اۆتونوميالى رايوندىق دامۋ جانە رەفورما كوميتەتى سياقتى 3 تاراۋ حابارلاندىرۋ باسىپ تاراتتى
جاسىل فينانستىڭ ەنەرگيا ۇنەمدەۋ، كومىر قىشقىل گازىنىڭ شىعارىلۋىن ازايتۋ نىسان قۇرىلىسىن قولداۋ سەرپىنىن كۇشەيتۋ كەرەك
انار بۇلت / شينجياڭ گازەتىنىڭ ءتىلشىسى شى شين 4 - ايدىڭ 19 - كۇنى ۇرىمجىدەن حابارلايدى. 4 - ايدىڭ 15 - كۇنى اۆتونوميالى رايوندىق دامۋ جانە رەفورما كوميتەتى، اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى، جۇڭگو حالىق بانكەسى ءۇرىمجى ورتالىق تارماق بانكەسى «جاسىل فينانستىڭ ەنەرگيا ۇنەمدەۋ، كومىر قىشقىل گازىنىڭ شىعارىلۋىن ازايتۋ نىسان قۇرىلىسىن قولداۋ سەرپىنىن كۇشەيتۋ جونىندەگى حابارلاندىرۋدى» (تومەندە قىسقارتىلىپ «حابارلاندىرۋ» دەلىنەدى) باسىپ تاراتتى، مۇندا پارتيا ورتالىق كوميتەتىنىڭ كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ كەلەلى شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، جاسىل فينانستىڭ ەنەرگيا ۇنەمدەۋ، كومىر قىشقىل گازىنىڭ شىعارىلۋىن ازايتۋ نىسانىن قولداۋ رولىن تولىق ساۋلەلەندىرىپ، رايونىمىزدىڭ جاسىل، تومەن كومىر قىشقىل گازدى دامۋىن جەدەل ىلگەرىلەتۋدى ماقسات ەتكەن.
«حابارلاندىرۋدا» جاسىل فينانس ءتۇيىندى قولدايتىن سالالار تۇراقتاندىرىلدى، اتاپ ايتقاندا، تازا ەنەرگيا سالاسى، ەنەرگيا ۇنەمدەۋ، قورشاعان ورتانى قورعاۋ سالاسى، كومىر قىشقىل گازىنىڭ شىعارىلۋىن ازايتۋ تەحنيكاسى سالاسى، ەنەرگيا ۇنەمدەۋ، كومىر قىشقىل گازىنىڭ شىعارىلۋىن ازايتۋ سالاسى.
مۇندا تازا ەنەرگيا سالاسى نەگىزىنەن جەل ەلەكترى، كۇن ەنەرگياسىنان پايدالانۋ، بيولوگيا تەكتى ەنەرگيادان پايدالانۋ، جەر جىلۋى ەنەرگياسىنان پايدالانۋ، سۋتەگى ەنەرگياسىنان پايدالانۋ، جىلۋ ناسوسى، جوعارى ءونىمدى زاپاس ەنەرگيا سياقتى قۇرىلعىلار قۇرىلىسىن جانە شارۋاشىلىق جۇرگىزۋ سياقتى 15 بولىمشە سالانى قامتيدى. ەنەرگيا ۇنەمدەۋ، قورشاعان ورتانى قورعاۋ سالاسى نەگىزىنەن بۋ قازاندى (قۇمدان) ەنەرگيا ۇنەمدەيتىن ەتىپ وزگەرتۋ جانە ونىمدىلىگىن جوعارىلاتۋ سياقتى 7 بولىمشە سالانى قامتيدى. كومىر قىشقىل گازىنىڭ شىعارىلۋىن ازايتۋ تەحنيكاسى سالاسى نەگىزىنەن كومىر قىشقىل گازىن جيناۋ، پايدالانۋ جانە پەشەتتەۋ ينجەنەرياسى قۇرىلىسى جانە شارۋاشىلىق جۇرگىزۋ سياقتى بولىمشە سالالاردى قامتيدى. ەنەرگيا ۇنەمدەۋ، كومىر قىشقىل گازىنىڭ شىعارىلۋىن ازايتۋ سالاسى نەگىزىنەن ەنەرگيا سارىپ ەتەتىن سالالاردىڭ ەنەرگيا ۇنەمدەۋ، شىعىندى ازايتۋ تەحنولوگياسىنىڭ تالابىنا ۇيلەسەتىن قاتىستى سالالاردى قامتيدى.
«حابارلاندىرۋدا» جاسىل فينانستىڭ قولدايتىن قۇرالى كومىر قىشقىل گازىنىڭ شىعارىلۋىن ازايتۋدى قولداۋ قۇرالى، وزگە اقشا ساياساتى قۇرالى، جاسىل امانات - قارىز جانە جاسىل زايوم ەكەندىگى تۇراقتاندىرىلدى.
كومىر قىشقىل گازىنىڭ شىعارىلۋىن ازايتۋدى قولدايتىن قۇرالداردىڭ اراسىندا قارىز اقشا بەرۋگە ساياتىن نىساندار تازا ەنەرگيا، ەنەرگيا ۇنەمدەپ، قورشاعان ورتانى قورعاۋ، كومىر قىشقىل گازىنىڭ شىعارىلۋىن ازايتۋ تەحنيكاسى سىندى كومىر قىشقىل گازىنىڭ شىعارىلۋىن ازايتۋداعى 3 ۇلكەن ءتۇيىندى سالاعا ءتان كومىر قىشقىل گازىنىڭ شىعارىلۋىن ازايتۋ اسەرى كورنەكتى نىساندار بولدى. قارىز اقشا ءوسىمى جانە تاراتىلعان كەزگە ەڭ جاقىن كەزدە جاريالانعان سايكەس مەزگىلدەگى دارەجەلەس قارىز اقشا بازارىنىڭ جاريالانعان وسىمىمەن (LPR) نەگىزى قارايلاس بولدى، مۇندا 1 − 5 جىلدىق (ءبىر جىلدىق جانە 5 جىلدىق مەرزىمدى قامتىمايدى) قارىز اقشا ءوسىمى 5 جىلدان ارتىق مەرزىمدەگى LPRدان جوعارى بولمايدى. قولداۋ كورسەتەتىن فينانس قۇرىلىمدارىنىڭ كولەمى رايونىمىزداعى مەملەكەتتىك سيپاتتى 19 فينانس قۇرىلىمىن قامتيدى.
كومىر قىشقىل گازىنىڭ شىعارىلۋىن ازايتۋدى قولداۋ قۇرالى فينانس قۇرىلىمدارىنا قارجى تاراتقاندا ”الدىمەن قارىز اقشا، سوڭىنان نەسيە بەرەتىن“ توتە جەتۋ مەحانيزمى قولدانىلادى. فينانس قۇرىلىمدارى ءتۇيىندى سالالارداعى نىساندارعا كومىر قىشقىل گازىنىڭ شىعارىلۋىن ازايتۋ قارىز اقشاسىن بەرگەننەن كەيىن، حالىق بانكەسىنەن كومىر قىشقىل گازىنىڭ شىعارىلۋىن ازايتۋدى قولداۋ قۇرالىن ءوتىنىش ەتۋىنە بولادى. حالىق بانكەسى كومىر قىشقىل گازىنىڭ شىعارىلۋىن ازايتۋ قارىز اقشاسىنىڭ ％60ى بويىنشا فينانس قۇرىلىمىنا قۇرال قارجىسىن بەرەدى. ءوسىمى ％1.75، مەرزىمى ءبىر جىل، 2 رەت كەشىكتىرۋگە بولادى. كومىر قىشقىل گازىنىڭ شىعارىلۋىن ازايتۋدى قولداۋ قۇرالىنىڭ اتقارىلۋ ۋاقىتى قازىرشە 2021 - جىل جانە 2022 - جىل دەپ بەلگىلەندى.
«حابارلاندىرۋدا» مىنالار تالاپ ەتىلدى: جەر - جەردەگى دامۋ جانە رەفورما كوميتەتتەرى ساياسات تەرەزەسىنەن ويداعىداي پايدالانىپ، قاتىستى تاراۋلارمەن بىرگە ءارقايسى اۋدانداردى (قالالاردى) جانە ەنەرگيا پايدالاناتىن قاتىستى ءتۇيىندى مەكەمە - ورىنداردى قولداۋ سالاسىنا ۇيلەسەتىن كومىر قىشقىل گازىنىڭ شىعارىلۋىن ازايتۋ نىساندارىن بەلسەنە زاپاس ساقتاۋعا، مالىمدەۋگە، نىسانداردىڭ الدىڭعى راسمياتتارىن جەدەل بىتىرۋگە قۋزاپ، نىسانداردىڭ جۇمىس باستاۋىنا جانە قارجى قۇراۋىنا قاجەتتى ءتۇرلى شارتتاردى تياناقتاندىرۋ كەرەك. ەنەرگيا ۇنەمدەۋ، كومىر قىشقىل گازىنىڭ شىعارىلۋىن ازايتۋ ناتيجەسى كورنەكتى، فينانس قۇرىلىمدارىنىڭ امانات - قارىز قارجىسىنان پايدالانعان نىساندارعا اۆتونوميالى رايون ۇيلەسىمدى ءوسىمدى تولەۋ قولداۋىن كورسەتەدى.
ءارقايسى فينانس قۇرىلىمدارى كومىر قىشقىل گازىنىڭ شىعارىلۋىن ازايتۋ قۇرالدارىنان پايدالانىپ، جاسىل، تومەن كومىر قىشقىل گازدى دامۋدى ىلگەرىلەتۋدىڭ كەلەلى ماڭىزىنا ايرىقشا ءمان بەرىپ، كومىر قىشقىل گازىنىڭ شىعارىلۋىن ازايتۋ نىساندارى ورىندارىمەن ءتۇيىلىسۋدى كۇشەيتىپ، قىزمەت شارالارىن اشالاپ، ءتۇيىندى سالالارداعى كومىر قىشقىل گازىنىڭ شىعارىلۋىن ازايتۋ اسەرى كورنەكتى نىسانداردى ءوسىمى ءتيىمدى قارجى قۇراۋمەن بەلسەنە قامداۋ كەرەك.
كومىر قىشقىل گازىنىڭ شىعارىلۋىن قولداۋ قۇرالىنىڭ رايونىمىزدا تياناقتانىپ، ونىمدىلىككە قول جەتكىزۋىن ىلگەرىلەتۋ ءۇشىن، اۆتونوميالى رايوندىق دامۋ جانە رەفورما كوميتەتى، جۇڭگو حالىق بانكەسى ءۇرىمجى ورتالىق تارماق بانكەسى جانە قاتىستى بانكە قۇرىلىمدارى جاسىل فينانسقا (كومىر قىشقىل گازىنىڭ شىعارىلۋىن ازايتۋدى قولداۋ قۇرالىن قامتيدى) قىزمەت وتەۋ ارناۋلى قىزمەتكەرىن ورنالاستىرىپ، نىسان جانە ساياسات جاعىندا اقىل - كەڭەس بەرىپ قىزمەت وتەيدى.
