تيانشان تورى   ›   جاڭالىقتار   ›   ماڭىزدى حابارلار

پارتيانىڭ باسشىلىعىنا تاباندى بولىپ، قىزىل گەندى جالعاستىرىپ، جۇڭگونىڭ بايتاق دالاسىنا تامىر تارتىپ، جۇڭگوشا ەرەكشەلىككە يە، دۇنيە جۇزىندە ماڭداي الدى داشۋە قۇرۋدىڭ جاڭا جولىمەن ءجۇرۋ كەرەك

شي جينپيڭ جۇڭگو حالىق داشۋەسىندە قىزمەت تەكسەرگەندە بىلاي دەپ باسا دارىپتەدى

پارتيانىڭ باسشىلىعىنا تاباندى بولىپ، قىزىل گەندى جالعاستىرىپ، جۇڭگونىڭ بايتاق دالاسىنا تامىر تارتىپ، جۇڭگوشا ەرەكشەلىككە يە، دۇنيە جۇزىندە ماڭداي الدى داشۋە قۇرۋدىڭ جاڭا جولىمەن ءجۇرۋ كەرەك

ۋاڭ حۋنيڭ قىزمەت تەكسەرۋدە بىرگە بولدى

  4 - ايدىڭ 25 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو حالىق داشۋەسىنە كەلىپ قىزمەت تەكسەردى، تەكسەرۋ - زەرتتەۋ جۇرگىزدى. سۋرەتتە: شي جينپيڭ ليدى عيماراتىندا يدەيا - ساياسي ساباعى زەردەلى ساباقحاناسىنىڭ ناق مايدان وقىتۋىن كوزدەن كەشىردى ءارى تالقىعا قاتىناستى.

□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  4 - ايدىڭ 25 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو حالىق داشۋەسىنە كەلىپ قىزمەت تەكسەردى، تەكسەرۋ - زەرتتەۋ جۇرگىزدى. سۋرەتتە: شي جينپيڭ وقىتۋشى - وقۋشىلار ۋاكىلدەرىمەن اڭگىمەلەستى ءارى ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  شينحۋا اگەنتتىگىنىڭ 4 - ايدىڭ 25 - كۇنى بەيجيڭنەن بەرگەن حابارى. 4 - مامىر جاستار مەرەكەسى كەلۋ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4 - ايدىڭ 25 - كۇنى تۇستەن بۇرىن جۇڭگو حالىق داشۋەسىنە كەلىپ قىزمەت تەكسەردى، تەكسەرۋ - زەرتتەۋ جۇرگىزدى. شي جينپيڭ پارتيا ورتالىق كوميتەتى اتىنان بۇكىل ەلدەگى ءار ۇلت جاستارىنا مەرەكەلىك قۇتتىقتاۋ ءبىلدىرىپ، جۇڭگو حالىق داشۋەسىندەگى بارشا وقىتۋشى - وقۋشىلارعا، قىزمەتكەرلەرگە، بۇكىل ەلدەگى قالىڭ وقۋ - اعارتۋ قىزمەتكەرلەرىنە جانە جاستار قىزمەتكەرلەرىنە شىن ىقىلاستى سالەم جولدادى. شي جينپيڭ بۇكىل ەلدەگى قالىڭ جاستاردان پارتيانىڭ ءتالىمىن ەستە بەرىك ساقتاپ، ۇلتتى گۇلدەندىرۋدى مۇرات ەتىپ، ەسىل شاقتى زايا جىبەرمەي، ءداۋىردىڭ ءۇمىتىن اقتاپ، حالىقتىڭ ءۇمىتىن اقتاپ، جاستىق شاقتىڭ جارىس جولىندا ەكپىندەي العا ۇمتىلىپ، زامانىمىزداعى جاستاردىڭ ەڭ جاقسى ناتيجەسىنە جەتۋگە قۇلشىنۋىن ءۇمىت ەتتى!

  شي جينپيڭ بىلاي دەپ باسا دارىپتەدى: ”كىم ءۇشىن ادام تاربيەلەۋ، قانداي ادام تاربيەلەۋ، ادامدى قالاي تاربيەلەۋ“ قاشاندا وقۋ - اعارتۋدىڭ ءتۇبىرلى ماسەلەسى. پارتيانىڭ باسشىلىعىنا تاباندى بولىپ، ماركسيزمنىڭ جەتەكشىلىك ورنىنا تاباندى بولىپ، پارتيا مەن حالىق ىستەرى ءۇشىن قىزمەت ىستەۋگە تاباندى بولىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، قىزىل گەندى جالعاستىرىپ، جۇڭگونىڭ بايتاق دالاسىنا تامىر تارتىپ داشۋە قۇرىپ، جۇڭگوشا ەرەكشەلىككە يە، دۇنيە جۇزىندە ماڭداي الدى داشۋە قۇرۋدىڭ جاڭا جولىمەن ءجۇرۋ كەرەك. قالىڭ جاستار سوتسياليستىك وزەكتى قۇن كوزقاراسىنا باتىل سەنۋشىلەردەن، ونى بەلسەندى تاراتۋشىلاردان، ۇلگىلى امالياتتا ايگىلەۋشىلەردەن بولىپ، قاھارمانداردان ۇيرەنىپ، اعا بۋىنداردان ۇيرەنىپ، ۇلگىلەردەن ۇيرەنىپ، ۇلتتى گۇلدەندىرۋدىڭ اۋىر مىندەتىن ارقالاي الاتىن ءداۋىر جاڭا ادامدارى بولۋعا قۇلشىنىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءداۋىر كوشىندە اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسۋ كەرەك.

  جۇڭگو حالىق داشۋەسى جۇڭگو كوممۋنيستىك پارتياسى قۇرعان العاشقى جاڭاشا جۇيەلى داشۋە، توركىنى 1937 - جىلى جاپون شاپقىنشىلارىنا قارسى سوعىستىڭ لاۋلاعان ورتىندە دۇنيەگە كەلگەن شانبەي الەۋمەتتىك مەكتەبى جانە كەيىنگى حۋابەي بىرلەسكەن داشۋەسى مەن بەيفاڭ داشۋەسى، حۋابەي داشۋەسى، ۇزاق ۋاقىتتىق مەكتەپ باسقارۋ امالياتىندا گۋمانيتارلىق - قوعامدىق عىلىمداردىڭ جوعارى دارەجەلى وقۋ - اعارتۋى مەن ماركسيزمدىك وقىتۋ - زەرتتەۋگە دەن قويىپ، ”ەلىمىزدىڭ گۋمانيتارلىق - قوعامدىق عىلىمدارى جوعارى دارەجەلى وقۋ - اعارتۋى سالاسىنىڭ تۋى“ اتانعان.

  تۇستەن بۇرىن ساعات 9دان 20 مينۋت وتكەندە، شي جينپيڭ جۇڭگو حالىق داشۋەسى پارتكومىنىڭ شۋجيى جاڭ دۇڭگاڭنىڭ، مەكتەپ باستىعى ليۋ ۋيدىڭ سەرىك بولۋىندا، الدىمەن ليدى عيماراتىنا كەلىپ، يدەيا - ساياسي ساباعى زەردەلى ساباقحاناسىنىڭ ناق مايدان وقىتۋىن كوزدەن كەشىردى. شي جينپيڭ جاس وقۋشىلارمەن بىرگە وتىرىپ، ساباقتى دەن قويا تىڭداپ جانە تالقىعا قاتىناسىپ، مەكتەپتىڭ ءوز باسىمدىعىن تياناق ەتىپ، يدەيا - ساياسي ساباعى وقىتۋى رەفورماسىندا جاڭالىق اشۋدى ۇزدىكسىز ىلگەرىلەتىپ، جوعارى، كەمەلدى، شىعان دەڭگەيدەگى يدەيا - ساياسي ساباعىن قالىپتاستىرۋ ءادىسىن تۇراقتاندىردى. ول بىلاي دەپ باسا دارىپتەدى: يدەيا - ساياسي نازاريا ساباعىنىڭ ونەگە كورسەتىپ ادام تاربيەلەۋ بارىسىندا ءتيىستى رولىن ساۋلەلەندىرە الۋ - الماۋىندا، باستىسى، ءمان بەرىلگەن - بەرىلمەگەندىگىنە، ۇيلەسكەن - ۇيلەسپەگەندىگىنە، جاقسى ىستەلگەن - ىستەلمەگەندىگىنە قاراۋ كەرەك. يدەيا - ساياسي ساباعىنىڭ ءمانى − قاعيدا - قيسىن ۇعىندىرۋ، مۇندا ءادىس - تاسىلگە باسا ءمان بەرىپ، قاعيدا - قيسىندى تەرەڭ ءتۇسىندىرۋ، ەگجەي - تەگجەيلى ءتۇسىندىرۋ، جاندى ءتۇسىندىرۋ كەرەك، وقىتۋشىلار دەن قويا ۇيرەتىپ، وقۋشىلار ىقىلاس قويا ۇعىنىپ، جان دۇنيەنى توعىستىرۋ، اقىل كوزىن اشىپ، كوڭىلگە ءنار بەرۋ، كۇرەسكەرلىك جىگەردى تاسقىنداتۋ دەڭگەيىنە جەتۋ كەرەك. جاستار مەن ورەندەرگە يدەيالىق - ساياسي تاربيە جۇرگىزۋ − ۇلاسپالى بارىس، جاستار مەن ورەندەردىڭ ءوسىپ - جەتىلۋىنىڭ تۇرلىشە كەزەڭدەرىنە باعىتتاي وتىرىپ، يدەيالىق - ساياسي تاربيەنى باعىتتامالى تۇردە ورىستەتۋ كەرەك. حالىق داشۋەسىنىڭ دامىلسىز كۇش سالىپ، ۇزاق ۋاقىت ەڭبەك ەتىپ، ەڭ كەمەل دەڭگەيگە جەتىپ، بۇكىل ەلدەگى جوعارى، ورتا، باستاۋىش مەكتەپتەردىڭ يدەيا - ساياسي ساباعىن وقىتۋىنا اناعۇرلىم كوپ بىرەگەي ساباق ازىرلەۋىن ءۇمىت ەتەمىن. جەر - جەردەگى جوعارى مەكتەپتەردى ورتا، باستاۋىش مەكتەپتەردىڭ يدەيا - ساياسي ساباعىن بىرگە قۇرۋدى بەلسەنە ورىستەتىپ، جوعارى، ورتا، باستاۋىش مەكتەپتەردىڭ يدەيا - ساياسي ساباعىن ءبىر تۇلعالاندىرۋ قۇرىلىسىن بىرگە ىلگەرىلەتۋگە دە ىنتالاندىردى. شي جينپيڭ وقۋشىلاردى جۇڭگوشا سوتسياليزم جولى سەنىمىن، نازارياسى سەنىمىن، ءتۇزىمى سەنىمىن، مادەنيەتى سەنىمىن بەكەمدەپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا جۇرەكتىلىكپەن جول اشاتىن اتويشى، ىستەردە قامال بۇزاتىن قاس باتىر بولۋعا شابىتتاندىردى.

  جۇڭگو حالىق داشۋەسىنىڭ مەكتەپ تاريحى كورمەسى مەكتەپ مۇراجايىنا ورنالاسقان. شي جينپيڭ وسى اراعا كەلىپ، مەكتەپتىڭ تاريحي وزگەرىسى، قۇرىلىسى، دامۋى جانە تاياۋ جىلداردان بەرگى وقىتۋ، عىلمي زەرتتەۋ جەتىستىكتەرى سياقتى جاعدايلاردى ەگجەي - تەگجەيلى ۇعىستى. شي جينپيڭ بىلاي دەپ باسا دارىپتەدى: جۇڭگو حالىق داشۋەسى جاپون شاپقىنشىلارىنا قارسى سوعىستىڭ لاۋلاعان ورتىندە دۇنيەگە كەلىپ، پارتيانىڭ قامقورلىعىندا دامىپ، زورايدى، داڭقتى توڭكەرىستىك داستۇرگە جانە ايقىن قىزىل گەنگە يە. وسى داڭقتى ءداستۇر مەن قىزىل گەندى، ءسوز جوق، ويداعىداي جالعاستىرىپ، پارتيانىڭ وسى ءبىر ماڭىزدى شەبىن ويداعىداي قورعاۋ كەرەك. مەكتەپ تاريحى ماتەريالدارىن قاراستىرۋ - تابۋدى، رەتتەۋدى جانە زەرتتەۋدى كۇشەيتىپ، جۇڭگو كوممۋنيستىك پارتياسىنىڭ حيكاياسىن ويداعىداي بايانداپ، پارتيانىڭ حالىق داشۋەسىن قۇرۋ حيكاياسىن ويداعىداي بايانداپ، قالىڭ وقىتۋشى - وقۋشىلاردى تاڭداۋلى داستۇرگە مۇراگەرلىك ەتىپ، قىزىل قان تامىردى ۇزدىكسىز جالعاستىرۋعا ىنتالاندىرۋ كەرەك.

  مۇراجاي الدىنداعى الاڭدا شي جينپيڭ قارت پروفەسسورلاردىڭ، قارت مامانداردىڭ جانە ورتا جاس، جاس تىرەكتى وقىتۋشىلاردىڭ ۋاكىلدەرىنە امانداستى ءارى ولارمەن ىقىلاستى تۇردە اڭگىمەلەستى. قارت پروفەسسورلاردىڭ، قارت مامانداردىڭ دەنساۋلىقتارىنىڭ جاقسى، رۋحتارىنىڭ سەرگەك ەكەندىگىن كورىپ، شي جينپيڭ قاباعات قۋاندى. ول بىلاي دەپ اتاپ كورسەتتى: جۇڭگو حالىق داشۋەسى ەجەلدەن دارىندىلار توپتالعان، ايتۋلى ماماندار جينالعان جەر. قارت پروفەسسورلار، قارت ماماندار پارتيانىڭ وقۋ - اعارتۋ ىستەرى ءۇشىن وراسان زور تەر توگىپ، ماڭىزدى ۇلەس قوستى. ورتا جاس، جاس وقىتۋشىلاردىڭ قارت پروفەسسورلاردان، قارت مامانداردان ۇيرەنىپ، اعا ۇستاز بولۋدى مۇرات ەتىپ، ءبىلىم بەرىپ، ادام تاربيەلەۋ جانە عىلمي زەرتتەۋدە جاڭالىق اشۋ جاعىندا ۇزدىكسىز تىڭ ناتيجەلەر جاراتۋىن ءۇمىت ەتەمىن. شي جينپيڭ بىلاي دەپ باسا دارىپتەدى: دۇنيە جۇزىندە ماڭداي الدى جۇڭگوشا سوتسياليستىك داشۋە قۇرۋ، سوتسياليزمنىڭ قۇرىلىسشىلارى مەن ءىزباسارلارىن باۋلۋ ءۇشىن، ءسوز جوق، دۇنيە جۇزىندە ماڭداي الدى عۇلامالار بولۋ كەرەك. وقىتۋشىلار قوسىنى قۇرىلىسىنا ايرىقشا ءمان بەرىپ، اسىرەسە، ورتا جاس، جاس وقىتۋشى تىرەكتىلەرىن باۋلۋدى كۇشەيتىپ، حالىق داشۋەسىن ەلىمىزدىڭ گۋمانيتارلىق - قوعامدىق عىلىمدارىن زەرتتەۋ جانە وقىتۋ سالاسىنداعى ماڭىزدى دارىندىلار ورتالىعى جانە جاڭالىق اشۋ بيىگى ەتىپ تۇلعالاۋ كەرەك.

  جۇڭگو حالىق داشۋەسىنىڭ كىتاپحاناسى گۋمانيتارلىق - قوعامدىق عىلىمداردىڭ عىلمي جازبالارىن ساقتاۋدى نەگىز ەتەدى، وندا 4 ميلليون 100 مىڭنان استام كىتاپ ساقتالعان. شي جينپيڭ وسى اراعا كەلىپ، كىتاپحانادا ساقتالعان قىزىل جازبالاردى، ەجەلگى كىتاپتاردى شوعىرلى كورسەتۋ جونىندە قىزمەت تەكسەرىپ، وسىزاماندانعان ىزدەۋ تۇعىرى جانە گازەت - جۋرنالداردى، ماتەريالداردى كوبەيتىپ باسۋ سياقتى سيفرلانعان عىلمي بايلىقتاردى ەگجەي - تەگجەيلى كورىپ، مەكتەپتىڭ جازبالاردى، ەجەلگى كىتاپتاردى قورعاۋدى، پايدالانۋدى كۇشەيتۋ، نازاريالىق زەرتتەۋ جەتىستىكتەرىن كادەگە جاراتۋدى، قولدانۋدى جەبەۋ سياقتى جاعدايلار جونىندەگى تانىستىرۋىن تىڭدادى. شي جينپيڭ بىلاي دەپ باسا دارىپتەدى: حالىق داشۋەسىنىڭ كىتاپحاناسىندا ساقتالعان قىزىل جازبالار پارتيامىزدىڭ جۇيەلى جوعارى دارەجەلى وقۋ - اعارتۋدى قۇرۋداعى ماشاقاتتى بارىسىنىڭ ايعاق - كۋاسى بولدى، ولار اسا باعالى قىزىل ەستەمەلەر، دەن قويا، ويداعىداي قورعاپ، سيفرلاندىرۋدى بىرتىندەپ ىلگەرىلەتىپ، اناعۇرلىم كوپ ادامنىڭ تاربيە قابىلداۋىنا، شابىت الىپ، وي تۇيۋىنە مۇمكىندىك جاساۋ كەرەك. وسى زامانعى عىلىم - تەحنيكالىق تاسىلدەردەن پايدالانىپ ەجەلگى كىتاپتاردى، كلاسسيكالىق ەڭبەكتەردى قورعاۋدى، قالپىنا كەلتىرۋدى جانە ودان كەشەندى پايدالانۋدى كۇشەيتىپ، ەجەلگى كىتاپتاردا قامتىلعان فيلوسوفيالىق يدەيالاردى، گۋمانيتارلىق رۋحتى، قۇندىلىق ۇستانىمداردى، ءمورال ولشەمدەرىن ىشكەرىلەي اشىپ، جۇڭحۋانىڭ تاڭداۋلى ءداستۇرلى مادەنيەتىنىڭ جاسامپازدىقپەن تۇرلەنۋىن، جاڭالىق اشا دامۋىن ىلگەرىلەتۋ كەرەك. عىلمي بايلىقتار قورى قۇرىلىسىن كۇشەيتىپ، عىلمي جازبالارعا قاتىستى ينفورماتسيا تاراتۋ، جيناۋ، بىرىكتىرۋ، رەداكسيالاۋ، كەڭەيتۋ، ورتاقتاسۋ فۋنكتسياسىن اناعۇرلىم ويداعىداي ساۋلەلەندىرىپ، جۇڭگوشا ەرەكشەلىككە يە، دۇنيە جۇزىندە ماڭداي الدى عىلمي بايلىق ينفورماتسياسى تۇعىرىن قالىپتاستىرىپ، مەملەكەتتىڭ مادەنيەت باۋرام كۇشىن جوعارىلاتۋ كەرەك.

  وسىدان سوڭ شي جينپيڭ عاسىر سارايىنىڭ سولتۇستىك زالىنا كەلىپ، جۇڭگو حالىق داشۋەسىندەگى وقىتۋشى - وقۋشىلاردىڭ ۋاكىلدەرىمەن اڭگىمەلەستى. جۇڭگو حالىق داشۋەسى پارتكومىنىڭ شۋجيى جاڭ دۇڭگاڭ، ”حالىق پەداگوگى“ مەملەكەت داڭق اتاعىنىڭ يەگەرى گاۋ ميڭشۋان، ەكونوميكا شۋەيۋانىنىڭ پروفەسسورى جاۋ فىڭ، اقپارات شۋەيۋانىنىڭ دوكتورانتى جوۋ شياۋحۇي، فيلوسوفيا شۋەيۋانىنىڭ تولىق كۋرس وقۋشىسى ۋاڭ حايرۇڭ ىلگەرىندى - كەيىندى سوزگە شىقتى، زال مەرەيلى، قىزۋ بەينەگە شومدى.

  كوپشىلىكتىڭ ءسوزىن مۇقيات تىڭداعاننان كەيىن، شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: ەلىمىز دارا، وزگەشە تاريحقا، دارا، وزگەشە مادەنيەتكە، دارا، وزگەشە مەملەكەت جاعدايىنا يە، جۇڭگوشا ەرەكشەلىككە يە، دۇنيە جۇزىندە ماڭداي الدى داشۋە قۇرۋدا باسقالاردىڭ سوڭىنان ىلەسىپ، نە ىستەسە سونى ىستەۋگە، جەڭىل - جەلپى شەتەل داشۋەلەرىن ولشەم جانە ۇلگى ەتۋگە بولمايدى، قايتا جۇڭگونىڭ بايتاق دالاسىنا تامىر تارتىپ، جۇڭگوشا ەرەكشەلىككە يە، دۇنيە جۇزىندە ماڭداي الدى داشۋە قۇرۋدىڭ جاڭا جولىمەن ءجۇرۋ كەرەك. جۇڭگو حالىق داشۋەسى شانبەي الەۋمەتتىك مەكتەبى قۇرىلعان العاشقى كەزدە - اق ”توڭكەرىستىك اۆانگارد قوسىن“ باۋلۋدى ايقىن العا قويۋدان جاڭا جۇڭگو قۇرىلعان العاشقى كەزدە ”مەملەكەت قۇرۋدىڭ سان مىڭداعان كادرلارىن“ باۋلۋدى العا قويعانعا دەيىن، رەفورما جاساۋدىڭ، ەسىك اشۋدىڭ جاڭا داۋىرىندە ”حالىق ونەگەلەرىن، قوعام تىرەكتىلەرىن“ باۋلۋدى العا قويعانعا دەيىن، ونان جاڭا داۋىردە ”گۇلدەنۋدىڭ تىرەكتىلەرىن، مەملەكەتتى قۇدىرەتتەندىرۋدىڭ اتويشىلارىن“ باۋلۋدى العا قويعانعا دەيىن، قاشاندا ”پارتيا ءۇشىن ادام تاربيەلەۋدەن، مەملەكەت ءۇشىن دارىندى تاربيەلەۋدەن“ جازباي، ”پارتيا اشقان داشۋە پارتيانى الاڭسىز ەتەتىن، حالىقتىڭ داشۋسى حالىقتىڭ ءۇمىتىن اقتايتىن“ رۋحاني قاسيەتتى ايگىلەدى. جۇڭگو حالىق داشۋەسىنىڭ ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، قىزىل گەندى جالعاستىرىپ، پارتيانىڭ سوزىنە قۇلاق اسۋ، پارتياعا ىلەسۋ سەنىمىن حالىق داشۋەسىندەگى وقىتۋشى - وقۋشىلاردىڭ سانالى تالپىنىسىنا اينالدىرۋىن ءۇمىت ەتەمىن.

  شي جينپيڭ بىلاي دەپ اتاپ كورسەتتى: جوعارى مەكتەپ − ەلىمىزدىڭ فيلوسوفيا - قوعامدىق عىلىمىنىڭ ”بەس ۇلكەن قوسىنى“ اراسىنداعى ماڭىزدى كۇش. كەزەكتە جۇڭگوشا سوتسياليزمگە تاباندى بولۋ جانە ونى دامىتۋ نازارياسى مەن امالياتى شەشۋدى شۇعىل قاجەت ەتىپ وتىرعان قىرۋار جاڭا ماسەلەلەردى ورتاعا قويدى، دۇنيە جۇزىندە 100 جىلدا بولماعان زور وزگەرىس جەدەل قۇبىلۋدا، دۇنيە ءجۇزى جاڭا اۋمالى - توكپەلى وزگەرىس مەزگىلىنە كىردى، ”دۇنيە جۇزىنە نە بولدى“، ”ادامزات قايدا بارادى“ دەيتىن ءداۋىر تاقىرىبىنا ويداعىداي جاۋاپ بەرۋ شۇعىل قاجەتتى. ماركسيزمنىڭ نەگىزگى قاعيدالارىن جۇڭگونىڭ ناقتى ءىس جۇزىندىگىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايىن جانە دۇنيە جۇزىندە 100 جىلدا بولماعان زور وزگەرىستى تياناق ەتىپ، ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتۋ كەرەك. جۇڭگوشا ەرەكشەلىككە يە فيلوسوفيا - قوعامدىق عىلىمىن جەدەل قۇرۋ، سايىپ كەلگەندە، جۇڭگونىڭ دەربەس ءبىلىم جۇيەسىن ورناتۋ بولىپ تابىلادى. جۇڭگومەن ساناسىپ، داۋىرمەن ساناسىپ، جۇڭگونىڭ ءىس جۇزىندىگىن تياناق ەتىپ، جۇڭگو ماسەلەسىن شەشىپ، جۇڭحۋانىڭ تاڭداۋلى ءداستۇرلى مادەنيەتىنىڭ جاسامپازدىقپەن تۇرلەنۋىن، جاڭالىق اشا دامۋىن ۇزدىكسىز ىلگەرىلەتىپ، بىلىمدە جاڭالىق اشۋدى، نازاريادا جاڭالىق اشۋدى، ادىستە جاڭالىق اشۋدى ۇزدىكسىز ىلگەرىلەتىپ، جۇڭگوشا ەرەكشەلىككە يە فيلوسوفيا - قوعامدىق عىلىمنىڭ دۇنيە ءجۇزىنىڭ عىلىم شىڭىنا شىنايى كوتەرىلۋىنە مۇمكىندىك جاساۋ كەرەك. فيلوسوفيا - قوعامدىق عىلىم قىزمەتكەرلەرى باعدارى ايقىن، مۇراتى شىنايى، ماعلۇماتى جوعارى، مىنەز - قۇلقى ۇنامدى بولىپ، جۇڭگو سۇراۋىنا، دۇنيە ءجۇزى سۇراۋىنا، حالىق سۇراۋىنا، ءداۋىر سۇراۋىنا جاۋاپ بەرۋدى سانالى تۇردە ءوزىنىڭ عىلمي مىندەتى ەتىپ، جۇڭگو جولىن، جۇڭگو باسقارۋىن، جۇڭگو قاعيداسىن ايگىلەۋدى يدەيالىق تالپىنىسى ەتىپ، پارتيا مەن مەملەكەتكە قاتىستى جالپى جاعداي، ءتۇبىرلى، شەشۋشى سيپاتتى كەلەلى ماسەلەلەردى زەرتتەپ شەشۋدە ناعىز قابىلەتىن كورسەتۋ، تاماشا جەتىستىككە قول جەتكىزۋ كەرەك. فيلوسوفيا - قوعامدىق عىلىمنىڭ جۇڭگو - شەتەل مادەنيەتىن توعىستىرۋ، وركەنيەت اۋىس - كۇيىسىن ارتتىرۋ بارىسىنداعى دارا، وزگەشە رولىن ساۋلەلەندىرىپ، جۇڭگو ءۇنىن، جۇڭگو نازارياسىن، جۇڭگو يدەياسىن تاراتىپ، دۇنيە ءجۇزىنىڭ جۇڭگونى اناعۇرلىم ويداعىداي تۇسىنۋىنە مۇمكىندىك جاساپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە بەلسەندى ۇلەس قوسۋ كەرەك.

  شي جينپيڭ بىلاي دەپ باسا دارىپتەدى: جاقسى مەكتەپتەردىڭ ەرەكشەلىگى تۇرلىشە بولعانىمەن، الايدا ءبىر ورتاق ەرەكشەلىگى بار، ياعني بارلىعىندا ۇزدىك وقىتۋشىلار قوسىنى بولادى. وقىتۋشى جونىنەن العاندا، وقۋشىنى قانداي ادام ەتىپ باۋلىپ شىعۋ ءۇشىن، ءوزى الدىمەن سونداي ادام بولۋى كەرەك. سوتسياليزم قۇرىلىسشىلارى مەن ءىزباسارلارىن باۋلۋ وقىتۋشىلارىمىزدان كاسىپتىك ءبىلىمدى جەتىك يگەرىپ، جاقسى ”تالىمگەر“ بولۋدى ءارى تاربيەلى مىنەز - قۇلىقتى بولىپ، ”ونەگەلى ۇستازعا“ اينالۋدى، ”تاعىلىم ايتۋعا، ءبىلىم بەرۋگە، كۇدىك - كۇماندى تۇسىندىرۋگە“ شەبەر ”تالىمگەرلىك“ پەن ”ونەگەلى ۇستازدىقتى“ ءبىر تۇتاس مەڭگەرگەندەر بولۋعا قۇلشىنۋدى شۇعىل قاجەت ەتەدى. وقۋ - اعارتۋ − ”قامقورلىق پەن مەيىرىمدىلىككە تولى“ كاسىپ، مەيىر بولعاندا جاۋاپكەرشىلىك بولادى. قالىڭ وقىتۋشىلار قاتاڭ دا مەيىرىمدى بولىپ، ءوزىن جەتىلدىرۋ ارقىلى ادامدارعا مەيىرىم توگىپ، كىسىلىك باۋرامدىلىعىمەن وقۋشىلاردىڭ جان سارايىن قورعاپ، ءىلمي بىلىمىمەن وقۋشىلاردىڭ زەيىن - زەردەسىن اشىپ، ءوزىنىڭ مەيىرى مەن سۇيىسپەنشىلىگىن ءاربىر وقۋشىعا ارناپ، ءاربىر وقۋشىنىڭ اقاۋسىز ەسەيىپ - ەرجەتۋىنە، ءاربىر بالانىڭ ومىردە ءوز قۇنىن ايگىلەيتىن ورايى بولۋىنا مۇمكىندىك جاساۋ كەرەك. وقىتۋشىلاردا سوزىمەن ۇستازدىق ۇلگى كورسەتۋ، ارەكەتىمەن جۇرتقا ونەگە بولۋ سانالىلىعى بولىپ، ءوزىنىڭ ءمورالدىق باۋلىنۋىن ۇزدىكسىز جوعارىلاتىپ، ۇلگىلى ارەكەتىمەن وقۋشىلارعا ىقپال كورسەتىپ جانە دەم بەرىپ، وقۋشىلاردىڭ ۇيرەنۋدەگى، ءىس ىستەۋدەگى، ادام بولۋداعى اعا ۇستازى بولىپ، قوعام قۇرمەتتەيتىن ونەگەگە اينالۋ، جۇرت ەلىكتەيتىن ۇلگىگە اينالۋ كەرەك.

  شي جينپيڭ بىلاي دەپ اتاپ كورسەتتى: جاڭا ءداۋىردىڭ جاڭا ساپارىن تياناق ەتكەن جۇڭگو جاستارىنىڭ كۇرەس نىساناسى مەن العاباسۋ بەتالىسىن ءبىر تۇيىنگە جيناقتاۋعا بولادى، بۇل قاجىماس تاباندىلىقپەن پارتيانىڭ ۇنىنە قۇلاق اسىپ، پارتياعا ىلەسىپ، ۇلتتىڭ گۇلدەنۋ كەلەلى مىندەتىن ارقالايتىن ءداۋىر جاڭا ادامى بولىپ جەتىلىپ شىعۋعا قۇلشىنۋ. قالىڭ جاستاردىڭ وتانىمىزدىڭ بايتاق دالاسىن ارشىندى قاداممەن ارالاپ، جۇڭگو رۋحىن ءوز كوزدەرىمەن كورىپ، حالىقتىڭ لەبىزىن ەت قۇلاعىمەن ەستىپ، ءداۋىر تىنىسىن ىنتا - ىقىلاسىمەن ءتۇيسىنىپ، وتانمەن ەتەنە، حالىقپەن تىنىستاس ورتاق تاعدىر سۇيىسپەنشىلىگىن وقۋدىڭ جالپى بارىسىنا ساباقتاستىرۋىن، كاسىپتىك تالپىنىسىنا توعىستىرۋىن ءۇمىت ەتەمىن.

  شي جينپيڭ مەكتەپتەن اتتانار كەزدە جولدىڭ ەكى جاعى وقىتۋشى - وقۋشىلارعا تولدى، كوپشىلىك تەبىرەنە باس شۋجيگە امانداسىپ، ”جاستىق ورالدى پارتياعا ارنايمىز، حالىقتىڭ ءۇمىتىن اقتايمىز“، ”گۇلدەنۋدىڭ تىرەگى، مەملەكەتتى قۇدىرەتتەندىرۋدىڭ اتويشىسى بولامىز“ دەپ بىركەلكى ۇنمەن داۋىستادى، شي جينپيڭ كوپشىلىككە قول بۇلعاپ قۇرمەت ءبىلدىردى، شاپالاق ءۇنى، الاقايلاعان داۋىستار مەكتەپ اۋلاسىن ۇزاق ۋاقىت جاڭعىرتتى.

  ۋاڭ حۋنيڭ، ديڭ شۋەشياڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قاتىستى قيمىلدارعا قاتىناستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.