انار بۇلت / شينجياڭ گازەتىنىڭ حابارى (ءتىلشى ۋاڭ چيميڭ، پراكتيكانت ءتىلشى پاتىگۇل ساۋىت حابارلايدى). كوكتەمدە اۆتوكولىكپەن ءۇرىمجىنىڭ حىتان تەز جىلدامدىقتى جولىنا شىقساڭىز جىلجىمالى ”كوكتەم داڭعىلىمەن“ جۇزدەسەسىز.
حىتان تەز جىلدامدىقتى جولى قالانىڭ وڭتۇستىگى مەن سولتۇستىگىن تۇتاستىراتىن قاتىناستىڭ كۇرە تامىرى ءارى جول جاعالاۋىن بويلاي سوزىلعان جاسىل جامىلعىلى كورىنىس بەلدەۋى.
تيانشان باقشاسى شاعىن رايونى قاقپاسىنىڭ الدىنداعى جۇرگىنشىلەر اسپا كوپىرىنەن تۇسىرىلگەن ءۇرىمجىنىڭ حىتان تەز جىلدامدىقتى جولى، نەگىزگى جول مەن قوسالقى جولدىڭ جاسىلداندىرۋ بەلدەۋىندە گۇلدەر قاۋلاپ اشىلىپ، كوگالدار جايقالىپ، اعاشتار جاسىل جەلەك جامىلعان. سۋرەتتى انار بۇلت / شينجياڭ گازەتىنىڭ ءتىلشىسى ۋاڭ چيميڭ تۇسىرگەن
ءۇرىمجى قالالىق جول جاسىلداندىرۋدى باسقارۋ ورتالىعى جىل سايىن حىتان تەز جىلدامدىقتى جولىنىڭ جاعالاۋىن كورىكتەندىرىپ، ءتۇرلى گۇل - ءشوپ، بۇتا - بۇرگەن وسىرەدى، ءار جىلى كوكتەم ماۋسىمىندا بۇل ارا جاسىل جەلەك جامىلىپ، گۇلدەر جايقالىپ، وزگەشە كوركەم ”كوكتەم داڭعىلىن“ قالىپتاستىرادى.
جۇي - ان كوشەسىنىڭ كىرە بەرىسىندەگى ءۇرىمجى حىتان تەز جىلدامدىقتى جولىنىڭ كورىنىسى. بۇل ارا قاشقار جولى ايقاسپالى كوپىرى مەن حىنان جولى ايقاسپالى كوپىرىنىڭ اراسىنا ورنالاسقان، سايالى جاسىل اعاشتار تۇرعىنداردىڭ تۇرمىس ورتاسىن كورىكتەندىردى. سۋرەتتى انار بۇلت / شينجياڭ گازەتىنىڭ ءتىلشىسى ۋاڭ چيميڭ تۇسىرگەن
حىتان تەز جىلدامدىقتى جولى وڭتۇستىكتەن سولتۇستىككە قاراي سوزىلىپ جاتىر، يانبەي ايقاسپالى كوپىرى، سانتۇنبەي ايقاسپالى كوپىرى، جۋجياڭ جولى ايقاسپالى كوپىرى، گۋاڭحۇي ايقاسپالى كوپىرى، حالىقارالىق شارۋاشىلىق ايقاسپالى كوپىرى، حالىق جولى ايقاسپالى كوپىرى، شيداچياۋ، شين - ي جولى ايقاسپالى كوپىرى، حىنان جولى ايقاسپالى كوپىرى، قاشقار جولى ايقاسپالى كوپىرى ... كوپىرلەر حىتان تەز جىلدامدىقتى جولىنان كولبەي ءوتىپ جاتىر، ال اۆتوكولىكتەر ”قالانى كەسىپ وتەدى“ نەمەسە كوپىرگە شىعىپ شارتاراپقا جۇيتكىپ، ەرەكشە قولايلى قالا قاتىناس تورىن قالىپتاستىرعان.
جيشيڭ كوشەسىنىڭ كىرە بەرىسىندەگى ءۇرىمجى حىتان تەز جىلدامدىقتى جولىندا كوكتەمىنىڭ الۋان رەڭدى كورىنىسى ايىرىقشا اسەم. حىتان تەز جىلدامدىقتى جول كورىنىس بەلدەۋىندە، جيشيڭ كوشەسىنىڭ كىرە بەرىسى سياقتى جەرلەر كوكتەم كوركىنە بولەندى. سۋرەتتى انار بۇلت / شينجياڭ گازەتىنىڭ ءتىلشىسى ۋاڭ چيميڭ تۇسىرگەن
حىتان تەز جىلدامدىقتى جولىن جاسىلداندىرۋعا باسا ءمان بەرىلگەندىكتەن، كەزەكتە ”ءبىر كوپىر ءبىر اسەمدىك“ كورىنىس بەلدەۋىن قالىپتاستىرعان. بىلتىردىڭ وزىندە 1 ميلليون 600 مىڭ ءتۇپ ءار تۇردەگى گۇل - ءشوپ ەگىلىپ، ەگۋ اۋماعى 31 مىڭ شارشى مەترگە جەتتى. كوكتەمدە اق قايىڭ، قىزىل جاپىراقتى تاس الما، كوك بۇتا سياقتى اعاش تۇرلەرى جايقالا ءوسىپ، ورىك گۇلى، تاۋ شاپتولى، تاس الما گۇلدەرى جارىسا گۇل اشىپ، شۋاق گۇلى، مالاحيت سياقتىلاردىڭ كوركى كوز تارتادى.
4 - ايدىڭ 18 - كۇنى، ءتىلشى حىتان تەز جىلدامدىقتى جولىنان وتكەندە، وسى ءبىر ەكولوگيالىق كورىنىس بەلدەۋى مەن قاز - قاتار تىزىلگەن عيماراتتار كوزگە وتتاي باسىلىپ، تىرشىلىك تىنىسى مەن مۇندالايدى.
حىنان جولى ايقاسپالى كوپىرىندە تۇسىرىلگەن ءۇرىمجى حىتان تەز جىلدامدىقتى جولىنىڭ كورىنىسى. حىنان جولى ايقاسپالى كوپىرىنىڭ نەگىزگى كوپىر بەتى مەن جۇرگىنشىلەر شىعىپ - تۇسەتىن كوپىردىڭ ءۇستى ايقاسقان دوعا ءپىشىندى، كوپىردىڭ استىنان وتكەندە، كوز الدىڭىز جارقىراپ سالا بەرەدى. سۋرەتتى انار بۇلت / شينجياڭ گازەتىنىڭ ءتىلشىسى ۋاڭ چيميڭ تۇسىرگەن
حىنان جولى ايقاسپالى كوپىرىنەن تۇسىرىلگەن ءۇرىمجى حىتان تەز جىلدامدىقتى جولىنىڭ كورىنىسى. جۇمىسشىلار جاسىلداندىرۋ بەلدەۋىن باپتاپ، قاتىناستىڭ كۇرە تامىرى ىسپەتتى وسى ءبىر ەكولوگيالىق ورتانى قورعاۋعا كۇش سالۋدا. سۋرەتتى انار بۇلت / شينجياڭ گازەتىنىڭ ءتىلشىسى ۋاڭ چيميڭ تۇسىرگەن
حىنان جولى ايقاسپالى كوپىرىندە تۇسىرىلگەن ءۇرىمجى حىتان تەز جىلدامدىقتى جولىنىڭ كورىنىسى. جاسىلداندىرۋ بەلدەۋىندەگى اعاشتاردىڭ رەڭى ءار ءتۇرلى، كوگالداعى ءار تۇردەگى بۇتا - بۇرگەندەر شەڭبەر ءپىشىندى شاعىن كورىنىس اۋماعىن قالىپتاستىرعان. سۋرەتتى انار بۇلت / شينجياڭ گازەتىنىڭ ءتىلشىسى ۋاڭ چيميڭ تۇسىرگەن
حىنان جولى ايقاسپالى كوپىرىندە تۇسىرىلگەن ءۇرىمجى حىتان تەز جىلدامدىقتى جولىنىڭ كورىنىسى. جاسىلداندىرۋ بەلدەۋىندەگى بۇتا - بۇرگەندەر تاماشا كورىنىس قالىپتاستىرىپ، ماڭايىنداعى بيىك عيماراتتار كوككە بوي سوزادى. سۋرەتتى انار بۇلت / شينجياڭ گازەتىنىڭ ءتىلشىسى ۋاڭ چيميڭ تۇسىرگەن
تيانشان باقشاسىنىڭ الدىنان تۇسىرىلگەن ءۇرىمجى حىتان تەز جىلدامدىقتى جولىنىڭ كورىنىسى. جاسىلداندىرۋ بەلدەۋىندە، ءبىر ءتۇپ گۇلدى اعاش بەينە اياڭداپ كەلە جاتقان ”تۇيە قۇسقا“ ۇقسايدى، ۇزىن ”سيراقتارى“، قايقايعان ”باسى“ تىڭ سەرپىن بايقاتادى. سۋرەتتى انار بۇلت / شينجياڭ گازەتىنىڭ ءتىلشىسى ۋاڭ چيميڭ تۇسىرگەن
شين - ي جولى ايقاسپالى كوپىرىندە تۇسىرىلگەن ءۇرىمجى حىتان تەز جىلدامدىقتى جولىنىڭ نەگىزگى جول، قوسالقى جولى، كوپىردەن تۇسەتىن اينالما جول سياقتى جول بولەكتەرىنىڭ قاتىناسى ءتارتىپتى. جاسىلداندىرۋ بەلدەۋى جاسىل جەلەك جامىلعان، ءتۇسىپ - شىعاتىن نەگىزگى جول بولەكتەرىنىڭ اراسىنداعى بۇتا - بۇرگەندەر بەينە سارى ءتۇستى ايداعارعا ۇقساس، ايىرىقشا كوز تارتادى. سۋرەتتى انار بۇلت / شينجياڭ گازەتىنىڭ ءتىلشىسى ۋاڭ چيميڭ تۇسىرگەن
«انار بۇلتتان» اۋدارىلدى
