شي جينپيڭ ورتالىق رەفورمانى جاپپاي تەرەڭدەتۋ كوميتەتىنىڭ 25 - رەتكى ءماجىلىسىن باسقارىپ اشقاندا بىلاي دەپ باسا دارىپتەدى
سيفرلى ۇكىمەت قۇرىلىسىن كۇشەيتىپ، ولكەدەن تومەنگى قازىنا ءتۇزىلىسى رەفورماسىن ىلگەرىلەتۋ كەرەك
لي كىچياڭ، ۋاڭ حۋنيڭ، حان جىڭ قاتىناستى
شينحۋا اگەنتتىگىنىڭ 4 - ايدىڭ 19 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 4 - ايدىڭ 19 - كۇنى تۇستەن كەيىن ورتالىق رەفورمانى جاپپاي تەرەڭدەتۋ كوميتەتىنىڭ 25 - رەتكى ءماجىلىسىن باسقارىپ اشىپ، «سيفرلى ۇكىمەت قۇرىلىسىن كۇشەيتۋ جونىندەگى جەتەكشى پىكىردى»، «ولكەدەن تومەنگى قازىنا ءتۇزىلىسى رەفورماسىن اناعۇرلىم ىلگەرىلەتۋ قىزمەتى جونىندەگى جەتەكشى پىكىردى»، «باسشى كادرلاردىڭ جاراتىلىستىق بايلىقتارىنا، مال - مۇلىكتەرىنە مىندەتتەن بوساعان سوڭ قازىنالىق باقىلاۋ جۇرگىزۋ باعالاۋ كورسەتكىشى جۇيەسىن ورناتۋ، اقاۋسىزداندىرۋ جونىندەگى پىكىردى»، «”14 - بەسجىلدىق“ مەزگىلىندە فينانستىڭ جاڭالىق اشۋدى قولداۋ جۇيەسىن كەمەلدەندىرۋ قىزمەت جوباسىن»، «عىلىم - تەحنيكالىق شابىتتاندىرۋ مەحانيزمىن كەمەلدەندىرۋ جونىندەگى ءبىرقانشا پىكىردى» قاراپ ماقۇلدادى.
شي جينپيڭ ءماجىلىستى باسقارعاندا بىلاي دەپ باسا دارىپتەدى: ينتەرنەتتە قۋاتتى ەل ستراتەگياسىن جاپپاي دايەكتىلەندىرىپ، سيفرلى تەحنيكانى ۇكىمەتتىك باسقارۋ قىزمەت وتەۋىندە كەڭ كولەمدە قولدانىپ، ۇكىمەتتىڭ سيفرلانعان، زەردەلىلەنگەن اينالىمىن ىلگەرىلەتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋگە پارمەندى تىرەك ازىرلەۋ كەرەك. ولكەدەن تومەنگى ۇكىمەتتەر اراسىنداعى قازىنا قاتىناسىن جونگە سالىپ، ۇقىق پەن جاۋاپكەرشىلىكتى جايعاستىرۋدىڭ اناعۇرلىم ۇيلەسىمدى بولۋىنا، كىرىستى ايىرۋدىڭ اناعۇرلىم جۇيەلى بولۋىنا، قازىنا كۇشىن ورنالاستىرۋدىڭ سالىستىرمالى بىركەلكى بولۋىنا، نەگىزگى ساتىنى قامتاماسىز ەتۋدىڭ اناعۇرلىم پارمەندى بولۋىنا مۇمكىندىك جاساپ، بۇكىل ەل بويىنشا ءبىر تۇتاس ۇلكەن بازار قۇرۋدى جەبەۋ، جەدەلدەتۋ، نەگىزگى الەۋمەتتىك قىزمەت وتەۋدى بىركەلكىلەندىرۋدى ىلگەرىلەتۋ، جوعارى ساپالى دامۋدى ىلگەرىلەتۋ كەرەك. زاڭ، بەلگىلەمەگە سۇيەنۋ، وبيەكتيۆ، تۋراشىل بولۋ، عىلمي تۇراقتاندىرۋ، ۇقىق پەن جاۋاپكەرشىلىك بىردەي بولۋ، جاۋاپكەرشىلىكتى ءومىر بويى قۋزاستىرۋ پرينسيبىن دايەكتىلەندىرىپ، عىلمي، جۇيەلى، ۇيلەسىمدى قازىنالىق باقىلاۋ جۇرگىزۋ باعالاۋ كورسەتكىشى جۇيەسىن كۇش سالا قۇرىپ، باسشى كادرلاردىڭ جاراتىلىستىق بايلىعىن، مال - مۇلكىن باسقارۋ جانە ەكولوگيالىق ورتانى قورعاۋ جاۋاپكەرشىلىگىن شىنايى اتقارۋىن ىلگەرىلەتۋ كەرەك. نازاردى فينانستىڭ عىلىم - تەحنيكادا جاڭالىق اشۋعا قىزمەت وتەۋىندەگى ولقىلىقتارعا، ءالسىز تۇستارعا شوعىرلاندىرىپ، فينانستىڭ جاڭالىق اشۋدى قولداۋ جۇيەسىن كەمەلدەندىرىپ، فينانس جۇيەسىنىڭ جاڭا داۋىردەگى عىلىم - تەحنيكادا جاڭالىق اشۋدىڭ تىڭ سۇرانىسىنا اناعۇرلىم ويداعىداي ۇيلەسۋىن ىلگەرىلەتۋ كەرەك. دۇنيە جۇزىلىك عىلىم - تەحنيكانىڭ الدىڭعى لەگىن بەتكە الۋعا، ەكونوميكانىڭ نەگىزگى شايقاس مايدانىن بەتكە الۋعا، مەملەكەتتىڭ كەلەلى سۇرانىسىن بەتكە الۋعا، حالىقتىڭ ءومىرىن، سالاماتتىعىن بەتكە الۋعا تاباندى بولىپ، جاۋاپكەرشىلىكتى باتىلدىقپەن ارقالاعانداردى، زەر سالا زەرتتەۋ جۇرگىزگەندەردى، قۇن جاراتقانداردى ىنتالاندىرۋ باعدارىن ورناتىپ، ءتول جاسامپازدىق جەتىستىكتەرىنىڭ ۇزدىكسىز مولىنان شىعۋىنا، عىلىم - تەحنيكا جەتىستىگىن ءونىمدى كادەگە جاراتۋعا پايدالى جاڭالىق اشۋ ەكولوگياسىن قالىپتاستىرىپ، قالىڭ عىلىم - تەحنيكا قىزمەتكەرلەرىن ءوز قابىلەتتەرىن ايگىلەۋگە، ءوز دارىنىن كورسەتۋگە شابىتتاندىرۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتىنىڭ ورىنباسار مەڭگەرۋشىلەرى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى.
ءماجىلىس مىنالاردى اتاپ كورسەتتى: سيفرلى ۇكىمەت قۇرىلىسىن كۇشەيتۋ − ۇكىمەتتىڭ باسقارۋ ۇستانىمى مەن تاسىلىندە جاڭالىق اشۋدىڭ ماڭىزدى شاراسى، ۇكىمەت فۋنكتسياسىنا جەدەل بۇرىلىس جاساۋ، زاڭمەن باسقارىلاتىن ۇكىمەت، پاك ۇكىمەت، قىزمەت وتەۋگە دەن قوياتىن ۇكىمەت قۇرۋ جونىنەن ءمانى زور. پارتيا 18 - قۇرىلتايىنان بەرى پارتيا ورتالىق كوميتەتى ينتەرنەتتە قۋاتتى ەل ستراتەگياسىن، ۇلكەن ساندى مالىمەت ستراتەگياسىن اتقارۋ سياقتىلاردى ارقاۋ ەتىپ، ءبىر قىدىرۋ كەلەلى ورنالاستىرۋ جاساپ، ءار جاقتاعى قىزمەتتەردە جاڭا ىلگەرىلەۋشىلىككە قول جەتكىزدى. پارتيانىڭ جالپى بەتتىك باسشىلىعىنا تاباندى بولۋدى جانە ونى كۇشەيتۋدى سيفرلى ۇكىمەت قۇرىلىسىنىڭ ءار سالاسىنا، ءار بۋىنىنا ساباقتاستىرىپ، دۇرىس ساياسي بەتالىسقا تاباندى بولۋ كەرەك. حالىقتىڭ تاماشا تۇرمىسقا دەگەن تالپىنىسىن قاناعاتتاندىرۋدى سيفرلى ۇكىمەت قۇرىلىسىنىڭ شىعار ءتۇيىنى مەن تابان تىرەر تياناعى ەتىپ، كەڭ كولەمدى، قولجەتىمدى، زەردەلى، قولايلى، ءادىل، جالپىعا ءتيىمدى سيفرلانعان قىزمەت وتەۋ جۇيەسىن قۇرىپ، بۇقارانى سابىلتپاي، ساندى مالىمەتپەن قولايلىلىق جاساۋ كەرەك. سيفرلانعان رەفورما ارقىلى ۇكىمەت فۋنكتسياسىنا بۇرىلىس جاساۋعا كۇش ۇستەپ، ءار كاسىپ، ءار سالا ۇكىمەت ىستەرىنىڭ قولدانىلمالى جۇيەسىن شوعىرلاندىرۋ قۇرىلىسىن، ۇلاستىرۋ - تۇتاستىرۋدى، سايكەسە بىرلەسىپ ارەكەتتەندىرۋدى ءبىر تۇتاس جوسپارلاپ ىلگەرىلەتىپ، سيفرلانۋدىڭ ۇكىمەتتىڭ ەكونوميكانى رەتتەۋ، بازاردى باقىلاۋ - باسقارۋ، قوعامدىق باسقارۋ، الەۋمەتتىك قىزمەت وتەۋ، ەكولوگيالىق ورتانى قورعاۋ سياقتى جاقتارداعى فۋنكتسياسىن اتقارۋداعى ماڭىزدى تىرەكتىلىك رولىن ساۋلەلەندىرىپ، سايكەستى، جوعارى ءونىمدى ۇكىمەتتىڭ سيفرلانعان مىندەت وتەۋ قۋاتى جۇيەسىن ورناتۋ كەرەك. جۇيە كوزقاراسىن كۇشەيتىپ، عىلمي جۇيەگە تۇسىرىلگەن سيفرلى ۇكىمەت قۇرىلىسى ءتۇزىمى جۇيەسىن اقاۋسىزداندىرىپ، ساندى مالىمەتتەردەن جوعارى ءونىمدى بىرگە يگىلىكتەنۋدى جانە ءتارتىپتى اشىپ پايدالانۋدى زاڭ، بەلگىلەمە بويىنشا جەبەپ، تەحنيكانى توعىستىرۋدى، كاسىپتى توعىستىرۋدى، ساندى مالىمەتتى توعىستىرۋدى ءبىر تۇتاس جوسپارلاپ ىلگەرىلەتىپ، دارەجە اتتاعان، ءوڭىر اتتاعان، جۇيە اتتاعان، تاراۋ اتتاعان، كاسىپ اتتاعان سايكەسە باسقارۋ جانە قىزمەت وتەۋ دەڭگەيىن جوعارىلاتۋ كەرەك. ساندى مالىمەت حاۋىپسىزدىگى سىندى وسى ارقاۋدى باستان - اياق مىقتاپ شيراتىپ، سيفرلى ۇكىمەتتىڭ جان - جاقتى حاۋىپسىزدىك قامتاماسىزدىعى جۇيەسىن جەدەل قۇرىپ، سيفرلى ۇكىمەت حاۋىپسىزدىگىن باسقارۋ جاۋاپكەرشىلىگىن جاپپاي كۇشەيتۋ كەرەك.
ءماجىلىس مىنالاردى باسا دارىپتەدى: پارتيا 18 - كەزەكتى ورتالىق كوميتەتى ءۇشىنشى جالپى ماجىلىسىنەن بەرى، ءبىز قازىنا - سالىق ءتۇزىلىسى رەفورماسىن جوعارى دەڭگەيدە جوبالاۋدى كۇشەيتىپ، ورتالىق پەن جەرگىلىكتى قازىنا ءىس ۇقىعى مەن شىعىس جاۋاپكەرشىلىگىن ءبولۋ رەفورماسىن ىشكەرىلەي ىلگەرىلەتىپ، ورتالىق پەن جەرگىلىكتى كىرىستى ءبولۋدى اناعۇرلىم جونگە سالىپ، قازىنادان اۋدارىپ تولەۋ ءتۇزىمى رەفورماسىن ءۇرتىس تەرەڭدەتىپ، ۇقىق پەن جاۋاپكەرشىلىك ايقىندالعان، قازىنا كۇشى سايكەستىرىلگەن، وڭىرلەر بىركەلكىلەنگەن ورتالىق پەن جەرگىلىكتى قازىنا قاتىناسىن بىرتىندەپ قالىپتاستىردىق. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، ورتالىق پەن جەرگىلىكتى ورىننىڭ سالىق ايىرۋ ءتۇزىمى پرينسيبى جۇلگەسىندە ۇكىمەت اراسىنداعى قازىنا قاتىناسىن اقاۋسىزداندىرۋدىڭ نەگىزگى پرينسيبىنە بويسۇنىپ، ولكەدەن تومەنگى قازىنا ءىس ۇقىعىن جانە شىعىس جاۋاپكەرشىلىگىن ايقىن بەلگىلەپ، ولكەدەن تومەنگى ۇكىمەتتەر اراسىنداعى كىرىس قاتىناسىن جونگە سالىپ، ولكەدەن تومەنگى اۋدارىپ تولەۋ ءتۇزىمىن كەمەلدەندىرىپ، ولكەدەن تومەنگى قازىنا ءتۇزىلىسىن رەتتەۋ مەحانيزمىن قۇرىپ، اقاۋسىزداندىرىپ، ولكەدەن تومەنگى قازىنانى باسقارۋدى ارناعا ءتۇسىرۋ كەرەك. قازىنا ءتۇزىمىن كەمەلدەندىرۋ ارقىلى جەرگىلىكتى قورعامپازدىقتى الاستاپ، بازار قامالىن جويىپ، نەگىزگى الەۋمەتتىك قىزمەت وتەۋدىڭ بىركەلكىلەنۋىن ءۇرتىس ىلگەرىلەتۋدىڭ قامتاماسىزدىق ءتۇزىمى مەن ولشەم جۇيەسىن اقاۋسىزداندىرىپ، توڭكەرىستىك بايىرعى رايونداردى، ۇلتتىق وڭىرلەردى، شەكارا وڭىرلەردى، دامۋى كەنجە وڭىرلەردى قازىنالىق جاقتان قولداۋ تەبىنىن ارتتىرىپ، وڭىرلىك قولداۋ ساياساتىن كەمەلدەندىرىپ، اۋدان دارەجەلى قازىنا كۇشىن ۇزاق ءونىمدى قامتاماسىز ەتۋ مەحانيزمىن قۇرۋدى ىلگەرىلەتۋ كەرەك. جەرگىلىكتى ءار دارەجەلى ۇكىمەتتەردىڭ حاۋىپ - قاتەردەن ساقتانۋ - تىزگىندەۋ جاۋاپكەرشىلىگىن ناقتىلاندىرىپ، كومەسكى قارىز حاۋىپ - قاتەرىنەن ساقتانۋدىڭ جانە ونى جويۋدىڭ ۇزاق ءونىمدى مەحانيزمىن كەمەلدەندىرىپ، كومەسكى قارىزدىڭ ارتۋ مولشەرىن باتىل تەجەپ، زاڭعا، بەلگىلەمەگە قايشى قارىزدانۋ، قارجى قۇراۋ ارەكەتىن قاتاڭ تەكسەرىپ ءبىر جاقتى ەتۋ كەرەك. قازىنا - ەكونوميكا ءتارتىبىن قاتايتىپ، قازىنا - ەكونوميكا ەرەجەسىن قورعاپ، قازىنا - بۇعالتىرلىق باقىلاۋ مەحانيزمىن اقاۋسىزداندىرۋ كەرەك.
ءماجىلىس مىنالاردى اتاپ كورسەتتى: باسشى كادرلاردىڭ جاراتىلىستىق بايلىقتارىنا، مال - مۇلىكتەرىنە مىندەتتەن بوساعان سوڭ قازىنالىق باقىلاۋ جۇرگىزۋ ءتۇزىمىن ورناتىپ، 2015 - جىلى سىناق ءتۇيىنىن ورىستەتكەننەن 2017 - جىلى جاپپاي ىلگەرىلەتۋگە دەيىن ەكولوگيالىق وركەنيەت ءتۇزىمىن قاتاڭ اتقارۋ جاعىندا پارمەندى تۇزىمدىك تەجەم قالىپتاستىردىق. باسشى كادرلاردىڭ بايلىق ورتاسىنا قاتىستى شەشىمدەردى جانە مىندەت اتقارۋدى باقىلاۋ - باسقارۋ جاعدايىن باعالاۋ ولشەمىن اقاۋسىزداندىرىپ، جاراتىلىستىق بايلىقتى قورعاۋ، ەكولوگيانى قورعاۋ قىزىل سىزىعى، ەگىستىك جەردى قورعاۋ قىزىل سىزىعى، لاستانۋدى ازايتۋ، كومىر قىشقىل گازىنىڭ شىعارىلۋىن تومەندەتۋ، وزەن - كول باستىعى ءتۇزىمى سياقتى پارتيا ورتالىق كوميتەتىنىڭ كەلەلى ورنالاستىرۋلارىن دايەكتىلەندىرۋ، تياناقتاندىرۋ جاعدايىن قاتىستى باعالاۋ كورسەتكىشىنە ەنگىزۋ كەرەك. باعالاۋ كورسەتكىشى سالماعى مەن ءنومىر قويۋ ءادىسىن عىلمي بەلگىلەپ، جاراتىلىستىق بايلىقتىڭ، مال - مۇلىكتىڭ ناقتى زات مولشەرى، ەكولوگيالىق ورتا ساپاسى سياقتى شەشۋشى كورسەتكىشتەردىڭ جەتەكتەۋ رولىن كۇشەيتىپ، مەملەكەت جوبالاپ، بەلگىلەگەن بايلىق ورتاسىنىڭ تەجەمدىك كورسەتكىشىن كورنەكتىلەندىرۋ كەرەك. جەر - جەردىڭ جاراتىلستىق بايلىق قاسيەتى ەرەكشەلىگى مەن نەگىزگى تۇلعالىق يقۋات ورنى پارقىن ءبىر تۇتاس جوسپارلاپ ويلاسىپ، كورسەتكىش جاساۋ جاعىندا عىلمي، دالمە - ءدال بولۋدى قۇلشىنا ورىنداۋ كەرەك. قازىنالىق باقىلاۋ كولەمى مەن مازمۇنىن جۇيەگە ءتۇسىرىپ، زاڭ بويىنشا تەكسەرىپ دالەلدەيتىن فاكتتى نەگىز ەتىپ، قازىنالىق باقىلاۋ باعالاۋى تۇجىرىمىنىڭ تاريحتىڭ سىنىنان سۇرىنبەي وتۋىنە شىنايى كەپىلدىك ەتۋ كەرەك. ءتۇرلى باقىلاۋدىڭ تۇتاسۋىن، سايكەسۋىن ىلگەرىلەتىپ، قازىنالىق باقىلاۋ ناتيجەسىن باعالاۋدىڭ، مىندەتكە تاعايىنداۋ - قالدىرۋدىڭ، سيلاۋ - جازالاۋدىڭ ماڭىزدى پايدالانۋ ماتەريالى ەتۋ كەرەك. ءونىمدى شارا قولدانىپ، قاتىستى ماتەريالدار مەن ساندى مالىمەتتەردىڭ شىنايىلىعىنا، دالمە - دالدىگىنە، بۇتىندىگىنە شىنايى كەپىلدىك ەتىپ، بايلىق ورتاسى ساندى مالىمەتتەرىن جالعاننان جاساۋ ارەكەتتەرىنە قاراتا قاتاڭ تۇردە جاۋاپكەرشىلىكتى قۋزاستىرۋ، جاۋاپقا تارتۋ كەرەك.
ءماجىلىس مىنالاردى باسا دارىپتەدى: فينانستىڭ جاڭالىق اشۋدى قولداۋ جۇيەسى قۇرىلىسىن جەدەل ىلگەرىلەتىپ، نازاردى شەشۋشى، وزەكتى تەحنيكالاردان قامال الۋ، عىلىم - تەحنيكا جەتىستىگىن كادەگە جاراتۋ، عىلىم - تەحنيكاعا دەن قوياتىن جانە جاڭالىق اشۋعا دەن قوياتىن ورتا، شاعىن كاسىپورىندار، جوعارى، جاڭا تەحنيكا كاسىپورىندارى سياقتى ءتۇيىندى سالالارعا شوعىرلاندىرىپ، فينانستىڭ قامداۋ جاعىنداعى قۇرىلىمدىق رەفورماسىن تەرەڭدەتىپ، عىلىم - تەحنيكالىق سەنىمدى قارىز اقشا قىزمەت وتەۋ قۋاتى قۇرىلىسىن ىلگەرىلەتىپ، وركەندەتۋ سيپاتتى، ساياساتتىق سيپاتتى فينانس قۇرىلىمدارىنىڭ قىزمەت جاۋاپكەرشىلىگى كولەمىندە عىلىم - تەحنيكالىق جاڭالىق اشۋعا قىزمەت وتەۋ رولىن كۇشەيتىپ، بانكە كاسىبىنىڭ، فينانس قۇرىلىمدارىنىڭ مەملەكەتتىڭ كەلەلى عىلىم - تەحنيكالىق جاڭالىق اشۋ مىندەتىن ۇستىنە العان كاسىپورىندارعا قىزمەت وتەۋ قۋاتىن كۇشەيتىپ، كوپ ساتىلى كاپيتال بازارىنىڭ تىكە قارجى قۇراۋ فۋنكتسياسىن جوعارىلاتىپ، قامسىزداندىرۋ جانە قارجى قۇرۋدا كەپىل بولاتىن قۇرىلىمداردىڭ حاۋىپ - قاتەردى تەڭ ارقالاۋ رولىن ساۋلەلەندىرىپ، فينانستىق قولداۋ كورسەتۋ بويىنشا عىلىم - تەحنيكادا جاڭالىق اشۋدىڭ سىرتقى تىرەگىن كۇشەيتۋ كەرەك. تومەنگى شەكتە ويلاۋعا، ماسەلەنى باعدار ەتۋگە تاباندى بولىپ، كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن، ورنىقتىلىعىن قامتاماسىز ەتۋدى تياناق ەتىپ، فينانستىڭ قولداۋ كورسەتۋ بويىنشا عىلىم - تەحنيكادا جاڭالىق اشۋدى جانە فينانس حاۋىپ - قاتەرىنەن ساقتانۋدى ءبىر تۇتاس جوسپارلاپ، حاۋىپ - قاتەردەن ساقتانۋ - تىزگىندەۋدىڭ نەگىزگى تۇلعالىق جاۋاپكەرشىلىگىن ناقتىلاندىرۋ كەرەك.
ءماجىلىس مىنالاردى اتاپ كورسەتتى: عىلىم - تەحنيكالىق شابىتتاندىرۋ − عىلىم - تەحنيكادا جاڭالىق اشۋدى جەبەۋدىڭ ماڭىزدى قامتاماسىزدىعى، عىلىم - تەحنيكادا جاڭالىق اشۋ كومەسكى كۇشىن جارىققا شىعارۋ، جاڭالىق اشۋدىڭ ومىرشەڭدىك كۇشىن قاۋلاتۋ جونىنەن ماڭىزدى رولعا يە. عىلىم - تەحنيكا قىزمەتكەرلەرىن وتاندى ءسۇيۋ سۇيىسپەنشىلىگىن بەكەمدەپ، وتان ءۇمىتىن اقتاۋ مۇراتىن شىڭاپ، سانالى تۇردە عىلىم - تەحنيكادا قۋاتتى ەل قۇرۋدى جەدەلدەتۋگە، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋدا جاۋاپكەرشىلىك ارقالاپ، ىسكەرلىك كورسەتۋگە، كۇش قوسۋعا ىنتالاندىرۋ كەرەك. رۋحاني جاقتان شابىتتاندىرۋ مەن زاتتىق جاقتان شابىتتاندىرۋدى ءوزارا ۇشتاستىرۋعا تاباندى بولىپ، مەملەكەتتىڭ كوكەي تەستى قاجەتىن جانە ۇزاق بولاشاقتىق قاجەتىن شىعار ءتۇيىن ەتىپ، عىلىم - تەحنيكا العاباسارلىعى، ەكونوميكالىق، قوعامدىق دامۋ، مەملەكەتتىڭ ستراتەگيالىق حاۋىپسىزدىگى سياقتىلار ءۇشىن ەلەۋلى ۇلەس قوسقان عىلىم - تەحنيكا ۇجىمدارىن جانە قىزمەتكەرلەرىن ءتۇيىندى سيلاۋ كەرەك. عىلمي زەرتتەۋ نىساندارىن ۇيىمداستىرۋ، باسقارۋ مەحانيزمىندە جاڭالىق اشىپ، عىلىم - تەحنيكا قىزمەتكەرلەرىنىڭ عىلمي زەرتتەۋ قىزمەت ۋاقىتىن، زەيىن - زەردەسىن شوعىرلاندىرا وتىرىپ جاڭالىق اشۋىن، جاسامپازدىق جاراتۋىن قامتاماسىز ەتۋ كەرەك. جاس عىلىم - تەحنيكا قىزمەتكەرلەرىن شابىتتاندىرۋدى كۇشەيتىپ، جاستارعا ۇلكەن مىندەتكە جاۋاپتى بولۋ ورايىن باتىلدىقپەن بەرىپ، جاس دارىندىلاردىڭ اعالاپ العا شىعۋىنا ءتيىمدى ورتا جاراتۋ كەرەك. عىلمي زەرتتەۋ قاراجاتىمەن ورنىقتى قولداۋ مەحانيزمىن اقاۋسىزداندىرىپ، عىلمي زەرتتەۋ قىزمەتكەرلەرىنىڭ نەگىزدىك، الەۋمەتتىك يگىلىك سيپاتتى زەرتتەۋ بەتالىسىندا ۇزاق ۋاقىت بارىسىندا شىڭدالۋىنا باياندى قولداۋ كورسەتۋ كەرەك. شابىتتاندىرۋ مەن تەجەۋگە تەڭ ءمان بەرۋگە تاباندى بولىپ، ءونىمدى تەجەۋ جانە باقىلاۋ مەحانيزمىن ورناتۋ كەرەك.
ورتالىق رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
