ما شيڭرۇي حوتان ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
تومەنگى شەكتە ويلاۋعا تاباندى بولىپ، ”ەكىنى ءبىر تۇتاس جوسپارلاپ“ پارتيا 20 - قۇرىلتايىنىڭ جەڭىسپەن اشىلۋىنا تاماشا ورتا ازىرلەۋ كەرەك
4 - ايدىڭ 25 - كۇنىنەن 26 - كۇنىنە دەيىن اۆتونوميالى رايوندىق پارتكومنىڭ شۋجيى ما شيڭرۇي حوتان ايماعىندا تەكسەرۋ - زەرتتەۋ جۇرگىزدى. سۋرەتتە: 4 - ايدىڭ 26 - كۇنى ما شيڭرۇي كەريا اۋداندىق قوعام حاۋىپسىزدىگى مەكەمەسىنە بارىپ، ورنىقتىلىقتى قورعاۋ قولباسشىلىق جۇيە قۇرىلىسىنىڭ اينالىم جاعدايىن ەگجەي - تەگجەيلى ۇعىستى.
سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ ءتىلشىسى ياۋ تۇڭ 4 - ايدىڭ 26 - كۇنى شەريادان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 4 - ايدىڭ 25 - كۇنىنەن 26 - كۇنىنە دەيىن ىلگەرىندى - كەيىندى حوتان ايماعىنىڭ نيە اۋدانى، كەريا اۋدانى، شەريا اۋدانى سياقتى جەرلەرگە بارىپ تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ، پارتيا ورتالىق كوميتەتىنىڭ حاۋىپ - قاتەر جاعدايى جونىندەگى كەلەلى تۇجىرىمدارى مەن حاۋىپ - قاتەردەن ساقتانۋ قىزمەتىنە قويعان ساياسي تالاپتارى مەن قىزمەت تالاپتارىن تەرەڭ ءتۇسىنىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، تومەنگى شەكتە ويلاۋ ارقىلى حاۋىپ - قاتەردەن ساقتانۋعا جانە ونى جويۋعا تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ورنىقتى دا اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، سالتى دۇرىس، ستيلى پاك ساياسي ورتانى ساقتاپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
نيە اۋداندىق قوعام حاۋىپسىزدىگى مەكەمەسىندە، قالا - قالاشىق ساقشى بولىمشەسىندە، 01 ءنومىرلى حالىققا قولايلى ساقشى ىستەر پۋنكتىندە جانە كەريا اۋداندىق قوعام حاۋىپسىزدىگى مەكەمەسىندە، ارال ساقشى بولىمشەسىندە ما شيڭرۇي ورنىقتىلىقتى قورعاۋ قولباسشىلىق جۇيەسى قۇرىلىسىنىڭ اينالىمى، نەگىزگى ساتى قوعام حاۋىپسىزدىگى مەكەمەلەرىنىڭ حالىققا قولايلى قىزمەت وتەۋى سياقتى جاعدايلاردى ەگجەي - تەگجەيلى ۇعىستى، بۇكىل رايونىمىزداعى ساياسي - زاڭ جۇيەسىنىڭ قوسىندى باسقارۋدى قاتايتىپ، تاسقىنداعان كۇرەس جىگەرى مەن باياندى جاۋىنگەرلىك قۋاتىنان قاي - قاشان دا جازباي، لاڭكەستىككە قارسى تۇرۋ جانە ۇشقارىلىقتى الاستاۋ كۇرەسىن زاڭ بويىنشا ورىستەتىپ، زاڭعا قايشى ءتۇرلى قىلمىستىق ارەكەتتەرگە دالمە - ءدال سوققى بەرىپ، ەلەۋلى زورلىقتى كۇش لاڭكەستىك دەلولارىنىڭ تۋىلۋىنان باتىل ساقتانىپ، مەملەكەتتىڭ حاۋىپسىزدىگى مەن شينجياڭنىڭ قوعامدىق كەلەلى جاعدايىنىڭ ورنىقتىلىعىن باتىل قورعاپ، اركىم ءوز جاۋاپكەرشىلىگىن ءبىلۋدى، اركىم ءوز جاۋاپكەرشىلىگىن ارقالاۋدى، اركىم ءوز جاۋاپكەرشىلىگىن ادا ەتۋدى باتىل ورىنداۋى كەرەكتىگىن باسا دارىپتەدى.
شەريا اۋداندىق، نيە اۋداندىق حالىق پروكۋراتۋراسىندا، حالىق سوتى مەكەمەسىندە ما شيڭرۇي سوتتىڭ تەرگەۋ جۇرگىزۋىن كوردى، پروكۋرورلاردىڭ الەۋمەتتىك شاعىم ايتۋ دەلولارى سياقتى جاعدايلاردى ۇعىستى، سوتقا تارتۋ جانە پروكۋرورلىق فۋنكتسياسىن زاڭ بويىنشا اتقارۋ قىزمەت مالىمەتىن تىڭدادى. ما شيڭرۇي بىلاي دەپ باسا دارىپتەدى: مەملەكەت حاۋىپسىزدىگىن، قوعام تىنىشتىعىن، حالىقتىڭ اماندىعىن قورعاۋ كەلەلى جاۋاپكەرشىلىگىن شىنايى ويداعىداي ارقالاپ، الەۋمەتتىك حاۋىپسىزدىككە اۋىر قاتەر توندىرگەن، بۇقارانىڭ حاۋىپسىزدىگىنە اۋىر نۇقسان جەتكىزگەن قىلمىستاردى قاتاڭ جازالاپ، حالىق بۇقاراسىنا ادىلدىكتىڭ، تۋراشىلدىقتىڭ جاندارىندا ەكەندىگىن شىنايى سەزىندىرۋ كەرەك.
ما شيڭرۇي بىلاي دەپ باسا دارىپتەدى: شي جينپيڭنىڭ زاڭمەن باسقارۋ يدەياسىن مۇقيات ۇيرەنىپ، دايەكتىلەندىرىپ، جالپىلىق مەملەكەت حاۋىپسىزدىگى كوزقاراسىن دايەكتىلەندىرىپ، تياناقتاندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى زاڭمەن باسقارىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ، شينجياڭدى گۇلدەندىرىپ، شينجياڭدى باياندى كوركەيتىپ، ورنىقتىلىقتى شينجياڭنىڭ گۇلدەنۋىنىڭ، دامۋىنىڭ نەگىزگى العى شارتى ەتۋگە تاباندى بولىپ، دامۋدى شينجياڭنىڭ باياندى تىنىشتىعىنىڭ ماڭىزدى نەگىزى ەتىپ، شينجياڭدى ورنىقتىرۋ، شينجياڭنىڭ تىنىشتىعىن ساقتاۋ ستراتەگيالىق بيىك تۇرعىسىن شىعار ءتۇيىن ەتۋگە تاباندى بولىپ، رەفورمانىڭ، دامۋدىڭ، ورنىقتىلىقتىڭ قاتىناسىن دۇرىس ءبىر جايلى ەتىپ، قوعام ورنىقتىلىعىن ساقتاۋ بارىسىندا رەفورمانى، دامۋدى ىلگەرىلەتىپ، رەفورما، دامۋ ارقىلى قوعام ورنىقتىلىعىن جەبەپ، جوعارى ساپالى دامۋ مەن جوعارى دەڭگەيدەگى حاۋىپسىزدىكتىڭ تاماشا ىقپالداستىعىن قۇلشىنا جۇزەگە اسىرىپ، شينجياڭنىڭ قوعام ورنىقتىلىعىن قورعاۋ، باياندى تىنىشتىقتى ىلگەرىلەتۋ ءىس جۇزىندىك ارەكەتى ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك. لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋدى، ۇدايىلاندىرۋدى جالپى بەتتىك ىلگەرىلەتىپ، ورنىقتىلىقتى قورعاۋ قولباسشىلىق جۇيەسى مەن قىزمەت مەحانيزمىن اقاۋسىزداندىرىپ، كەمەلدەندىرىپ، ساياساتتىق تاكتيكالاردى جانە ءادىس - امالداردى ساپالىلاندىرىپ، ناقتى شايقاستى، ناقتى قولدانىلمالىلىقتى، ناقتى ونىمدىلىكتى كورنەكتىلەندىرىپ، بايلىقتى عىلمي، دالمە - ءدال جايعاستىرىپ، لاڭكەستىككە قارسى تۇرىپ، ورنىقتىلىقتى قورعاۋ شەشىمدەرىنىڭ اناعۇرلىم عىلمي، مىندەت جاۋاپكەرشىلىگىنىڭ اناعۇرلىم ايقىن، قولباسشىلىقتىڭ اناعۇرلىم كاسىبي، ساقتانۋ - تىزگىندەۋدىڭ اناعۇرلىم دالمە - ءدال بولۋىن ىلگەرىلەتىپ، قاشاندا زاڭمەن باسقارۋ ارناسىندا جۇمىس اتقارۋعا، ولشەمدى، ەگجەي - تەگجەيلى، ۇدايىلانعان، ماماندىققا قاراي بۇرىلىس جاساۋ؛ حالىق بۇقاراسىنىڭ ادىلدىككە، تۋراشىلدىققا دەگەن اناعۇرلىم جوعارى قاجەتىن ۇزدىكسىز قاناعاتتاندىرىپ، شينجياڭدى زاڭمەن باسقارۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى بىردەي ىلگەرىلەتۋگە، زاڭمەن باسقارىلاتىن شينجياڭدى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ءبىر تۇلعادا قۇرۋدا تاباندى بولىپ، عىلمي زاڭ ەرەجە شىعارۋدى، زاڭدى قاتاڭ اتقارۋدى، ءادىليانىڭ ادىلدىگىن، جالپى حالىقتىڭ زاڭعا بويسۇنۋىن ءبىر تۇتاس جوسپارلاپ ىلگەرىلەتىپ، حالىق بۇقاراسىنا ءاربىر دەلونى بىتىرۋدە، ءاربىر ءىستى ءبىر جايلى ەتۋدە ادىلدىكتى، تۋراشىلدىقتى قۇلشىنا سەزىندىرۋ؛ بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ ارناسىن تۇلعالاپ، حالىق بۇقاراسىنىڭ ىنتىماقتى، جاراسىمدىلىقتى قورعاۋ بەلسەندىلىگىن، ىرىقتىلىعىن تولىق جۇمىلدىرىپ، قوعامدىق قايشىلىقتاردان جانە كومەسكى كىناراتتاردان ساقتانۋدى، تىزگىندەۋدى سايكەستىرۋ مەحانيزمىن كەمەلدەندىرىپ، اقاۋسىزداندىرىپ، تۇيتكىل دەلو، ۋاقيعالاردىڭ اسقىنىپ ەلەۋلى جۇرت رايى ۋاقيعاسىنا اينالۋدان قاتاڭ ساقتانىپ، پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، بۇقارا ات سالىساتىن زاڭمەن باسقارۋ ارقىلى قامتاماسىز ەتىلەتىن قوعامدىق باسقارۋ ءتۇزىلىسىن جاپپاي قالىپتاستىرۋ؛ جالپىلىق مەملەكەت حاۋىپسىزدىگى كوزقاراسىن ىشكەرىلەي دايەكتىلەندىرىپ، تياناقتاندىرىپ، مەملەكەت حاۋىپسىزدىگىن ستراتەگيالىق ويمەن جوسپارلاۋعا، ورنالاستىرۋعا، ساياسي حاۋىپسىزدىكتى زاڭمەن باسقارۋ ويىمەن قورعاۋعا، سىرتپەن بولعان كۇرەستى جۇيەلى ويمەن ورىستەتۋگە، دامۋ مەن حاۋىپسىزدىكتى ديالەكتيكالىق ويمەن ءبىر تۇتاس جوسپارلاۋعا، حاۋىپ - قاتەردەن، سىن - سايىستاردان تومەنگى شەكتە ويلاۋ ارقىلى ساقتانۋعا جانە ونى جويۋعا تاباندى بولىپ، شىنجياڭنىڭ ءىس جۇزىندىگىنە ۇيلەسەتىن، جۇيەلى، كەمەلدى، عىلمي، جۇيەگە تۇسكەن، اينالىمى ءونىمدى مەملەكەت حاۋىپسىزدىگى ءتۇزىم جۇيەسىن ورناتۋدى ىلگەرىلەتۋ كەرەك.
تەكسەرۋ - زەرتتەۋ كەزىندە ما شيڭرۇي تاعى قۇربان تۇلىم ەسكەرتكىش سارايىن جانە كەريا اۋداندىق مۇراجايدى، داماگوۋ بۇددا ءدىنى ەسكى جۇرتى مۇراجايىن ەكسكۋرسيالاپ، لۇڭحۋ مەملەكەت سازدىق باقشاسى، نيە اۋداندىق تاس جول، تەمىر جول ۇلاسپالى تاسىمالى زات اينالىمى پورتى، كەريا اۋدانى تيانجين ونەركاسىپ باقشا رايونىنا كەلىپ، شينجياڭدى مادەنيەتپەن نارلەندىرۋ ينجەنەرياسىن اتقارۋ، ەكولوگيالىق ورتانى قالپىنا كەلتىرۋ جانە زات اينالىمىنىڭ ىركىلىسسىزدىگىن قامتاماسىز ەتۋ، ساۋداگەر شاقىرىپ قارجى ەنگىزۋ سياقتى قىزمەت جاعدايىن ۇعىستى. ما شيڭرۇي بىلاي دەپ باسا دارىپتەدى: ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ءىشىنارالىق ىندەتتى زاڭ بويىنشا، عىلمي، دالمە - ءدال، جىلدام، جوعارى ءونىمدى ءبىر جايلى ەتىپ، بازاردى رەتتەۋ - مەڭگەرۋدى جانە باقىلاپ - باسقارۋدى كۇشەيتىپ، كولىك اعىنىنىڭ، ادام اعىنىنىڭ بەتالىسىن عىلمي بولجاپ، تالداۋ جاساپ، ءوندىرىس حاۋىپسىزدىگى جاۋاپكەرشىلىگىن قاتاڭ تياناقتاندىرىپ، مەرەكە كەزىندە بازار قامداۋىنىڭ جەتكىلىكتى بولۋىنا، تەمىر جول، تاس جولدىڭ ىركىلىسسىز بولۋىنا، ءوندىرىس حاۋىپسىزدىگىنىڭ ورنىقتى، ءتارتىپتى بولۋىنا شىنايى كەپىلدىك ەتۋ كەرەك.
اۆتونوميالى رايون باسشىلارىنان ۋاڭ ميڭشان، قادەن كابەن، چىن ميڭگو، باھارگۇل سامەت، لي يۇڭجۇن قاتارلىلار تەكسەرۋ - زەرتتەۋگە قاتىناستى.
