تيانشان تورى
تيانشان تورى   ›   جاڭالىقتار   ›   شينجياڭ حابارلارى

حوتان ايماعى ”گۋاڭدۇڭ ساۋدا ساپارى“ كاسىپ سالاسىن ۇشتاستىرۋ تۇعىرىمەن سەلبەستىك كەلىسىمىن جاساستى

  انار بۇلت / شينجياڭ گازەتىنىڭ ءتىلشىسى ليۋ ي 4 - ايدىڭ 19 - كۇنى ۇرىمجىدەن حابارلايدى. 4 - ايدىڭ 18 - كۇنى حوتان ايماعى ”گۋاڭدۇڭ ساۋدا ساپارى“ كاسىپ سالاسىن ۇشتاستىرۋ تۇعىرىنداعى شارۋاشىلىق جۇرگىزۋشى حۋاحاۋ مادەنيەت عىلىم - تەحنيكا (گۋاڭجوۋ) شەكتى سەرىكتەستىگىمەن سەلبەستىك كەلىسىمىن جاساستى، ”گۋاڭدۇڭ ساۋدا ساپارى“ كاسىپ سالاسىن ۇشتاستىرۋ تۇعىرى حوتان ايماعى ءۇشىن ينتەرنەت جەلىسىندە ارناۋلى رايون قۇرىپ، جەرگىلىكتى ورىننىڭ قاس تاسى، شىلان سياقتى ەرەكشە ونىمدەرىن دەن قويا تاڭداپ، تۇعىرعا ورنالاستىرىپ، ساتىلىم ارناسىن كەڭەيتەدى، سونىمەن بىرگە تۇعىردىڭ تەحنيكالىق باسىمدىعىنا سۇيەنىپ، حوتان ايماعىمەن ساياحات، ساۋداگەر شاقىرۋ سياقتى سالالاردا تىعىز سەلبەستىك ورىستەتەدى.

  كەلىسىم بويىنشا ەكى جاق نەگىزدىك قۇرىلىس، مادەنيەت، ساياحات قيمىلدارىن جوبالاۋ، ساۋداگەر شاقىرىپ قارجى ەنگىزۋ سياقتى سالالاردا قويۋ سەلبەستىك ورىستەتىپ، ەرەكشە ونىمدەردى ساتۋ ارناۋلى رايونىن قۇرۋدان سىرت، تۇعىر باسىمدىعى بار بايلىقتاردى بىرىكتىرىپ، ”حوتان كۇنلۇن قۇپيا ءوڭىرى ساياحاتى“، ”حوتان جەمىس - جيدەگىنەن مول ءونىم الۋ مەرەكەسى“ سياقتى نەگىزگى تاقىرىپتىق قيمىلداردى جوسپارلاپ، اتقارادى، حوتاننىڭ ساپالى ساياحات بايلىعىن، سونداي - اق ەرەكشە مادەنيەت، ساياحات ونىمدەرىن كوپ ارنا ارقىلى ۇگىتتەپ تانىستىرىپ، ايگىلى ماركا ىقپالىن ۇزدىكسىز كۇشەيتىپ، حوتان ايماعىنىڭ ەرەكشە كاسىپ سالالارىنىڭ دامۋىن جەبەيدى. سونىمەن بىرگە ”گۋاڭدۇڭ ساۋدا ساپارى“ كاسىپ سالاسىن ۇشتاستىرۋ تۇعىرى ءوز توبىنىڭ كاسىپتىك باسىمدىعىن دا ساۋلەلەندىرىپ، ساۋداگەر شاقىرىپ قارجى ەنگىزۋ جەلىلەس تەگىستىك سۋرەتىن جانە كەسكىن جاساپ، حوتاننىڭ كاسىپ سالاسى بايلىعىن كوپ ارنامەن تانىستىرادى، ۇلكەن شىعاناق رايونىنداعى تانىمال كاسىپورىندارعا باعىتتامالى تۇردە دالمە - ءدال ساۋداگەر شاقىرىپ ءتۇيىلىستىرۋ قىزمەت وتەۋىن ورىستەتىپ، حوتان ايماعىنداعى باسىمدىعى بار كاسىپ سالالارىنىڭ دامۋىنا كۇش - قۋات ۇستەيدى.

  حۋاحاۋ مادەنيەت، عىلىم - تەحنيكا (گۋاڭجوۋ) شەكتى سەرىكتەستىگىنىڭ باسالقاسى، ”گۋاڭدۇڭ ساۋدا ساپارى“ كاسىپ سالاسىن ۇشتاستىرۋ تۇعىرىنىڭ جاۋاپتىسى لۋ شياۋحۇڭ بىلاي دەدى: تۇعىر ونىمدەردى ساتۋ، مەديادا ۇگىتتەۋ، تانىستىرۋ، سيفرلى ساۋدالاۋ سياقتى سالالارداعى باسىمدىعىن تولىق ساۋلەلەندىرىپ، گۋاڭدۇڭ − شياڭگاڭ − اۋمىن ۇلكەن شىعاناق رايونىنداعى باسىمدىعى بار بايلىقتاردى بەلسەنە بىرىكتىرىپ، حوتان ايماعىنداعى كاسىپ سالاسىنىڭ جوعارى ساپالى دامۋىن دەمەپ، حوتاننىڭ ساپالى ونىمدەرىنىڭ گۋاڭدۇڭ − شياڭگاڭ − اۋمىن ۇلكەن شىعاناق رايونى بازارىندا تابان تىرەپ تۇرۋىنا، تۇتاس مەملەكەتتە ساتىلۋىنا، حالىقاراعا بەت الۋىنا مۇمكىندىك جاساپ، حوتانداعى ايگىلى ماركالاردىڭ ىقپالىن جانە تانىمالدىعىن ۇزدىكسىز جوعارىلاتادى.

  ”گۋاڭدۇڭ ساۋدا ساپارى“ كاسىپ سالاسىن ۇشتاستىرۋ تۇعىرى گۋاڭدۇڭ − شياڭگاڭ − اۋمىن ۇلكەن شىعاناق رايونىن تياناق، جاساندى زەردە تەحنيكاسىن نەگىز ەتكەن، ۇلكەن ساندى مالىمەت قولدانىلمالىلىعىن ورىستەتەتىن، سيفىرلاسقان قىزمەت وتەۋمەن قامدايتىن، كاسىپ سالاسىنىڭ بازارمەن مۇلتىكسىز ءتۇيىلىسۋىن ىلگەرىلەتەتىن، ۇكىمەت پەن كاسىپورىننىڭ اۋىس - كۇيىسىن، سەلبەستىگىن جەبەيتىن ساۋدالىق سيفرلاسقان قىزمەت وتەۋ تۇعىرى. بيىل جىل باسىنان بەرى بۇل تۇعىر رايونىمىزداعى قاشقار ايماعى، التاي ايماعى، ءۇرىمجى قالاسى سياقتى كوپتەگەن جەرمەن سەلبەستىك كەلىسىمىن جاساسىپ، ساۋداگەر شاقىرىپ قارجى ەنگىزۋ، ءونىمنىڭ بازار ءورىسىن اشۋ سياقتى جاقتاردا ورايدى بىرگە قاراستىرىپ، شينجياڭ − گۋاڭدۇڭ ەكى جەردىڭ ەكونوميكا - ساۋداسىنىڭ توعىسا دامۋىن جەبەدى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.