ءبىرىنشى ماۋسىمدا رايونىمىزدىڭ جەدەل جولداما كاسىبى كىرىسى ءبىر ميلليارد يۋاننان استى

　　انار بۇلت / شينجياڭ گازەتىنىڭ ءتىلشىسى فان چيۇڭيان 4 - ايدىڭ 19 - كۇنى ۇرىمجىدەن حابارلايدى. شينجياڭ پوچتا ىستەرىن باسقارۋ مەكەمەسىنىڭ 4 - ايدىڭ 18 - كۇنى جاريالاعان شينجياڭ پوچتا كاسىبى سالاسىنىڭ ءبىرىنشى ماۋسىمداعى اينالىم جاعدايى مىنانى كورسەتتى: ءبىرىنشى ماۋسىمدا تۇتاس رايونداعى جەدەل جولداما بويىنشا قىزمەت وتەۋ كاسىپورىندارىنىڭ جۇمىس جالپى مولشەرى 44 ميلليون 974 مىڭ جولداماعا جەتىپ، سايكەس مەزگىلدەگىدەن ％46.08 ارتقان؛ تۇتاس رايونداعى جەدەل جولداما بويىنشا قىزمەت وتەۋ كاسىپورىندارىنىڭ جۇمىس كىرىسى ءبىر ميلليارد 10 ميلليون يۋانعا جەتىپ، سايكەس مەزگىلدەگىدەن ％30.67 ارتقان. مۇنىڭ ىشىندە، ۇقساس ءبىر قالادا جۇمىس جالپى مولشەرى 7 ميلليون 873 مىڭ 500 جولداماعا جەتىپ، سايكەس مەزگىلدەگىدەن ％23.86 ارتقان؛ وزگە جەردەن سالىنعان جەدەل جولداما نەگىزىندە جۇمىس ورىنداۋ جالپى مولشەرى 36 ميلليون 953 مىڭ 200 جولداماعا جەتىپ، سايكەس مەزگىلدەگىدەن ％52.43 ارتقان؛ حالىقارادا جانە شياڭگاڭ، اۋمىن، تايۋاندا جەدەل جولداما نەگىزىندە جۇمىس ورىنداۋ مولشەرى 147 مىڭ 300 جولداماعا جەتكەن.

　　تەك 3 - ايدىڭ وزىندە تۇتاس رايوننىڭ پوچتا كاسىبى سالاسى كاسىپ كىرىسى 603 ميلليون يۋانعا جەتىپ، سايكەس مەزگىلدەگىدەن ％13.07 ارتقان؛ جۇمىس جالپى مولشەرىنىڭ ورىندالۋى 472 ميلليون يۋانعا جەتىپ، سايكەس مەزگىلدەگىدەن ％20.50 ارتقان. بۇل بيىل 3 ايداعى جۇمىس مولشەرىنىڭ بىلتىرعى ەلەكتروندى ساۋدا ارقىلى زات ساتىپ الۋدىڭ قاۋىرت مەزگىلى بولعان 11 - ايداعى جۇمىس مولشەرىنە تاياپ جىعىلعاندىعىن اڭعارتادى.

　　تاعى دا ۇعىسۋعا قاراعاندا، ءبىرىنشى ماۋسىمدا تۇتاس رايوننىڭ پوچتا كاسىپ سالاسى كىرىسى (پوچتا امانات بانكەسىنىڭ تىكەلەي تيجارات كىرىسى قامتىلمايدى) ءبىر ميلليارد 765 ميلليون يۋانعا جەتىپ، سايكەس مەزگىلدەگىدەن ％20.07 ارتقان. مۇندا جەدەل جولداما قىزمەت وتەۋ كاسىپورىندارىنىڭ كىرىسى تۇتاس رايوننىڭ پوچتا كاسىبى سالاسى كىرىسىنىڭ تەڭ جارتىسىنان استامىن يەلەگەن.

　　مۇنان سىرت، ءبىرىنشى ماۋسىمدا رايونىمىزدىڭ پوچتا ىستەرى قىزمەت وتەۋىندە ورىنداعان جالپى جۇمىس مولشەرى 747 ميلليون يۋانعا جەتىپ، سايكەس مەزگىلدەگىدەن ％12.43 ارتقان. تۇتاس رايوندا جونەلتىلگەن پوچتا جولدامالارى 132 ميلليونعا، پوچتا ارقىلى حات جىبەرۋ جۇمىس مولشەرى ءبىر ميلليون 483 مىڭ 900گە، سالەمدەمە جيىنى 68 مىڭ 400گە، گازەت جالپى 120 ميلليونعا، جۋرنال 3 ميلليون 697 مىڭ 700گە، پەرەۆاتتىق جۇمىس جالپى مولشەرى 36 مىڭ 500گە جەتكەن.