مەملەكەتتىك كەڭەس كەڭسەسى
«جەكەلىك زەينەتاقىنىڭ دامۋىن ىلگەرىلەتۋ جونىندەگى پىكىردى» باسىپ تاراتتى
شينحۋا اگەنتتىگىنىڭ 4 - ايدىڭ 21 - كۇنى بەيجيڭنەن بەرگەن حابارى. تاياۋدا مەملەكەتتىك كەڭەس كەڭسەسى «جەكەلىك زەينەتاقىنىڭ دامۋىن ىلگەرىلەتۋ جونىندەگى پىكىردى» (تومەندە قىسقارتىلىپ «پىكىر» دەلىندى) باسىپ تاراتتى. بۇل پارتيا ورتالىق كوميتەتىنىڭ، مەملەكەتتىك كەڭەستىڭ كوپ ساتىلى، كوپ تىرەكتى زەينەتكەرلىك قامسىزداندىرۋ جۇيەسىن قۇرۋ جانە 3 - تىرەكتىك زەينەتكەرلىك قامسىزداندىرۋىن جۇيەلى دامىتۋ تالابىن دايەكتىلەندىرۋدىڭ، تياناقتاندىرۋدىڭ ناقتى شاراسى، بۇل حالىق بۇقاراسىنىڭ كوپ تۇرلىلەنگەن زەينەتكەرلىك قامسىزداندىرۋ قاجەتىن قاناعاتتاندىرۋ جونىنەن كەلەلى ءمان الادى.
«پىكىردە» بىلاي دەپ اتاپ كورسەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، جۇڭگونىڭ مەملەكەت جاعدايىنا ۇيلەسەتىن، ۇكىمەت ساياساتى قولدايتىن، جەكەلەر ءوز ەركىمەن قاتىناساتىن، بازارلاندىرا جۇمىس جۇرگىزەتىن جەكەلىك زەينەتاقىنىڭ دامۋىن ىلگەرىلەتىپ، زەينەتكەرلىك قامسىزداندىرۋىنىڭ تولىقتاۋ يقۋاتىن جۇزەگە اسىرۋ كەرەك. قالا - قالاشىق جۇمىسشى - قىزمەتكەرلەرىنىڭ نەگىزگى زەينەتكەرلىك قامسىزداندىرۋىنا نەمەسە قالا، اۋىل تۇرعىندارىنىڭ نەگىزگى زەينەتكەرلىك قامسىزداندىرۋىنا قاتىناسقان ەڭبەكشىلەردىڭ جەكەلىك زەينەتاقى تۇزىمىنە قاتىناسۋىنا بولادى.
«پىكىردە» بىلاي دەپ بەلگىلەندى: جەكەلىك زەينەتاقىدا جەكەلىك ەسەپ ءنومىر ءتۇزىمى اتقارىلىپ، تولەيتىن اقىنى قاتىناسۋشى جەكە ۇستىنە الىپ، تولىق قور اتقارىلادى. قاتىناسۋشى جەكەلىك زەينەتاقى ينفورماتسياسىن باسقارۋ، قىزمەت وتەۋ تۇعىرى ارقىلى جەكەلىك زەينەتاقى ەسەپ ءنومىرىن اشۋىنا بولادى. قاتىناسۋشى ءوزىنىڭ بىردەن - ءبىر جەكەلىك زەينەتاقى قاراجاتى ەسەپ ءنومىرىن بەلگىلەپ نەمەسە اشىپ، جەكەلىك زەينەتاقى تاپسىرۋعا، پايدانى توپتاۋعا، جەكەلەر تابىس سالىعىن تولەۋگە نەمەسە تاپسىرۋعا ىستەتۋى ءتيىس.
«پىكىردە» مىنالار ايقىندالدى: قاتىناسۋشىنىڭ جىلىنا تاپسىراتىن جەكەلىك زەينەتاقىسىنىڭ جوعارعى شەگى 12 مىڭ يۋان. ادام كۇشى بايلىعى، قوعامدىق قامتاماسىزداندىرۋ مينيسترلىگى، قازىنا مينيسترلىگى ەكونوميكالىق، قوعامدىق دامۋ دەڭگەيى جانە كوپ ساتىلى، كوپ تىرەكتى زەينەتكەرلىك قامسىزداندىرۋ جۇيەسىنىڭ دامۋ جاعدايى سياقتى فاكتورلارعا نەگىزدەلە وتىرىپ، اقى تاپسىرۋدىڭ جوعارعى شەگىن ۇيلەسىمدى رەتتەيدى. مەملەكەت سالىق جيناۋدا تيىمدىلىك جاساۋ ساياساتىن بەلگىلەپ، شارتقا ۇيلەسەتىندەردى جەكەلىك زەينەتاقى تۇزىمىنە قاتىناسۋعا ءارى بەلگىلەمەگە ساي جەكەلىك زەينەتاقى الۋعا شابىتتاندىرادى.
«پىكىردە» بىلاي دەپ بەلگىلەندى: جەكەلىك زەينەتاقى قاراجاتىنىڭ ەسەپ نومىرىندەگى قاراجاتتى بەلگىلەمەگە ۇيلەسەتىن بانكە قازىنا باسقارۋ، اماناتقا اقشا قويۋ، ساۋدالىق زەينەتكەرلىك قامسىزداندىرۋ، اشىق قور جيۋ سياقتى فينانس ونىمدەرىن ساتىپ الۋىنا ىستەتۋىنە بولادى، مۇنى قاتىناسۋشى ءوز ەركىمەن تاڭدايدى. قاتىناسۋشى نەگىزگى زەينەتاقى الۋ جاسىنا تولسا، ەڭبەك قۋاتىنان بۇكىلدەي ايرىلسا، شەتەلگە شىعىپ (شەكارا) قونىستانسا نەمەسە مەملەكەتتىڭ بەلگىلەمەسىنە ۇيلەسەتىن باسقالاي جاعداي بولسا، جەكەلىك زەينەتاقىنى اي سايىن، رەتكە ءبولىپ نەمەسە ءبىر جولدا الۋىنا بولادى.
«پىكىردە» مىنالار تالاپ ەتىلدى: جەر - جەر باسشىلىقتى كۇشەيتىپ، تىڭعىلىقتى ورنالاستىرۋ جاساپ، كەڭىنەن ۇگىتتەپ، قاتىستى قىزمەتتەردىڭ تياناقتى اتقارىلۋىن ورنىقتى، ءتارتىپتى ىلگەرىلەتۋ كەرەك. قاتىستى تاراۋلار قىزمەت جاۋاپكەرشىلىك ءبولىسى بويىنشا وسى پىكىردى تياناقتاندىرۋدىڭ ناقتى ساياساتتىق شاراسىن جاساپ، ۇقساس باعىتتا كۇش شىعارىپ، تىعىز سايكەسىپ، جەرگىلىكتى ورىنداردى جانە قاتىستى فينانس قۇرىلىمدارىن قاتىستى قىزمەتتەردى شىن مانىندە ويداعىداي ىستەۋگە جەتەكشىلىك ەتۋ كەرەك.
