تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭ بويىنشا ەمدەۋ قامسىزداندىرۋ اقىسىنان جيىنى 260 ميلليون يۋاننان استام ازايتىلىپ الىندى

95 مىڭ مەكەمە - ورىن (كاسىپورىن) يگىلىكتەندى

  انار بۇلت / شينجياڭ گازەتىنىڭ ءتىلشىسى جاۋ مين 4 - ايدىڭ 18 - كۇنى ۇرىمجىدەن حابارلايدى. اۆتونوميالى رايوندىق ەمدەۋدى قامتاماسىزداندىرۋ مەكەمەسىنەن ۇعىسۋىمىزشا، 4 - ايدىڭ 1 - كۇنىنە دەيىن رايونىمىزدا ەمدەۋ قامسىزداندىرۋ اقىسىنان جيىنى 264 ميلليون 260 مىڭ 900 يۋان ازايتىلىپ الىنىپ، مۇنان 95 مىڭ مەكەمە - ورىن (كاسىپورىن) يگىلىكتەنگەن.

  ناقتى ەكونوميكانى قولداۋ تەبىنىن ونان ارى ارتتىرىپ، ورتا، شاعىن كاسىپورىنداردىڭ سالىق اقى اۋىرتپالىعىن شىن مانىندە جەڭىلدەتۋ ءۇشىن، بيىل 2 - ايدان باستاپ اۆتونوميالى رايوندىق ەمدەۋدى قامتاماسىزداندىرۋ مەكەمەسى قازىنا مەڭگەرمەسىمەن بىرلەسىپ «اۆتونوميالى رايوننىڭ جۇمىسشى - قىزمەتكەرلەردىڭ نەگىزگى ەمدەۋ قامسىزداندىرۋ قارجىسىن توپتاۋ مەحانيزمىن اقاۋسىزداندىرۋعا قاتىستى ماسەلەلەر جونىندەگى ۇقتىرۋدى» جاريالاپ، جۇمىسشى - قىزمەتكەرلەردىڭ نەگىزگى ەمدەۋ قامسىزداندىرۋىنا مەكەمە - ورىندار تاپسىراتىن قاراجات مولشەرى (تۋىت قامسىزداندىرۋىن قامتىمايدى) %7.5تەن اسقان، سونداي - اق ءبىر تۇتاس جوسپارلانعان قوردىڭ جيىنتىق قالدىعىنان ورتاشا تولەۋ دەڭگەيى 15 ايدان جوعارى ءبىر تۇتاس جوسپارلانعان وڭىرلەردە جۇمىسشى - قىزمەتكەرلەردىڭ نەگىزگى ەمدەۋ قامسىزداندىرۋىنا مەكەمە - ورىندار تاپسىراتىن اقى مولشەرىن %7.5كە دەيىن كەزەڭدىك تومەندەتۋدى ايقىندادى. 3 - ايدىڭ 1 - كۇنىنەن باستاپ اۆتونوميالى رايوننىڭ ءوز دارەجەسىندەگى، ءۇرىمجى قالاسى، ىلە قازاق اۆتونوميالى وبلىسى، سانجى حۇيزۋ اۆتونوميالى وبلىسى، تارباعاتاي ايماعى، بۇراتالا موڭعۇل اۆتونوميالى وبلىسى، قىزىلسۋ قىرعىز اۆتونوميالى وبلىسى سياقتى 7 ءبىر تۇتاس جوسپارلانعان وڭىرلەردە جۇمىسشى - قىزمەتكەرلەردىڭ نەگىزگى ەمدەۋ قامسىزداندىرۋىنا مەكەمە - ورىندار تاپسىراتىن اقى مولشەرى %7.5كە تومەندەتىلدى.

  ەمدەۋ قامسىزداندىرۋ اقىسىن ازايتىپ الۋ اتقارىلعان ءبىر ايدان بەرى رايونىمىزداعى كاسىپورىنداردان 169 ميلليون 424 مىڭ 600 يۋان ازايتىلىپ الىندى، بۇل 83 مىڭ 100 كاسىپورىنعا سايادى؛ ورگانداردان، ءىسورىنداردان 94 ميلليون 219 مىڭ 400 يۋان ازايتىلىپ الىندى، بۇل 11 مىڭ 900 مەكەمە - ورىنعا سايادى؛ جەكە يكەمدى جۇمىستانۋشىلاردان 616 مىڭ 900 يۋان ازايتىلىپ الىندى، بۇل 55 مىڭ 500 ادامعا سايادى.

  ”ەمدەۋ قامسىزداندىرۋ اقىسىن تومەندەتۋ كاسىپورىنداردىڭ اۋىرتپالىعىن كوپ جەڭىلدەتتى“. شينجياڭ تايكۇن توبى شەكتى جاۋاپكەرشىلىك سەرىكتەستىگى ادام كۇشى بايلىعى ورتالىعى كادرلار ءىسىنىڭ جاۋاپتىسى ياڭ چيۋحۋا مىناداي ەسەپ جاسادى: ”بىلتىر سەرىكتەستىك تۇتاس جىلدا ەمدەۋ قامسىزداندىرۋعا 7 ميلليون 590 مىڭ يۋان قارجى جۇمسادى، قازىرگى اقى تاپسىرۋ سالىستىرماسى مەن بىلتىرعى ادام سانى سالىستىرماسى بويىنشا ەسەپتەگەندە، بيىل سەرىكتەستىكتىڭ تاپسىراتىن ەمدەۋ قامسىزداندىرۋ اقىسى 6 ميلليون 390 مىڭ يۋانعا ازايادى. بيىل 3 - ايدا سەرىكتەستىك تاپسىرعان ەمدەۋ قامسىزداندىرۋ اقىسى 2 - ايداعىدان 111 مىڭ 100 يۋان ازايدى“.

  اۆتونوميالى رايوندىق ەمدەۋدى قامتاماسىزداندىرۋ مەكەمەسىنىڭ قاتىستى جاۋاپتىسى بىلاي دەپ تانىستىردى: اقى مولشەرىن كەزەڭدىك تومەندەتۋ الدىمەن ءبىر جىل اتقارىلادى، ۋاقىتىن ۇزارتۋ - ۇزارتپاۋ كەزىندەگى ساراپتاۋدان كەيىن بەكىتىلەدى، كەزەڭدىك ازايتۋدىڭ ادام ىستەتەتىن ورىنداردىڭ ءار جىلى اقى تاپسىرۋ اۋىرتپالىعىن 2 ميلليارد 276 ميلليون يۋان جەڭىلدەتەتىندىگى مەجەلەندى، بۇل شارۋاشىلىق - ساۋدا ورتاسىنىڭ ساپالىلانۋىنا پايدالى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.