تيانشان تورى
تيانشان تورى   ›   جاڭالىقتار   ›   ءۇرىمجى

3007 - جول الەۋمەتتىك قاتىناس لەنياسى ۇزارتىلدى

ءۇرىمجى قالالىق بالالار شيپاحاناسىنىڭ قالا سولتۇستىگى بولىمشە شيپاحاناسىنا بارۋ ءتىپتى دە قولايلى بولدى

  انار بۇلت / شينجياڭ گازەتىنىڭ حابارى (ءتىلشى سو رۇڭجى حابارلايدى) . 4 - ايدىڭ 20 - كۇنىنەن باستاپ، ءۇرىمجى قالاسىنىڭ 3007 - جول الەۋمەتتىك قاتىناس لەنياسىنىڭ سوڭعى بەكەتى ”چاڭچۇن سولتۇستىك جولىنان“ ”شاڭبەي ياڭگۋاڭ شاعىن رايونىنا“ دەيىن ۇزارتىلىپ، ”بالالار شيپاحاناسىنىڭ قالا سولتۇستىگى شيپاحاناسى“ بەكەتى جاڭادان قوسىلدى. رەتتەلگەننەن كەيىن، جەلى بويىنداعى تۇرعىنداردىڭ ءجۇرىس - تۇرىسىنا قولايلى بولىپ قانا قالماستان، ءۇرىمجى قالالىق بالالار شيپاحاناسىنىڭ قالا سولتۇستىگى بولىمشە شيپاحاناسىنا بارىپ ەمدەلەتىن جۇرتشىلىققا دا قولايلى بولدى.

  4 - ايدىڭ 20 - كۇنى، ءۇرىمجى قالاسىنىڭ 3007 - جول الەۋمەتتىك قاتىناس لەنياسىنىڭ سوڭعى بەكەتى ”چاڭچۇن سولتۇستىك جولىنان“ ”شاڭبەي ياڭگۋاڭ شاعىن رايونىنا“ دەيىن ۇزارتىلىپ، جەلى بويىنداعى تۇرعىنداردىڭ ءجۇرىس - تۇرىسىنا قولايلىلىق تۋدىردى. سۋرەتتى انار بۇلت / شينجياڭ گازەتىنىڭ ءتىلشىسى سو رۇڭجى تۇسىرگەن

  ءتىلشىنىڭ ءۇرىمجى قالالىق قاتىناس - تاسىمال مەكەمەسىنەن ۇعىسۋىنشا، وسى رەتكى تەڭشەۋدەن كەيىن، 3007 - جولىنىڭ باستالۋ بەكەتى ”ماشينا زاۆودى“ وزگەرمەيدى دە سوڭعى بەكەتى ”چاڭچۇن سولتۇستىك جولى“ ”شاڭبەي ياڭگۋاڭ شاعىن وڭىرىنە“ وزگەرتىلىپ، بەيجيڭ سولتۇستىك جولى، قالا سولتۇستىگى كۇرە جولى، چاڭچۇن سولتۇستىك جولى، بەيچىن 6 - كوشەسى، ۋيسان جولى، كاڭنيڭ جولى سىندى جەرلەردى باسىپ وتەدى. ”بەيچىن 4 - كوشەسى جول قيىلىسى“ بەكەتى (جاڭا سالىنعان)، ”بەيچىن 6 - كوشەسى جول قيىلىسى“ بەكەتى (جاڭا سالىنعان)، ”بالالار شيپاحاناسىنىڭ قالا سولتۇستىگى شيپاحاناسى“ بەكەتى (جاڭا سالىنعان)، ”بەيجيڭ سولتۇستىك كوشەسى جول قيىلىسى“ بەكەتى (جاڭا سالىنعان)، ”كاڭنيڭ كوشەسى جول قيىلىسى“ بەكەتى (جاڭا سالىنعان)، ”شاڭبەي ياڭگۋاڭ شاعىن رايونى“ بەكەتى (جاڭا سالىنعان) سىندى قوس باعىتتا الەۋمەتتىك قاتىناس ايالدايتىن جالپى 6 بەكەت جاڭادان قوسىلدى؛ قالعان بەكەتتەر وزگەرمەيدى.

  ”3007 - جول الەۋمەتتىك قاتىناس اۆتوبۋزى شاعىن رايونىمىزدىڭ الدىنا كەلىپ، ءجۇرىس - تۇرىسىمىزعا ءتىپتى دە قولايلى بولدى“. ءۇرىمجى قالاسى شاڭبەي ياڭگۋاڭ شاعىن رايونىندا تۇراتىن تۇرعىن ۋاڭ شۇيچاڭنىڭ ايتۋىنشا، بۇرىن الەۋمەتتىك قاتىناس اۆتوبۋزى بۇل اراعا قاتىناماعان كەزدە، اۆتوبۋزعا وتىرۋ ءۇشىن 2 كيلومەتر جول جۇرۋگە تۋرا كەلەدى ەكەن.

  4 - ايدىڭ 20 - كۇنى، ءۇرىمجى قالاسىنىڭ 3007 - جول الەۋمەتتىك قاتىناس لەنياسىنىڭ سوڭعى بەكەتى ”چاڭچۇن سولتۇستىك جولىنان“ ”شاڭبەي ياڭگۋاڭ شاعىن رايونىنا“ دەيىن ۇزارتىلىپ، جەلى بويىنداعى تۇرعىنداردىڭ ءجۇرىس - تۇرىسىنا قولايلىلىق تۋدىردى. سۋرەتتى انار بۇلت / شينجياڭ گازەتىنىڭ ءتىلشىسى سو رۇڭجى تۇسىرگەن

  ءتىلشىنىڭ ۇعىسۋىنشا، بۇل رەت قوسىلعان بەكەتتەر شاڭبەي ياڭگۋاڭ شاعىن رايونى، گۋاڭدۇڭ جۋاڭزى ورنالاستىرۋ شاعىن رايونى، جۇنۋي شاعىن رايونى سىندى كوپتەگەن جاڭادان سالىنعان شاعىن رايوندارعا سايادى ەكەن. لەنيا ۇزارتىلعاننان كەيىن، تۇتاس جەلى اۋەلگى 6.5 كيلومەتردەن 17 كيلومەترگە سوزىلىپ، اۋەلگى ساعات 8دەن ساعات 21دان 30 مينۋتقا دەيىنگى قاتىناۋ ۋاقىتى ساعات 8دەن ساعات 22گە وزگەردى.

  ءۇرىمجى قالالىق الەۋمەتتىك قاتىناس توبى شەكتى سەرىكتەستىگى تيجارات ەكىنشى ءبولىمى اينالىم حاۋىپسىزدىگى ءبولىمىنىڭ مەڭگەرۋشىسى ۋاڭ ليجىڭنىڭ تانىستىرۋىنشا، قازىر ۇزارتىلعان لەنياعا ۋاقىتتىق بەكەت كورسەتكىشتەرى قولدانىلعان، كەزى كەلگەندە سايكەستى قۇرىلعىلاردى ىشكەرىلەي كەمەلدەندىرەدى ەكەن.

«انار بۇلتتان» اۋدارىلدى

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.