انار بۇلت / شينجياڭ گازەتىنىڭ ءتىلشىسى چىن چياڭۋي 4 - ايدىڭ 25 - كۇنى ۇرىمجىدەن حابارلايدى. شينجياڭ ەلەكتر قۋاتى ساۋدا ورتالىعى شەكتى سەرىكتەستىگىنەن ۇعىسۋىمىزشا، ءبىرىنشى ماۋسىمدا شينجياڭ ەلەكتر قۋاتى ساۋدا ورتالىعى شەكتى سەرىكتەستىگى ۇيىمداستىرعان شينجياڭ ىشىندەگى بازارلانعان تىكە ساۋدالانعان ەلەكتر مولشەرى 30 ميلليارد 214 ميلليون كيلوۆات ساعات بولىپ، سايكەس مەزگىلدەگىدەن ％76.7 ارتقان. مۇنىڭ ىشىندە جاڭا ەنەرگيانىڭ تىكە ساۋدالانعان ەلەكتر مولشەرى 5 ميلليارد 62 ميلليون كيلوۆات ساعات بولىپ، سايكەس مەزگىلدەگىدەن ％81.3 ارتىپ، تاريحتاعى ەڭ جوعارعى دەڭگەيدى جاراتتى.
بىرىنشى ماۋسىمدا رايونىمىز ەلەكتر قۋاتى ءتۇزىلىس رەفورماسىنىڭ ءتۇرلى قىزمەتتەرىن بار كۇشپەن ىلگەرىلەتىپ، بازاردىڭ بايلىقتى جايعاستىرۋداعى شەشۋشى رولىن تولىق ساۋلەلەندىرىپ، شينجياڭ ىشىندەگى بازارلانعان تىكە ساۋدالانعان ەلەكتر مولشەرىنىڭ زور مولشەردە جوعارىلاۋىن ىلگەرىلەتتى.
شينجياڭ ەلىمىزدىڭ ماڭىزدى ەنەرگيا بازاسى، جاڭا ەنەرگيانى دامىتۋدىڭ كومەسكى كۇشى زور، شينجياڭنىڭ كۇن ەنەرگيا، جەل ەنەرگيا بايلىق قورى بۇكىل ەل بويىنشا 2 - ورىندا تۇرادى. جاڭا ەنەرگيانىڭ بازارلانعان ساۋداسىن اناعۇرلىم ويداعىداي ىستەۋ ءۇشىن، ءبىرىنشى ماۋسىمدا شينجياڭ ەلەكتر قۋاتى ساۋدا ورتالىعى شەكتى سەرىكتەستىگى 2021 - جىلى قايتا تۋىندايتىن ەنەرگيانى ارتىق ۇلەسپەن قورىتۋ ساۋداسىن جاڭالىق اشا ۇيىمداستىرىپ، بازار تۇلعالارىنىڭ جاڭا ەنەرگيانى قورىتۋ بەلسەندىلىگىن بارىنشا تاسقىنداتتى. مۇنان تىس، ەلەكتردى ەلەكتر جەلىسى كاسىپورىندارى ۋاكىلدىك ساتىپ الىپ بەرۋدى، 2022 - جىلى كومىر جاعاتىن وت ەلەكتر كاسىپورىندارىن جابۋ، توقتاتۋ ورنىن باستىرۋ ساۋداسىن، ەلەكترمەن جىلىنۋ ساۋداسى، سونداي - اق ايلىق، اي ىشىندەگى توقتامدى وتكەرۋ ساۋداسىن جوسپارىلاپ اتقارىپ، شينجياڭ ىشىندەگى بازار ساۋداسىن يكەمدى ۇيىمداستىرۋ، ساۋدانى ۇيىمداستىرۋ ءتاسىلىن مولايتۋ، ۇيىمداستىرۋ جيىلىگىن اشالاۋ ارقىلى شينجياڭ ىشىندەگى بازارلانعان ساۋدا كولەمىن اناعۇرلىم كەڭەيتىپ، جاڭا ەنەرگيانى قورىتۋدى جەبەپ، جاڭا ەنەرگيا كاسىپورىندارىنىڭ بازارلانعان ساۋداعا ات سالىسۋ بەلسەندىلىگىن ءونىمدى جوعارىلاتتى.
كەلەسى قادامدا سەرىكتەستىك ۋاقىت كەزەڭىنە ءبولىپ ساۋدالاۋعا جانە ءۇرتىس بازار اشىپ ساۋدالاۋعا ىزدەنىس جاساپ، جاسىل ەنەرگيا پايدالانۋ قاجەتىن باعدار ەتىپ، تازا ەنەرگيانى اقاۋسىز دامىتۋدى مىندەت ەتىپ، شينجياڭ ىشىندەگى ەلەكتر قۋاتى بازارىنىڭ اقاۋسىز دامۋىنا كەپىلدىك ەتۋمەن بىرگە، ەلەكترمەن سەنىمدى قامداۋعا شىنايى كەپىلدىك ەتىپ، شينجياڭ ىشىندەگى ەلەكتر قۋاتىن بازارلاندىرۋ قۇرىلىس مەحانيزمىن اناعۇرلىم كەمەلدەندىرەدى.
