انار بۇلت / شينجياڭ گازەتىنىڭ ءتىلشىسى چىن چياڭۋي 4 - ايدىڭ 23 - كۇنى ۇرىمجىدەن حابارلايدى. شينجياڭ ەلەكتر قۋاتى ساۋدا ورتالىعى شەكتى سەرىكتەستىگىنەن ۇعىسۋىمىزشا، 3 - ايدا رايونىمىزدىڭ سىرتقا جەتكىزگەن ەلەكتر مولشەرى 10 ميلليارد 424 ميلليون كيلوۆات ساعاتقا جەتىپ، سايكەس مەزگىلدەگىدەن ％9 ارتقان.
بۇل ساندى مالىمەتتەن مىناداي دەرەكتى بىلۋگە بولادى: شينجياڭنىڭ ەلەكتر قۋاتى كاسىبىندە جاراتقان تىكەلەي ەكونوميكالىق پايداسى 2 ميلليارد 600 ميلليون يۋاننان اسىپ، ارتقان باجى كىرىسى 650 ميلليون يۋان اينالاسىندا بولىپ، 3 ميلليون 150 مىڭ توننا ولشەمدى كومىردىڭ ورتەلۋىن ازايتقانعا، 8 ميلليون 510 مىڭ توننا كومىر قىشقىل گازىن، 26 مىڭ 800 توننا كۇكىرت قىشقىل قوس توتىعىن، 23 مىڭ 300 توننا ازوت توتىقتى قوسىلىستاردى از شىعارعانعا بارابار بولادى.
شينجياڭ ەلەكتر تورىنىڭ سىرتقا جەتكىزۋ قابىلەتىنىڭ ”جاز بەن كۇزدە قۋاتتى، قىس پەن كوكتەمدە ءالسىز“، ”كۇندىز كۇشتى، كەشتە ءالسىز“ بولۋداي ماۋسىمدىق جانە ۋاقىت كەزەڭىندىك ەرەكشەلىگى بار. كەزەكتە شينجياڭنىڭ ىشىندە ەلەكتردەن پايدالانۋ مولشەرىنىڭ ەڭ جوعارى دەڭگەيى ۇزدىكسىز جاڭالانىپ وتىرعان جاعدايدا، مەملەكەت تورى شينجياڭ ەلەكتر قۋاتى شەكتى سەرىكتەستىگى بۇكىل ەلدىڭ ەلەكتر قۋاتىمەن قامداۋ - قاجەتسىنۋ جاعدايىنىڭ كەرى اينالىسى، ەلەكترمەن، كومىرمەن قامداۋدىڭ جەتكىلىكتى بولماۋى، ىشكى جاقتى قامداپ، سىرتقا جەتكىزۋ ەكى جاقتى باعىتىن قامتاماسىز ەتۋ سياقتى كوپتەگەن اۋىر قىسىمعا توتەپ بەردى، شينجياڭنىڭ ءوز ىشىندە ەڭ جوعارى ءماندى رەتتەۋ مۇمكىندىگىن جانە ولكەلەر ارا سەلبەسۋ قابىلەتىنىڭ كومەسكى كۇشىن ىشكەرىلەي اشىپ، شينجياڭنىڭ ارتىپ قالعان ەلەكتر مولشەرىن سىرتقا جەتكىزۋگە زور كۇشپەن ۇيىمداستىردى. سەرىكتەستىك شينجياڭنىڭ سىرتقا جەتكىزۋ قۋاتى نەگىزىندە ەلەكتر جەتكىزۋ قيسىق سىزىعىن جاقسارتىپ، ەلەكتر كوزدەرىنەن اسقان ەلەكتر مولشەرىن سىرتقا جەتكىزۋدى ۇيىمداستىرىپ، سايكەستىرىپ، ەلەكتر جەتكىزۋ ارناسىنىڭ قالعان قۋاتىنان پايدالانىپ، شينجياڭنىڭ ارتىپ قالعان ەلەكتر مولشەرىنىڭ جەتكىزۋگە تيىستىلەرىن تۇگەلدەي جەتكىزۋگە شىنايى كەپىلدىك ەتتى.
شينجياڭ ەلەكتر قۋاتى ساۋدا ورتالىعى شەكتى سەرىكتەستىگى ”ايلىق مولشەر (كوپ اي) + اي ءىشى + اپتا“ سىندى ەلەكتر قۋاتىمەن شينجياڭعا كومەكتەسۋ ساۋداسىنىڭ جاڭا ۇلگىسىن قولدانىپ، ساۋدا ۇيىمداستىرۋ پەريودىن قىسقارتىپ، ساۋدا ۇيىمداستىرۋ رەت سانىن كوبەيتىپ، شينجياڭنىڭ ەلەكترىن سىرتقا جەتكىزۋدىڭ كومەسكى كۇشىن تولىق ساۋلەلەندىردى. ءبىرىنشى ماۋسىمدا ”اي ءىشى + ايلىق مولشەر“ سىرتقا جەتكىزۋ ساۋداسىنان 43ى جاسالىپ، كەلىسىلگەن ەلەكتر مولشەرى كولەمى 2 ميلليارد 336 ميلليون كيلوۆات - ساعات بولىپ، كەز كەلگەن ورايدىڭ بارىنەن پايدالانىپ، ۋاقىتشا شينجياڭنىڭ ەلەكترىن سىرتقا جەتكىزۋ ساۋداسىن ۇيىمداستىرىپ، امالىن تاۋىپ شينجياڭنىڭ سىرتقا جەتكىزۋ ءىرى ارناسىنىڭ قابىلەتىن ساۋلەلەندىرىپ، ەلەكتر جەتكىزۋ ارناسىنان پايدالانۋ ونىمدىلىگىن جوعارىلاتتى.
شينجياڭنىڭ ەلەكترىن سىرتقا جەتكىزۋ قىزمەتىن اناعۇرلىم ويداعىداي ىستەۋ ءۇشىن، مەملەكەت تورى شينجياڭ ەلەكتر قۋاتى شەكتى سەرىكتەستىگى ”ىشكى جاقتى قامداۋعا كەپىلدىك ەتۋ، سىرتقا جەتكىزۋدى كۇشەيتۋ“ نىساناسىنان بۇلجىماۋدى كوزدەپ، بەلسەندى شارالاردى قولدانىپ، شينجياڭ ەلەكتر تورىنىڭ قامداۋ مەن قاجەتسىنۋىنىڭ تەپە - تەڭدىگىن الدىمەن قامتاماسىزداندىرىپ، شينجياڭنىڭ ارتىپ قالعان ەلەكتر مولشەرىن سىرتقا جەتكىزۋگە ۇيىمداستىرۋدى ساپالىلاندىرىپ، مەملەكەتتىڭ ءبىر تۇتاس ەلەكتر قۋاتى بازارىنىڭ بايلىقتى ورنالاستىرۋ باسىمدىعىن بار كۇشپەن ساۋلەلەندىرىپ، بۇكىل مەملەكەتتى ەلەكتر قۋاتىمەن سەنىمدى قامداۋعا جانە كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋعا تىرەك ازىرلەدى.
