تيانشان تورى   ›   جاڭالىقتار   ›   ەل ءىشى حابارى

تولىمدىلىق شارتتارىن قاتايتىپ، جاقسىلاردىڭ اراسىنان ۇزدىكتەردى تاڭداۋعا تاباندى بولدى

− ءار دارەجەلى پارتيا ۇيىمدارى جانە پارتيا مۇشەلەرى پارتيا 20 - قۇرىلتايى ۋاكىلدەرى كانديداتتارىنىڭ العاشقى كانديداتتارىن كورسەتۋ، ۇسىنۋ قىزمەتىن بەلسەندىلىكپەن ورىستەتتى

□ شينحۋا اگەنتتىگىنىڭ تىلشىلەرى ديڭ شياۋشي، فان سىشياڭ

  بيىلعى جىلدىڭ سوڭعى جارتىسىندا جۇڭگو كوممۋنيستىك پارتياسى مەملەكەتتىك 20 - قۇرىلتايىن اشادى. بۇل جاپپاي سوتسياليستىك وسىزاماندانعان مەملەكەت قۇرۋعا قادام تاستاعان، ەكىنشى 100 جىلدىق كۇرەس نىساناسىنىڭ جاڭا جورىعىنا اتتانعان ماڭىزدى ساتتە اشىلاتىن ءبىر رەتكى توتەنشە ماڭىزدى ۋاكىلدەر قۇرىلتايى، پارتيا مەن مەملەكەتتىڭ ساياسي تۇرمىسىنداعى ءىرى ءىس.

  پارتيا 20 - قۇرىلتايىنىڭ ۋاكىلدەرى 95 ميلليوننان استام پارتيا مۇشەسىنىڭ، 4 ميلليون 800 مىڭنان استام نەگىزگى ساتى پارتيا ۇيىمىنىڭ ماڭىزدى تاپسىرماسىن ارقالايدى، بۇكىل پارتيانىڭ ەرىك - جىگەرىن توپتايدى، حالىقتىڭ ءۇمىت - تىلەگىن ارقالايدى. پارتيا مۇشەلەرىنىڭ اراسىنداعى ۇزدىكتەردى سايلاپ شىعۋ 20 - قۇرىلتايدى جاقسى اشۋ جونىنەن اسا ماڭىزدى.

  پارتيا ورتالىق كوميتەتى 20 - قۇرىلتاي ۋاكىلدەرىن سايلاۋ قىزمەتىنە ايرىقشا ءمان بەردى. باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن جانە ورتالىق كوميتەت ساياسي بيۋروسىنىڭ ءماجىلىسىن باسقارىپ اشىپ، ارنايى اقىلداسىپ، جەتەكشى پىكىردى، جالپى تۇلعالىق تالاپتى جانە نىسانا - مىندەتتەردى تۇراقتاندىردى. 2021 - جىلى 11 - ايدا جۇڭگو كوممۋنيستىك پارتياسى ورتالىق كوميتەتى «پارتيا 20 - قۇرىلتايىنىڭ ۋاكىلدەرىن سايلاۋ قىزمەتى جونىندەگى حابارلاندىرۋدى» باسىپ تاراتتى، ورتالىق كوميتەت ۇيىمداستىرۋ ءبولىمى ءماجىلىس اشىپ ناقتى ورنالاستىرۋ جاسادى. سايلاۋ ورىندارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ تالاپتارىن مۇقيات دايەكتىلەندىرىپ، تياناقتاندىرىپ، وسكەلەڭ ساياسي جاۋاپكەرشىلىك سەزىممەن جانە تاريحي بورىشتىلىق سەزىممەن مىندەت جاۋاپكەرشىلىكتەرىن تىڭعىلىقتى اتقارىپ، دەن قويا ۇيىمداستىرىپ اتقارىپ، ساپاسى تاماشا، قۇرىلىمى ۇيلەسىمدى، تارالۋى كەڭ، پارتيا مۇشەلەرى قولدايتىن 20 - قۇرىلتاي ۋاكىلدەرىن سايلاپ شىعۋعا شىنايى كەپىلدىك ەتتى.

  20 - قۇرىلتاي ۋاكىلدەرىن سايلاۋداعى ”ءبىرىنشى وتكەل“ رەتىندە، ۋاكىل كانديداتتارىنىڭ العاشقى كانديداتتارىن كورسەتۋ، ۇسىنۋ قىزمەتىنە ايرىقشا نازار اۋدارىلدى. شينحۋا اگەنتتىگىنىڭ تىلشىلەرى جاقىندا نەگىزگى ساتىلاردا تىلشىلىك ىستەپ، ءار دارەجەلى پارتيا ۇيىمدارى مەن قالىڭ پارتيا مۇشەلەرىنىڭ كورسەتۋگە، ۇسىنۋعا بەلسەندىلىكپەن ات سالىسىپ، پارتيا ۋستاۆىن ءتۇبىرلى بويسۇنۋ ولشەمى ەتىپ، پارتيا ىشىندەگى دەموكراتيانى ساۋلەلەندىرىپ، سايلاۋ ءتارتىبىن قاتايتىپ، ىنتىماقتى، دەموكراتيالى جاندى اماليات ارقىلى 100 جىلدىق ءىرى پارتيانىڭ قۋاتتى ومىرشەڭدىك كۇشىن ايگىلەپ، پارتيا ىستەرى گۇلدەنگەن، دامىعان جالىندى بەينەنى كورسەتكەندىگىن ۇعىستى.

تولىمدىلىق شارتىن قاتايتتى

  پارتيا 20 - قۇرىلتايىنىڭ ۋاكىلدەرى كوممۋنيستىك پارتيا مۇشەلەرىنىڭ اراسىنداعى ۇزدىكتەردەن بولۋى، كوممۋنيستىك پارتيا مۇشەسىنىڭ العاباسارلىعىنا يە بولۋى ءتيىس. 20 - قۇرىلتاي ۋاكىلدەرىن سايلاۋ قىزمەتىن جاقسى ىستەۋدە، ءسوز جوق، ۋاكىلدەردىڭ تولىمدىلىق شارتتارىن قاتايتۋ كەرەك.

  پارتيا ورتالىق كوميتەتى مىنالاردى ورتاعا قويدى: كانديداتتاردىڭ ساياسي وتكەلىن قاتاڭ يگەرىپ، ساياسي ولشەمدى الدىڭعى ورىنعا قويۋعا تاباندى بولىپ، كانديداتتاردىڭ مۇرات - سەنىمىن، ساياسي قاسيەتىن جانە ءمورال جەتىلىمىن تەكسەرۋدى كورنەكتىلەندىرىپ، كانديداتتاردىڭ ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن بىلۋگە، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ سياقتى جاقتارداعى بەينەسىنە، جاعدايىنا باسا ءمان بەرىپ، ساياسيدا تولىمدى بولماعانداردى ءبىر بەلەتپەن تەرىستەۋ كەرەك. كانديداتتاردىڭ پاكتىك وتكەلىن قاتاڭ يگەرىپ، ”ءتورت ءسوزسىز“ تالابىن مۇقيات تياناقتاندىرىپ، قاتاڭ ساراپتاپ، تەكسەرىپ، ”كىناراتى بارلاردىڭ ۇسىنىلۋىنان“، ”كىناراتى بارلاردىڭ سايلانۋىنان“ باتىل ساقتانۋ كەرەك.

  ورتالىقتىڭ تالابىن ويداعىداي تياناقتاندىرۋ ءۇشىن، سايلاۋ ورىندارى تولىمدىلىق شارتىن اشالاپ، ساياسي ساپانى تەكسەرۋدى كۇشەيتىپ، پاكتىك ماسەلەسىنە ”نولدىك توزىمدىلىك“ كورسەتىپ، كورسەتىلگەن ۋاكىل كانديداتتارىنىڭ سەنمدى بولۋىنا، نانىمدى بولۋىنا، الاڭسىز بولۋىنا شىنايى كەپىلدىك ەتتى.

  ”مەن كورسەتكەن كانديدات، ءسوز جوق، جالپى بەتتىك ۇعىسۋدان، ابدەن ويلانىپ، كەڭىنەن تولعانۋدان ءوتۋى كەرەك. كىم كورسەتىلسە دە، ءسوز جوق، ۇيىم الاڭسىز بولاتىن ادام بولۋ كەرەك“، - دەدى ءوزى تۇرعان پارتيا ياچەيكاسىنىڭ 20 - قۇرىلتاي ۋاكىلدەرى كانديداتتارىنىڭ العاشقى كانديداتتارىن كورسەتۋگە، ۇسىنۋعا قاتىناسقان كەزدە چيڭحاي شينيڭ قالاسى چىڭجۇڭ رايونىنداعى 50 نەشە جىلدىق پارتيا ستاجىنا يە ساقا پارتيا مۇشەسى جاۋ ديانباڭ.

  چيڭحاي ساياسيدا تولىمدى بولماۋ، پاكتىكتە تومەنگى شارتتى قاناعاتتاندىرا الماۋ سياقتى ”6 ءتۇرلى ادامدى“ تويتارىپ تاستاۋ تالابىن ايقىن ورتاعا قويىپ، العاشقى كانديداتتاردى ىلعاۋدى، تەكسەرۋدى قاتايتىپ، ۋاكىل كانديداتتارىنىڭ ساياسي قاسيەتى مىعىم، پاكتىكتە كىرشىكسىز، باس ماقسات تانىمى كۇشتى، قىزمەت بەينەسى جاقسى بولۋىنا شىنايى كەپىلدىك ەتتى.

  گۇيجوۋ ”ۇنامسىز تىزىمدىك“ جاساپ، ساياسي ءتارتىپ پەن ساياسي قاعيداعا بويسۇنباۋ، پارتيا مۇشەلەرىمەن، بۇقارامەن بايلانىس ورناتۋ قابىلەتى كۇشتى بولماۋ، پاكتىك جاعىندا ماسەلەسى بولۋ سياقتى 9 ءتۇرلى جاعدايدىڭ بىرەۋى بار پارتيا مۇشەلەرىن كورسەتىلەتىن كانديدات ەتپەۋدى ايقىندادى. نەگىزگى ساتى كورسەتكەن كانديداتتاردى ەڭ الدىمەن وسى 9 ءتۇرلى جاعداي بار - جوعىنا قاراي وتىرىپ ”ەلەكتەن وتكىزدى“.

  شيزاڭ ۋاكىل كانديداتتارىنىڭ جۇڭحۋا ۇلتى ورتاق تۇلعا تانىمىن بەرىك ورناتۋى، دۇرىس مەملەكەت كوزقاراسىنا، تاريح كوزقاراسىنا، ۇلت كوزقاراسىنا، مادەنيەت كوزقاراسىنا، ءدىن كوزقاراسىنا يە بولۋى، تۋى ايقىن تۇردە بولشەكتەۋشىلىككە قارسى تۇرۋى كەرەكتىگىن ايقىن ورتاعا قويدى.

  ازاتتىق ارميا جانە قارۋلى ساقشى ءبولىمى ”ەكىنى تۇراقتاندىرۋدى“ باتىل قولداعان، ”ءتورت تانىمدى“ سانالى كۇشەيتكەن، ”ءتورت سەنىمدى“ بەكەمدەگەن، ”ەكىنى قورعاۋدى“ ورىنداعان، اسكەري ىستەر كوميتەتى ءتوراعاسى جاۋاپتى بولۋ ءتۇزىمىن دايەكتىلەندىرىپ، كۇش ۇيىستىرىپ سوعىسقا، شايقاسقا دايىندالعان، كەلەلى مىندەت اتقارۋدا ناتيجەسى كورنەكتى بولعان ۇزدىك پارتيا مۇشەلەرىن 20 - قۇرىلتايدىڭ ۋاكىلى ەتىپ سايلاۋدى تالاپ ەتتى.

  دۇنيەدەگى ءىستىڭ بارلىعى قاتاڭدىقپەن تابىسقا جەتەدى. سايلاۋ ورىندارى ءىس جۇزىندىكپەن ۇشتاستىرىپ، بىرلەسىپ وتكەلدى يگەرۋ مەحانيزمىن ورناتىپ، تەكسەرۋ وتكەلىن قاتاڭ يگەرۋ كەرەكتىگىن جالپى بەتتىك ورتاعا قويدى.

  ”كورسەتىلەتىن كانديداتتار كوپ ادام، كوپ جۇيە، كوپ كەزەك بويىنشا نەشە قايتالاپ سالىستىرۋدان ءوتتى. كەزىندە ولكەلىك، قالالىق پارتيا قۇرىلتايىنىڭ ۋاكىلى بولعان ءارى بىرلەسىپ تەكسەرۋدەن وتكەن وبيەكتىلەر بولسا دا، بارلىعى قايتادان تەكسەرۋدەن وتكىزىلىپ، ءار جۇيەنى تۇگەل قامتۋ، ۋاقىت جاعىندا ساڭلاۋسىز ۇلاسۋ، ەشقانداي كۇماندى ءتۇيىن قالدىرماۋ جۇزەگە اسىرىلدى“، - دەدى حۋنان چاڭشا قالالىق پارتكوم ۇيىمداستىرۋ ءبولىمى پارتيا ۋاكىلدەرى بايلانىس كەڭسەسىنىڭ مەڭگەرۋشىسى يۇي گوپيڭ.

  كانديدات ولشەمىن قاتايتۋ ءۇشىن، حۋنان باسقارۋ ۇقىق شەگى بويىنشا تەكسەرۋ وبيەكتىسىنە پارتيا مۇشەسى ارحيۆى، كاسىپتىك سالاۋاتى، ءىس جۇزىندىك بەينەسى، سيلانۋ - جازالانۋ احۋالى، بۇقارانىڭ باعاسى، ارىز - ارمان بويىنشا اشكەرەلەۋ سىندى ”التىنى ءسوز جوق تەكسەرۋ“ جانە ءتارتىپ تەكسەرۋ، باقىلاۋ - تەكسەرۋ، قوعام حاۋىپسىزدىگى، قازىنالىق باقىلاۋ، قوعام اماندىعىن جاپپاي وڭاۋ، ارىز - ارمان، دەنساۋلىق ساقتاۋ، سالاماتتىق سياقتى تاراۋلار ”التى جاق بىرلەسىپ تەكسەرۋ“ جۇرگىزىپ، تولىمدىلىعى ۇيلەسپەيتىن ادامنىڭ كورسەتىلۋىنە، ۇسىنىلۋىنا باتىل جول بەرمەدى.

قۇرىلىمىن جاقسارتۋعا ءمان بەردى

  جۇمىسشى، شارۋا، كاسىپتىك تەحنيكالىق قىزمەتكەر، باسقا دا ۇزدىك ۇلگى تۇلعالار بويىنشا تۇرگە ءبولدى، سونىمەن بىرگە جاسىن، جىنىسىن، ۇلتىن ايقىن كورسەتتى... 20 - قۇرىلتايعا ۋاكىل كورسەتۋ، ۇسىنۋ قىزمەتىندە، جياڭشي نانچاڭ قالاسى 133 ادامدى قامتىعان نەگىزگى ساتى ءبىرىنشى شەبىندەگى وزات ۇلگى پارتيا مۇشەلەرى ەسىمدىگىن جاساپ، بۇكىل قالاداعى 13 مىڭنان استام پارتيا ياچەيكاسى مەن 260 مىڭنان استام پارتيا مۇشەسىنە ساتى سايىن باسىپ تاراتىپ، اقىلداسقان، كورسەتكەن كەزدە پايدالانۋعا بەردى.

  ”وسى ەسىمدىك بولعاندىقتان، نەگىزگى ساتى پارتيا ياچەيكالارى مەن قالىڭ پارتيا مۇشەلەرى قۇرىلىم سالىستىرماسى تالابىن، اسىرەسە، ءوندىرىس پەن قىزمەتتىڭ ءبىرىنشى شەبىندەگى پارتيا مۇشەلەرىنىڭ جاعدايىن اناعۇرلىم ويداعىداي يگەرىپ، سول ارقىلى اناعۇرلىم كەڭ كولەمدە تاڭداۋ جاساي الادى“، - دەدى نانچاڭ قالالىق پارتكوم ۇيىمداستىرۋ ءبولىمىنىڭ ورىنباسار باستىعى لۋ لياڭحاۋ.

  پارتيا ورتالىق كوميتەتى 20 - قۇرىلتاي ۋاكىلدەرى كەڭ كولەمدى ۋاكىلدىك سيپاتقا يە بولۋى، ءار سالاداعى، ءار كاسىپتەگى، ءار جاقتاعى پارتيا مۇشەلەرىنىڭ تىلەگىنە ۋاكىلدىك ەتە الۋى جانە اڭىس ەتە الۋى ءتيىس دەپ تالاپ ەتتى. قۇرىلىمى ۇيلەسىمدى، تارالۋى كەڭ بولۋ − ۋاكىلدەردىڭ كەڭ كولەمدى ۋاكىلدىك سيپاتقا يە بولۋىنىڭ ماڭىزدى بەينەسى.

  سايلاۋ ورىندارى ۋاكىلدەردىڭ قۇرىلىم سالىستىرماسىن جۇزەگە اسىرۋ، اسىرەسە، ءوندىرىس پەن قىزمەتتىڭ ءبىرىنشى شەبىندەگى ۋاكىلدەردىڭ سالىستىرماسىنا كەپىلدىك ەتۋ تالابىن ناقتى تياناقتاندىرىپ، كانديداتتاردىڭ كاسىپ، سالا جانە وڭىرلىك ورنالاسۋىن ءبىر تۇتاس جوسپارلاپ ويلاستىرىپ، كەڭ كولەمدى ۋاكىلدىك سيپاتقا يە بولۋىنا شىنايى كەپىلدىك ەتتى.

  يۇننان سياقتى جەرلەر قۇرىلىمدى جاقسارتۋعا ءمان بەرىپ، جان سانى ءبىرشاما كوپ از ۇلتتار مەن بايىرعى تۇرعىلىقتى از ۇلتتاردىڭ كانديداتىن ءبىر تۇتاس جوسپارلاپ ويلاستىردى.

  شاڭحاي ايەل پارتيا مۇشەلەرىنىڭ سالىستىرماسى ءبىرشاما جوعارى بولۋداي ءىس جۇزىندىككە قاراتا، دالمە - ءدال شارا قولدانىپ، ايەل پارتيا مۇشەلەرى ۋاكىلدەرىنىڭ سالىستىرما تالابىن جۇزەگە اسىرۋعا قۇلشىندى.

  حاينان سياقتى جەرلەر پارتيالى باسشى كادرلار، ءوندىرىس پەن قىزمەتتىڭ ءبىرىنشى شەبىندەگى پارتيا مۇشەلەرى قاتارلى ۋاكىل كانديداتتارىنىڭ سانىن دالمە - ءدال ەسەپتەۋدى، ەگجەي - تەگجەيلى جۇمىس ىستەۋدى تۇرگە ءبولىپ ورتاعا قويدى.

  20 - قۇرىلتاي ۋاكىلدەرى كەڭ كولەمدى ۋاكىلدىك سيپاتقا يە بولۋمەن بىرگە، العاباسارلىقتى دا ايگىلەۋى كەرەك. ۋاكىلدەردىڭ العاباسارلىعىنا شىنايى كەپىلدىك ەتىپ، جاقسىلاردىڭ اراسىنان ۇزدىكتەردى تاڭداۋعا تاباندى بولۋدا كوممۋنيستىك پارتيا مۇشەلەرىنىڭ اراسىنداعى ۇزدىكتەردى كورسەتىپ، سايلاپ شىعۋ كەرەك.

  سايلاۋ ورىندارى ۇزدىكتەردى كورسەتۋ باعدارىنا دەن قويىپ، مەملەكەتتىڭ كەلەلى دامۋ ستراتەگياسىن اتقارۋ، ءۇش ءىرى قامال الۋ شايقاسىن ويداعىداي جۇرگىزۋ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ، اپاتتان ساقتانۋ، اپاتتان اراشالاۋ سياقتى شۇعىل، قيىن، قاتەرلى، اۋىر مىندەتتەر مەن جاپالى ورتاداعى بەينەسى كورنەكتى ۇزدىك كوممۋنيستىك پارتيا مۇشەلەرىن كورسەتۋگە جالپى بەتتىك ءمان بەردى.

  گۋاڭشي ناننيڭ نازاردى ىندەتتەن ساقتانۋ - تىزگىندەۋ، وقىتۋ جۇرگىزۋ، مەكتەپ باسقارۋ، نەگىزگى ساتىنى باسقارۋ سياقتى قىزمەتتەرگە ءتۇيىندى شوعىرلاندىرىپ، كاسىپتىك قابىلەتى كۇشتى، بەينەسى كورنەكتى، بۇقارا مويىنداعان ەمدەۋ قىزمەتكەرى، عىلىم - تەحنيكا دارىندىسى، وقىتۋشى، الەۋمەتتىك اۋماق قىزمەتكەرى قاتارلىلاردى كورسەتۋگە ءمان بەردى؛ شارۋا پارتيا مۇشەلەرى اراسىنان كەدەيلىكتەن ارىلتۋدان قامال الۋ، حالىق ءۇشىن ناقتى ءىس ىستەۋ سياقتى قىزمەتتەردە بەينەسى كورنەكتى بولعان قىستاق كادرلارىن كورسەتۋگە ءمان بەردى.

  سونىمەن بىرگە، ۋاكىلدەر قۇرىلىمى سالىستىرماسى تالابىن جۇزەگە اسىرۋعا شىنايى كەپىلدىك ەتۋ ءۇشىن، سايلاۋ ورىندارى كانديداتتاردىڭ سالاۋاتىن تۇراقتاندىرۋدى قاتايتىپ، سالاۋاتى شىنايى بولماۋ جانە ”اتىن جامىلۋ“ قۇبىلىستارىنان ساقتاندى.

  چۇڭچيڭ ءوندىرىس پەن قىزمەتتىڭ ءبىرىنشى شەبىندەگى ۋاكىل كانديداتتارىنىڭ سالاۋاتىن بىردەن تۇراقتاندىرىپ، نوپوس انىقتاماسى، ەڭبەك كەلىسىمى، مىندەتكە تاعايىنداۋ حۇجاتى، كاسىپتىك تەحنيكالىق تولىمدىلىق كۋالىگى سياقتى قوسىمشا ىسپاتتاردى تەكسەرىپ انىقتاپ، كانديداتتىڭ ءوزى قول قويۋدى، تۇرعان مەكەمە - ورىن تاڭبا باسۋدى، كورسەتكەن ورىن تەكسەرىپ انىقتاۋدى، ۇيىمداستىرۋ تاراۋلارى وتكەلدى يگەرۋدى ورىندادى.

  جياڭسۋ چاڭجوۋ قالاسىنداعى نەگىزگى ساتى پارتكومى جولداعان 20 - قۇرىلتاي ۋاكىلىنە كورسەتىلگەن كانديدات ءبىر كاسىپورىننىڭ جاۋاپتىسى بولۋمەن قوسا، ءوندىرىس تيجارات قيمىلىمەن شۇعىلدانۋداي كوپ سالاۋاتقا يە ەكەن.

  ۇيىمداستىرۋ تاراۋلارى تەكسەرىپ انىقتاۋدا ونىڭ باستى كاسىبى كاسىپورىنعا قارجى قوسۋشى جانە نەگىزگى تيجارات باسقارۋشىسى ەكەندىگىن، باستى كىرىس قاينارى كاسىپورىن تيجاراتى كىرىسىنىڭ پايداسى ەكەندىگىن، نەگىزگى قىزمەت ورنى دا ءوندىرىستىڭ ءبىرىنشى شەبىندە ەمەس ەكەندىگىن بايقادى. جالپىلىق اقىلداسىپ تۇجىرىم جاساۋدان كەيىن، بۇل كانديداتتى جۇمىسشى پارتيا مۇشەلەرى ۋاكىلىنىڭ كانديداتى رەتىندە قاراۋعا بولمايدى دەپ تۇراقتاندىردى.

  وسى سياقتى باستاپقى ىلعاپ تەكسەرۋدەن كەيىن كانديداتتىققا كورسەتىلۋدەن قالدىرىلعانداردان جياڭسۋدا 10 نەشە ادام بار. كورسەتۋ، ۇسىنۋ بارىسىندا، جەرگىلىكتى ورىن «كوپ سالاۋاتتى تۇراقتاندىرۋ كەستەسىن» جاسامپازدىقپەن قولدانىپ، باسشى كادر، كاسىپكەر سياقتىلاردىڭ انىق بولماعان سالاۋاتىن، وزگەرگەن سالاۋاتىن تەكسەرۋدەن تايساۋ، ءوندىرىس پەن قىزمەتتىڭ ءبىرىنشى شەبىنە بەرىلگەن ۋاكىل سانىن يەلەپ الۋ قۇبىلىستارىنىڭ تۋىلۋىنان ساقتاندى.

  ”ءبىز بارلىق جۇمىسشى، شارۋا، كاسىپتىك تەحنيكالىق قىزمەتكەر كانديداتتارىنىڭ سالاۋاتىن بىردەن تەكسەرىپ انىقتادىق، جەكە سالاۋاتى بولسا دا، وعان دا قايتالاي تەكسەرىپ انىقتاۋ جۇرگىزىپ، سالاۋاتىن تۇراقتاندىرۋدىڭ دالمە - ءدال، اعاتسىز بولۋىنا شىنايى كەپىلدىك ەتتىك“، - دەدى جياڭسۋ ولكەلىك پارتكوم ۇيىمداستىرۋ ءبولىمى ۇيىمداستىرۋ 1 - باسقارماسىنىڭ جاۋاپتىسى.

كەڭ كولەمدە ۇگىتتەدى، جۇمىلدىردى

  بۇرىننان ”تاۋلى وبلىس“ دەگەن اتى بار شينجياڭنىڭ قىزىلسۋ قىرعىز اۆتونوميالى وبلىسى جۇڭگونىڭ ەڭ باتىس شەتىنە ورنالاسقان، كوپ ساندى جەرى تاۋلى ءوڭىر.

  2022 - جىلى 1 - ايدىڭ 27 - كۇنى وسى وبلىستىڭ اقتاۋ اۋدانى مۇجى اۋىلدىق پارتكومنىڭ شۋجيى ياڭ جىگو مەن باسشىلىق القاسىنىڭ مۇشەلەرى 5 گرۋپپاعا ءبولىنىپ، شەكارا كۇزەتۋ پارتيا ياچەيكاسىنا جانە شالعايداعى وتارعا بارىپ، 41 قىزمەت اتقارۋ تۇيىنىنە تارالعان 181 پارتيا مۇشەسىنە اۆتونوميالى رايوننان پارتيا 20 - قۇرىلتايىنا قاتىناساتىن ۋاكىل كانديداتتارىنىڭ العاشقى كانديداتىن كورسەتۋ، ۇسىنۋ قىزمەتىن ورىستەتتى.

  3 كۇن ۋاقىتتا، ياڭ جىگو جانە اۋماققا ءبولىپ كوتەرمەگە الۋ، بايلانىس ورناتۋ كادرلارى بارلىق قىزمەت اتقارۋ تۇيىندەرىن جانە شالعايداعى وتاردى تۇگەل ارالاپ، شەكارا كۇزەتەتىن مالشى پارتيا مۇشەلەرىنە ءبىر - بىردەن كەزدەسىپ، ساياساتتىق تالاپتاردى بەتپە - بەت ۇگىتتەدى، پىكىر الدى.

  ۋاكىل كانديداتتارىنىڭ العاشقى كانديداتىن كورسەتۋ، ۇسىنۋ − پارتيا مۇشەلەرىنىڭ پارتيا ۋستاۆىنا ساي دەموكراتيالىق ۇقىق جۇرگىزۋىنىڭ، پارتيانىڭ ىشكى ساياسي تۇرمىسىنا ات سالىسۋىنىڭ ماڭىزدى ءتاسىلى. كورسەتۋدە، ۇسىنۋدا بۇقارالىق لۋشيانمەن جۇرۋگە تاباندى بولىپ، ۇيىمدىق اتتانىسقا كەلتىرۋدى تەرەڭدەتىپ، ءار دارەجەلى پارتيا ۇيىمدارىن جانە قالىڭ پارتيا مۇشەلەرىن بەلسەنە ات سالىسۋعا جۇمىلدىرۋ كەرەك.

  پارتيا تاريحىن ۇيرەنۋ تاربيەسىن پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، ۋاكىل سايلاۋ قىزمەتى مەن جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ تالابىن ءبىر تۇتاس جوسپارلاپ ويلاستى، سايلاۋ ورىندارى پارتيا مۇشەلەرى جينالىسىن اشۋ، پارتيا ساباعىن ءوتۋ، ماتەريال باسىپ تاراتۋ، اقپارات قۇرالدارىندا ۇگىتتەۋ سياقتى كوپ ءتۇرلى تاسىلدەردى قولدانىپ، الىس ارالىقتى وقىتۋ، پارتيا قۇرىلىسى تورى، ”ميكروبلوگ، ۋيشين، كليەنت“ سياقتى كوپ ءتۇرلى تۇعىردان پايدالانىپ، ىشكەرىلەي، تىڭعىلىقتى، حاۋىپسىز، ۇتىمدى تۇردە ۇگىت جۇرگىزدى، جۇمىلدىردى.

  مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى قاتىستى ولكە، قالالارمەن ۇشتاسىپ، جۇڭگو كەمە توبىنىڭ، سانشيا توبىنىڭ، جۇڭگو ەلەكتروندى عىلىم - تەحنيكا توبىنىڭ پارتيا قاتىناسىن جالعاستىرۋىن سايكەستىرىپ ءبىتىرىپ، 3 كاسىپورىننىڭ كوشىپ كەلگەن جەرىندە 20 - قۇرىلتاي ۋاكىلدەرىن كورسەتۋگە، ۇسىنۋعا ءساتتى قاتىناسۋىنا شىنايى كەپىلدىك ەتتى؛ ىندەتكە قارسى اتتانۋدىڭ ءبىرىنشى شەبى، دالالىق جۇمىس، عىلمي زەرتتەۋ جۇمىس باسى سياقتىلاردى كىرىسۋ ءتۇيىنى ەتىپ، جابىق اۋاشالانعان، ءجۇرىپ - تۇرۋى ىڭعايسىز پارتيا مۇشەلەرى سياقتى ەرەكشە شوعىرعا ءتۇيىندى نازار اۋدارىپ، بۇلتتىق پورتال بەينە ەكرانى، ۇيىنە بارىپ جاعداي ۇعىسۋ، كوتەرمەگە الۋدى، كەپىلدىك ەتۋدى ادامعا تياناقتاندىرۋ سياقتى تاسىلدەردى قولدانىپ، نەگىزگى ساتى پارتيا ۇيىمدارى مەن پارتيا مۇشەلەرىنىڭ كەڭ كولەمدە ات سالىسۋىنا كەپىلدىك ەتتى.

  حىبەي 7800 نەشە پارتيا مۇشەسىنىڭ قىسقى وليمپيادا سپورت جارىسىنىڭ چۇڭلي جارىس رايونىندا جابىق باسقارىلىپ، اۋەلگى پارتيا ياچەيكاسىنا قايتىپ كەلىپ كورسەتۋگە، ۇسىنۋعا قاتىناسا الماعان ءىس جۇزىندىك جاعدايعا قاراتا، كوپ ءتۇرلى ءتاسىل قولدانىپ، جارىس رايونى ىشىندە پارتيا مۇشەلەرىن ۇيىمدىق اتتانىسقا كەلتىرۋ، ۇيرەنۋ - باۋلۋ، جاعدايدى حابارلاندىرۋ، پىكىر الۋ سياقتى قىزمەتتەردى ويداعىداي ىستەدى.

  گۋاڭدۇڭ، شانشي سياقتى جەرلەر جىلجىمالى پارتيا مۇشەلەرىنە، دەمالىسقا، زەينەتكە شىققان پارتيا مۇشەلەرىنە، ساقا، دەنساۋلىعى ءالسىز پارتيا مۇشەلەرىنە، جەدەل جولداما جەتكىزۋشى، توردا كەلىسەتىن اۆتوكولىك شوفەرلەرى سياقتى جاڭا كاسىپ كۇيىن، تىڭنان جۇمىستانعان شوعىردى قامتىعان پارتيا مۇشەلەرى سياقتىلاردىڭ ۇقساماعان جاعدايىنا مەڭزەس، ناقتى ورنالاستىرۋ جاساپ، ولاردى كورسەتۋگە، ۇسىنۋعا ات سالىسۋعا ۇيىمداستىردى.

  حۋبەي بۇكىل ولكە بويىنشا ”پارتيا 20 - قۇرىلتايىنىڭ ۋاكىل كانديداتتارىن كورسەتۋ، ۇسىنۋ“ ارناۋلى تاقىرىپتىق ياچەيكا نەگىزگى تاقىرىپتىق پارتيا كۇنى قيمىلىن ءبىر تۇتاس ۇيىمداستىرىپ ورىستەتتى.

  ىشكى موڭعۇل پارتيا مۇشەلەرى وزەكتى وتباسىن ءتۇيىن، ەرىكتى قىزمەت وتەۋ اترەتىن ارقاۋ، جىلجىمالى پارتيا مەكتەپتەرىن كولەم ەتىپ، ۋاكىل سايلاۋ ساياساتى ۇگىتىن جۇرگىزدى.

  حيلۇڭجياڭ سياقتى جەرلەر جىلجىمالى بەلەت ساندىعىن ورناتۋ، كورسەتۋ بەلەتىن جەتكىزۋ سياقتى ادىستەردى قولدانىپ، شەت - شالعاي ەگىن، مال شارۋاشىلىق وڭىرلەرىندەگى، سىرتتا جۇمىس ىستەپ جاتقان، شەكارانى شارلاپ - كۇزەتىپ جاتقان پارتيا مۇشەلەرىن كورسەتۋگە، ۇسىنۋعا قاتىناسۋعا ۇيىمداستىردى.

  جۇڭگو حالىق بانكەسى كەيبىر پارتيا مۇشەلەرىنىڭ سىرقاتتانىپ قالۋى، ۋاقىتشا وزگە جەردە قونىستانۋى سياقتى وبيەكتيۆ جاعدايلارعا قاراتا، تەلەفون داۋىسىن اشىپ قويۋ تاسىلىمەن ەكى ادام قاتار وتىرىپ ساياساتتى سابىرلىلىقپەن ءتۇسىندىرىپ، ءبىر - بىرلەپ پىكىر الدى.

  سايلاۋ ورىندارى ءىس جۇزىندىكپەن ۇشتاستىرىپ، لايىقتى ءتاسىل قولدانىپ، كورسەتتى، ۇسىندى. شاندۇڭ سياقتى 14 ولكە، رايون، قالا پارتيا ورتالىق كوميتەتى بولگەن ۋاكىلدەر سانى بويىنشا، سالىستىرمانى ۇيلەسىمدى كەڭەيتىپ، ساندى دارەجە بويىنشا ءبولىپ، كورسەتتى، ۇسىندى؛ سانشي سياقتى 10 ولكە، رايون، قالا پارتيا ورتالىق كوميتەتى بولگەن ۋاكىلدەر سانى بويىنشا تولىق كورسەتتى، ۇسىندى؛ تيانجين، سىچۋان، گانسۋ، نيڭشيا سياقتى 7 ولكە، رايون، قالا وسى ەكى ءتۇرلى ءتاسىلدى ۇشتاستىرىپ، كورسەتتى، ۇسىندى.

ۇيىمدىق وتكەلدى قاتايتتى

  ”قىستاق پارتيا ياچەيكاسىنىڭ باستاۋىندا كورسەتۋ ءتارتىبى وتە جۇيەلى، تۇتاس بارىس اشىق تا جاريا بولدى. قىستاعىمىز كورسەتكەن كانديداتتار جونىندە مەندە پىكىر جوق“، - دەدى حىنان لوياڭ قالاسى مىڭجين رايونى چاڭداي قالاشىعى دۇڭدي قىستاعىندا تۇراتىن ”90 - جىلداردىڭ تۇلەگى“، پارتيا مۇشەسى مىڭ چۇنحاۋ.

  20 - قۇرىلتاي ۋاكىلدەرىن سايلاپ شىعۋ قىزمەتىن تىڭعىلىقتى ويداعىداي ىستەۋ ءۇشىن، حىنان ۋاكىلدەردى سايلاپ شىعۋ ءتارتىبىن 7 كەزەڭگە ءبولىپ، ”نەگىزگى ساتىدان باستاپ، پارتيا ياچەيكاسىن بىرلىك ەتىپ، بۇكىل پارتيا مۇشەلەرىن كورسەتۋگە، ۇسىنۋعا ۇيىمداستىرۋ، جۇمىلدىرۋ“ سياقتى 25 ساتىعا اشالاپ، ”ۋاقىت كەستەسىن“، ”جول كارتاسىن“ جاساپ، تۇرلەر بويىنشا مىندەتتى جىكتەپ، جاۋاپكەرشىلىكتى تياناقتاندىرىپ، ۋاكىل كورسەتۋ بارىسىنىڭ اناعۇرلىم دەموكراتيالى، اناعۇرلىم قاتاڭ بولۋىنا شىنايى كەپىلدىك ەتتى.

  پارتيانىڭ باسشىلىعى مەن دەموكراتيانى ساۋلەلەندىرۋدىڭ بىرلىگىنە تاباندى بولىپ، 20 - قۇرىلتاي ۋاكىلدەرىن قاتاڭ بەلگىلەمە، ءتارتىپ بويىنشا ويداعىداي سايلاۋ − ۋاكىلدەردىڭ العاباسارلىق سيپاتى مەن كەڭ كولەمدى ۋاكىلدىك سيپاتىن كۇشەيتۋدىڭ ماڭىزدى كەپىلى.كورسەتۋ، ۇسىنۋ قىزمەتى ورىستەتىلگەننەن كەيىن، سايلاۋ ورىندارى تومەننەن جوعارىعا، جوعارىدان تومەنگە قاراي كورسەتۋدى ۇشتاستىرۋ، قايتا - قايتا اقىلداسۋ، دارەجە بويىنشا ىلعاۋ ءادىسىن قولدانىپ، قىزمەت ءتارتىبىن اشالاپ، ىلگەرىلەۋ اياق الىسى مەن ۋاقىت ءتۇيىنىن ايقىندادى.

  جيلين تىزىمدەندىرۋ، كەستەلەندىرۋ، قولدانبالاندىرۋ، قالىپتاندىرۋ، مەحانيزمدەندىرۋ سىندى ”بەستەندىرۋ“ قىزمەت ءادىسىن قولدانىپ، 34 ءتۇرلى ناقتى قىزمەتتىڭ ورىندالۋ ۋاقىت شەگىن، جاۋاپكەرشىلىك نەگىزگى تۇلعاسىن، قىزمەت شاراسىن ايقىندادى.ورتالىق پەن مەملەكەت ورگاندارى قىزمەت كوميتەتى ورگان رەفورماسىنىڭ وزگەرىس جاعدايىن سالالاپ، ءارقايسى تاراۋلاردىڭ ۋاكىلدەردى كورسەتۋ سانىن ۇيلەسىمدى بولىسكە سالدى. ءارقايسى تاراۋلار ءتارتىپ، تالاپ بويىنشا مۇقيات كورسەتىپ، ۇسىنىپ، بۋىنداردى قاعىس قالدىرمادى، ”تۇرلەندىرمەدى“.

  سايلاۋ ورىندارى پارتيا ۇيىمىنىڭ باسشىلىق جانە وتكەلدى يگەرۋ رولىن ساۋلەلەندىرىپ، ۇيىمدىق تەكسەرۋدى قاتايتىپ، كانديداتتىڭ ءار جاقتى جاعدايىن ىشكەرىلەي ۇعىسىپ، كانديداتتاردى ءدال تەكسەرۋگە، ناقتى تەكسەرۋگە قۇلشىندى.

  فۋجيان جۇڭگوشا شيپاگەرلىك، دارىگەرلىك داشۋەسىنە قاراستى حالىق شيپاحاناسىندا ەرەكشە تەكسەرۋ جۇرگىزىلىپ جاتتى.

  ۋاكىل كانديداتتارىنىڭ العاشقى كانديداتى بويىنشا تەكسەرۋ وبيەكتىسى بولعان يە ليڭ وسى شيپاحانانىڭ تىنىس جولى اۋرۋلارى ءبولىمىنىڭ ورىنباسار مەڭگەرۋشىسى، وسى ساتتە ول چۋانجوۋدىڭ ىندەتكە قارسى اتتانۋ ءبىرىنشى شەبىندە ءباز - باياعىسىنداي جان قيارلىقپەن شايقاسىپ جاتقان - دى. ءار جاقتى تەكسەرۋدى ءتارتىپ بويىنشا ورىنداعاننان كەيىن، تەكسەرۋ گرۋپپاسى بەينە ەكران بايلانىس تاسىلىمەن ونىمەن بەتپە - بەت سويلەسۋدى ۇيعاردى. ”مەن بولاشاقتا ءوز ارتىقشىلىعىمدى ساۋلەلەندىرىپ، جۇڭحۋانىڭ ءداستۇرلى مەديتسيناسىن جالعاستىرۋ جانە ساۋلەلەندىرۋ ءۇشىن ۇلەس قوسۋدى ءۇمىت ەتەمىن“، - دەدى يە ليڭ. ەكران الدىنداعى ول فاڭساڭ شيپاحاناسىنان ەندى عانا شىققان ەدى، ماڭدايىنان سورعالاعان تەردى سۇرتۋگە دە ۇلگىرمەدى.

  تەكسەرۋ گرۋپپاسىنىڭ مۇشەلەرى فۋجيان ولكەلىك پارتكوم ۇيىمداستىرۋ ءبولىمىنىڭ كادرلارىنان قۇرالعان، قاتىستى ارحيۆتى كورگەننەن كەيىن، تەكسەرۋ گرۋپپاسى ول تۇرعان مەكەمە - ورىننىڭ پارتيا ۇيىمىنىڭ جاۋاپتىسى، پارتيا مۇشەلەرى، بۇقارا قاتارلىلارمەن اڭگىمەلەستى. ”ناۋقاستىڭ بارلىعى ونىڭ جان كۇيەرى“، ”ناۋقاستار وعان ءبىر تال جۇيزى بەرسە دە ول المايدى“... تەكسەرۋ گرۋپپاسىنىڭ سۇراۋى الدىندا، سول ورىنداعى قىزمەتتەستەرى ءسوز تيەگىن اعىتتى.

  ۇعىسۋعا قاراعاندا، ءارقايسى كورسەتۋ ورىندارىندا كورسەتىلگەن كانديدات سايلانعاننان كەيىن، فۋجيان ولكەلىك پارتكوم ۇيىمداستىرۋ ءبولىمى نەگىزگى ساتىنىڭ ءبىرىنشى شەبىندەگى ۋاكىل كانديداتتارىنىڭ العاشقى كانديداتىن تەكسەرۋ وبيەكتىسىنە ىشكەرىلەي تەكسەرۋ جۇرگىزىپ، اڭگىمەلەسىپ ۇعىسۋ، سول جەردە تەكسەرۋ - زەرتتەۋ جۇرگىزۋ، ارحيۆتەردى تەكسەرىپ كورۋ، كەزدەيسوق سۇحباتتاسۋ، توپتىق بەتپە - بەت اڭگىمەلەسۋ سياقتى تاسىلدەردى قولدانىپ، ”ونى باسقارعان“، ”ول باسقارعان“، ”ول قىزمەت وتەگەن“، ”ونىڭ ماڭىنداعى“ ادامداردىڭ پىكىرىن تىڭداۋعا باسا ءمان بەرگەن ءارى ۇيىمدىق باعانى تىڭداپ، ءارى بۇقارانىڭ اۋزىنداعى اڭىسىن تىڭداپ، كوپ ارنا، كوپ ساتى، كوپ سالا ارقىلى كانديداتتىڭ جاعدايىن ۇعىسقان.

  بەيجيڭ كورسەتۋ، ۇسىنۋ جالپى بارىسىندا ”ەكى رەت تەكسەرۋدى“ ۇيىمداستىرىپ اتقارىپ، الدىمەن ءارقايسى كورسەتۋشى ورىنداردىڭ ءوز ورنى كورسەتكەن كانديداتتار جونىندە العاشقى تەكسەرۋ جۇرگىزىپ، ونان كەيىن قالالىق پارتكوم ۇيىمداستىرۋ ءبولىمى قالالىق ءتارتىپ تەكسەرۋ كوميتەتى، قالالىق پارتكوم ساياسي - زاڭ كوميتەتى سياقتى 24 قالا دارەجەلى ورىنمەن بىرگە بارلىق كورسەتىلگەن كانديداتقا بىرلەسىپ تەكسەرۋ ورىستەتتى.

  جىجياڭ ۋاكىل كانديداتتارىنىڭ العاشقى كانديداتىن تۇراقتاندىرۋدان بۇرىن، كانديدات ەسىمدىگىن قالالىق، اۋداندىق پارتكومنىڭ جالپى ماجىلىسىنە جانە ولكەگە توتە قاراستى ورىنداردىڭ پارتيا ۇيىمى شۋجيلەرى ماجىلىسىنە تاپسىرىپ، قورالاي سارالاپ پىكىر الدى.

     ءارقايسى سايلاۋ ورىندارى پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيا ءىشى دەموكراتياسىن تولىق اسقاقتاتىپ، دەموكراتيانىڭ ساپاسى مەن ناقتى ونىمدىلىگىن جوعارىلاتۋعا باسا ءمان بەرىپ، كورسەتىلگەن، ۇسىنىلعان كانديداتتاردىڭ تالاپقا ساي بولۋىنا شىنايى كەپىلدىك ەتتى.

ستيلى پاك، سالتى دۇرىس بولۋعا شىنايى كەپىلدىك ەتتى

  ”تومەندە ءبىرىنشى كەڭەستىك ءتارتىپ باستالادى، كوپشىلىك كارتون ۇگىت فيلمىن كورىڭىزدەر...“

  تاياۋدا، انحۇي حىفي قالاسى لۋياڭ رايونى سانشياۋكوۋ ءمالىسى شيپيڭمىن الەۋمەتتىك اۋماعىندا 36 پارتيا مۇشەسى قاتىناسقان پارتيا مۇشەلەرى جينالىسى الەۋمەتتىك اۋماقتىڭ ”اۋەلگى ماقسات ساباقحاناسىندا“ اشىلدى.

  ساباقحانادا قويىلعان وسى ۇگىت فيلمى 2021 - جىلى انحۇي ولكەلىك پارتكوم ۇيىمداستىرۋ ءبولىمى جاساعان «كەزەك اۋىستىرۋ تارتىبىندە ”10دى قاتاڭ شەكتەۋدى“ قاتايتۋ» ۇگىت فيلمى ەدى. بۇل فيلم كەسكىن مەن جازۋ جاراسىم تاپقان، جاندى دا جالىندى كارتون فيلم فورماسى ارقىلى مىسال كەلتىرىپ، فاكتتى العا قويىپ، قاعيدا سويلەپ، كەزەك اۋىستىرۋ ءتارتىبىن قاتايتۋدىڭ 10 ءتۇرلى ناقتى تالابىن ەگجەي - تەگجەيلى ءتۇسىندىردى.

  ۇگىت فيلمىن كورگەن كەزدە، زەينەتكە شىققان پارتيا مۇشەسى رۋان يۇڭلان باستان - اياق مۇقيات ەستەلىككە الدى. ول سالماقتىلىقپەن مىنانى ءبىلدىردى: ”ءسوز جوق، تاڭداۋلى پارتيا مۇشەلەرىن ادىلدىكپەن، تۋراشىلدىقپەن تاڭداپ شىعارۋ كەرەك“.

  ءتارتىپتى قاتايتۋ − ۋاكىل سايلاپ شىعۋدىڭ ءساتتى جۇرگىزىلۋىندەگى ماڭىزدى قامتاماسىزدىق.

  كورسەتۋ، ۇسىنۋ بارىسىندا، ءارقايسى سايلاۋ ورىندارى ساياسي ءتارتىپتى، ۇيىمدىق ءتارتىپتى جانە سايلاۋ ءتارتىبىن قاتايتۋعا تاباندى بولىپ، ءتارتىپ پەن قاعيدانى باستان - اياق الدىڭعى ورىنعا قويدى؛ حۋنان حىڭياڭ، سىچۋان نانچۇڭ، لياۋنيڭ سياقتى جەرلەردەگى داۋىس جيۋ، پارا بەرىپ سايلانۋ، سايلاۋدى ءبۇلدىرۋ دەلولارى ارقىلى ساقتاندىرۋ تاربيەسىن ورىستەتىپ، تاربيە قابىلداپ، عيبىرات الدى.

  تەگەۋرىندى كۇيدى ساقتاپ، جالپى بارىستىق باقىلاۋدى كۇشەيتتى. لياۋنيڭ سياقتى جەرلەر ءتارتىپ تەكسەرۋ، باقىلاۋ - تەكسەرۋ ورگانىنىڭ ”12388“ جانە ۇيىمداستىرۋ تاراۋىنىڭ ”12380“ اشكەرەلەۋ تەلەفونى رولىن ساۋلەلەندىرىپ، حات، ارىز - ارمان اشكەرەلەۋىن دەر كەزىندە قابىلداپ، كورسەتۋ، ۇسىنۋ جاعدايى احۋالىن ناق ۋاقىتىندا باقىلادى.

  ءارقايسى سايلاۋ ورىندارى داۋىس جيۋ، پارا بەرىپ سايلانۋ، اراعا ادام سالىپ قۇلاق قاعىس ەتۋ، سىبىس تاراتىپ سىر جايۋ، كوز بوياۋشىلىق ىستەۋ سياقتى بۇرىس ستيلدەردى جانە سايلاۋدى ءبۇلدىرۋ سياقتى ەرەجەگە، تارتىپكە، زاڭعا قايشى ارەكەتتەردى سوڭىنا دەيىن تەكسەرىپ، قاتاڭ ءبىر جاقتى ەتىپ، استە ىرقىنا جىبەرمەۋدى، استە اياۋشىلىق ەتپەۋدى؛ ستيلى دۇرىس بولماعانداردىڭ، تەكسەرىپ ءبىر جاقتى ەتۋى پارمەندى بولماعانداردىڭ، ناشار ىقپال تۋدىرعانداردىڭ قاتىستى پارتيا ۇيىمدارى مەن باسشى كادرلارىنىڭ جاۋاپكەرشىلىگىن قاتاڭ قۋزاۋدى ايقىن ورتاعا قويدى.

  ءارقايسى سايلاۋ ورىندارى مىنانى ءبىلدىردى: ەڭ باتىل پوزيتسيا، ەڭ كەسكىن شارا ارقىلى 20 - قۇرىلتاي ۋاكىلدەرى سايلاۋىنىڭ ستيلى پاك، سالتى دۇرىس بولۋىنا شىنايى كەپىلدىك ەتەمىز.

  ءار دارەجەلى پارتيا ۇيىمدارى مەن قالىڭ پارتيا مۇشەلەرى جابال مىنالاردى ءبىلدىردى: 20 - قۇرىلتاي ۋاكىل كانديداتتارىن كورسەتۋ، ۇسىنۋ بارىسى − شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ بارىسى، جاڭا داۋىردەگى پارتيا قۇرىلىسىنىڭ باس تالابىن جانە جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرۋ، تياناقتاندىرۋ بارىسى، مۇرات - سەنىم تاربيەسى جانە پارتيالىق، پارتيا ستيلى، پارتيا ءتارتىبى، پارتيا تاريحى تاربيەسى بارىسى، پارتيانىڭ ىشكى ساياسي تۇرمىسىنىڭ جاندى اماليات جانە دەموكراتيالىق ورتالىقتاندىرۋ ءتۇزىمى تاربيەسى بارىسى.

  قاسيەتتى بورىشتى ۇستىنە الىپ، حالىقتىڭ ماڭىزدى تاپسىرماسىن ارقالادى. سولتۇستىكتەگى قارلى مەكەننەن ليڭناننىڭ بايتاق دالاسىنا دەيىن، باتىس بولىكتەگى ۇستىرتتەن شىعىس تەڭىز جاعالاۋىنا دەيىن، بۇكىل پارتيا جوعارىدان تومەنگە دەيىن اسقاق ىنتامەن، وسكەلەڭ جاۋاپكەرشىلىك سەزىممەن 20 - قۇرىلتاي ۋاكىلدەرىن كورسەتۋگە، ۇسىنۋعا بەلسەنە ات سالىسىپ، پارتيا قۇرۋ ۇلى رۋحىن اسقاقتاتىپ، پارتيا مۇشەلەرىنىڭ، كادرلاردىڭ قامال الىپ، قيىندىقتى جەڭۋ، ءىس تىندىرىپ، ناتيجە جاراتۋ بەلسەندىلىگىن، ىرىقتىلىعىن اناعۇرلىم مازداتىپ، يدەيانى، ارەكەتتى پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋمەن، كەزەكتەگى ءتۇرلى قىزمەتتەردى ويداعىداي ىستەۋمەن بىرلىككە كەلتىرىپ، جاڭا داۋىردە كۇرەس جۇرگىزىپ، جاڭا ساپاردا ەكپىندەي ىلگەرىلەپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تەلەگەي كۇشىن توپتاپ، جاڭا ەمتيحان تاپسىرۋ جولىندا اناعۇرلىم شۇعىلالى تاراۋدى ۇزدىكسىز جازادى.

(حابار جازۋعا ات سالىسقاندار: حان چاۋياڭ، ۋاڭ داچيان، لي جىڭ، مين زۇنتاۋ، ۋ جيانفىڭ، داي ۋي)

(شينحۋا اگەنتتىگىنىڭ 4 - ايدىڭ 20 - كۇنى بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.