الىمگۇل ابدۇرەشيت:
قوس قولىمىزبەن باقىتتى تۇرمىس جاراتامىز
انار بۇلت / شينجياڭ گازەتىنىڭ ءتىلشىسى سۇڭ ۋيگو
4 - ايدىڭ 24 - كۇنى، اتۇش قالاسى سۇنتاع قالاشىعى ۋاقۋاق قىستاعىنىڭ تۇرعىنى الىمگۇل ابدۇرەشيتتىڭ ارتقى اۋلاسىنداعى قاتار - قاتار ءجۇزىم سورەسىندە ءجۇزىم ساباقتارى شىرمالا ورگە قاراي ۇمتىلىپ، كۇن نۇرىنىڭ شۋاعىنا شومىلىپ، تەز ءارى اناعۇرلىم بيىك ءوسىپ كەلەدى ەكەن.
ءجۇزىم سورەسىنىڭ استىندا بيىل 54 جاسقا كەلگەن الىمگۇل قىزىمەن بىرگە ءشوپ وتاپ وتىر. ”بۇل شوپتەرگە ەلەۋسىز قاراما، دەر كەزىندە وتالماسا ءجۇزىمنىڭ ءنارىن سورىپ كەتەدى، ءجۇزىم جاقسى وسە الماسا وتباسىمىزدىڭ كىرىسىنە ىقپال كورسەتەدى“، - دەدى الىمگۇل ءشوپ وتاي ءجۇرىپ تىلشىگە.
الىمگۇل وتباسىنىڭ ءجۇزىم ەگەتىن جەرى ءۇيىنىڭ ارت جاعىندا، كەزىندە جەر بولگەن كەزدە وسى جەرگە يە بولىپ ءبىرتالايعا دەيىن قۋانىپ ءجۇردى. ءجۇزىم ەگەتىن جەردىڭ ۇيىنە جاقىن بولعاندىعىنا ول قاتتى ريزا، ”اتىز ءبىر اتتام جەردە، ۇيدەن اتىزعا بارىپ - كەلەتىن ۋاقىتىم قىسقاردى“.
الىمگۇلدىڭ وتباسىندا جالپى 8 مۋ جەر بار، مۇنىڭ 5 مۋىنا مۇناق ءجۇزىمىن وتىرعىزىپ، 3 مۋىنا ءبيداي ەگەدى، ءبيدايدى ورىپ العاننان كەيىن، تاعى قايتالاي جۇگەرى ەگەدى، قايتالاي ەگۋدەي مۇنداي ەگىن سالۋ ءتاسىلى ونىڭ وتباسىنىڭ 8 مۋ جەرىنەن 11 مۋلىق ونىمدىلىك جاراتتى.
كوكتەم باستالعاننان بەرى، الىمگۇلدىڭ وتباسىنداعىلارىنىڭ جۇمىس ءبولىسى ايقىن بولدى: قىزى ەكەۋى ۇيدە شارۋاشىلىقپەن اينالىسىپ، 15 قوي، 2 سيىرعا قارايدى، كۇيەۋى كەزدەمە ساۋداسىمەن اينالىسادى، 2 ۇلى اتۇش قالاسىندا جۇمىس ىستەيدى، ەگىس جۇمىسى قاربالاس كەزدە ۇيلەرىنە قايتىپ كومەكتەسەدى. ءبىر ءۇيلى جاننىڭ ورتاق كۇش شىعارۋىنىڭ ارقاسىندا وسى بىرنەشە جىلدا وتباسىنىڭ كىرىسى بارعان سايىن جوعارىلادى. جۋىقتاعى 3 جىلدا ءار جىلى دەرلىكتەي ％10 اينالاسىندا ارتتى، 2021 - جىلى الىمگۇل وتباسىنداعىلاردىڭ جالپى كىرىسى 150 مىڭ يۋاننان استى.
”وتباسىمىز مۇناق ءجۇزىمىن بۇرىننان بەرى ەگىپ كەلگەنىمەن، الايدا ءجۇزىم ەگۋدەن كىرىسىمىز 2018 - جىلى قالاشىق مۇناق ءجۇزىمى سورتىن ساپالىلاندىرۋ قىزمەتىن ورىستەتكەننەن كەيىن عانا زور مولشەردە ارتتى“، - دەدى الىمگۇل.
مۇناق ءجۇزىمى سورتى ساپالىلانعاننان كەيىن، الىمگۇل وتباسىنىڭ مۇناق ءجۇزىم ءونىم مولشەرى كوپ جوعارىلادى. 2021 - جىلى ولاردىڭ مۇناق ءجۇزىمىنىڭ مۋ باسىندىق ءتۇسىمى 1.6 تونناعا جەتىپ، تەك مۇناق ءجۇزىمىنىڭ وزىنەن مۋ باسىندىق كىرىسى 10 مىڭ يۋان بولدى.
ءبيداي ورىلعاننان كەيىن، قايتالاي جۇگەرى ەگەدى، جۇگەرىنى ورىپ العاننان كەيىن قوراداعى قوي - سيىردىڭ جەم - ءشوبى دايىن بولادى دا، جەم - ءشوپ شىعىنى زور مولشەردە ازايادى.
الىمگۇل: ەڭبەك ەڭ داڭقتى، كۇرەس ەڭ باقىت دەگەن ءسوزدى ەستىگەن. قازىرگى تاڭدا ول دا باقىتتى تۇرمىستى قوس قولىمەن جاراتۋدىڭ قۋانىشىن سەزىندى، قىزىمەن بىرگە بۇرىنعىداي ۇيدە شارۋاشىلىقپەن شۇعىلدانعانىمەن، الايدا ول مۇنى ەرەكشە باقىت، ەرەكشە داڭقتى ءىس دەپ قارايدى.
”ءبىز ەڭبەكشىل قوس قولىمىزعا سۇيەنىپ تاماشا تۇرمىسقا كەنەلدىك، ءىشىپ - جەيتىنىمىز، ىستەتەتىنىمىزدىڭ بارلىعى ەڭبەكتەنۋدەن كەلگەن، بۇنى ەرەكشە ماقتانىش سەزىنەمىن“، - دەدى الىمگۇل.
