولىن شىنايى ساۋلەلەندىردى.

  ءبىرىنشى ماۋسىمدا اۆتونوميالى رايوننىڭ ءتۇيىندى نىساندارعا قارجى قوسۋدىڭ جەتەكتەۋ رولى كورنەكتى بولدى. قارجى قوسۋ كولەمى 5 ميلليون يۋاننان اسقان جاڭادان قۇرىلىس جۇرگىزگەن زاپاس نىساندار جەدەل جۇمىس باستادى، مۇندا جاڭادان قۇرىلىس جۇرگىزگەن 1831 نىسان جاڭادان جۇمىس باستاپ، قۇرىلىس جۇرگىزدى، جۇمىس باستاۋ سالىستىرماسى %60كە تايادى؛ 428 زاپاس نىساننىڭ الدىڭعى راسمياتتارى ءبىتىپ، جۇمىس باستاپ قۇرىلىس جۇرگىزۋگە ءوتىپ، قۇرىلىس باستاۋ سالىستىرماسى %15كە جەتىپ، بىلتىرعى سايكەس مەزگىلدەگىدەن 3 پايىز جوعارىلادى.

  سونىمەن بىرگە جەر - جەر ءىرى نىسانداردىڭ قۇرىلىستى قالپىنا كەلتىرۋ، جۇمىس باستاۋ سالتىن وراي ەتىپ، نىسان قۇرىلىستارىن كۇش سالا ىلگەرىلەتتى. وڭتۇستىك شينجياڭ ءبىرىنشى ماۋسىمداعى قارجى قوسۋدىڭ ”نەگىزگى شايقاس مايدانى“ رەتىندە، قۇرىلىستى قالپىنا كەلتىرىپ، جۇمىس باستاعان نىسان 2526 بولىپ، يەلەگەن سالىستىرماسى جارىمىنان اسىپ، %55كە جەتكەن؛ 24 ميلليارد 100 ميلليون يۋان قارجى قوسىلىپ، يەلەگەن سالىستىرماسى جارىمىنا تاياۋ بولىپ، %44كە جەتكەن.

  بۇكىل رايونىمىزداعى نىسانداردىڭ جەدەل قۇرىلىس جۇرگىزۋىن ىلگەرىلەتۋ ءۇشىن، اۆتونوميالى رايوندىق دامۋ جانە رەفورما كوميتەتى ءونىمدى قارجى قوسۋدىڭ ”10 ءىرى مەحانيزمىن“ اقاۋسىزداندىرىپ، كەمەلدەندىرىپ، كەڭەيتىپ، اۆتونوميالى رايوننىڭ ”التى ماڭىزدى“ تىزىمدىگىن جاساپ، اتقارىپ، ءونىمدى مەحانيزمنىڭ جەتەكشىلىك ەتۋ جانە ىلگەرىلەتۋ رولىن ساۋلەلەندىرىپ، نىسانداردىڭ تياناقتانىپ اتقارىلۋىنا تۇساۋ بولاتىن ەلەۋلى قيىن ءتۇيىن، بوگەتتى ءتۇيىن ماسەلەلەرىن سايكەستىرىپ شەشتى؛ ورتالىق مەجە ەسەبى ىشىندە قارجى قوسۋدىڭ جانە جەرگىلىكتى ۇكىمەتتىڭ ارناۋلى زايوم قارجىسىنىڭ تۇرتكىلىك رولىن ويداعىداي ساۋلەلەندىرىپ، ۇكىمەتتىڭ قارجى قوسۋ نىساندارىنىڭ قۇرىلىس جۇرگىزۋ سەرپىنىن كۇشەيتىپ، 566 ميلليارد يۋان ارناۋلى امانات - قارىز قارجىسىن ويداعىداي پايدالانىپ، ۇكىمەت - بانكە - كاسىپورىننىڭ ءتۇيىلىسۋ مەحانيزمىن سۇيەنىش ەتىپ، امانات - قارىزدىڭ قولداۋ سەرپىنىن كۇشەيتىپ، ءىرى نىسانداردىڭ قارجى قۇراۋ سۇرانىسىن قامتاماسىز ەتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.