تيانشان تورى   ›   جاڭالىقتار   ›   ماڭىزدى حابارلار

نەگىزدىك قۇرىلعىلار قۇرىلىسىن جالپى بەتتىك كۇشەيتىپ، وسىزاماندانعان نەگىزدىك قۇرىلعىلار جۇيەسىن ورناتىپ، جاپپاي سوتسياليستىك وسىزاماندانعان مەملەكەت قۇرۋعا بەرىك نەگىز قالاۋ كەرەك

شي جينپيڭ ورتالىق قازىنا - ەكونوميكا كوميتەتىنىڭ 11 - رەتكى ءماجىلىسىن باسقارىپ اشقاندا بىلاي دەپ باسا دارىپتەدى

نەگىزدىك قۇرىلعىلار قۇرىلىسىن جالپى بەتتىك كۇشەيتىپ، وسىزاماندانعان نەگىزدىك قۇرىلعىلار جۇيەسىن ورناتىپ، جاپپاي سوتسياليستىك وسىزاماندانعان مەملەكەت قۇرۋعا بەرىك نەگىز قالاۋ كەرەك

لي كىچياڭ، ۋاڭ حۋنيڭ، حان جىڭ قاتىناستى

  شينحۋا اگەنتتىگىنىڭ 4 - ايدىڭ 26 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق قازىنا - ەكونوميكا كوميتەتىنىڭ مەڭگەرۋشىسى شي جينپيڭ 4 - ايدىڭ 26 - كۇنى ورتالىق قازىنا - ەكونوميكا كوميتەتىنىڭ 11 - رەتكى ءماجىلىسىن باسقارىپ اشىپ، نەگىزدىك قۇرىلعىلار قۇرىلىسىن جالپى بەتتىك كۇشەيتۋ ماسەلەسىن اقىلداستى، پارتيا 19 - قۇرىلتايىنان بەرگى ورتالىق قازىنا - ەكونوميكا كوميتەتى ماجىلىستەرى شەشىمدەرىنىڭ، ورنالاستىرۋلارىنىڭ تياناقتانۋ جاعدايىن اقىلداستى. شي جينپيڭ بىلاي دەپ باسا دارىپتەدى: نەگىزدىك قۇرىلعىلار ەكونوميكالىق، قوعامدىق دامۋدىڭ ماڭىزدى تىرەگى، دامۋ مەن حاۋىپسىزدىكتى ءبىر تۇتاس جوسپارلاپ، نەگىزدىك قۇرىلعىلاردىڭ ورنالاسۋىن، قۇرىلىمىن، يقۋاتىن جانە دامۋ ۇلگىسىن جاقسارتىپ، وسىزاماندانعان نەگىزدىك قۇرىلعىلار جۇيەسىن ورناتىپ، جاپپاي سوتسياليستىك وسىزاماندانعان مەملەكەت قۇرۋعا بەرىك نەگىز قالاۋ؛ ورتالىق قازىنا - ەكونوميكا كوميتەتى پارتيا ورتالىق كوميتەتىنىڭ ەكونوميكالىق قىزمەتكە باسشىلىق ەتۋدەگى ماڭىزدى تۇزىمدىك ورنالاستىرۋ، وڭىرلەر، تاراۋلار ورتالىق قازىنا - ەكونوميكا كوميتەتىنىڭ شەشىمدەرىنىڭ، ورنالاستىرۋلارىنىڭ رۋحىن دالمە - ءدال ءتۇسىنىپ، شەشىمدەردىڭ، ورنالاستىرۋلاردىڭ ناقتى، ويداعىداي تياناقتانۋىن بىرگە ىلگەرىلەتۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق قازىنا - ەكونوميكا كوميتەتىنىڭ ورىنباسار مەڭگەرۋشىسى لي كىچياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋىنىڭ شۋجيى، ورتالىق قازىنا - ەكونوميكا كوميتەتىنىڭ مۇشەسى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، ورتالىق قازىنا - ەكونوميكا كوميتەتىنىڭ مۇشەسى حان جىڭ ماجىلىسكە قاتىناستى.

  ءماجىلىس مەملەكەتتىك دامۋ جانە رەفورما كوميتەتى، ونەركاسىپ جانە ينفورماتسيالاندىرۋ مينيسترلىگى، قاتىناس - تاسىمال مينيسترلىگى، تۇرعىن ءۇي جانە قالا، اۋىل قۇرىلىسى مينيسترلىگى، اۋىل شارۋاشىلىعى، اۋىل - قىستاق مينيسترلىگى، سۋ يگىلىگى مينيسترلىگى قاتارلى تاراۋلاردىڭ نەگىزدىك قۇرىلعىلار قۇرىلىسىن جالپى بەتتىك كۇشەيتۋ ماسەلەسى جونىندەگى مالىمەتىن تىڭدادى، مەملەكەتتىك دامۋ جانە رەفورما كوميتەتى، عىلىم - تەحنيكا مينيسترلىگى، ەكولوگيالىق ورتا مينيسترلىگى، اۋىل شارۋاشىلىعى، اۋىل - قىستاق مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى، جۇڭگو حالىق بانكەسى قاتارلى تاراۋلاردىڭ پارتيا 19 - قۇرىلتايىنان بەرگى ورتالىق قازىنا - ەكونوميكا كوميتەتى ماجىلىستەرىنىڭ شەشىمدەرىنىڭ، ورنالاستىرۋلارىنىڭ تياناقتانۋ جاعدايى جونىندەگى مالىمەتىن تىڭدادى.

  ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرى ەلىمىز ەلەۋلى عىلىم - تەحنيكالىق قۇرىلعى، سۋ يگىلىگى ينجەنەرياسى، قاتىناس تورابى، ينفورماتسيا نەگىزدىك قۇرىلعىسى، مەملەكەتتىڭ ستراتەگيالىق زاپاس قورى سياقتى جاقتاردا دۇنيە جۇزىندە وزىق ءبىر توپ جەتىستىككە قول جەتكىزىپ، نەگىزدىك قۇرىلعىلاردىڭ جالپى تۇلعالىق دەڭگەيى شارىقتاپ ورلەۋدى جۇزەگە اسىردى. سونىمەن بىرگە مىنانى، ءسوز جوق، تاني ءبىلۋ كەرەك: ەلىمىزدىڭ نەگىزدىك قۇرىلعىلارى مەملەكەتتىڭ دامۋ جانە حاۋىپسىزدىك قامتاماسىزدىعى قاجەتىمەن سالىستىرعاندا، ءالى دە ۇيلەسپەيدى، نەگىزدىك قۇرىلعىلار قۇرىلىسىن جالپى بەتتىك كۇشەيتۋ مەملەكەتتىڭ حاۋىپسىزدىگىن قامتاماسىز ەتۋ، ەل ءىشى ۇلكەن اينالىمىن ىركىلىسسىزدەندىرۋ، ەل ءىشى، حالىقارالىق قوس اينالىمدى جەبەۋ، ىشكى سۇرانىستى كەڭەيتۋ، جوعارى ساپالى دامۋدى جەبەۋ جونىنەن كەلەلى مانگە يە.

  ءماجىلىس مىنالاردى باسا دارىپتەدى: كەزەكتە جانە الداعى ءبىر مەزگىلدە، حالىقتى وزەك ەتكەن دامۋ يدەياسىنا تاباندى بولىپ، ماسەلەنى باعدار ەتۋگە، نىسانانى باعدار ەتۋگە تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، جۇيەلى جوبالاپ، تۇلعالىق سايكەستىرىپ، دالمە - ءدال تۇردە ولقىلىقتاردى تولىقتاپ، ءالسىز تۇستاردى كۇشەيتىپ، نەگىزدىك قۇرىلعىلاردىڭ ورنالاسۋىن، قۇرىلىمىن، يقۋاتىن جانە دامۋ ۇلگىسىن جاقسارتىپ، تۇتاس قوعامنىڭ كۇشىن جۇمىلدىرىپ، وسىزاماندانعان نەگىزدىك قۇرىلعىلار جۇيەسىن ورناتىپ، ەكونوميكالىق ونىمدىلىكتىڭ، قوعامدىق ونىمدىلىكتىڭ، ەكولوگيالىق ونىمدىلىكتىڭ، حاۋىپسىزدىك ونىمدىلىگىنىڭ بىرلىگىن جۇزەگە اسىرىپ، مەملەكەتتىڭ كەلەلى ستراتەگياسىنا قىزمەت وتەپ، ەكونوميكالىق، قوعامدىق دامۋدى قولداپ، جاپپاي سوتسياليستىك وسىزاماندانعان مەملەكەت قۇرۋعا بەرىك نەگىز قالاۋ كەرەك. ۇزاق بولاشاقتى تياناق ەتىپ، نەگىزدىك قۇرىلعىلاردى دامىتۋدىڭ مەملەكەت جەرىن، كەڭىستىگىن اشۋ، قورعاۋ، وندىرگىش كۇشتى ورنالاستىرۋ جانە مەملەكەتتىڭ كەلەلى ستراتەگياسى جونىنەن تىرەكتىگىن كۇشەيتىپ، جاڭاشا نەگىزدىك قۇرىلعىلار قۇرىلىسىن جەدەلدەتىپ، ءداستۇرلى نەگىزدىك قۇرىلعىلار دەڭگەيىن جوعارىلاتۋ كەرەك. ۇيلەسىمدى العا ءوتىپ، كاسىپ سالاسىنىڭ دامۋىنا جەتەكشىلىك ەتۋگە جانە مەملەكەتتىڭ حاۋىپسىزدىگىن قورعاۋعا ءتيىمدى نەگىزدىك قۇرىلعىلاردى ورنالاستىرۋ، سونىمەن بىرگە العا ءوتىپ قۇرىلىس جۇرگىزۋدىڭ شەگىن ويداعىداي يگەرۋ كەرەك. عىلىمي جوسپارلاپ، جاڭا دامۋ ۇستانىمىن دايەكتىلەندىرىپ، تۇتاس تىرشىلىك پەريودىن تياناق ەتىپ، ءتۇرلى نەگىزدىك قۇرىلعىلاردىڭ ورنالاسۋىن ءبىر تۇتاس جوسپارلاپ، ءوزارا ۇلاسۋ، تۇتاسۋدى، بىرگە قۇرىپ، بىرگە يگىلىكتەنۋدى، سايكەسىپ قوسىلا ارەكەت ەتۋدى جۇزەگە اسىرۋ كەرەك. كوپ جاقپەن جەبەپ، ۇكىمەت پەن بازاردىڭ، ورتالىق پەن جەرگىلىكتى ورىنداردىڭ، مەملەكەت مەنشىگىندەگى كاپيتال مەن قوعامدىق كاپيتالدىڭ كوپ جاقتى رولىن ساۋلەلەندىرىپ، نەگىزدىك قۇرىلعىلار قۇرىلىسىن ساتىعا، تۇرگە ءبولىپ كۇشەيتۋ كەرەك. ونىمدىلىككە ءمان بەرىپ، ەكونوميكالىق ەسەپتى ىستەۋمەن قوسا، جالپىلىق ەسەپتى دە ىستەپ، نەگىزدىك قۇرىلعىلاردىڭ تۇتاس تىرشىلىك پەريودىنداعى جالپىلىق ونىمدىلىگىن جوعارىلاتۋ كەرەك.

  ءماجىلىس مىنالاردى اتاپ كورسەتتى: قاتىناس، ەنەرگيا، سۋ يگىلىگى سياقتى توراپتىق نەگىزدىك قۇرىلعىلار قۇرىلىسىن كۇشەيتىپ، توراپتاردى ۇلاستىرۋدى، توراپتاردى تولىقتاۋدى، تىزبەكتى كۇشەيتۋدى قۇرىلىستىڭ ءتۇيىنى ەتىپ، توراپتاردىڭ ونىمدىلىگىن كۇش سالا جوعارىلاتۋ كەرەك. مەملەكەتتىڭ كەشەندى ستەرەولدى قاتىناس تورابى نەگىزگى تۇلعاسىن جەدەل قۇرىپ، تەڭىز بويىنداعى جانە ىشكى وزەندەگى پورت جولدارىن جوسپارلاۋدى، سالۋدى كۇشەيتىپ، بۇكىل ەلدەگى سۋ تاسىمالى قۇرىلعىلارى تورابىن جاقسارتۋ، دارەجەسىن جوعارىلاتۋ كەرەك. تاراتىلمالى زەردەلى ەلەكتر تورابىن دامىتىپ، ءبىر توپ جاڭاشا، جاسىل، تومەن كومىر قىشقىل گازدى ەنەرگيا بازاسىن سالىپ، مۇناي، گاز قۇبىرلارى تورابىن جەدەل كەمەلدەندىرۋ كەرەك. مەملەكەتتىڭ سۋ تورابى نەگىزگى تۇلعاسى مەن كۇرە تامىرىن جەدەل ورناتىپ، ءتۇيىندى سۋ قاينارلارى، سۋارمالى اۋماق، تاسقىن سۋ ىركۋ ءوڭىرى قۇرىلىسىن ىلگەرىلەتۋ جانە وسىزامانداندىرىپ وزگەرتىپ سالۋ كەرەك. ينفورماتسيا، عىلىم - تەحنيكا، زات اينالىمى سياقتى كاسىپ سالالارىندا نەگىزدىك قۇرىلعىلار قۇرىلىسىنىڭ دارەجەسىن جوعارىلاتۋدى كۇشەيتىپ، جاڭا ۇرپاق سۋپەر كومپيۋتەر، بۇلتتىق ەسەپتەۋ، جاساندى زەردە تۇعىرى، كەڭ بەلدەۋلى نەگىزدىك تور سياقتى قۇرىلعىلاردى ورنالاستىرىپ سالىپ، ەلەۋلى عىلىم - تەحنيكالىق نەگىزدىك قۇرىلعىلاردى ورنالاستىرىپ، سالۋدى ىلگەرىلەتۋ، كەشەندى قاتىناس تورابى، سونداي - اق جيناۋ، جونەلتۋ، تاسۋ جۇيەسى قۇرىلىسىن كۇشەيتىپ، ءبىر توپ تارماق جەلى اۋەجايلارىن، جالپىلىق اۋەجايلارىن جانە جۇك تاسىمالى اۋەجايلارىن ورنالاستىرىپ سالۋ كەرەك. قالا نەگىزدىك قۇرىلعىلارى قۇرىلىسىن كۇشەيتىپ، جوعارى ساپالى تۇرمىس كەڭىستىگىن تۇلعالاپ، قالالار شوعىرىنىڭ قاتىناسىن ءبىر تۇلعالاندىرۋدى ىلگەرىلەتىپ، قولايلى، جوعارى ءونىمدى قالا ارالىق تەمىر جول تورابىن سالىپ، قالا الاپتىق (ماڭى) تەمىر جولى مەن قالا رەليس قاتىناسىن دامىتىپ، قالا كەشەندى جول قاتىناسى جۇيەسىن سالۋدى ىلگەرىلەتىپ، جەر استى كەشەندى قۇبىر - ءدالىز قۇرىلىسىن تارتىپپەن ىلگەرىلەتىپ، قالانىڭ تاسقىننان ساقتانۋ، ىركىلگەن سۋدى سارقۋ، لاس سۋ مەن قوقىر - قوقسىقتى جيناۋ - ءبىر جاقتى ەتۋ جۇيەسى قۇرىلىسىن كۇشەيتۋ، اپاتتان ساقتانۋ، اپات زيانىن ازايتۋ نەگىزدىك قۇرىلعىلار قۇرىلىسىن كۇشەيتۋ، الەۋمەتتىك دەنساۋلىق ساقتاۋ بويىنشا شۇعىل جاعدايعا توتەپ بەرۋ قۇرىلعىلارى قۇرىلىسىن كۇشەيتۋ، زەردەلى جول، زەردەلى ەلەكتر كوزى، زەردەلى الەۋمەتتىك قاتىناس سياقتى زەردەلى نەگىزدىك قۇرىلعىلار قۇرىلىسىن كۇشەيتۋ كەرەك. اۋىل شارۋاشىلىعى، اۋىل - قىستاق نەگىزدىك قۇرىلعىلارى قۇرىلىسىن كۇشەيتىپ، اتىز، سۋ يگىلىگى قۇرىلعىلارىن كەمەلدەندىرىپ، جوعارى ولشەمدى اتىز قۇرىلىسىن كۇشەيتىپ، ”4 جاقسى اۋىل - قىستاق جولىن“ سالۋدى ورنىقتى ىلگەرىلەتىپ، اۋىل - قىستاق قاتىناس - تاسىمال جۇيەسىن كەمەلدەندىرىپ، قالا، اۋىل سۋىق تىزبەكتىك زات تاسىمالى قۇرىلعىلارى قۇرىلىسىن جەدەلدەتىپ، كولەمدەنگەن سۋمەن قامداۋ ينجەنەرياسىن اتقارىپ، اۋىل - قىستاق لاس سۋىن جانە قوقىر - قوقسىقتارىن جيناۋ - ءبىر جاقتى ەتۋ قۇرىلعىلارى قۇرىلىسىن كۇشەيتىپ، نەگىزدىك قۇرىلعىلاردى وسىزامانداندىرۋ ارقىلى اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەبەۋ كەرەك. مەملەكەت حاۋىپسىزدىگى نەگىزدىك قۇرىلعىلارى قۇرىلسىن كۇشەيتىپ، توتەنشە جاعدايلارعا توتەپ بەرۋ قابىلەتىن جەدەل جوعارىلاتۋ كەرەك.

  ءماجىلىس مىنالاردى باسا دارىپتەدى: نەگىزدىك قۇرىلعىلار قۇرىلىسىنىڭ تىرەگىن، قامتاماسىزدىعىن كۇشەيتۋ كەرەك. پارتيا ورتالىق كوميتەتىنىڭ ءبىر تۇتاس باسشىلىعىندا، ەلەۋلى نەگىزدىك قۇرىلعىلار قۇرىلىسى سايكەستىرۋ مەحانيزمىن ورناتىپ، سالالارداعى، وڭىرلەردەگى نەگىزدىك قۇرىلعىلاردى جوبالاۋدى جانە سالۋدى ءبىر تۇتاس جوسپارلاپ سايكەستىرىپ، جەردەن پايدالانۋ، تەڭىزدەن پايدالانۋ، ەنەرگيادان پايدالانۋ سياقتى بايلىق فاكتورلارى قامتاماسىزدىعىن كۇشەيتۋ كەرەك. نەگىزدىك قۇرىلعىلار قۇرىلىسىنىڭ قارجى قۇراۋ سۇرانىسىنا ۇيلەسىپ، ۇزاق مەزگىلدىك قارجى ىڭعايلاستىرۋ ارناسىن كەڭەيتىپ، قازىنالىق ۇسىنىلىمدى ارتتىرىپ، مەملەكەتتىڭ كەلەلى نەگىزدىك قۇرىلعىلار قۇرىلىسىنىڭ قارجى سۇرانىسىن اناعۇرلىم ويداعىداي شوعىرلى قامتاماسىز ەتۋ كەرەك. ۇكىمەتتىك جانە قوعامدىق كاپيتالدىڭ سەلبەستىك ۇلگىسىنىڭ ولشەمدى دامۋىن، اشىق - جاريا جۇمىس ىستەۋىن ىلگەرىلەتىپ، قوعامدىق كاپيتالدى قالا ىستەرى قۇرىلعىلارىنا قارجى قوسۋعا، جۇرگىزۋگە جەتەكتەۋ كەرەك. جاڭالىق اشۋ ارقىلى دەم بەرۋگە تاباندى بولىپ، شەشۋشى، وزەكتى تەحنيكالاردى زەرتتەپ اشۋدى نىعايتىپ، نەگىزدىك قۇرىلعىلار تەحنيكاسىن ءوز كۇشىنە سۇيەنىپ تىزگىندەۋ ورەسىن جوعارىلاتۋ كەرەك. كولەمى زور عىلىم - تەحنيكا دارىندىلارى قوسىنىن سومداپ، جوعارى تەحنيكالىق شەبەرلىك دارىندىلارى قوسىنىن الۋەتتەندىرىپ، زور توپتاعى ۇزدىك ينجەنەرلەردى جەتىلدىرۋ كەرەك.

  ءماجىلىس مىنالاردى اتاپ كورسەتتى: پارتيا 19 - قۇرىلتايىنان بەرى ورتالىق قازىنا - ەكونوميكا كوميتەتى ءتۇبىرلى جانە ۇزاق بولاشاققا ساياتىن ءبىر توپ ەلەۋلى ماسەلەلەرگە ىشكەرىلەي زەرتتەۋ جۇرگىزىپ، ستراتەگيالىق جەتەكتەۋ رولىن ساۋلەلەندىردى. پارتيا ورتالىق كوميتەتىنىڭ ەكونوميكالىق قىزمەتكە باسشىلىعىن كۇشەيتۋدە ساياسي جاقتان جەتەكشىلىك ەتۋگە، ماڭىزدى ءتۇيىنىن يگەرىپ، جۇلگەسىن ايقىنداۋعا ءمان بەرۋ، دامۋ مەن حاۋىپسىزدىكتى ءبىر تۇتاس جوسپارلاۋعا ءمان بەرۋ، ستراتەگيالىق تاكتيكانى عىلىمي جاساۋعا ءمان بەرۋ، امالياتتا جاڭالىق اشۋعا، نازاريادا جاڭالىق اشۋعا ءمان بەرۋ، ۇزاق ۋاقىت پەن تاياۋ مەزگىلدى ۇشتاستىرۋعا، ۇستىنەن وڭاۋ مەن تۇبىرىنەن وڭاۋدى بىردەي جۇرگىزۋگە ءمان بەرۋ، تياناقتاندىرۋدى مىقتاپ يگەرۋگە ءمان بەرۋ كەرەك.

  ءماجىلىس مىنالاردى باسا دارىپتەدى: دامۋ مەن حاۋىپسىزدىك سىندى ەكى ءىرى ءىستى ءبىر تۇتاس جوسپارلاپ، تومەنگى شەكتە ويلاۋدى بەرىك ورناتىپ، ەلەۋلى حاۋىپ - قاتەرلەردى مەجەلەۋ، ساقتاندىرۋ قابىلەتىن شىن مانىندە كۇشەيتىپ، شىنايى كادەگە جارايتىن توتەپ بەرۋ جوباسى، سونداي - اق ناقتى، اتقارۋعا بولاتىن شارا بولۋ كەرەك. وڭىرلەر، تاراۋلار ورتالىق قازىنا - ەكونوميكا كوميتەتىنىڭ شەشىمدەرىنىڭ، ورنالاستىرۋلارىنىڭ رۋحىن دالمە - ءدال ءتۇسىنىپ، ىرىقتىلىقپەن جاۋاپكەرشىلىك ارقالاپ، بەلسەندىلىكپەن ىسكەرلىك كورسەتىپ، شەشىمدەردىڭ، ورنالاستىرۋلاردىڭ ناقتى، ويداعىداي تياناقتانۋىن بىرگە ىلگەرىلەتۋ كەرەك. باعالاۋدى، قۋزاۋ - جەتەكشىلىك ەتۋدى كۇشەيتىپ، جالپىلىق تەڭگەرۋدى جاقسى ىستەپ، ماسەلە بولسا دەر كەزىندە اعاتتىقتى تۇزەتۋ كەرەك. دايەكتىلەندىرۋدىڭ، تياناقتاندىرۋدىڭ ونىمدىلىگىن نىعايتىپ، ءار جاقتىڭ دايەكتىلەندىرۋ، تياناقتاندىرۋ ونىمدىلىگىن امالياتتىق ناتيجە ارقىلى باعالاۋ كەرەك. بازار مەجەسىن ويداعىداي جەتەكتەپ، ساياساتتىڭ باعدارى مەن پرينسيبىن ايقىن ءتۇسىندىرىپ، بازار سەنىمىن ورنىقتىرۋ كەرەك. قۋزاۋدى، تەكسەرۋدى كۇشەيتىپ، ونىمدىلىگىن قاداعالاي قۋزاپ، دايەكتىلەندىرۋ، تياناقتاندىرۋ ونىمدىلىگىن ۇزدىكسىز جوعارىلاتۋ كەرەك.

  ورتالىق قازىنا - ەكونوميكا كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.