9 تاراۋ 24 تارماقتى ەگجەي - تەگجەيلى شارا شىعاردى
شاعىن، ۇساق كاسىپورىندار مەن جەكە ساۋدا - ونەركاسىپشىلەرگە فينانستىق قىزمەت وتەۋدى ساپالىلاندىردى
انار بۇلت / شينجياڭ گازەتىنىڭ ءتىلشىسى ۋاڭ يۇڭفي 4 - ايدىڭ 23 - كۇنى ۇرىمجىدەن حابارلايدى. حالىق بانكەسى ءۇرىمجى ورتالىق تارماق بانكەسىنەن ۇعىسۋىمىزشا، جۋىقتا حالىق بانكەسى ءۇرىمجى ورتالىق تارماق بانكەسى اۆتونوميالى رايوننىڭ جانە بيڭتۋاننىڭ قازىنا مەڭگەرمەسى (مەكەمە)، ونەركاسىپ جانە ينفورماتسيالاندىرۋ مەڭگەرمەسى (مەكەمە)، جەرگىلىكتى فينانستى باقىلاۋ - باسقارۋ مەكەمەسى، شينجياڭ بانكە - قامسىزداندىرۋ باقىلاۋ - باسقارۋ مەكەمەسى، شينجياڭ شەتەل اقشاسىن باسقارۋ مەكەمەسى سياقتى 9 تاراۋمەن بىرلەسىپ «شينجياڭنىڭ شاعىن، ۇساق كاسىپورىندار مەن جەكە ساۋدا - ونەركاسىپشىلەرگە فينانستىق قىزمەت وتەۋدە شۋاق سيلاۋ ارەكەتى جوباسىن» (تومەندە قىسقارتىلىپ «جوبا» دەلىنەدى) جاساپ، باسىپ تاراتتى. «جوبا» قارجى قۇراۋ سۇرانىسىن قامتاماسىز ەتۋ، وزىندىك قۇندى تومەندەتۋگە، قيىنشىلىقتان ارىلتۋعا سەرپىن بەرۋ، فينانستىق قىزمەت وتەۋلەردى ساپالىلاندىرۋ، بانكەلەردىڭ ىشكى بايلىقتارىن بەيىمدەۋدى ارتتىرۋ، قىزمەت قامتاماسىزدىعىن كۇشەيتۋ سياقتى 5 جاقتان 24 تارماقتى ەگجەي - تەگجەيلى شارانى ورتاعا قويىپ، نازاردى شاعىن، ۇساق كاسىپورىندار مەن جەكە ساۋدا - ونەركاسىپشىلەرگە فينانستىق قىزمەت وتەۋدىڭ ونىمدىلىگىن جوعارىلاتۋعا، بازار تۇلعالارىنىڭ تۇراقتى وندىرىسپەن شارۋاشىلىق جۇرگىزۋىنە جانە اقاۋسىز دامۋىنا دەم بەرۋگە شوعىرلاندىردى.
«جوبادا» مىنالار اتاپ كورسەتىلدى: يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل، پارمەندى تۇردە بىرلىككە كەلتىرىپ، يدەيالىق ورتاق تانىمدى ونان ارى ۇيىستىرىپ، ناقتى شارالار قولدانىپ، قىزمەتتىڭ بىرىككەن كۇشىن قالىپتاستىرىپ، شاعىن، ۇساق كاسىپورىندارعا فينانستىق قىزمەت وتەۋ قابىلەتىن جوعارىلاتۋدىڭ ارنايى ارەكەتى، جەكە ساۋدا - ونەركاسىپشىلەردىڭ دامۋىنا فينانستىق قولداۋ كورسەتۋ ارەكەتى سياقتى قىزمەتتەردى ورىستەتۋ نەگىزىندە، شاعىن، ۇساق كاسىپورىندار مەن جەكە ساۋدا - ونەركاسىپشىلەرگە فينانستىق قىزمەت وتەۋدە شۋاق سيلاۋ ارەكەتىن ۇزدىكسىز ويداعىداي ورىستەتىپ، فينانستىق قولداۋ ساياساتتارىنىڭ تۇراقتىلىعىن، ۇلاسپالىلىعىن جانە دالدىگىن ەڭ جوعارى شەكتە قامتاماسىز ەتۋ كەرەك.
«جوبادا» مىنالار باسا دارىپتەلدى: نازاردى ”التىنى ورنىقتىرۋ“، ”التىنى قامتاماسىز ەتۋ“ كەلەلى ورنالاستىرۋىنا شوعىرلاندىرىپ، شاعىن، ۇساق كاسىپورىندارعا فينانستىق قىزمەت وتەۋدى جاقسارتىپ، ساپالىلاندىرىپ، كەسىرلى نەسيەگە بايلانىستى توزىمدىلىكتى لايىقتى جوعارىلاتىپ، شاعىن، ۇساق كاسىپورىنداردىڭ نەسيە مولشەرىن، كولەمىن كەڭەيتۋدى جەبەۋ؛ شارۋاشىلىق قۇرۋعا جەتەكتەۋ قورى، حاۋىپ - قاتەرگە تولەم بەرۋ قورى سياقتىلاردان ويداعىداي پايدالانىپ، شارۋاشىلىق قۇرعان جاڭا قالا تۇرعىندارىنا، ءبىرشاما كوپ جاڭا قالا تۇرعىندارىن جۇمىسقا العان شاعىن، ۇساق كاسىپورىندارعا فينانستىق قولداۋ سەرپىنىن كۇشەيتۋ؛ امانات - قارىز ونىمدەرىندە جاڭالىق اشۋ، فينانس عىلىم - تەحنيكالارىنىڭ قولدانىلۋىن ارتتىرۋ، نەسيە بەرۋ شارتىن ۇيلەسىمدى بەلگىلەۋ سياقتى تاسىلدەر ارقىلى امانات - قارىزدى تاراتۋدىڭ ونىمدىلىگىن جوعارىلاتۋ؛ ءتۇيىندى سالالارداعى شاعىن، ۇساق كاسىپورىندارعا قاراتا نەسيە الماعانداردى ءبىر - بىرلەپ انىقتاۋ قىزمەتىن ورىستەتىپ، نەسيە العان شاعىن، ۇساق كاسىپورىندار اراسىندا تۇڭعىش رەت نەسيە العانداردىڭ ۇلەسىن جوعارىلاتۋ كەرەك.
«جوبادا» مىنالار تالاپ ەتىلدى: ينتەرنەت جەلىسىنەن تىس بولشەك ساتۋ، قوناق ءۇي جانە اس - سۋ، سىرتقى ساۋدا، ساياحات، قاتىناس - تاسىمال سياقتى ىندەتتىڭ ۇزدىكسىز ىقپالىنا ۇشىراعان كاسىپورىنداردى قولداۋدى ونان ارى ارتتىرىپ، نەسيە العان قاتىستى شاعىن، ۇساق كاسىپورىندارعا جەڭىلدەتىلگەن ءوسىم مولشەرى ساياساتىن اتقارۋ كەرەك، كوزسىزدىكپەن نەسيەنى باسىپ قويۋعا، نەسيەنى مەرزىمىنەن بۇرىن قايتارىپ الۋعا، نەسيەنى ءۇزىپ تاستاۋعا بولمايدى، ولاردىڭ قازىرگى ىندەت جاعدايىنا ءونىمدى توتەپ بەرۋىنە كومەكتەسۋ كەرەك؛ شاعىن، ۇساق كاسىپورىندار مەن جەكە ساۋدا - ونەركاسىپشىلەردىڭ راسميات اقىسىن تومەندەتۋ جونىندەگى تالاپتى قاتاڭ تياناقتاندىرىپ، تولەۋ قىزمەت وتەۋىندە اقىنى تومەندەتۋ، پايدادان ۇلەس بەرۋ ساياساتىن ۇگىتتەۋدى كۇشەيتۋ كەرەك؛ امانات - قارىزبەن قارجى قۇراۋ اقىسىن الۋدى ارناعا ءتۇسىرىپ، ءتۇسى وزگەرگەن اقى الۋ جانە ارنامەن، كوپىرمەن وتكىزۋ سياقتى تاسىلدەرمەن وزىندىك قۇندى كاسىپورىندارعا اۋدارۋ ارەكەتتەرىنە باتىل قارسى تۇرۋ كەرەك.
«جوبادا» مىنالار العا قويىلدى: بانكە مەن كاسىپورىنداردىڭ قارجى قۇراۋدى ءتۇيىستىرۋىنىڭ دالمە - ءدال بولۋىن، توتە جەتۋىن جانە ونىمدىلىگىن جوعارىلاتىپ، كاسىپورىندار ەسىمدىگىن شىعارۋ مەحانيزمىنەن ويداعىداي پايدالانىپ، سالانى باسقارۋشى تاراۋمەن بىرلەسىپ كاسىپورىن الەۋمەتتىك اۋماقتارىنا ىشكەرىلەي ەنىپ ”كوشە ارالاپ سانىن انىقتاپ“ جانە ”كوشە ارالاپ اربىرىنە بارىپ“، ەسىمدىكتەگى كاسىپورىندارعا دالمە - ءدال، ءونىمدى فينانستىق قىزمەت وتەۋ؛ شاعىن، ۇساق كاسىپورىندارعا ارنايى تۇردە فينانستىق قىزمەت وتەۋ جوباسىن جاساپ، مەرزىمدى ۋاقىتپەن ارنايى بارىپ حال - جاعداي ۇعىسىپ، قارجى قۇراۋ قامتاماسىزدىعىن جانە اقىل قوسۋ قىزمەت وتەۋىن ازىرلەپ، كاسىپورىنداردىڭ جەدەل تيبىن وزگەرتۋىنە، دامۋىنا كومەكتەسۋ؛ ”فينانس + عىلىم - تەحنيكا“ ارقىلى عىلىم - تەحنيكالىق جاڭالىق اشۋشى كاسىپورىنداردىڭ ءمان - جايىن ەگجەي - تەگجەيلى يگەرىپ، ماماندانعان فينانستىق قىزمەت وتەۋ جۇيەسىن قالىپتاستىرۋ كەرەك.
«جوبادا» مىنالار ايقىندالدى: ءارقايسى بانكە، فينانس قۇرىلىمدارى پارىقتى باعالاۋ، ىنتالاندىرۋ ورىستەتىپ، ىشكى قارجىنىڭ ءتيىمدى باعاسىن اتقارىپ، مىندەتىن ادا ەتكەندەردىڭ جاۋاپكەرشىلىگىن قۋزاماۋ جانە قاتەلىكتى كەشىرۋ، تۇزەتۋ مەحانيزمىن تياناقتاندىرىپ، ساياساتتىق سيپاتتاعى نەسيە اۋىستىرۋعا قولداۋ كورسەتۋ سەرپىنىن ارتتىرۋ كەرەك. حالىق بانكەسى اقشا ساياساتى قۇرالىنىڭ قولداۋىن كۇشەيتۋ، فينانس باسقارۋ تاراۋلارى مەن سالاعا جاۋاپتى تاراۋلار بىرىككەن كۇش ۇيىستىرىپ، قوعامدىق سەنىمدىلىك جۇيەسى قۇرىلىسىن ىلگەرىلەتىپ، ساياساتتاردىڭ بىرلەسە قيمىلداۋىن جانە ينفورماتسيالارمەن ورتاقتاسۋدى كۇشەيتىپ، ۇكىمەت ساياساتىنىڭ سايكەستى شارالارىن كەمەلدەندىرىپ، ساراپتاۋدى، باعالاۋدى جانە ىنتالاندىرۋدى، تەجەۋدى كۇشەيتىپ، ۇگىت ارقىلى جەتەكتەۋ مەن جاعدايدى اڭىس ەتۋدى ارتتىرىپ، فينانستىق قىزمەت وتەۋلەردىڭ ساپالىق ونىمدىلىگىن ۇزدىكسىز جوعارىلاتۋ كەرەك.
