ورتالىق اسكەري ىستەر كوميتەتى كەڭسەسى
جاڭادان وزگەرىس ەنگىزىلگەن «اسكەريلەر كوميتەتى قىزمەت بەلگىلەمەسىن» باسىپ تاراتتى
شينحۋا اگەنتتىگىنىڭ 4 - ايدىڭ 26 - كۇنى بەيجيڭنەن بەرگەن حابارى. ورتالىق اسكەري ىستەر كوميتەتىنىڭ بەكىتۋىمەن، ورتالىق اسكەري ىستەر كوميتەتى كەڭسەسى جۋىقتا جاڭادان وزگەرىس ەنگىزىلگەن «اسكەريلەر كوميتەتى قىزمەت بەلگىلەمەسىن» (تومەندە قىسقارتىلىپ «بەلگىلەمە» دەلىنەدى) باسىپ تاراتتى، 2022 - جىلى 5 - ايدىڭ 1 - كۇنىنەن باستاپ اتقارىلادى.
جاڭادان وزگەرىس ەنگىزىلگەن «بەلگىلەمە» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، ارميامىزدىڭ نەگىزگى ساتى ۇيىمدىق جۇيەسى قۇرىلىسىن كۇشەيتۋ، ”ءۇش ۇلكەن دەموكراتيانى“ بەكەمدەۋ، دامىتۋ سىندى ەرەكشە ساياسي ابزالدىلىعىن كوزدە ۇستاپ، بۇقارالىق لۋشياندى دايەكتىلەندىرىپ، ماسەلەنى باعدار ەتۋدى كورنەكتىلەندىرىپ، رەفورما جاساۋعا، جاڭالىق اشۋعا باسا ءمان بەرىپ، جاڭا داۋىردەگى اسكەريلەر كوميتەتى قىزمەتىن جۇيەلى ارناعا ءتۇسىردى، كەمەلدەندىردى.
جاڭادان وزگەرىس ەنگىزىلگەن «بەلگىلەمە» جالپى 7 تاراۋ 45 تارماق، وزگەرىس ەنگىزىلگەن مازمۇندارى، باستىسى، اسكەريلەر كوميتەتىنىڭ نەگىزگى ساتى بۇقارالىق ۇيىمى رەتىندەگى سيپاتتىق ورنىن يگەرىپ، قىزمەت ورىستەتۋدىڭ جەتەكشى پرينسيبىن ايقىنداپ، نەگىزگى ساتى دەموكراتيالىق قيمىلدارىنىڭ دۇرىس بەتالىسىنا شىنايى كەپىلدىك ەتۋ؛ جاڭا ءتۇزىلىستى جاساۋ ەرەكشەلىگىنە سايكەسىپ، ۇقساماعان تۇردەگى نەگىزگى ساتى ورىندارىنىڭ اسكەريلەر كوميتەتىن قۇرۋ، جارىققا شىعارۋ تاسىلىندە جاڭالىق اشىپ، ارناعا ءتۇسىرىپ، ۇيىم مەن قىزمەتتىڭ قامتۋ اياسىن كەڭەيتۋ؛ سوعىس ارقىلى قۇرىلىسقا جەتەكشىلىك ەتۋ، سوعىس ءۇشىن قۇرىلىستى يگەرۋ تالابىن دايەكتىلەندىرىپ، اسكەريلەر كوميتەتىنىڭ قىزمەت جاۋاپكەرشىلىگىن، قيمىل دانەكەرىن جانە سوعىس كەزىندەگى قىزمەتىن ارناعا ءتۇسىرىپ، نەگىزگى ساتى دەموكراتياسىن ساۋلەلەندىرۋدىڭ كۇش سالۋ ءتۇيىنىن بەلسەندى فاكتورلاردى جۇمىلدىرۋ، وفيتسەر - اسكەرلەردىڭ اقىل - پاراساتىن توپتاۋ، وزەكتى مىندەتتى ورىنداۋ جاعىنا قويۋ؛ جاڭا داۋىردە نەگىزگى ساتى دەموكراتياسىن ساۋلەلەندىرۋدىڭ جاڭا تالابىنا ۇيلەسىپ، ساياسي دەموكراتيانىڭ، ەكونوميكالىق دەموكراتيانىڭ، اسكەري ىستەر دەموكراتياسىنىڭ مازمۇنىن اشالاپ، ارناعا ءتۇسىرىپ، نەگىزگى ءادىسى مەن تالابىن ايقىنداۋ؛ پارتيا ۇيىمىنىڭ اسكەريلەر كوميتەتى قىزمەتىنە بولعان باسشىلىعىن كۇشەيتۋگە قاتىستى تالاپتاردى اشالاپ، اسكەريلەر كوميتەتىنىڭ ۇيىمدىق اقاۋسىزدىعىن، ءتۇزىمىنىڭ تياناقتانۋىن، قيمىلدارىنىڭ ۇدايىلانۋىن، رولىنىڭ كورنەكتىلەنۋىن جەبەۋ.
