تيانشان تورى   ›   جاڭالىقتار   ›   ماڭىزدى حابارلار

شي جينپيڭ تولىق داۋىسپەن سايلاندى

گۋاڭشي پارتيا 20 - قۇرىلتايىنا قاتىناساتىن ۋاكىلدەردى سايلاپ شىقتى

شي جينپيڭ تولىق داۋىسپەن سايلاندى

  شينحۋا اگەنتتىگىنىڭ 4 - ايدىڭ 22 - كۇنى ناننيڭنەن بەرگەن حابارى (ءتىلشى حۋاڭ چيڭگاڭ). 4 - ايدىڭ 21 - كۇنىنەن 22 - كۇنىنە دەيىن جۇڭگو كوممۋنيستىك پارتياسى گۋاڭشي جۋاڭزۋ اۆتونوميالى رايوندىق ۋاكىلدەر ءماجىلىسى ناننيڭدە اشىلدى، ماجىلىستە گۋاڭشي جۋاڭزۋ اۆتونوميالى رايونىنان پارتيانىڭ 20 - قۇرىلتايىنا قاتىناساتىن ۋاكىلدەر سايلاندى. گۋاڭشيدە سايلاۋعا قاتىناسقان پارتيا ورتالىق كوميتەتى كورسەتكەن ۋاكىل كانديداتى شي جينپيڭ جولداس تولىق داۋىسپەن پارتيا 20 - قۇرىلتايىنىڭ ۋاكىلى بولىپ سايلاندى.

  4 - ايدىڭ 22 - كۇنى تۇستەن بۇرىن ءماجىلىس رەسمي سايلاۋ وتكىزدى. ءماجىلىس شي جينپيڭ جولداستىڭ سايلاۋدا تولىق داۋىسپەن پارتيا 20 - قۇرىلتايىنىڭ ۋاكىلى بولىپ سايلانعاندىعىن جاريالاعاندا، بۇكىل الاڭدا ۇزاققا دەيىن قىزۋ شاپالاق ءۇنى كوتەرىلدى.

  ۋاكىلدەر بىلاي دەپ قارادى: باس شۋجي شي جينپيڭنىڭ 20 - قۇرىلتايعا تولىق داۋىسپەن ۋاكىل بولىپ سايلانۋى − گۋاڭشيدەگى 2 ميلليون 500 مىڭنان استام پارتيا مۇشەسىنىڭ، 150 مىڭنان استام نەگىزگى ساتى پارتيا ۇيىمىنىڭ ورتاق تىلەگى، گۋاڭشيدەگى 57 ميلليون ءار ۇلت كادر - جۇرتشىلىعىنىڭ باس شۋجي شي جينپيڭگە دەگەن شىنايى قۇرمەتىن تولىق ايگىلەدى، ءجۇز ميلليونداعان حالىقتىڭ ۇلى گۇلدەنۋگە باستاۋشىعا تىعىز ىلەسىپ، قايراتتانا ۇمتىلىپ شىنايى ىستەپ، اناعۇرلىم تاماشا بولاشاققا جول اشۋ سىندى ورتاق جۇرەك ءۇنى مەن كۇشتى تىلەگىن بەينەلەدى.

  ”باس شۋجي قاشاندا گۋاڭشي جۋاڭزۋ اۆتونوميالى رايونىنداعى ءار ۇلت حالقىن كوكەيىنەن شىعارمادى. مەن نەگىزگى ساتىداعى قالىڭ پارتيا مۇشەلەرى اتىنان قاسيەتتى ءبىر بەلەتىمدى تاستاعانىمدى ەرەكشە داڭق جانە ماقتانىش سەزىنەمىن. باس شۋجيدىڭ تولىق داۋىسپەن سايلانعانىن ەستىپ، ەرەكشە تەبىرەنىپ، تەرەڭ شابىت الدىم، وسى ماڭىزدى تاريحي ساتكە كۋا بولعانىمدى ەرەكشە ماقتانىش ەتەمىن“. گۋاڭشي جۋاڭزۋ اۆتونوميالى رايوندىق پارتيا قۇرىلتايىنىڭ ۋاكىلى، ليڭيۇن اۋدانى يۇيحۇڭ اۋىلى جياڭگىڭ قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى يا حان ءوزىنىڭ قىستاق تۇرعىندارىن ەرەكشە ەگىمشىلىك پەن باعىمشىلىقتى دامىتۋعا ۇزدىكسىز باستاپ، اۋىل - قىستاقتى گۇلدەندىرۋدىڭ نەگىزگى شايقاس مايدانىندا ۇلەس قوساتىندىعىن ايتتى.

  اۆتونوميالى رايوندىق پارتيا ۋاكىلدەرى ءماجىلىسىنىڭ ۋاكىلى، ليۋجوۋ بولات - تەمىر شەكتى جارنا سەرىكتەستىگى ورتەۋ زاۆودى اۆتوماتتاندىرۋ كەڭسەسىنىڭ مەڭگەرۋشىسى ۋي ليۋچان بىلاي دەدى: ”باس شۋجي بۇقارانىڭ قۇت - ىرىسىن باستان - اياق ەسىنەن شىعارمادى. پارتيا ورتالىق كوميتەتىنىڭ پارمەندى باسشىلىعىندا، حالىق بۇقاراسى وقۋ - اعارتۋ، ەمدەۋ، تۇرعىن ءۇي، اۋىز سۋ سياقتى جاقتاردا ءتيىمدى ساياساتتاردان شىنايى يگىلىكتەندى. ءبىز باس شۋجيدىڭ باستاۋىندا كوپشىلىكتىڭ تۇرمىستارىنىڭ اناعۇرلىم جاقسى، اناعۇرلىم بولاشاقتى بولاتىندىعىنا كامىل سەنەمىز. تەك بىلەك سىبانا ىستەگەندە عانا، باس شۋجيدىڭ شىنايى ءۇمىتىن اقتاۋعا بولادى“.

  پارتيا 18 - قۇرىلتايىنان بەرى باس شۋجي شي جينپيڭ گۋاڭشيدىڭ دامۋىنا ايرىقشا ءمان بەرىپ، شىنايى قامقورلىق كورسەتىپ، سان مارتە ماڭىزدى نۇسقاۋ بەرىپ، بەكىتۋ جازدى. بىلتىر 4 - ايدا باس شۋجي گۋاڭشيدە تاعى دا قىزمەت تەكسەرگەندە گۋاڭشيدىڭ بۇكىل ەلدىڭ دامۋ جالپى جاعدايىنداعى ”ءتورت كورنەكتى ەرەكشەلىگىن“ ەگجەي - تەگجەيلى جيناقتاپ، ”ءتورت جاڭا“ جالپى تالابىنا ساي، ءتورت جاقتاعى ماڭىزدى قىزمەتتى كورنەكتى تۇردە يگەرىپ، جاڭا داۋىردەگى جۇڭگوشا سوتسياليستىك كورىكتى گۋاڭشي قۇرۋعا زەيىن - زەردەنى، كۇش - قۋاتتى شوعىرلاندىرۋدى تالاپ ەتتى. ”جاڭا داۋىرگە قادام تاستاپ، جاڭا ساپارعا اتتانۋ بارىسىندا باس شۋجي شي جينپيڭنىڭ رول ۇستاپ جول باستاۋىندا، ءسوز جوق، اناعۇرلىم جويقىن داۋىرلىك ۇلى كۇش ۇيىستىرىپ، جۇڭحۋا ۇلتىنىڭ ۇلى گۇلدەنۋى سىندى الىپ كەمەنىڭ شۇعىلالى بولاشاققا بەت الۋىنا جەتەكشىلىك ەتەمىز“، - دەدى ۋاكىلدەر نىق سەنىممەن.

  ”باس شۋجيدىڭ تولىق داۋىسپەن سايلانۋى حالىقتىڭ تىلەگى، جۇرتتىڭ قالاۋى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا گۋاڭشيدە وراسان زور وزگەرىس تۋىلدى“. اۆتونوميالى رايوندىق پارتيا ۋاكىلدەرى ءماجىلىسىنىڭ ۋاكىلى، ناننيڭ قالالىق 2 - ورتا مەكتەپ پارتكومىنىڭ شۋجيى، ورىنباسار مەكتەپ باستىعى شۇي حۋا بۇدان كەيىن ءوز قىزمەتىن ۇزدىكسىز جاقسى ىستەپ، ۇلتتىق وڭىرلەردىڭ وقۋ - اعارتۋ ىستەرىن ىلگەرىلەتۋگە ءوز ۇلەسىن قوساتىندىعىن ايتتى.

  ۋاكىلدەر جابال مىنالاردى ءبىلدىردى: ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، ۇيتقىعا ادال بولىپ، ۇيتقىنى قولداپ، ۇيتقىنى ايالاپ، ۇيتقىنى قورعاپ، باس شۋجي شي جينپيڭنىڭ قامقورلىعى مەن شابىتتاندىرۋىن ءىس تىندىرىپ، ناتيجە شىعارۋدىڭ ءىس جۇزىندىك ارەكەتىنە اينالدىرىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الىپ، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا ارشىندى قادام تاستايمىز.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.