□ حوۋ حۇي
حابارعا قاراعاندا، بيىل شينجياڭ 100 جوعارى قابىلەتتى جەتەكشى دارىندىنى باعالاۋدى جوسپارعا العان، بۇل جاڭا شارا مىناداي انىق سيگنال اڭداتتى: شينجياڭ دارىندى باعالاۋ مەحانيزمىنىڭ سىلتەمە تاياعىنان پايدالانىپ، ءتىپتى دە كوپ ەرەكشە ونەرى، ەرەكشە امالى، ەرەكشە شەبەرلىگى بار ايتۋلى شەبەرلەردى جاڭالىق اشىپ، جاسامپازدىق جاراتىپ، جوعارى ساپالى دامۋعا دەم بەرەتىن ماڭىزدى كۇشكە اينالۋعا ىنتالاندىرادى.
شينجياڭ جوعارى ساپالى دامۋدى ىلگەرىلەتۋدىڭ شەشۋشى وراي مەزگىلىندە تۇر، ءداستۇرلى كاسىپ سالاسى تيبىن وزگەرتىپ، دارەجەسىن جوعارىلاتۋ، جاڭا ەنەرگيا، سيفرلى ەكونوميكا سياقتى جاڭادان گۇلدەنگەن كاسىپ سالاسىن جەدەل دامىتۋ، جوعارى تەحنيكالىق شەبەرلىك دارىندىلارعا توتەنشە ءزارۋ بولىپ وتىر. بۇل جولى باعالاۋ كولەمىنە ەنگىزىلگەندەر تەحنيكا جاڭالاۋ، عىلىم - تەحنيكادان قامال الۋ، ونىمدەردى زەرتتەۋ - اشۋ، جاڭا تەحنيكالاردى، جاڭا جابدىقتاردى، جاڭا تەحنولوگيالاردى، جاڭا ماتەريالداردى جالپىلاستىرۋ، ودان پايدالانۋ سياقتى جاقتاردا كورنەكتى ۇلەسى بار جوعارى تەحنيكالىق شەبەرلىك دارىندىلار.
جوعارى تەحنيكالىق شەبەرلىك دارىندىلاردى تابۋدا جانە ولاردى باۋلۋدا ءارى ولاردىڭ ىنتاسى مەن ومىرشەڭدىك كۇشىن بارىنشا قاۋلاتۋدا دارىندىلاردى باعالاۋدىڭ عىلمي، ۇيلەسىمدى مەحانيزمى توتەنشە ماڭىزدى. بۇل وقۋ ماعلۇماتى سياقتى دارىندىلاردىڭ وسۋىنە تۇساۋ بولعان قۇرساۋدى بۇزۋمەن بىرگە، دارىندىلاردىڭ كاسىپتىك داڭق سەزىمى مەن سەنىمىن كۇشەيتىپ، ولاردىڭ ءوز سالاسىنداعى جاڭالىق اشۋ ومىرشەڭدىك كۇشىن قاۋلاتادى. بۇل جولعى جوعارى تەحنيكالىق شەبەرلىك دارىندىلاردى باعالاۋ جوسپارىنىڭ دارىندىلاردى باعالاۋ مەحانيزمى رەفورماسىن جەتەكشى ەتىپ، شينجياڭنىڭ جوعارى ساپالى دارىندىلار قوسىنىن تۇلعالاۋداعى ءبىر رەتكى بەلسەندى سىناق ەكەندىگى ءشۇباسىز.
بۇل جولعى باعالاۋ تاماشا باستاما، ءبىز يدەياعا، كوزقاراسقا بۇرىلىس جاساۋ، ورتا رايىن جاقسارتۋ سياقتى كوپ جاقتان ىشكەرىلەي كۇش سالىپ، جاڭالىق اشۋ قۇنىن، قابىلەتىن، ۇلەسىن جەتەكشى ەتكەن دارىندىلاردى باعالاۋ جۇيەسىن تەز ارادا ورناتىپ، مۇنان دا كوپ جوعارى تەحنيكالىق شەبەرلىك دارىندىلاردىڭ، ايتۋلى شەبەرلەردىڭ ۇزدىكسىز مولىنان شىعىپ، شينجياڭنىڭ جوعارى ساپالى دامۋىنىڭ تىرەگى بولۋعا ىنتالاندىرۋىمىز كەرەك.
(”لەپتى لەبىزگە“ ماقالا جولداۋ حات ساندىعى: xjrbplb@126.com)
