تيانشان تورى   ›   جاڭالىقتار   ›   ماڭىزدى حابارلار

ەلىمىز كاپيتالىنىڭ اقاۋسىز دامۋىن زاڭ بويىنشا ارناعا ءتۇسىرىپ جانە وعان جەتەكشىلىك ەتىپ، كاپيتالدىڭ ماڭىزدى ءوندىرىس فاكتورى رەتىندەگى بەلسەندى رولىن ساۋلەلەندىرۋ كەرەك

شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 38 - رەتكى توپتىق ۇيرەنۋىندە بىلاي دەپ باسا دارىپتەدى

ەلىمىز كاپيتالىنىڭ اقاۋسىز دامۋىن زاڭ بويىنشا ارناعا ءتۇسىرىپ جانە وعان جەتەكشىلىك ەتىپ، كاپيتالدىڭ ماڭىزدى ءوندىرىس فاكتورى رەتىندەگى بەلسەندى رولىن ساۋلەلەندىرۋ كەرەك

  شينحۋا اگەنتتىگىنىڭ 4 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 4 - ايدىڭ 29 - كۇنى تۇستەن كەيىن ەلىمىز كاپيتالىنىڭ اقاۋسىز دامۋىن زاڭ بويىنشا ارناعا ءتۇسىرۋ جانە وعان جەتەكشىلىك ەتۋ جونىندە 38 - رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: كاپيتال − سوتسياليستىك بازار شارۋاشىلىعىنىڭ ماڭىزدى ءوندىرىس فاكتورى، سوتسياليستىك بازار شارۋاشىلىعى شارت - جاعدايىندا كاپيتالدىڭ دامۋىن ارناعا ءتۇسىرۋ جانە وعان جەتەكشىلىك ەتۋ كەلەلى ەكونوميكالىق ماسەلە، ءارى كەلەلى ساياسي ماسەلە، كەلەلى امالياتتىق ماسەلە، ءارى كەلەلى نازاريالىق ماسەلە بولىپ تابىلادى، ول سوتسياليستىك نەگىزگى ەكونوميكالىق تۇزىمگە تاباندى بولۋعا قاتىستى، رەفورما جاساۋ، ەسىك اشۋ نەگىزگى مەملەكەت ساياساتىنا قاتىستى، جوعارى ساپالى دامۋ مەن ورتاق بايۋعا قاتىستى، مەملەكەت حاۋىپسىزدىگى مەن قوعام ورنىقتىلىعىنا قاتىستى. ءسوز جوق، جاڭا ءداۋىر شارت - جاعدايىندا ەلىمىزدەگى ءتۇرلى كاپيتال جانە ونىڭ رولى جونىندەگى تانىمدى تەرەڭدەتىپ، كاپيتالدىڭ اقاۋسىز دامۋىن ارناعا ءتۇسىرىپ جانە وعان جەتەكشىلىك ەتىپ، ونىڭ ماڭىزدى ءوندىرىس فاكتورى رەتىندەگى بەلسەندى رولىن ساۋلەلەندىرۋ كەرەك.

  جۇڭگو حالىق داشۋەسىنىڭ ورىنباسار باستىعى، پروفەسسور ليۋ يۋانچۇن وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار تۇسىندىرمەنى مۇقيات تىڭدادى ءارى تالقى جۇرگىزدى.

   شي جينپيڭ ۇيرەنۋدى باسقارعاندا ماڭىزدى ءسوز سويلەدى. ول بىلاي دەپ باسا دارىپتەدى: پارتيانىڭ 100 جىلدىق كۇرەسى بارىسىندا ءبىز ماركسيزمنىڭ نەگىزگى قاعيداسىنا تاباندى بولىپ، ەلىمىزدىڭ مەملەكەت جاعدايى مەن تۇرلىشە مەزگىلدەگى نەگىزگى مىندەتىن نەگىزگە الىپ، كاپيتال جونىندەگى تانىمدى ۇزدىكسىز تەرەڭدەتىپ، كاپيتالدىڭ اقاۋسىز دامۋىن ارناعا ءتۇسىرۋ جانە وعان جەتەكشىلىك ەتۋ باعىت - ساياساتى جونىندە ۇزدىكسىز ىزدەنىس جاسادىق. پارتيا 11 - كەزەكتى ورتالىق كوميتەتى ءۇشىنشى جالپى ءماجىلىسى رەفورما جاساۋدى، ەسىك اشۋدى جولعا قويعاننان كەيىن، ءبىز مەنشىك ماسەلەسىندەگى ءداستۇرلى كوزقاراس بۇعاۋىن تالقانداپ، كاپيتال ماڭىزدى ءوندىرىس فاكتورى رەتىندە بازاردىڭ بايلىقتى جايعاستىراتىن قۇرالى، ەكونوميكانى دامىتۋ ءتاسىلى جانە شاراسى، سوتسياليستىك مەملەكەتتىڭ دە ءتۇرلى كاپيتالدان پايدالانىپ ەكونوميكالىق، قوعامدىق دامۋدى ىلگەرىلەتۋىنە بولادى دەپ قاراپ، جالپىلىق مەنشىكتى نەگىزگى تۇلعا ەتۋ، كوپ ءتۇرلى مەنشىكتەگى شارۋاشىلىق قاتار دامۋ، ەڭبەگىنە قاراي ءبولۋدى نەگىزگى تۇلعا ەتۋ، كوپ ءتۇرلى ءبولىس ءتاسىلى قاتار ءومىر ءسۇرۋ، سوتسياليستىك بازار شارۋاشىلىعى ءتۇزىلىسى سياقتى سوتسياليستىك نەگىزگى ەكونوميكالىق ءتۇزىمدى بىرتىندەپ تۇراقتاندىرىپ، جالپىلىق مەنشىكتەگى شارۋاشىلىقتى تيتتەي دە مىزعىماستان بەكەمدەۋدى جانە دامىتۋدى، جالپىلىق مەنشىككە جاتپايتىن شارۋاشىلىقتىڭ دامۋىنا تيتتەي دە مىزعىماستان شابىت بەرۋدى، قولداۋ كورسەتۋدى، جەتەكشىلىك ەتۋدى ورتاعا قويدىق ءارى وعان تاباندى بولدىق.

  شي جينپيڭ بىلاي دەپ اتاپ كورسەتتى: پارتيا 18 - قۇرىلتايىنان بەرى ءبىز سوتسياليستىك نەگىزگى شارۋاشىلىق تۇزىمىنە تاباندى بولدىق جانە ونى كەمەلدەندىردىك ءارى ”ەكىدەن تيتتەي دە اۋىقتىماۋدى“ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ نەگىزگى جالپى جوباسىنا ەنگىزىپ، پارتيا مەن مەملەكەتتىڭ ءىرى باعىت - ساياساتى رەتىندە ونان ارى تۇراقتاندىردىق. ءبىز رەفورمانى جاپپاي تەرەڭدەتىپ، بازاردىڭ بايلىقتى جايعاستىرۋىندا شەشۋشى رول اتقارۋىن، ۇكىمەت رولىن اناعۇرلىم ويداعىداي ساۋلەلەندىرۋدى باسا دارىپتەپ، ءتۇرلى كاپيتالدىڭ دامۋىنا اناعۇرلىم پايدالى بازار ورتاسىن جانە زاڭمەن باسقارۋ ورتاسىن قالىپتاستىردىق. ءبىز مونوپوليالاۋعا قارسى تۇرۋدى كۇشەيتىپ، كاپيتالدىڭ جۇيەسىز كەڭەيۋىنەن ساقتانىپ، حاۋىپ - قاتەردەن ءونىمدى ساقتانىپ، بازاردىڭ ءادىل باسەكەسىن قورعادىق. ءبىز فينانس حاۋىپ - قاتەرىنەن ساقتانۋعا جانە ونى جويۋعا كۇش سالىپ، ەكونوميكانىڭ امالياتتان الشاقتاپ، جالعاندىققا بەت الۋ نىسايىن جويىپ، قايىرسىز مال - مۇلىك حاۋىپ - قاتەرى، كوبىك حاۋىپ - قاتەرى سياقتىلاردى ءتۇيىندى تۇردە شەشتىك. ءبىز سىرتقا ەسىك اشۋدى ءۇرتىس كەڭەيتىپ، ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى، حالىقارا قوس اينالىمى ءبىرىن - ءبىرى جەبەيتىن جاڭا دامۋ ارناسىن كۇش سالا قالىپتاستىرىپ، اناعۇرلىم جوعارى دەڭگەيدەگى اشىق ەكونوميكا جاڭا ءتۇزىلىسىن ورناتتىق. ءبىزدىڭ كاپيتالدىڭ سيپاتى جونىندەگى تۇسىنىگىمىز بىرتىندەپ تەرەڭدەدى، كاپيتالدىڭ رولى جونىندەگى تانىمىمىز اناعۇرلىم جان - جاقتى بولدى، كاپيتال زاڭدىلىعىن يگەرۋىمىز اناعۇرلىم تەرەڭدەدى، كاپيتال اينالىمى جونىندەگى باسقارۋ قابىلەتىمىز ۇزدىكسىز جوعارىلادى.

  شي جينپيڭ بىلاي دەپ باسا دارىپتەدى: ەلىمىز رەفورما جاساعان، ەسىك اشقان 40 نەشە جىلدان بەرى كاپيتال جەر، ەڭبەككۇش، تەحنيكا، ساندى مالىمەت سياقتى ءوندىرىس فاكتورلارىمەن بىرگە سوتسياليستىك بازار شارۋاشىلىعىنىڭ گۇلدەنۋىنە، دامۋىنا ۇلەس قوستى، ءتۇرلى كاپيتالدىڭ بەلسەندى رولىن، ءسوز جوق، تولىق تۇراقتاندىرۋ كەرەك. قازىرگى كەزەڭدە ەلىمىزدە مەملەكەت مەنشىگىندەگى كاپيتال، كوللەكتيۆتىك كاپيتال، حالىقتىق كاپيتال، شەتەل كاپيتالى، ارالاسپا كاپيتال سياقتى ءتۇرلى فورماتسياداعى كاپيتال ءومىر سۇرۋدە ءارى كولەمى كورنەكتى ارتۋ، نەگىزگى تۇلعاسى اناعۇرلىم كوپ نەگىزدى بولۋ، اينالىم جىلدامدىعى تەزدەۋ، حالىقارالىق كاپيتال زور مولشەردە كىرۋ سياقتى ايقىن ەرەكشەلىك جارىققا شىقتى.

  شي جينپيڭ بىلاي دەپ اتاپ كورسەتتى: پارتيانىڭ باسشىلىعىنا جانە ەلىمىزدىڭ سوتسياليستىك تۇزىمىنە، ءسوز جوق، تاباندى بولىپ، دۇرىس ساياسي بەتالىستى مىقتى يگەرىپ، ماسەلەنى باعدار ەتۋگە، جۇيەلى ويلاۋعا تاباندى بولىپ، قازىرگى جاعدايدى تياناق ەتىپ، ۇزاق بولاشاقتى كوزدەپ، ىركىلىسسىزدەندىرۋ مەن تيۋدى ۇشتاستىرۋعا، تۇرگە ايىرىپ، شارا اتقارۋعا تاباندى بولىپ، دامۋ مەن حاۋىپسىزدىكتى، ونىمدىلىك پەن ادىلدىكتى، ومىرشەڭدىك كۇش پەن ءتارتىپتى، ەل ءىشى مەن حالىقارانى ءبىر تۇتاس جوسپارلاپ، جالپىلىق مەنشىككە جاتپايتىن كاپيتالدى قامتىعان ءتۇرلى كاپيتالدىڭ ومىرشەڭدىك كۇشىن قاۋلاتۋعا باسا ءمان بەرىپ، ونىڭ عىلىم - تەحنيكا العاباسارلىعىن جەبەۋدەگى، بازار شارۋاشىلىعىن گۇلدەندىرۋدەگى، حالىق تۇرمىسىنا قولايلىلىقتار اكەلۋدەگى، حالىقارالىق باسەكەگە ات سالىسۋداعى بەلسەندى رولىن ساۋلەلەندىرىپ، حالىق پەن مەملەكەت مۇددەسىنە باستان - اياق باعىنىپ جانە قىزمەت ەتىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ەسە قوسۋىنا مۇمكىندىك جاساۋ كەرەك.

  شي جينپيڭ بىلاي دەپ باسا دارىپتەدى: جاڭا ءداۋىر شارت - جاعدايىندا كاپيتال نازارياسىن زەرتتەۋدى كۇشەيتۋ كەرەك. سوتسياليستىك ءتۇزىم جاعدايىندا كاپيتالدىڭ اقاۋسىز دامۋىن قالاي ارناعا ءتۇسىرۋ جانە وعان جەتەكشىلىك ەتۋ كەرەك، بۇل جاڭا داۋىردەگى ماركستىك ساياسي ەكونوميكا، ءسوز جوق، زەرتتەپ شەشەتىن كەلەلى نازاريالىق جانە امالياتتىق ماسەلە. جاڭا جۇڭگو قۇرىلعاننان بەرگى، اسىرەسە، رەفورما جاساعاننان، ەسىك اشقاننان بەرگى كاپيتالعا مامىلە جاساۋداعى جانە ونى ءبىر جاقتى ەتۋدەگى ۇنامدى - ۇنامسىز ەكى جاقتى تاجىريبەنى ىشكەرىلەي قورىتىندىلاپ، سوتسياليستىك بازار شارۋاشىلىعى شارت - جاعدايىندا كاپيتال نازارياسىن زەرتتەۋدى تەرەڭدەتىپ، عىلمي نازاريامەن امالياتقا جەتەكشىلىك ەتىپ، ءتۇرلى كاپيتالدىڭ قايىرلى دامۋىن، بىرگە دامۋىن جەبەپ، ونىڭ وندىرگىش كۇشتى دامىتۋ، قوعامدىق بايلىق جاراتۋ، حالىقتىڭ ىرىس - قۇتىن ارتتىرۋ رولىن ساۋلەلەندىرۋ كەرەك.

  شي جينپيڭ بىلاي دەپ اتاپ كورسەتتى: ەلىمىز قوعامىندا ءومىر ءسۇرىپ وتىرعان ءتۇرلى كاپيتالدى جانە ولاردىڭ رولىن تاريحي تۇرعىدا، دامۋ تۇرعىسىنان، ديالەكتيكالىق تۇرعىدان تانۋ جانە يگەرۋ كەرەك. سوتسياليستىك بازار شارۋاشىلىعى تۇزىلىسىندە، كاپيتال ءتۇرلى ءوندىرىس فاكتورلارىن بىرىكتىرۋگە، جايعاستىرۋعا دەم بەرەتىن ماڭىزدى دانەكەر، قوعامدىق وندىرگىش كۇشتەردىڭ دامۋىن جەبەيتىن ماڭىزدى كۇش، كاپيتالدىڭ قوعامدىق وندىرگىش كۇشتەردىڭ دامۋىن جەبەۋدەگى بەلسەندى رولىن ساۋلەلەندىرۋ كەرەك. سونىمەن بىرگە، كاپيتالدىڭ پايداعا ۇمتىلۋ قاسيەتىنە يە ەكەندىگىن، ەگەر ارناعا تۇسىرىلمەسە جانە تەجەلمەسە ەكونوميكالىق، قوعامدىق دامۋعا ولشەۋسىز زيان جەتكىزەتىندىگىن، ءسوز جوق، تانىپ جەتۋ كەرەك. ءبىز جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، تۇرلىشە فورماتسياداعى كاپيتال اراسىنداعى قاتىناستى دۇرىس ءبىر جاقتى ەتىپ، سيپاتىن پارىقتاندىرىپ، ورنىن ايقىنداپ، ءتۇرلى كاپيتالدىڭ اقاۋسىز دامۋىن ارناعا ءتۇسىرۋىمىز جانە وعان جەتەكشىلىك ەتۋىمىز كەرەك.

  شي جينپيڭ بىلاي دەپ باسا دارىپتەدى: كاپيتال مەن مۇددە ءبولىسى ماسەلەسىن دۇرىس ءبىر جاقتى ەتۋ كەرەك. ەلىمىزدىڭ سوتسياليستىك مەملەكەت سيپاتى ءبىزدىڭ، ءسوز جوق، ەڭبەگىنە قاراي ءبولۋدى نەگىزگى تۇلعا ەتۋگە، كوپ ءتۇرلى ءبولىس ءتاسىلىنىڭ قاتار ءومىر سۇرۋىنە تاباندى بولىپ، قوعامدىق بولىستە حالىقتى بارىنەن جوعارى قويۋدى ايگىلەۋىمىز كەرەكتىگىن بەلگىلەگەن. ەكونوميكالىق دامۋدىڭ جالپىعا تيىمدىلىگىنە جانە العاشقى ءبولىستىڭ ادىلدىگىنە باسا ءمان بەرۋ ءارى كاپيتالدىڭ قوعامدىق بولىسكە ات سالىسىپ، ارتۋعا جانە دامۋعا قول جەتكىزۋىن قامتاماسىز ەتۋگە باسا ءمان بەرۋ، ونان دا ماڭىزدىسى، ەڭبەگىنە قاراي ءبولۋدىڭ نەگىزگى تۇلعالىق ورنىن قورعاۋعا باسا ءمان بەرىپ، دامۋ حالىق ءۇشىن بولۋعا، دامۋدا حالىققا سۇيەنۋگە، دامۋ جەتىستىگىنەن حالىقتى يگىلىكتەندىرۋگە تاباندى بولىپ، جالپى حالىق بىرگە باييتىن جولمەن مىزعىماي ءجۇرۋ كەرەك.

  شي جينپيڭ بىلاي دەپ اتاپ كورسەتتى: كاپيتال بازارى رەفورماسىن تەرەڭدەتۋ كەرەك. ەلىمىزدىڭ كاپيتال بازارىنىڭ نەگىزدىك ءتۇزىمىن ۇزدىكسىز كەمەلدەندىرىپ، كاپيتال بازارى يقۋاتىن اناعۇرلىم ويداعىداي ساۋلەلەندىرىپ، ءتۇرلى كاپيتالدىڭ دامۋىنا اناعۇرلىم كەڭ كەڭىستىكتى جارىققا شىعارۋ كەرەك. مال - مۇلىك ۇقىعىن قورعاۋ ءتۇزىمىن اقاۋسىزداندىرىپ، ءادىل باسەكە ساياساتىن اتقارۋدى ىشكەرىلەي ىلگەرىلەتىپ، ءادىل باسەكەنى تەكسەرۋ ءتۇزىمىن جاپپاي تياناقتاندىرىپ، ءتۇرلى بازار قامالىن جويىپ، ءتۇرلى كاپيتالدىڭ تەڭ ورايعا يە بولۋىنا، ءادىل كىرۋىنە، ءتارتىپتى باسەكەلەسۋىنە مۇمكىندىك جاساۋ كەرەك. اشىق ەكونوميكالىق ءتۇزىلىستى كەمەلدەندىرىپ، سىرتقا ەسىك اشۋ دەڭگەيىن ۇزدىكسىز جوعارىلاتىپ، قارجى قوسۋدىڭ قولايلى بولۋىن جەبەپ، ساپالى بازار ورتاسى ارقىلى اناعۇرلىم كوپ حالىقارالىق كاپيتالدى ەلىمىزدە قارجى قوسىپ، شارۋاشىلىقتى كوركەيتۋگە باۋراۋ كەرەك. ەلىمىز كاپيتالى مەن كاسىپورىندارىنىڭ دۇنيە جۇزىنە بەت الۋىنا قولداۋ كورسەتۋ جانە شابىت بەرۋ كەرەك.

  شي جينپيڭ بىلاي دەپ باسا دارىپتەدى: كاپيتالدىڭ دامۋىن ارناعا ءتۇسىرۋ جانە وعان جەتەكشىلىك ەتۋ كەرەك. ”باعدار شام“ ورناتىپ، كاپيتال دامۋىنىڭ زاڭ - ءتۇزىمىن اقاۋسىزداندىرىپ، جۇلگەسى ءبۇتىن، لوگيكاسى انىق، ءتۇزىمى كەمەلدى ەرەجە جۇيەسىن قالىپتاستىرۋ كەرەك. مال - مۇلىك ۇقىعىن قورعاۋ، كەلىسىمدى قورعاۋ، ءبىر تۇتاس بازار، تەڭ تۇرعىدا ايىرباس جاساۋ، ءادىل باسەكەلەسۋ، ءونىمدى باقىلاۋ - باسقارۋدى باعدار ەتىپ، ورىن تەۋىپ وتىرعان كورنەكتى ماسەلەلەرگە مەڭزەس قاتىستى زاڭداردى، زاڭ - ەرەجەلەردى ورناتۋدى، وعان وزگەرىس ەنگىزۋدى، كۇشىنەن قالدىرۋدى، ءتۇسىندىرۋدى ويداعىداي ىستەۋ كەرەك. كاپيتال بازارىنىڭ كىرۋ وتكەلىن قاتاڭ يگەرىپ، بازارعا كىرۋگە رۇقسات ەتۋ ءتۇزىمىن كەمەلدەندىرىپ، بازارعا كىرۋگە رۇقسات ەتۋ ءتىزىمىنىڭ عىلميلىعى مەن دالدىگىن جوعارىلاتۋ كەرەك. كاپيتال ارەكەتى ءتۇزىمى ەرەجەسىن كەمەلدەندىرۋ كەرەك. مونوپوليالاۋعا قارسى تۇرۋدى جانە ورىنسىز باسەكەگە قارسى تۇرۋدى باقىلاۋ - باسقارۋ بويىنشا زاڭ اتقارۋدى كۇشەيتىپ، بازاردى مەڭگەرۋ ورنىنان بەتالدى پايدالانۋ سياقتى مونوپوليالاۋ جانە ورىنسىز باسەكە ارەكەتىنە زاڭ بويىنشا سوققى بەرۋ كەرەك. وركەنيەتتى، اقاۋسىز، العا باسۋ، ىزگىلىككە ۇمتىلۋ سىندى سەنىمدىلىك مادەنيەتىن جەتىلدىرىپ، كاپيتال نەگىزگى تۇلعاسىن سوتسياليستىك وزەكتى قۇن كوزقاراسىن امالياتتا ايگىلەپ، سەنىمدىلىكتى، بەدەلدى دارىپتەۋگە، قوعامدىق جاۋاپكەرشىلىككە ءمان بەرۋگە، ءومىردىڭ دۇرىس جولىمەن جۇرۋگە تاربيەلەۋ، جەتەكتەۋ كەرەك.

  شي جينپيڭ بىلاي دەپ اتاپ كورسەتتى: كاپيتالدى باسقارۋ رولىن جاپپاي جوعارىلاتۋ كەرەك. تاجىريبەنى قورىتىندىلاپ، زاڭدىلىقتى يگەرىپ، ىزدەنىس جاساپ، جاڭالىق اشىپ، كاپيتالدى باسقارۋدىڭ باعىتتامالىلىعىن، عىلميلىلىعىن، ونىمدىلىگىن كۇشەيتىپ، ىستەن بۇرىن جەتەكشىلىك ەتۋ، ءىس بارىسىندا ساقتانۋ، ىستەن كەيىن باقىلاۋ - باسقارۋ ءوزارا ۇشتاسقان جالپى تىزبەكتى كاپيتالدى باسقارۋ جۇيەسىن اقاۋسىزداندىرۋ كەرەك. باقىلاۋ - باسقارۋ ءتۇزىلىس - مەحانيزمى رەفورماسىن تەرەڭدەتىپ، زاڭ بويىنشا باقىلاۋ - باسقارۋعا، ادىلەتتى باقىلاۋ - باسقارۋعا، تۋ باستان باقىلاۋ - باسقارۋعا، دالمە - ءدال باقىلاۋ - باسقارۋعا، عىلمي باقىلاۋ - باسقارۋعا تاباندى بولىپ، باقىلاۋ - باسقارۋ جاۋاپكەرشىلىگىن جاپپاي تياناقتاندىرىپ، باقىلاۋ - باسقارۋ تاسىلىندە جاڭالىق اشىپ، باقىلاۋ - باسقارۋ ولقىلىقتارىن تولىقتاپ، كاپيتالدى باقىلاۋ - باسقارۋ قابىلەتى مەن باقىلاۋ - باسقارۋ جۇيەسىن وسىزامانداندىرۋ دەڭگەيىن جوعارىلاتۋ كەرەك. زاڭداردا، زاڭ - ەرەجەلەردە ايقىندالماعاندارىن ”كىم تەكسەرىپ بەكىتسە سول باقىلاۋ - باسقارۋ، كىم جاۋاپتى بولسا سول باقىلاۋ - باسقارۋ“ پرينسيبى بويىنشا باقىلاۋ - باسقارۋ جاۋاپكەرشىلىگىن تياناقتاندىرۋ كەرەك. قاراستى جەر بويىنشا باقىلاۋ - باسقارۋدى كۇشەيتۋ كەرەك، جەرگىلىكتى ورىن قاراستى جەر بويىنشا باقىلاۋ - باسقارۋ جاۋاپكەرشىلىگىن جاپپاي تياناقتاندىرىپ، باقىلاۋ - باسقارۋدى تولىق تياناقتاندىرۋعا شىنايى كەپىلدىك ەتۋ كەرەك. كاسىپتى باسقارۋ مەن جالپىلىق باسقارۋ جۇمىس ءبولىسىن سايكەستىرۋ مەحانيزمىن كەمەلدەندىرىپ، كاسىپتى باقىلاۋ - باسقارۋ جانە فينانستى باقىلاۋ - باسقارۋ، شەتەل قارجىسىن باقىلاۋ - باسقارۋ، باسەكەنى باقىلاۋ - باسقارۋ، حاۋىپسىزدىكتى باقىلاۋ - باسقارۋ سياقتى جالپىلىق باقىلاۋ - باسقارۋدىڭ سايكەسە بىرلەسىپ ارەكەتتەنۋىن كۇشەيتۋ كەرەك. جۇيەلىك حاۋىپ - قاتەر جەتكىزۋى مۇمكىن ءتۇيىندى سالالاردى جانە ءتۇيىندى وبيەكتىلەردى دالمە - ءدال يگەرىپ، باسقارۋدىڭ بولجامدىعى مەن يكەمدىلىگىن كۇشەيتىپ، حاۋىپ - قاتەر بايقالعاندا ەرتە ءبىر جاقتى ەتۋ، ەرتە جويۋ كەرەك.

  شي جينپيڭ بىلاي دەپ باسا دارىپتەدى: كاپيتال سالاسىنداعى شىرىكتەسۋگە قارسى تۇرۋدى كۇشەيتىپ، شىرىكتەسۋگە قارسى تۇرۋدىڭ تەگەۋرىندى كۇيىن ساقتاپ، ۇقىقتى سۇيەنىش ەتكەن كاپيتالدىڭ پايداعا ۇمتىلۋ ارەكەتىنە باتىل سوققى بەرىپ، كاپيتالدىڭ جۇيەسىز كەڭەيۋى، تۇعىردى مونوپوليالاۋ سياقتى استارىنداعى شىرىكتەسۋ ارەكەتتەرىن كۇش سالا تەكسەرىپ ءبىر جاقتى ەتۋ كەرەك.

  شي جينپيڭ بىلاي دەپ اتاپ كورسەتتى: كاپيتالدىڭ اقاۋسىز دامۋىن ارناعا ءتۇسىرۋ جانە وعان جەتەكشىلىك ەتۋ پارتيانىڭ ەكونوميكالىق قىزمەتكە باسشىلىق ەتۋدەگى ماڭىزدى مازمۇنى. ءار دارەجەلى پارتكومدار ( پارتيا باسشىلىق گرۋپپاسى) يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، نەگىزگى تۇلعالىق جاۋاپكەرشىلىگىن شىنايى ارقالاپ، كاپيتالدى باسقارۋ قابىلەتىن جوعارىلاتىپ، ساياسات ۇگىتىن جانە مەجە جەتەكشىلىگىن كۇشەيتىپ، جۇيەلىك حاۋىپ - قاتەردىڭ تۋىلۋىنان باتىل ساقتانۋى كەرەك.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.