شينحۋا اگەنتتىگىنىڭ 4 - ايدىڭ 27 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى «مەملەكەتتىڭ ”14 - بەسجىلدىق“ مەزگىلىندەگى فيلوسوفيا - قوعامدىق عىلىمداردى دامىتۋ جوباسىن» (تومەندە قىسقارتىلىپ «جوبا» دەلىنەدى) باسىپ تاراتىپ، جۇڭگوشا ەرەكشەلىككە يە فيلوسوفيا - قوعامدىق عىلىمدار قالىپتاستىرۋدى جەدەلدەتۋ جونىندە پارتيا ورتالىق كوميتەتى العا قويعان ستراتەگيالىق مىندەتتەردى دايەكتىلەندىرۋدى، تياناقتاندىرۋدى ارقاۋ ەتىپ، ”14 - بەسجىلدىق“ مەزگىلىندەگى فيلوسوفيا - قوعامدىق عىلىمداردىڭ دامۋى جونىندە جالپى تۇلعالىق جوبا جاسادى.
«جوبادا» مىنالار تالاپ ەتىلدى: فيلوسوفيا - قوعامدىق عىلىمدار قىزمەتىندە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭگونى تياناق ەتۋگە، شەتەلدەن ۇلگى الۋعا تاباندى بولىپ، تاريحتى اشىپ، قازىرگى زاماندى يگەرىپ، ادامزاتتىڭ قامىن ويلاپ، بولاشاقتى بەتكە الىپ، جۇڭگوشا ەرەكشەلىككە يە فيلوسوفيا - قوعامدىق عىلىمداردى جەدەل قالىپتاستىرۋدى نەگىزگى تاقىرىپ، عىلمي ءتول جاسامپازدىق قابىلەتىن جوعارىلاتۋدى نەگىزگى جەلى، ءپان جۇيەسى، عىلىم جۇيەسى، ءسوز جۇيەسى قۇرىلىسىن كۇشەيتۋدى تىرەك، ەلەۋلى نىسانداردى، ءتۇيىندى ينجەنەريالاردى، ماڭىزدى تۇعىرلاردى جەتەك، ءتۇزىلىس - مەحانيزمدەردە رەفورما جاساۋدى، جاڭالىق اشۋدى قوزعاۋشى كۇش ەتىپ، پاندەر ورنالاسىمى ساپالى، عىلمي نەگىزى مىعىم، عىلمي زەرتتەۋ دەڭگەيى جوعارى، قىزمەت وتەۋ قابىلەتى كۇشتى، حالىقارالىق ىقپالى زور جۇڭگوشا ەرەكشەلىككە يە فيلوسوفيا - قوعامدىق عىلىمدار قۇرۋعا قۇلشىنىپ، جاپپاي سوتسياليستىك وسىزاماندانعان مەملەكەت قۇرۋعا پارمەندى يدەيالىق جانە اقىل - پاراساتتىق قولداۋ ازىرلەۋ كەرەك.
«جوبادا» مىنالار ايقىندالدى: فيلوسوفيا - قوعامدىق عىلىمدار قىزمەتىندە، ءسوز جوق، پارتيانىڭ جالپى بەتتىك باسشىلىعىنا تاباندى بولۋ، پارتيانىڭ باسشىلىعىن قىزمەتتىڭ ءار جاعىندا تياناقتاندىرۋ؛ ”ەكى ءۇشىن“ بەتالىسىنا، ”بارلىق گۇل شەشەك اتۋ، جالپى جارىسا ءۇن قاتۋ“ باعىتىنا تاباندى بولىپ، حالىقتى وزەك ەتكەن زەرتتەۋ باعدارىن ورناتۋ؛ مايەكتى دامۋعا تاباندى بولىپ، فيلوسوفيا - قوعامدىق عىلىمداردىڭ ۇزدىكسىز دامۋ قابىلەتىن كۇشەيتۋ؛ تۋراشىلدىقتان اينىماي جاڭالىق اشۋعا تاباندى بولىپ، فيلوسوفيا - قوعامدىق عىلىمداردىڭ نەگىزگى تۇلعالىق سيپاتىن، ءتول جاسامپازدىق سيپاتىن كۇشەيتۋ؛ ءبىر تۇتاس جوسپارلاۋعا، سايكەستىرۋگە تاباندى بولىپ، فيلوسوفيا - قوعامدىق عىلىمدار قىزمەتىنىڭ ءبىر تۇتاس باسشىلىققا بويسۇناتىن، جۇمىس ءبولىسى بويىنشا سەلبەسەتىن، عىلمي، جوعارى ءونىمدى ارناسىن قالىپتاستىرۋ كەرەك.
«جوبادا» مىنالار باسا دارىپتەلدى: ماركسيزمنىڭ فيلوسوفيا - قوعامدىق عىلىمدارعا جەتەكشىلىك رولىن شىنايى ساۋلەلەندىرىپ، ماركسيزمدىك نازاريالاردى زەرتتەۋ جانە قۇرۋ ينجەنەرياسىن ىشكەرىلەي اتقارىپ، شي جينپيڭ جاڭا ءداۋىر جۇڭگوشا سوتسياليزم يدەياسىن زەرتتەۋدى، ءتۇسىندىرۋدى تەرەڭدەتىپ، كەڭەيتىپ، پارتيانىڭ جاسامپاز نازاريالارىنىڭ عىلمي تىرەگى جۇيەسىن قالىپتاستىرۋ كەرەك. ماركسيزمنىڭ نەگىزگى قاعيدالارىن جۇڭگونىڭ ناقتى ءىس جۇزىندىگىمەن بىرلەستىرۋگە، جۇڭحۋانىڭ تاڭداۋلى ءداستۇرلى مادەنيەتىمەن بىرلەستىرۋگە تاباندى بولىپ، ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتىپ، زامانىمىزداعى جۇڭگو ماركسيزمىن، 21 - عاسىر ماركسيزمىن دامىتۋ كەرەك.
«جوبادا» مىنالار اتاپ كورسەتىلدى: جۇڭگوشا ەرەكشەلىككە يە فيلوسوفيا - قوعامدىق عىلىمداردىڭ ءپان جۇيەسى، عىلىم جۇيەسى، ءسوز جۇيەسى قۇرىلىسىن جەدەلدەتۋ كەرەك. باسىمدىقتى كورنەكتىلەندىرۋ، سالالاردى كەڭەيتۋ، ولقىلىقتاردى تولىقتاۋ، جۇيەنى كەمەلدەندىرۋ تالابى بويىنشا، نەگىزدىك پاندەردىڭ اقاۋسىز، تىڭعىلىقتى، ءتۇيىندى پاندەر باسىمدىعىنىڭ كورنەكتى بولۋىن، جاڭا وركەندەگەن پاندەر مەن توعىسپالى پاندەردىڭ جاڭالىق اشا دامۋىن، نازارعا ىلىنە بەرمەيتىن پاندەردىڭ ۇرپاقتان - ۇرپاققا جالعاسىمى بولۋىن جەبەپ، جۇڭگوشا ەرەكشەلىككە جانە جالپىلىق مانگە يە پاندەر جۇيەسىن قالىپتاستىرۋ؛ عىلمي نازاريالار جۇيەسىندە، عىلمي زەرتتەۋلەردى ۇيىمداستىرۋ جۇيەسىندە، عىلمي تۇعىرلار تىرەگى جۇيەسىندە، عىلمي باعالاۋ - تەكسەرۋ جۇيەسىندە جاڭالىق اشىپ، ەلىمىزدىڭ فيلوسوفيا - قوعامدىق عىلىمدارىنىڭ ىرىقتىلىعىن، ءتول جاسامپازدىق سيپاتىن، جەرگىلىكتەنۋىن جانە باسەكەلىك قابىلەتىن كۇشەيتۋ؛ جۇڭگو ءداستۇرىن، جۇڭگو امالياتىن، جۇڭگو ماسەلەسىن عىلمي ءسوز جۇيەسىن ورناتۋدا نەگىزگە الار ءتۇيىن جانە تياناق ەتۋگە تاباندى بولىپ، جۇڭگوشا ەرەكشەلىككە، الەمدىك ىقپالعا يە بەلگى سيپاتىنداعى عىلمي ۇعىمداردى قورىتىپ شىعىپ، جۇڭگو عىلىمىنىڭ سىرتقا شىعۋ قادامىن جەدەلدەتىپ، گۋمانيتارلىق اۋىس - كۇيىستى تەرەڭدەتىپ، ءار جاقتىڭ ارتىقشىلىعىن كەڭىنەن قابىلداۋ بارىسىندا جۇڭگو عىلىمىنىڭ كەڭ كوز اياسىن، زور ارناسىن قالىپتاستىرۋ كەرەك.
«جوبادا» مىنالار العا قويىلدى: جۇڭگوشا ەرەكشەلىككە يە جاڭاشا اقىلماندار قويماسى قۇرىلىسىن كۇشەيتىپ، ماڭىزدى شەشىمدەر قابىلداۋعا ىقپال ەتە الاتىن، قوعامدىق ىقپالى، حالىقارالىق ىقپالى بار جاڭاشا اقىلماندار قويماسىنان ءبىر توبىن كۇش سالا قالىپتاستىرىپ، عىلمي، دەموكراتيالى، زاڭ بويىنشا شەشىم قابىلداۋدى ىلگەرىلەتۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ، مەملەكەتتىڭ جۇمساق كۇشىن ارتتىرۋ ءۇشىن تىرەك ازىرلەۋ كەرەك.
«جوبادا» مىنالار العا قويىلدى: جاڭا داۋىردەگى فيلوسوفيا - قوعامدىق عىلىم دارىندىلارى قوسىنى قۇرىلىسىن كۇشەيتىپ، دارىندىلاردى پارتيا باسقارۋ پرينسيبىنە تاباندى بولىپ، ادام تاربيەلەۋدى، دارىندى تاربيەلەۋدى وزەك ەتكەن فيلوسوفيا - قوعامدىق عىلىمداردىڭ جالپى تۇلعالىق دامۋ ستراتەگياسىن اتقارىپ، ءتۇرى تولىق، ساتىلىق قوسىندارى جالعاسپالى، قۇرىلىمى لايىقتى، كاسىبيلىگى كورنەكتى فيلوسوفيا - قوعامدىق عىلىم دارىندىلارى جۇيەسىن ورناتۋ كەرەك.
