اۆتونوميالى رايوننىڭ عىلىم - تەحنيكادا جاڭالىق اشۋ جينالىسى اشىلدى
ما شيڭرۇي ءسوز سويلەدى، ەركىن تۇنياز باسقاردى، شاۋكەت يمىن، نۇرلان ءابىلماجىن، لي يفي، حى جۇڭيوۋ قاتىناستى
4 - ايدىڭ 29 - كۇنى اۆتونوميالى رايوننىڭ عىلىم - تەحنيكادا جاڭالىق اشۋ جينالىسى شينجياڭ حالىق سارايىندا اشىلدى. سۋرەتتە: جينالىس الاڭى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 4 - ايدىڭ 30 - كۇنى ۇرىمجىدەن حابارلايدى. اۆتونوميالى رايوننىڭ عىلىم - تەحنيكادا جاڭالىق اشۋ جينالىسى 4 - ايدىڭ 29 - كۇنى تۇستەن بۇرىن شينجياڭ حالىق سارايىندا اشىلدى. اۆتونوميالى رايوندىق پارتكومنىڭ شۋجيى ما شيڭرۇي جينالىسقا قاتىناستى ءارى ءسوز سويلەپ بىلاي دەپ باسا دارىپتەدى: باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋلارىنىڭ جانە شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، دامۋعا جاڭالىق اشۋ ارقىلى دەم بەرۋ ستراتەگياسىن، عىلىم - تەحنيكا ارقىلى شينجياڭدى گۇلدەندىرۋ ستراتەگياسىن جانە دارىندىلار جاعىندا قۋاتتى رايون بولۋ ستراتەگياسىن ىشكەرىلەي اتقارىپ، شينجياڭنىڭ عىلىم - تەحنيكادا جاڭالىق اشۋدا سەرپىلىستىك ىلگەرىلەۋشىلىككە قول جەتكىزۋىن جەبەپ، ەكونوميكانىڭ، قوعامنىڭ جوعارى ساپالى دامۋىنا جەتەكشىلىك ەتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز جينالىستى باسقاردى.
اۆتونوميالى رايون باسشىلارىنان شاۋكەت يمىن، نۇرلان ءابىلماجىن، لي يفي، حى جۇڭيوۋ جانە جۇڭگو عىلىم اكادەمياسىنىڭ اكادەميگى شياۋ ۋىنجياۋ قاتارلىلار جينالىسقا قاتىناستى.
جينالىستا 2021 - جىلدىق اۆتونوميالى رايوننىڭ عىلىم - تەحنيكا سيلىعىنا يە بولعان عىلىم - تەحنيكا جەتىستىكتەرى مەن ەرەكشە دارەجەلى سيلىققا يە بولعانداردى سيلاۋ جونىندەگى قاۋلى وقىلىپ، ەرەكشە دارەجەلى سيلىققا يە بولعان شياۋ ۋىنجياۋ، تيان لي - ۋىن جانە جاراتىلىستىق عىلىمدار سيلىعى، تەحنيكالىق تاپقىرلىق سيلىعى، عىلىم - تەحنيكا العاباسارلىعى سيلىعى بويىنشا 1 - دارەجەلى سيلىققا، 2 - دارەجەلى سيلىققا يە بولعانداردىڭ ۋاكىلدەرىنە كۋالىك بەرىلدى. ەرەكشە دارەجەلى سيلىققا يە بولعانداردىڭ ۋاكىلى مەن ەرەكشە ترانسفورماتور ەلەكتر ونەركاسىبىنىڭ، ءۇرىمجى قالاسىنىڭ قاتىستى جاۋاپتى جولداستارى اۋىس - كۇيىس جاساپ ءسوز سويلەدى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان سيلىققا يە بولعان ورىندار مەن جەكەلەردى قىزۋ قۇتتىقتادى، بۇكىل رايونداعى قالىڭ عىلىم - تەحنيكا قىزمەتكەرلەرىنە وسكەلەڭ قۇرمەت ءبىلدىردى جانە شىنايى العىس ايتتى. ول بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى عىلىم - تەحنيكادا جاڭالىق اشۋ قىزمەتىنە ايرىقشا ءمان بەرىپ، باس شۋجي شي جينپيڭ ءوزى جوسپارلاپ، ءوزى ورنالاستىرىپ، ءوزى ىلگەرىلەتىپ، ەلىمىزدىڭ عىلىم - تەحنيكا ىستەرىنىڭ تاريحي تابىستارعا جەتۋىنە، تاريحي وزگەرىستەر تۋىلۋىنا جەتەكشىلىك ەتتى. ءوڭىردىڭ دامۋى قانشا كەنجە وڭىرلەر جاڭالىق اشۋ ارقىلى دامۋعا دەم بەرۋ ستراتەگياسىن اتقارۋدى سونشا قاجەت ەتەدى. بۇكىل رايون جوعارى مەن تومەن بولىپ عىلىم - تەحنيكادا جاڭالىق اشۋدىڭ جەتەكشىلىك رولىن تەرەڭ تانىپ، دامۋ جاعدايىن سەرگەكتىكپەن تانىپ، ءتۇيىندى كورنەكتىلەندىرۋ، نىسانانى تۇراقتاندىرۋ، شىنايى يگەرىپ ناقتى ىستەۋ، كۇش ۇيىستىرىپ قامال الۋ كەرەك. ءبىرىنشى، ستراتەگيالىق عىلىم - تەحنيكا قۋاتى ورنالاستىرۋىن كۇش سالا ىلگەرىلەتىپ، ”ءتورت جاق سەلبەستىگىن“ تەرەڭدەتىپ، ”ەكى رايوننىڭ“ جوعارى ساپالى دامۋىن ىلگەرىلەتىپ، قاعىر اۋماق بايلىعىنان پايدالانۋ، شولەيتتەنۋدەن ساقتانۋ جانە ونى وڭاۋ سياقتىلار جاعىندا مەملەكەتتىك ءتۇيىندى تاجىريبەحانا قۇرۋدى توڭىرەكتەي وتىرىپ، ماقتا، جەل كۇشىمەن ەلەكتر شىعارۋ سياقتى سالالاردا مەملەكەتتىك تەحنيكادا جاڭالىق اشۋ ورتالىعىن قۇرۋدى ىلگەرىلەتىپ، جوعارى مەكتەپتەردە ءتۇيىندى پاندەردى گۇلدەندىرۋ ارەكەت جوسپارىن اتقارىپ، جاڭاشا زەرتتەۋ - اشۋ قۇرىلىمدارىن جەتىلدىرۋ قۇرىلىسىن كۇشەيتۋ كەرەك. ەكىنشى، شەشۋشى، وزەكتى تەحنيكادان قامال الۋ شايقاسىنىڭ جەڭىسىنە باتىلدىقپەن قول جەتكىزىپ، اۆتونوميالى رايوننىڭ نەگىزدىك زەرتتەۋ 10 جىلدىق ارەكەتىن اتقارىپ، ءتۇيىندى كاسىپ سالالارىنداعى شەشۋشى، وزەكتى تەحنيكالاردى توڭىرەكتەي وتىرىپ كۇش ۇيىستىرىپ، قامال الىپ، ءتىپتى دە كوپ ”0دەن 1گە دەيىنگى“ ناتيجەلەردى قۇلشىنا جۇزەگە اسىرىپ، عىلىم - تەحنيكا جەتىستىكتەرىن كادەگە جاراتۋدى جەدەلدەتىپ، ”القىمداپ وتىرعان“ ءبىر توپ ماسەلەلەردى بىرتىندەپ شەشۋدى ىلگەرىلەتۋ كەرەك. ءۇشىنشى، كاسىپورىنداردىڭ تەحنيكادا جاڭالىق اشۋ قابىلەتىن ۇزدىكسىز جوعارىلاتىپ، كاسىپكەرلەردى جاڭالىق اشۋ سالاسىنا ۇسىنىلىم سالۋدا باتىل بولۋعا جەبەيتىن ساياساتتىق باعدار قالىپتاستىرۋدى ىلگەرىلەتىپ، كاسىپورىنداردىڭ جاڭالىق اشۋ بىرىككەن تۇلعاسىن باستاماشىلدىقپەن ۇيىمداستىرىپ قۇرۋىنا قولداۋ كورسەتىپ، شينجياڭنىڭ جوعارى، جاڭا تەحنيكالىق كاسىپورىندارىن ەسەلەپ ارتتىرۋ ارەكەتىن اتقارىپ، عىلىم - تەحنيكالىق كاسىپورىنداردى جەتىلدىرۋدى كۇشەيتۋ كەرەك. ءتورتىنشى، عىلىم - تەحنيكادا جاڭالىق اشۋ ارقىلى كاسىپ سالالارىنىڭ دامۋىن ىلگەرىلەتۋگە باستان - اياق تاباندى بولىپ، ءتۇيىندى كاسىپ سالالارىنىڭ تەحنيكالىق قيىندىقتارىنىڭ جاي - جاپسارىن انىقتاپ، تىزبەكتى ورنىقتىرىپ، تىزبەكتى تولىقتاپ، تىزبەكتى كۇشەيتىپ، تىزبەكتى مەڭگەرىپ، وسى زامانعى ەگىن، مال شارۋاشىلىعى كاسىپ سالالارى جۇيەسى قۇرىلىسىن ىلگەرىلەتىپ، ونەركاسىپتىڭ نەگىزىن كۇشەيتۋدى، ونىمدىلىگىن ارتتىرۋدى جانە تيبىن وزگەرتىپ، دارەجەسىن جوعارىلاتۋدى جەدەلدەتىپ، وسى زامانعى قىزمەت وتەۋ كاسىبىنىڭ ورەسىن جوعارىلاتىپ، سيفرلى كاسىپ سالاسىن بەلسەندىلىكپەن دامىتۋ كەرەك. بەسىنشى، عىلىم - تەحنيكانى قولدانۋ مەن عىلىم - تەحنيكانىڭ جالپىلاسۋ ورەسىن جالپى بەتتىك جوعارىلاتىپ، جاڭالىق اشۋ، جاراتۋ قيمىلدارىنىڭ حالىق تۇرمىسىن جاقسارتۋ سۇرانىسىمەن تىعىز ۇشتاسۋىن ىلگەرىلەتىپ، عىلىم - تەحنيكا ارقىلى حالىقتى يگىلىككە كەنەلتۋ ارەكەتىن تەرەڭدەتىپ، عىلىم - تەحنيكا حاۋىپسىزدىگى تىرەگىن كۇشەيتىپ، عىلىم - تەحنيكانى جالپىلاستىرۋدى كۇشەيتۋ كەرەك. التىنشى، ءار جاقتاعى دارىندىلاردى شينجياڭعا كەلىپ دامۋعا بەلسەندىلىكپەن باۋراپ، دارىندىلاردى ىستەتۋ جانە ىنتالاندىرۋ مەحانيزمىن كەمەلدەندىرىپ، دارىندىلار قورىنان ويداعىداي پايدالانىپ، دارىندى ەنگىزۋ ارناسىن ۇزدىكسىز كەڭەيتۋ كەرەك. جەتىنشى، عىلىم - تەحنيكادا جاڭالىق اشۋ ءتۇزىلىس - مەحانيزمىن جەدەل كەمەلدەندىرىپ، اۆتونوميالى رايوننىڭ عىلىم - تەحنيكا ءتۇزىلىسى رەفورماسىنان 3 جىلدىق قامال الۋىن تەتىك ەتىپ، عىلىم - تەحنيكا سالاسىنىڭ زاڭمەن باسقارىلۋ قۇرىلىسىن ىلگەرىلەتىپ، ەلەۋلى عىلىم - تەحنيكا نىساندارىندا ”قابىلەتتىلەر باستاماشى بولىپ ىستەۋ“، ”بايگەگە سالۋ“ سياقتى مەحانيزمدەردى جولعا قويىپ، عىلىم - تەحنيكادا ”ۇيىرمە ۇيىمداستىرۋ ۇلگىسىندە“ شينجياڭعا كومەكتەسۋدى بەلسەندىلىكپەن ىلگەرىلەتىپ، ”14 - بەسجىلدىقتا“ شىعىس - باتىس بولىكتەردىڭ عىلىم - تەحنيكا سەلبەستىگىن اتقارۋ جوباسىن ويداعىداي تياناقتاندىرىپ، جىبەك جولى ەكونوميكالىق بەلدەۋى بويىنداعى ەلدەردى بەتكە العان عىلىم - تەحنيكادا ءوزارا تيىمدىلىك جەتكىزۋ سەلبەستىگىن ىلگەرىلەتۋ كەرەك.
ما شيڭرۇي بىلاي دەپ اتاپ كورسەتتى: ءار دارەجەلى پارتكومدار مەن ۇكىمەتتەر عىلىم - تەحنيكادا جاڭالىق اشۋعا ايرىقشا ءمان بەرىپ، پارتيانىڭ عىلىم - تەحنيكا قىزمەتىنە باسشىلىعىن شىن مانىندە كۇشەيتىپ، پارتكوم مەن ۇكىمەتتىڭ ءبىرىنشى باسشىلارى جاڭالىق اشۋدى وزدەرى يگەرۋگە تاباندى بولىپ، ”ءبىرىنشى قوزعاۋشى كۇش“، ”ءبىرىنشى وندىرگىش كۇش“، ”ءبىرىنشى بايلىق“ تالاپتارى بويىنشا عىلىم - تەحنيكا ساياساتىن تياناقتاندىرىپ، عىلىم - تەحنيكا ۇسىنىلىمىن ارتتىرىپ، تاماشا ەكولوگيا قالىپتاستىرىپ، قۋاتتى بىرىككەن كۇش ۇيىستىرىپ، پارتيا ورتالىق كوميتەتىنىڭ عىلىم - تەحنيكادا جاڭالىق اشۋ جونىندەگى شەشىمدەرىنىڭ، ورنالاستىرۋلارىنىڭ تياناقتانىپ، ونىمدىلىك كورسەتۋىن ىلگەرىلەتۋ كەرەك.
ەركىن تۇنياز بىلاي دەپ اتاپ كورسەتتى: جەر - جەر، تاراۋلار باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋلارىن تەرەڭدەي ۇيرەنىپ، دايەكتىلەندىرىپ، دامۋعا جاڭالىق اشۋ ارقىلى دەم بەرۋ ستراتەگياسىن زور كۇشپەن اتقارىپ، ستراتەگيالىق عىلىم - تەحنيكا قۋاتىن ورنالاستىرۋدى كۇش سالا ىلگەرىلەتىپ، عىلىم - تەحنيكادا جاڭالىق اشۋ نەگىزىن جالپى بەتتىك بەكەمدەپ، كاسىپورىنداردىڭ تەحنيكادا جاڭالىق اشۋ قابىلەتىن ۇزدىكسىز جوعارىلاتىپ، شەشۋشى، وزەكتى تەحنيكادان قامال الۋ شايقاسىنىڭ جەڭىسىنە باتىلدىقپەن قول جەتكىزىپ، جوعارى ساپالى دامۋدى ىلگەرىلەتۋ كەرەك.
جينالىس تەلەۆيزور - تەلەفون ءماجىلىسى فورماسىندا اشىلدى. ياڭ چىڭ، جاڭ جۋ، تيان شياڭلي، چىن ۋيجۇن، ۋاڭ ميڭشان، ءزۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان، قادەن كابەن، اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلىق القالارىنىڭ قۇرامىنداعىلار، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ جاۋاپتى جولداستارى، رايونعا (ورتالىققا) توتە قاراستى مەكەمە - ورىنداردىڭ جاۋاپتى جولداستارى، سيلانعانداردىڭ ۋاكىلدەرى، سونداي - اق قاتىستى مامانداردىڭ ۋاكىلدەرى، قاتىستى عىلمي زەرتتەۋ اكادەميا، ورىندارى جانە مەملەكەت دارەجەلى ءتۇيىندى تاجىريبەحانالار سياقتى قۇرىلىمدار مەن تۇعىرلاردىڭ جاۋاپتى جولداستارى قاتارلىلار نەگىزگى جيىن زالىندا جينالىسقا قاتىناستى.
